“” അത് നിന്റെ വല്യച്ചനെ..! അല്ല മീനുട്ടിക്ക് എല്ലാരേം ഇഷ്ടയോ…? “”
“” മ്മ്.. എല്ലാരേം ഇഷ്ട്ടായി.അച്ഛമ്മക്കും വല്യമ്മക്കും ഒക്കെ ന്താ സ്നേഹം ന്നോട്..പക്ഷെയുണ്ടല്ലോ അപ്പേ അച്ചാച്ചനെ കണ്ടില്ല ഞാൻ.. പിന്നെ ഉണ്ണികുട്ടനേം “”
“” ഹാ അച്ചാച്ചൻ കൃഷിയോഫീസിൽ പോയതാ ടാ.. പിന്നെ ഉണ്ണിക്കുട്ടൻ വരാറായല്ലോ സ്കൂളിന്ന് “”
ഏട്ടൻ വരുന്നത് കണ്ട് മോളോട് കേറിപോക്കോളാൻ പറഞ്ഞു ഞാൻ അവിടെ നിന്നു,
“” മോളെ അപ്പ വെളി പോയകാര്യം നിന്റെ അമ്മയോട് പറയല്ലേ.. “”
“” ഞാൻ പറഞ്ഞത് വാങ്ങിയാൽ പറയില്ല.. “”
“” ഓ ന്തോവേണേലും വാങ്ങി താരമേ..തന്തക്കെട്ട് തന്നെ പണിയെടി പണി.. അതെങ്ങനെ തള്ളേടെ അതെ സ്വഭാവമല്ലേ.. “”
ഏട്ടന്റെ അടുത്തേക്ക് നടന്നോട് ഞാൻ പൊറുപൊറുത്തു, ഏട്ടൻ അടുത്തെത്തിയതും
“” കിട്ടിയാ… “” മുന്നോട്ടേക് കയറിനിന്ന് ചോദിച്ച ചോദ്യത്തിന് പുള്ളി തല കുലുക്കിയതും, ഒന്നും മിണ്ടാതെ നേരത്തെ പോയി റെഡി ആക്കിയ വെള്ളമടി സെറ്റപ്പിലേക്കാണ്, പിന്നെ പറയണ്ടല്ലോ ഒരു ഫുള്ളും ഞങ്ങളു രണ്ടാളും.. ആഹ്ഹ് സഹോദര സ്നേഹമായാൽ ഇങ്ങനെ വേണം… പക്ഷെ വർഷങ്ങൾക്ക് ശേഷം കണ്ട അനിയന് ചേട്ടൻ വാങ്ങിക്കൊണ്ടു വന്ന സാധനം “റം ” മോശമായി പോയി.. ഞാനൊരു ജാക്ക് ആ പ്രതീക്ഷിച്ചതു. ഹ്മ്മ് കിട്ടിയത് ആയി..
ചറ പറാന്ന് അടിതുടങ്ങി.. നേരം ഇരുട്ടും തോറും ഫോണിലെ ഡിസ്പ്ലേ ഇടയ്ക്കിടെ മിന്നിമറഞ്ഞു, ഒരു വെളിച്ചതിനെന്നപോലെ…!
പക്ഷെ ഞങ്ങളു രണ്ടാളും കട്ടക്ക് നിന്നു., ഉഫ് ഏട്ടൻ ഒരു മുഴുകുടിയൻ തന്നെ.. ഐ ആം പ്രൌട് ഓഫ് മൈ ബ്രോ..
റോഡിലെ അരണ്ട വെളിച്ചത്തെ കീറിമുറിച്ചു കൈയിലെ ഫോൺ പ്രകാശം വെച്ചു നീട്ടുമ്പോൾ ആ പാത പിന്തുടരാൻ താമസിച്ചില്ല.., നേരെ കേറിച്ചെന്നതും ഉമ്മറത്ത് ഇരുന്ന് ആരൊക്കെയോ പ്രാർത്ഥിക്കുന്നുണ്ട്.. സൂക്ഷിച്ചു നോക്കിയപ്പോ ഏടത്തി യും ന്റെ ഭാര്യയും ഉണ്ണിക്കുട്ടനും ഉണ്ട്..
പിന്നാരാ…… കണ്ണൊന്നു കൂർപ്പിച്ചു ശ്രദ്ധ പിടിച്ചു അത്രേം പേര് തറയിൽ ഇരുന്നു പ്രാർത്ഥന ചെല്ലുമ്പോൾ ഏതാവനടാ കസേരയിൽ ഇരുന്ന് പത്രം വയ്ക്കുന്നെ.. ആരാടാ ഇയ്യാള്…? എന്നാലും അതല്ലല്ലോ..എവിടെയോ വെച്ച് കണ്ട പരിചയമുണ്ട്….?
യാ ഗെറ്റ് ഇറ്റ്.. ദാറ്റ്‌സ് മൈ തന്തപ്പടി.. കൊച്ചു കള്ളൻ ഇപ്പോളുമുണ്ടല്ലേ…, എന്നെ പണ്ടിറക്കി വിട്ട വല്യ ആളാ.. ഒന്ന് ബഹുമാനിച്ചെകാം ഞാൻ ഉടുത്തിരുന്ന കൈയിലിയുടെ മടിക്കുത്തഴിച്ചു. ബഹുമാനം..ബഹുമാനം. പുള്ളിടെ മടിയിൽ മീനുട്ടിയും ഉണ്ട്,
“” എവിടെയായിരുന്നെടാ ഈ നേരം വരെയും..””
ഇയാളിത്…, പാൽവാൽ ദേവന്റെ ദേഷ്യത്തിന് കുറവൊന്നുമില്ല.. പിന്നെ മിണ്ടാൻ പോയില്ല,ഇനിയും ചിലപ്പോ ന്നെ ഇറക്കി വിട്ടാലോ.. അപ്പോളും ഞങ്ങളെ നോക്കി നിക്കാണ് കള്ള കെളവൻ
ഞാൻ തറയിൽ ഇരിക്കുന്നവരെ ഒന്ന് ഇടം കണ്ണിട്ട് നോക്കി, ഓഹ് സംശയിച്ചപ്പോലെ ആ കണ്ണുകൾ ന്നെ സ്കാൻ ചെയ്യുന്നുണ്ട്.. പ്പൊ ഇന്ന് സുഖമാ..
“” എടാ ചോദിച്ച കേട്ടില്ലേ.. “”
“” ഞങ്ങള് ജംഗ്ഷനിലുണ്ടായിരുന്നു.. “”
“” മ്മ് ഇവന്റെ വായിൽ നാവില്ലേ… അതോ ഇനി മിണ്ടില്ലെന്നുള്ള ശപതം വല്ലതും… “”
“” ഏയ്യ് ഇല്ലചാ.. ഞാൻ ചുമ്മാ കുറെ ആയില്ലേ.അങ്ങോട്ടൊക്കെ പോയിട്ട്.. അച്ഛന് സുഖമല്ലേ..””
അച്ഛന് ചോദ്യത്തിനു പൂർണ്ണത നൽകാതെ ഞാൻ മറുപടി കൊടുത്തതും അച്ഛനൊന്ന് ചിരിച്ചു., പിന്നെ ചുരുക്കം ചില കാര്യങ്ങൾ കൂടെ പറഞ്ഞിട്ട് ഞാൻ കുളിക്കാൻ പോവാ ന്ന് പറഞ്ഞകത്തേക്ക് കേറി.. അവളുടനെ വരില്ലെന്ന് അറിയാവുന്നത് കൊണ്ടും, അവൾക്കെന്തോ സംശയം ഉള്ളതുപോലെ തോന്നിയതുകൊണ്ടും ഞാൻ മനസ്സില്ലാ മനസ്സോടെയൊന്നു കുളിച്ചു. തിരിച്ചിറങ്ങുമ്പോൾ അവൾ ഇല്ലാത്തതു കാര്യമാക്കി ഞാൻ കേറി കിടന്നു.. ഒരു പത്തുമിനിറ്റ് കഴിഞ്ഞതും അകത്തേക്ക് ആരോ വരുന്നത് പോലെ.. ആരാണെന്ന് അറിയാവുന്നത് കൊണ്ട് നെഞ്ച് പട പാടെന്ന് ഇടിക്കാൻ തുടങ്ങി.
അവളുടെ ശ്വാസം ന്റെ മുഖത്തേക്ക് തട്ടിയകലുമ്പോൾ ഞനൊന്ന് വിറച്ചു,
പുല്ല്..ഇവളിത്ര അടുതെത്തിയോ.. ഇനി രക്ഷയില്ല. മണം പിടിക്കുന്നതിനു മുന്നേ ചത്തപോലെ കിടക്കാം.. ഒരു ഒർജിനാലിറ്റിക്ക് വേണ്ടി കൂർക്കം വലിച്ചാലോ., അല്ലേൽ വേണ്ട പെണ്ണ് ചിലപ്പോ ചേരവവായ്ക്ക് കിറികെട്ട് കുത്തി തരും.,
***********************************
ന്നാൽ കള്ളഉറക്കം നടിച്ചു കിടക്കുന്ന അജുനെ കണ്ടപ്പോ ചെറിയ ചിരി വന്നെങ്കിലും അവളത് പുറത്തു കാട്ടില്ല.എന്തോ ഒപ്പിച്ചിട്ടുള്ള വരവാ അതെന്ന് അവൾക്കറിയാമായിരുന്നു, അതാ ഒന്നുമിണ്ടണ്ട് വന്ന് കിടക്കണേ.. താഴെ കിടന്ന് പരുങ്ങുന്നത് കണ്ടതെയൊരു ഡൌട്ട് അടിച്ചതാ., അവളൊന്ന് ചുറ്റും നോക്കി, ആ ചുണ്ടിലൊരു ചിരി വന്നുചേർന്നു ഒന്നുമറിയാത്ത കുഞ്ഞിനെ കണക്കെ കിടക്കുന്ന അജുവിന്റെ ചന്തി നോക്കി മൂലയിലിരുന്ന ഹങ്കർ കണക്ടർ കൊണ്ടൊന്നു പൊട്ടിച്ചു ,, ഹൌ… ന്നൊരു നിലവിളിയോടെ അവനൊന്ന് തുള്ളിപ്പോയി..,
***********************************
“” ന്താടി പൂതനെ നിനക്ക്.. മനുഷ്യനെ ഉറങ്ങാനും വിടില്ലേ… “”
“” നിങ്ങളെ ഞാനോറക്കിത്തരാം. ഹോ കുളിയൊക്കെ കഴിഞ്ഞോ.. ഹ്മ്മ് “”
നൈറ്റിയുടെ ഒരുഭാഗം ഇടുപ്പിൽ കുത്തി അവളെന്റെ നേരെ വന്നതും. ന്നെയൊന്ന് അടിമുടി നോക്കി, പിന്നെ ഞാൻ പറഞ്ഞപോലെ പട്ടി മണം പിടിക്കണപോലെ ന്റെ മുഖത്തിന്‌ ചുറ്റും മണപ്പിടിച്ചു നോക്കാൻ തുടങ്ങി,
“‘ ന്താടി….!!”” ഞാൻ അവൾക്ക് നേരെ ഒന്ന് ചാടി,, ചുമ്മാ കാര്യം ഒന്നുമില്ലെന്ന് അറിയാമെങ്കിലും
“” സത്യം പറയണം കുടിച്ചിട്ടുണ്ടോ…? “”
“” കുടിക്കെ.. ഇല്ല.. “”
“” പിന്നെവിടുന്നാ ഈ മണം., ഒന്നുതിയെ…!””
“” പിന്നെ ഊതി.. നിനക്ക് വട്ടാ പെണ്ണെ, ഉറങ്ങിക്കൊണ്ടിരുന്ന ന്നെ വിളിച്ചുണർത്തിയിട്ട്.. മാറ് കിടക്കട്ടെ.. ”
“” മ്മ്… ന്തോ ഒപ്പിച്ചിട്ടുണ്ട്.. മ്മ് സാരല്യ ഞാൻ കണ്ട് പിടിച്ചോളാം.. “”
“” ഓ… “” ഞാൻ തലവഴി പുതപ്പിട്ട് മൂടി, ഫുൾ സ്പീഡിൽ കറങ്ങുന്ന ഫാനിന്റെ ശബ്ദം ചെവികളെ നിഛലമാക്കി കണ്ണിലേക്കിരുട്ട് കയറിവന്നു.
***********************************
Flash back
“” ഏയ്‌ പേടിക്കണ്ടാ, എത്രയും പെട്ടെന്ന് നിങ്ങള് st marys ഹോസ്പിറ്റലിൽ എത്തണം.. “”
“” ഹെലോ….! ഹെലോ..?? “”
അത്രേം പറഞ്ഞയാൾ ഫോൺ കട്ടാക്കി., ന്റെ കൈ കാലുകൾ വിറക്കാൻ തുടങ്ങി, മാഗി.. അവൾ..
ഞാൻ ആരെയാ വിളിക്യാ.. ആരോടാ ഒന്ന് പറയാ.. വേണ്ട ഇപ്പൊ ആരേം ഒന്നുമറിയിക്കണ്ട, ഒട്ടും താമസിയാതെ ബൈക്യും സ്റ്റാർട്ടാക്കി ഞാൻ നേരെ ഹോസ്പിറ്റലിലേക്ക് കത്തിച്ചു.. നേരെ റിസപ്ഷനിലേക്ക് ഓടി കയറുവായിരുന്നു ഞാൻ..
“” ഒരു മാഗി.. മാഗിന്ന് പറയുന്ന ഒരു കുട്ട്യേ ഇവിടെ കൊണ്ടുവന്നിട്ടുണ്ട്. ഒന്ന്…. ഒന്നുനോക്കി പറയാമോ.? “”
