“” തണുപ്പുണ്ടോ വെള്ളത്തിന്‌… “”
കൈയിൽ മാറി ഇടാനുള്ള ഡ്രെസ്സും എടുത്തവൾ ബാത്‌റൂമിന്റെ ഡോർ തുറക്കുന്നതിന് മുൻപ് ന്നോടായ് ചോദിച്ചു,
“” ലേശം.. “”
“” ഹ്മ്മ്.. താഴെ അമ്മ തിരക്കണുണ്ടെട്ടനെ, വേഗം ഡ്രെസ്സും മാറി ചെല്ലാൻ നോക്ക്.. ഞാൻ ഒന്ന് കുളിക്കട്ടെ.. “”
ബെഡിൽ കിടന്നുറങ്ങുന്ന മീനുനെ ഒന്ന് നോക്കിട്ടാണ് അവളകത്തു കയറിയത്, ഞാൻ പിന്നെ അവള് ബെഡിൽ എടുത്ത് വച്ചിരുന്ന മെറൂൺ കളർ ഫുൾസ്ലീപ്സ് ഷർട്ടും ഒരു കൈലിയും ഇട്ട്, മുടിയൊന്ന് ചീകിയൊതുക്കി താടിയും ഒന്ന് ലെവൽ ചെയ്ത് മീനുട്ടിക്ക് ഒരു മുത്തവും കൊടുത്ത് താഴേക്ക് ഇറങ്ങി.
എനിക്ക് അധികം ചമ്മലോ, സ്റ്റാർട്ടിങ് ട്രബിളോ ഉണ്ടായിരുന്നില്ല.. നേരെ അടുക്കളയിലേക്ക് കയറി ചെന്ന് എല്ലാരും കേൾക്കാനായി ഒന്നുറക്കെ ചുമച്ചു, അമ്മ ഒന്ന് തിരിഞ്ഞു നോക്കി പിന്നൊരു പുച്ഛഭാവം ” നീ ഏതാടാ നായെ…” ന്നൊരു ലുക്ക്‌, അടുത്തുനിന്ന ഏട്ടത്തി ഒന്നുല്ലെടാ ന്ന് കണ്ണ് കാണിക്കുന്നുണ്ട്,,l
“” ഏട്ടത്തി ഇവിടെ ചെലൊര് ന്നെ വിളിച്ചിങ്ങോട്ട് വരാണെന്ന് പറഞ്ഞായിരുന്നേ ന്നീട്ട് ഇപ്പൊ ഒടുക്കത്തെ ജാടയും,, “”
മറുപടി ഒന്നും പറഞ്ഞില്ല ചെയ്തുകൊണ്ടിരിക്കുന്ന ജോലി തുടർന്നതല്ലാതെ,, ഇവരുടെ നാക്കെന്തിയെ…ഇനിയിപ്പോ ഇവരുടെ ഒച്ച റോക്കറ്റ് പോലെ കേറി പോയിട്ടുണ്ടെങ്കിൽ ഇന്നത് ഞാൻ അടിച്ചു താഴെ ഇറക്കും.. അഹ് ഹാ..
“” ഈ തള്ളേടെ ചെവീടെ ഫിലമെന്റ്ടിച്ചു പോയോ.. “”
വല്യ താല്പര്യമില്ലാത്ത മട്ടിൽ ഞാൻ അത് പറഞ്ഞേട്ടത്തിയെ നോക്കി, എന്തിനാടാ ന്ന് കാണ്ണികാണിച്ചിട്ട് അമ്മയെ നോക്കിയ ഏട്ടത്തി ഒന്ന് ഞെട്ടി, പിന്നെ ന്നെ നോക്കി ഓടിക്കൊടാ ന്ന് ശബ്ദമില്ലാതെ ചുണ്ടനക്കി, അതെന്താ സംഭവം ന്ന് നോക്കുമ്പോളേക്കും അമ്മ തിരിഞ്ഞിരുന്നു,
ഹായ് കയ്യിൽ കത്തി.. സബാഷ്…!
“” നാടുവിട്ട് പോന്നോർക്ക് കേറി മേയാനുള്ളതല്ല ഞാൻ..! ദേ ഒരു കാര്യം ഞാൻ പറഞ്ഞേക്കാം ഒരു കൊച്ചിന്റെ തന്തയാണെന്നൊന്നും നോക്കില്ല, കറിക്കത്തിയാ കയ്യിലിരിക്കണത് വരഞ്ഞു തരും.. പൊക്കോ ന്റെ മുന്നിന്ന്…!””
ന്റെ മുന്നിൽ നീട്ടിയ കത്തിയുമായി അമ്മ നിന്ന് പോര് വിളിക്കണത് കണ്ടപ്പോ തന്നെ മനസിലായി ന്റെ കാര്യങ്ങൾക്ക് തീരുമാനം ആയിന്ന്..
ഞാൻ അപ്പോളേ പറഞ്ഞില്ലേ സജിയേട്ടാ.. ഇവിടെ സേഫ് അല്ല.. ഇവിടെ സേഫ്ഫല്ല.
ന്നാലും ചുമ്മാ അവിടെ പണിയെടുത്തോണ്ട് നിന്നൊരാളെ വിളിച്ചു വരുത്തിട്ട് ഈ വീട്ടുകാർ കാണിക്കുന്നത് ശെരിയാണോ…? സംസ്കാരമില്ലാത്തോർ.
“” ആഹ്ഹ ..ങ്ങനെ ന്നെ ഇവിടാരും വേരട്ടുവൊന്നും വേണ്ട, അത് കണ്ട് പേടിക്കുന്നോന്നുമല്ല ഈ ഞാൻ..
ധൈര്യാവോണ്ടകിൽ ഒന്നുടെ കത്തി നീട്ട് പ്പോ കാണാം.. “”
പിന്നെ ദെഷ്യം വരില്ലേ..,
“” പേടിയില്ലെങ്കിൽ പിന്നെന്തിനാടാ നീ അവിടെ പോയിനിന്ന് വെല്ലുവിളിക്കണേ.. ഇങ്ങോട്ട് കേറി നിക്കേടാ നിയ്… “”
ആരെവിടെ പോയിനിന്ന് വെല്ലുവിളിച്ചെന്ന ഇവരി പറയണേ.. ഹേ.., ഞാൻ സ്വയം ഒന്ന് നോക്കി, ശെരിയാണല്ലോ അടുക്കളയിൽ നിന്ന ഞാൻ എങ്ങനെ വാതിൽപ്പടിയിലെത്തി., മാന്നാർ മത്തായി സ്പീകിംഗ് ലെ മുണ്ട് സീനിലെ ഇന്നസെന്റ് നോക്കുന്ന പോലെ ഇരുവരേം നോക്കി ഞാൻ അവിടെ നിന്നളിഞ്ഞു.
“” ഇവനൊരു മാറ്റോമില്ല.. ഇവിടെ വാടാ..””
അമ്മ ഒരു ചിരിയോടെ ന്നെ അടുത്തേക്ക് വിളിച്ചു,
“” കത്തി മാറ്റ്.. ഇല്ലേൽ ചിലപ്പോ നിങ്ങൾക്ക് അതോണ്ട് വരയാൻ തോന്നും.. “”
“” ഇല്ലെടാ നീ വായോ.. “”
പിന്നെ ഞാൻ കാത്തുനിന്നപ്പോലെ അമ്മക്കടുത്തേക്ക് ചെന്നതും, ന്റെ ചെവിൽ അമ്മയുടെ കൈകൾ അമർന്നു, തള്ള പ്ലാനിങ്ങിൽ ആയിരുന്നു.. ഒരുപാട് കെടന്ന് കുതറിട്ട് പോലും അമ്മ പിടിവീട്ടില്ലാ.കൂട്ടത്തിൽ പണ്ട് ഞാൻ ഇവിടിറക്കിയ ഷോ യുടെയും, കാണാൻ വരാത്തതിലുള്ള പദം പറിച്ചിലും കൂടെ ഉണ്ടായിരുന്നു
“” കൊടുക്കമ്മേ നല്ലത്… ന്റെ പേരില് രണ്ട് കൂടുതല് കൊടുത്തോ…!””
വാതൽ പടിയിൽ നിന്ന് അകത്തേക്ക് വരുന്ന ശബ്ദവും രൂപവും ന്റെ മുന്നിൽ ചിരിയോടെ കൈകൾ കെട്ടി നില്കുന്നു..നനഞ്ഞ മുടി തോർത്തിൽ കെട്ടി ഒരു ടോപ്പും ഇട്ടാണ് പെണ്ണിന്റെ നിപ്പ്, നെറുകിൽ സിന്ദൂരം, നെറ്റിയിൽ ചെറിയ മഞ്ഞൾ കുറി, കഴുത്തിൽ താലി അത്രേ ഉള്ളു ഒരുക്കം, പക്ഷെ അവളതിലും സുന്ദരിയായിരുന്നു
“” നിന്റെ പേരിലുള്ളത് ഞാൻ പിന്നെ വിശദമായി എഴുതി തരാട്ടാ… “”
വേദനയിലിടയിലും ഞാൻ ആമിക്ക് നേരെ പല്ലുരുമ്മി, അതോടെ അമ്മ പിടിവിട്ടു, വയറിൽ ഒരു ഇടിയും കിട്ടി സമാധാനം.
“” മീനുട്ടി ഓണർന്നില്ലേ ആമി..?? അവളെയൊന്ന് കാണാഞ്ഞിട്ട്.. ഉറങ്ങുവാണെന്ന് നീ പറഞ്ഞോണ്ട ഞാൻ വന്നു കാണാഞ്ഞേ.. സ്വന്തം പേരക്കുട്ടിയെ നേരിൽ കാണാൻ കഴിയാത്ത ഒരുത്തിയായിപോയല്ലോ ദൈവമേ ഞാൻ… അതെങ്ങനെ ഉണ്ടാക്കിയ മക്കള് നന്നാകണ്ടെ.!””
ഏട്ടത്തി അരിയുന്ന തക്കാളി യിൽ നിന്ന് ഓരോ കഷ്ണം എടുത്ത് കഴിച്ചതിന് ന്റെ കൈ തണ്ടയിൽ ഒരു തല്ലും തന്നേട്ടത്തി അത് മാറ്റി വെച്ചു, അത് പിടിച്ചു വാങ്ങാൻ ഉള്ള തയാറെടുപ്പിലായിരുന്നു ഞാൻ..അപ്പോളാണ് എനിക്കു നേരെ വന്ന അമ്മയുടെ ആ ചോദ്യം..
“” അതിനിപ്പോ ഞാൻ ന്തോ ചെയ്ത് നിങ്ങള് കണ്ട് പിടിച്ചു കെട്ടുമ്പോൾ നല്ലതിനെ കെട്ടണമായിരുന്നു. പുള്ളിക്ക് ഉണ്ടായതെല്ലാം പുള്ളിടെ സ്വഭാവമല്ലേ കാണിക്കു.. “”
കുറച്ചു നേരത്തത്തെ കൈയാം കളിക്ക് ശേഷം കഷ്ടപ്പെട്ട് പിടിച്ചുവാങ്ങിയ തക്കാളിയുടെ പത്രം ഞാൻ കരസ്റ്റമാക്കിയതിൽ ന്നെ നോക്കി ദേഷ്യം കാണിക്കുന്ന ഏട്ടത്തിക്ക് നേരെ കൊഞ്ഞനം കുത്തുകയായിരുന്ന ന്റെ ചന്തിയിൽ പെട്ടന്ന് ഒരു മിന്നലേറ്റ്, പാത്രവും താഴെ വച്ചു ഞാൻ രണ്ട് തവണ തുള്ളിപ്പോയി. മൈര് രണ്ടുത്തുള്ളി മുത്രം പോയിന്നാ തോന്നണേ….
ഇടത്തേക്ക് നോക്കുമ്പോൾ കൈയിൽ ചട്ടുകവും പിടിച്ചു ദേഷ്യത്തിൽ നിൽക്കുന്ന അമ്മ.. അതുകണ്ട് ചിരിക്കാൻ വേറെ രണ്ടെണ്ണവും. ഇവരെന്നെ വിളിച്ചു വരുത്തി മാനസികമായും ശരീരികമായും പീഡിപ്പിക്കാനുള്ള ശ്രമമാണ്.. മിക്കവാറും തള്ളേ ഞാൻ കോടതി കേറ്റും,
“” സ്വന്തം തന്തയെ കുറിച്ചാണോടാ ഇങ്ങനെ പറയണേ… ഏഹ്.. “”
“” സ്വന്തം തന്തയെ പറ്റിയല്ലാതെ കണ്ടവന്റെ തന്തയെ പറ്റി ഞാൻ ന്ത്‌ പറയാനാ… ശെടാ..!””
അടികിട്ടിയ ഭാഗം ഒഴിഞ്ഞു ഞാൻ ദയനീയമായി ചോദിച്ചു.. അത് കണ്ട് ചിരിക്കുന്ന ആമിയെ നോക്കി പല്ലുകടിച്ചു അവൾക്ക് നേരെ തിരിഞ്ഞു.
“”കൊച്ചോണർന്നെങ്കിൽ കൊണ്ടോയ് കാണിച്ചു കൊടുകേടി.. ഇല്ലേൽ ഇവരെന്നെ ഇവിടിട്ട് കൊല്ലും.. പിന്നെ നീ ഒറ്റക്ക് പോണ്ട വരും തിരിച്ചു..””
“” നിങ്ങടെ കൊച്ചല്ലേ വേണേൽ കൊണ്ട് കാണിക്ക് ന്നെ കൊണ്ടൊന്നും ഒക്കുകേല… “”
അവളും കൈ മലർത്തി.. ഓഹ് ഹോ ന്നെ തേച്ചതാണല്ലേ…, ന്റെ അവസ്ഥയും സംസാരവും എല്ലാംയതും അവരെല്ലാം ചിരിയായി.. അല്ലേലും ആരാന്റെ അമ്മക്ക് ഭ്രാന്ത് പിടിക്കുമ്പോൾ കാണാൻ നല്ല ചേലാണല്ലോ…
