“” അജു താൻ പറഞ്ഞപോലെ ഇത് വെള്ളമടിച്ചേനല്ല അയാളെ കാസ്റ്റഡിയിലെടുത്തേക്കുന്നെ, ആരുമായോ അടിപിടി ഉണ്ടായതിനാണ്..””
ഞാൻ മാഗിയെ നോക്കി, അവള് പറ്റിപോയെടാ ന്ന് കണ്ണു കാണിക്കുന്നുണ്ട്.. പിന്നെ പോലീസിനോട് പറയല്ലെന്നും.
“” ഇനിയിപ്പോ ന്താ വക്കിലെ ഒരു വഴി…””
“” സീ… അവരിപ്പോ FIR ഇട്ടിട്ടൊന്നുമില്ല, si എനിക്ക് അറിയാവുന്ന ആളാണ്.. ഞാൻ ഒന്ന് പറഞ്ഞു നോക്കാം..””
“” വല്യ ഉപകാരം വക്കിലെ..!””.
അതിനയാൾ കനത്തിലൊന്നു മൂളി, അകത്തേക്ക് നടന്നു പുറകെ ഞങ്ങളും..പുള്ളി si യേ കണ്ട് കാര്യങ്ങൾ പറഞ്ഞു, നഷ്ടപരിഹാരമായി ചോദിക്കുന്ന പൈസ കൊടുത്തോളം ന്നുള്ള ഉറപ്പിൽ വിട്ടയച്ചു, നല്ലിടി കിട്ടിട്ടുണ്ട്.. വയ്യവന് , ഇടക്ക് മാഗി പിടികാം ന്ന് പറഞ്ഞപ്പോ നോക്കി ചെറയുന്നുണ്ടായിരുന്നു..പിന്നെ അതൊരു പോലീസ് സ്റ്റേഷൻ ആയത് കൊണ്ട് അവനൊന്നും മിണ്ടില്ലന്ന് മാത്രം,
വക്കിലിന്റെ ഫീസും, അവർക്കുള്ള നഷ്ടപരിഹാരവും കൊടുത്ത് കേസ് സോൾവാക്കി..
നേരെ വണ്ടി വിട്ടത് ന്റെ ഫ്ലാറ്റിലേക്കാണ്, അവന് അവന്റെ ബൈക്ക് ഓടിക്കാൻ വയ്യാത്തത് കൊണ്ട് മാഗിയാണ് അതെടുത്തത് ന്റെ പുറകിൽ അവനും..നേരെ താങ്ങി റൂമിൽ എത്തിച്ചു രണ്ടാൾക്കും കുടിക്കാൻ ജ്യൂസും കൊടുത്ത് ഞാൻ വിടെ കസേരയിൽ ഇരുന്നു.
“” രണ്ടിനേം ഇനി വെളിയിലങ്ങാനും കണ്ടാൽ, കാല് ഞാൻ വെട്ടും..
കൈയും കാലും പിടിച്ചാ ഇപ്പൊ ഇറക്കിയത്.., എടാ… എടാ മറ്റെമോനെ നിനക്ക് ന്നായിരുന്നെടാ ഇത്രക്ക് കഴ അവിടെപ്പോയി തല്ലുണ്ടാക്കാൻ “”
ഞാൻ അതും പറഞ്ഞു രണ്ടിനേം നോക്കി, അത് കേട്ടപ്പോ വിഷ്ണു മാഗിയെ നോക്കി പല്ല് കടിച്ചു, ഇവളെന്തോ ഒപ്പിച്ചതാ..
“” എടാ ഞാനല്ല ഈ പുന്നാര മോളാ രാത്രിയിൽ കിടന്നുറങ്ങിക്കൊണ്ടിരുന്ന ന്നെ വിളിച്ചു കൂട്ടികൊണ്ട് വരാൻ പറഞ്ഞെ.. ഇവള് നാട്ടിൽ പോയിട്ട് വരുന്നതായത്കൊണ്ട് ഞാൻ ചെന്നു. ആപ്പോ ഇവൾക്ക് ബിയർ കുടിക്കണം ന്ന്..പുല്ല്..! നിവർത്തിയില്ലാതെ വാങ്ങികൊടുത്തു, അതും അടിച്ചി അലവലാതി കണ്ണിൽ കണ്ടവന്റെ തന്തക്ക് വിളിച്ചു പിന്നെനിക്കൊന്നും ഓർമ്മയില്ലടാ..കണ്ണിൽ ഒരു വെളിച്ചം വന്നതും ന്റെ ബോധം പോയി പിന്നെ ഞാൻ കണ്ണുതുറക്കുമ്പോൾ പോലീസ് സ്റ്റേഷനിലാ.. ബോധം വീണപ്പോ അവിടുന്നും കിട്ടി കുറെ..ഇയ്യോ മൊത്തത്തിൽ ഇനിയൊന്നു പുഴുങ്ങിഎടുക്കണം ന്നെ..””
“” ന്തായാലും അവന്മാര് കുറച്ച് സീൻ ആണെന്നാ വക്കില് പറഞ്ഞെ.. കേസ് ക്ലോസ് ആക്കിയെങ്കിലും നിങ്ങള് തത്കാലം ഇവിടെ നിക്കണ്ട, പിന്നെ ഞാൻ ഇന്ന് വൈകിട്ട് നാട്ടിപ്പോകും, ആ പെണ്ണെനിക്കൊരു സമാധാനവും തരുന്നില്ല.. “”
“” നീയെന്താ ഇപ്പൊ പറഞ്ഞുവരണേ…? “”
വിഷ്ണുവാണ് ഇടികിട്ടിയ ഭാഗവും ഒഴിഞ്ഞിരിക്കുന്നതു കണ്ടാൽ സഹികൂല, നല്ലിടി കിട്ടിട്ടുണ്ട്. അവനെന്തായാലും റസ്റ്റ് അത്യാവശ്യമാ… ഇവിടെ പിന്നൊരുത്തിടെ നാക്ക് ആ സ്റ്റേഷനിൽ വെച്ചു പോയതാ..സകല കൊള്ളരുതായിമ്മയും കാണിച്ചിട്ട് തല കുമ്പിട്ടു ഇരിക്കണ കണ്ടില്ലേ…! ശവം ‘
“” ഞാൻ ഇവള്ടെ പപ്പയേ വിളിച്ചു സംസാരിച്ചിട്ടുണ്ട്.. നിങ്ങള് അങ്ങോട്ട് വിട്ടോ.. ഓഫീസിൽ ഞാൻ പറഞ്ഞോളാം.. “”
ആദ്യം കുറെ സമ്മതക്കുറവ് കാണിച്ചെങ്കിലും പിന്നീട് അവർ പോകാൻ തീരുമാനിച്ചു, അങ്ങനെ പാക്ക് ചെയ്യാൻ അവർ അവരുടെ ഫ്ലാറ്റിലേക് പോയതും, ഞാൻ ഓഫീസിലേക്ക് വിളിക്കാൻ ഫോൺ എടുത്തു, എടുത്തപ്പോ കണ്ട് പെണ്ണിന്റെ ഇരുപത്തിയെഴു മിസ്സ് കാൾ ..
ദൈവമേ മിക്കവാറും ഞാനും ഇവരുടെ കൂടെ നാട് വിടണ്ട വരുന്നാ തോന്നണേ. പുള്ളിക്കാരി വിളിക്കുന്ന സ്പോട്ടിൽ ഫോൺ എടുത്തോളാണമെന്നാ കല്പന, ആ ഒരു ഉറപ്പിന്റെ പേരിലാ വിട്ടേക്കുന്നെ., വിളിച്ചാലോ പരിഭവം പറയണതല്ലാതെ പെണ്ണിന് നേരമില്ല., ആ കാട്ടികൂട്ടലുകൾ കണ്ടാ ഞാൻ നേരത്തെ പോകാം ന്ന് വച്ചേ,, അതും അവളോട് പറഞ്ഞിട്ടില്ല.
എന്തായാലും അങ്ങോട്ടേക്കല്ലേ പോണേ..എടുക്കണ്ട ഒരു സർപ്രൈസ് കൊടുകാം ന്ന് കരുതിയതും പിന്നേം ഫോൺ ബെൽ അടിക്കാൻ തുടങ്ങി..