**********************
ഡോറിൽ ശക്തമായ മുട്ട് കേട്ടാണ് ഞാൻ കണ്ണ് തുറക്കുന്നെ.. ഉണർന്നതേ നോക്കിയത് തൊട്ടിലിൽ ആണ്,, മ്മ് ചുന്ദരി പെണ്ണുറക്കമാ.. പിന്നേം മുട്ട് കേട്ടപ്പോ
“” ദാ വരണു..”” ഇട്ടിരുന്ന ചുരിദാർ ടോപ് വലിച്ചു താത്തു, പടർന്നു വീണ മുടികൾ കൈകൊണ്ടോന്ന് മാടിയൊതുക്കി, തിരിഞ്ഞു ബെഡിലേക്ക് നോക്കുമ്പോൾ ന്തൊരുറക്കമാണെന്ന് നോക്കിയേ ദുഷ്ടൻ.. ഇന്നലെ ഒറങ്ങാൻ കൂടി കൂട്ടാക്കില.., രാത്രിയിൽ എപ്പോളോ ഊരി എറിഞ്ഞ തുണികൾ എടുത്തിടുന്നത് ഓർമ്മയുണ്ട്,
ചെന്ന് ഡോർ തുറന്നപ്പോ ഏട്ടത്തി ആണ്, ചായ ന്റെ കൈയിൽ തന്നിട്ട് ന്നെ ഒന്ന് നോക്കി ചിരിച്ചു,
“” ന്തിനാ ഏട്ടത്തി ഇത്രേം രാവിലെ ചായ കൊണ്ട് വന്നേ കുറച്ചൂടെ കഴിഞ്ഞിരുന്നേൽ ഞാൻ അടുക്കളയിലോട്ട് തന്നെ വരാതില്ലായിരുന്നോ..””
അതിനേട്ടത്തി ന്നെ ഒന്ന് നോക്കി, ന്നിട്ട് എന്തോ മനസിലായപോലെ തലയൊന്നിളക്കി കാട്ടി
“” എടി പെണ്ണെ സമയമെന്തായിന്നാ നിന്റെ വിചാരം ഏഹ്…. “”
“” അഞ്ചു മണി…ആ നേരത്തല്ലേ ഞാൻ സാധാരണ എണ്ണിക്കാറു.. പിന്നെന്താ.. “”
“” എടി പെണ്ണെ സമയം നോക്ക് എട്ടായി..””
അതും പറഞ്ഞേട്ടത്തി തിരിഞ്ഞതും എട്ടോ.. ന്നും ചോദിച്ചു ഞാൻ അലറി.., ഉടനെ
“” ദേ… പിന്നെ ദൃതി പ്പിടിച്ചോടി വരുന്നതൊക്കെ കൊള്ളാം ആ ചുരിദാറ് നേരെ ചൊവ്വേ ഇട്ടിട്ടങ്ങോട്ട് വന്ന മതി.. “”
അപ്പോളാണ് ഞാൻ കണ്ണാടിയിലൊന്ന് നോക്കുന്നെ,, സത്യം പറയാലോ അവിടെ നിന്നങ് തീർന്ന മതിന്നായിപ്പോയി, രാവിലെ കേറ്റി ഇട്ടപ്പോ ചുരിദാറിന്റെ തല തിരിഞ്ഞു പോയ്, മുഖത്താകെ സിന്ദൂരം പടർന്നിരിക്കുന്നു,, ഞാൻ അപ്പോളേ പറഞ്ഞതാ സിന്ദൂരം രാത്രി തൊടണ്ട ന്ന് ആരു കേൾക്കാൻ..ന്തായാലും മാനം പ്പോയി. ശെടാ ഇനി ഞാൻ എങ്ങനെ ഏട്ടത്തിയുടെ മുഖത്തു നോക്കും. സമയം ഇത്രേം ആയെന്നറിഞ്ഞപ്പോ തന്നെ പകുതി ഗ്യാസ് പ്പോയി , നേരെ പ്പോയി കുളിച്ചു ഡ്രെസ്സും ഇട്ട് താഴേക്ക് ഇറങ്ങുമ്പോൾ ആകെയൊരു ചമ്മൽ ആയിരുന്നു, ന്നാൽ ഏട്ടത്തി പിന്നീട് അത് പറഞ്ഞോന്നു കളിയാക്കുകയോ ഒന്നും ചെയ്തില്ല.. പിന്നെ പഴേ പോലെ തന്നെ അങ്ങോട്ട് പണിയിൽ ഇടപെടാൻ തുടങ്ങി, ഏട്ടന് ചായ ഇതിനിടക്ക് കൊണ്ടോയ് കൊടുത്തിരുന്നു.
അങ്ങനെ ഒരു മൂന്നുമണിയോടെ ഞങ്ങൾ ന്റെ വീട്ടിലെക്ക് യാത്രയായി, കാറിൽ ആയിരുന്നു ഞങ്ങൾ പോയത്, കുഞ്ഞുടുപ്പിട്ട് ഞങ്ങളുടെ ചുന്ദരിയും ഉണ്ടായിരുന്നു കൂടെ, അവൾക്കുള്ള വെള്ളം ബോട്ടിലിൽ ആക്കി എടുത്തിരുന്നു, അതും കുടിച്ചാണ് പെണ്ണ് ന്റെ മടിയിൽ ഇരിക്കുന്നെ.., ഒരു നാലരയോടടുത്തു ഞങ്ങൾ വീട്ടിൽ എത്താൻ, ചെന്നതും ആമിയുടെ തോളിൽ ഉറക്കം തൂങ്ങിയ കൊച്ചിനേം എടുത്ത് അഞ്ചു മുന്നേ നടന്നു,
“” ആ ലെഗെജ് മാത്രമല്ല.. ദോണ്ടേ ഇതുമുണ്ട്.. “”
കാറിന്റെ ഡിക്കി തുറന്നു അടുക്കി വെച്ചിരുന്ന പെട്ടികൾ കാണിച്ചു ഞാൻ പറഞ്ഞതും
“” ഓ തല്കാലം ഈ ലെഗെജ് മാത്രമേ എന്നെകൊണ്ട് എടുക്കാൻ പറ്റു.. “”
അവളതും പറഞ്ഞു അകത്തേക്ക് ഓടി, കുട്ടത്തിൽ അമ്മേ ന്ന് പറഞ്ഞു കാറുന്നുമുണ്ട്, ഞാൻ പെട്ടി എടുക്കാൻ കുനിഞ്ഞപ്പോ ന്റെ കൂടെ ഒരാളുടെ കുനിയുന്നു, മുഖത്തേക്ക് നോക്കി ന്താ.. ന്ന് പുരികം അനക്കുമ്പോൾ
“” അല്ല.. പെട്ടി എടുക്കാൻ… “”
“” ആര്… നിയോ..? “”
അതേയെന്ന് തലയനക്കി ന്റെ അടുത്ത നീക്കത്തിനായി കാത്തിരിക്കയാണ് പെണ്ണ്.
“” കേറിപ്പൊക്കോണം… അവള് പെട്ടി ഉണ്ടാക്കാൻ വന്നേക്കുന്നു . “”
ന്റെ ശബ്ദം വീണില്ല അതിന് മുന്നേ അവളകത്തു കയറി.. ചിരിയോടെ പെട്ടിയും എടുത്ത് അകത്തേക്ക് കയറുമ്പോൾ കുഞ്ഞിനേം കളിപ്പിച്ചു അമ്മായിയമ്മയും അഞ്ജുവും വെളിയിലേക്ക് വന്ന്..
“” ചെറിയമ്മേടെ മീനൂട്ടി ചിരിക്കയാണോടാ.. “”
അഞ്ചു കുഞ്ഞിന്റെ കയ്യിൽ പിടിച്ചാട്ടി കളിപ്പിക്കുമ്പോൾ, ന്ത്‌ മനസിലായിട്ടാണെന്ന് അറിയില്ല കുഞ്ഞു ചിരിക്കുന്നുണ്ട്.,
“” ഹാ ഇനി അതിനെ പറഞ്ഞു കരയിക്കണം.. ഇവളെന്റെന്ന് വാങ്ങിക്കും.. “”
“” താൻ പോടോ.. “”
“” പോടോന്നോ..?? “”
ബാഗും അവിടെ വെച്ച് അവൾക്ക് പിന്നാലെ ഓടുമ്പോൾ അവൾ കുഞ്ഞിനെ അമ്മയുടെ കയ്യിൽ കൊടുത്തകത്തേക്ക് ഒറ്റ ഓട്ടം ഞാൻ അറിഞ്ഞില്ല ഈൗ പന്നിക്ക് ഇത്രേം സ്റ്റാമിന ഉണ്ടെന്ന്,, പുല്ല് വേണ്ടായിരുന്നു.. അവസാനം അവള് തന്നെ പൊക്കി ന്നെ അകത്തേക്ക് കൊണ്ട് പ്പോയി.., ചുമ്മാതൊന്നുമല്ല ചുമട്ടു കൂലിയായിട്ട് 500 ന്റെ ഒരു താളാണ് പെണ്ണ് പോക്കറ്റിൽ നിന്ന് വലിച്ചത്., ഇങ്ങെനെ പോയാൽ ഇവിടെ ചുമട്ടു തൊഴിലാളികളുടെ എണ്ണം കൂടും.
***************
ന്നെ റൂമിലാക്കി തിരിച്ചു ചാടി തുള്ളി പോകുന്നവളെ നോക്കി കണ്ണ് മിഴിക്കുമ്പോൾ, ഇവളല്ലേ നുമ്പേ റബ്ബർ പന്തുപ്പോലെ പാഞ്ഞത് എന്നോർത്ത് പോയി, ന്റെ അന്തം വിട്ടുള്ള നോക്ക് കണ്ടപ്പോളെ ആമി ചിരി കടിച്ചു പിടിക്കുന്നത് കേൾകാം.
“” വല്ല കാര്യോം ഉണ്ടായിരുന്നോ നിങ്ങൾക്ക്,. “”
“” പൊടി.. പൊടി.. “”
ഞാൻ ബെഡിലേക്ക് മറിഞ്ഞു, ഹോ ഇപ്പോ ഒരു സുഖമൊക്കെ ഉണ്ട് അമ്പോ…!
“” ന്നാ ഞാൻ പ്പോയൊരു ചായ ഇടാം,, ഉറങ്ങി കളയരുതേ… “”.
അതിനൊരു മൂളലിൽ വാക്കുകൾ ഒതുക്കി ഞാൻ എഴുനേറ്റു ബാത്‌റൂമിൽ കയറി ഒന്ന് കുളിച്ചു, തിരിച്ചിറങ്ങുമ്പോൾ ചായ അടച്ചു വച്ചിട്ടുണ്ട്, ബ്ലാക്ക് കളർ ഷർട്ടും ഒരു കൈലി യും ഇട്ട് മുടിയും ചീകി ഞാൻ ചായയുമായി വെളിയിലേക്ക് ഇറങ്ങി, അടുത്തുള്ള കുറച്ചാളുകൾ കുഞ്ഞിനേം അവളേം കാണാൻ എത്തിയിരുന്നു,
“”ആഹ്ഹ് അജു മോനെ എന്തൊക്കെയുണ്ട് വിശേഷം..””
അടുത്തുള്ള ഒരു ചേച്ചി, എന്താണെന്ന് അറിയില്ല നിക്കിവരെ കാണുമ്പോൾ കലി വരും ഒരുമാതിരി ഓന്തിനുണ്ടായ പച്ചില വാണം, ആരുടെ എന്താ ന്ന് ആലോചിച്ചു നടക്കുന്ന ടീം ആണ്,
“” അഹ് ഒരു കൊച്ചോണ്ടായി..അതാ ലേറ്റസ്റ്റ് ആയിട്ടുള്ള വിശേഷം…ന്തേ..””
ഒരു കോമഡി രീതിയിൽ പറഞ്ഞതാണെങ്കിലും അതവർക്കിട്ട് കൊണ്ടു ന്നെനിക് അവരുടെമുഖഭാവത്തിലൂടെ മനസിലായി. ന്നാൽ അടുത്തുള്ള ബാക്കിയാളോളുകൾ ചിരിക്കുന്ന കണ്ടപ്പോ അവര് ഒന്ന് ചമ്മുന്നതായി തോന്നി, ആമി ന്നെ നോക്കി കണ്ണുരുട്ടുണ്ട് ആഹ്ഹ് പോ..
_________________
വന്നതുമുതൽ കുഞ്ഞിനെ താഴെ വച്ചിട്ടില്ല അവരാരും, കളിപ്പിച്ചും കൊഞ്ചിച്ചും കൊതി തീരാത്തപ്പോലെ, അതെല്ലാം കണ്ടുകൊണ്ട് ഞാനും ന്റെ സഹദർമ്മിണിയും ആ നിമിഷത്തിന് സാക്ഷ്യം വഹിച്ചോണ്ടിരുന്നു.
“” ആമി പറ്റുമെങ്കിൽ നീപ്പോയൊരു ചായയിട്ടോണ്ട് വരോ.. “”
എറേനേരമായി ആരുടെ കളിക്കണ്ടുകൊണ്ടിരുന്ന ആമിയെ ഞ്ഞോടി വിളിച്ചു ഞാൻ,
“” ദേ പലപ്രാവശ്യം പറഞ്ഞിട്ടുണ്ട് ന്നോട് ഒരുമാതിരി അപേക്ഷ പോലെ പറയരുതെന്ന്, ഇട്ട് തരാനങ്ങ് പറഞ്ഞാ പോരെ, ഇനി പറ വായ്യില് കനല് കോരിയിട്ടുതരും ഞാൻ.. “”
