അവളേം കളിപ്പിച്ചു വെളിയിൽ നിൽകുമ്പോളാണ് സുചിത്ര അങ്ങോട്ടേക്ക് വരുന്നത്, പിന്നെ കുറച്ച് നേരം ഞങ്ങളു ഓരോന്ന് സംസാരിച്ചിരുന്നു.. കുടുതലും ക്ലാസ്സിലെ ആമിടെ കാര്യം.. എപ്പോളും അവളുടെ അജുവേട്ടനെ കുറിച്ചുള്ള സംസാരം എനിക്ക് പറഞ്ഞു തന്നു ചിരിക്കുന്ന സുചിത്രയുടെ കൂടെ ഞാനും കൂടി.നല്ല കാര്യപ്രാപ്തിയുള്ള കുട്ടി, അതവളുടെ സംസാരത്തിലും പെരുമാറ്റത്തിലും വ്യക്തമാണ്,.
“” നിങ്ങളിവിടെ നിക്കണോ.ഞാൻ അവിടെല്ലാം തിരക്കി..””
വെളിയിൽ നിന്ന് സംസാരിക്കുന്ന ഞങ്ങളുടെഅടുത്തേക്ക് ആമി ഒരു ചിരിയോടെ എത്തി.അടുത്തേക്ക് വന്ന് ന്റെ കയ്യിൽ ഇരുന്ന കുഞ്ഞിനേം വാങ്ങി അവൾ സുചിത്രയോട് കാര്യം ചോദിച്ചറിഞ്ഞു നിന്നു, കുട്ടത്തിൽ അവളുടെ മുടങ്ങിയ ക്ലാസ്സിന്റെ പൊഷൻ അയച്ചു കൊടുക്കണം എന്നൊക്കെ യുള്ള സംസാരം.
“” ന്നാ നീ അകത്തേക്ക് ചെല്ല്, ഊണിനുള്ളത് പാകമായി.. “”
ചിരിയോടെ അവളെ കഴിക്കാൻ വിളിച്ചവൾ കുഞ്ഞിനെ കളിപ്പിക്കാൻ തുടങ്ങി..
“” ഹ്മ്മ്,, വഴക്കുണ്ടോടി… “” കയ്യിൽ ഇരിക്കുന്ന കുഞ്ഞിനെ തലോടി അവൾ പറയുമ്പോൾ,
“” ഏയ്യ് അവളൊരു പ്രശ്നത്തിനുമില്ല,, ഇങ്ങേരെ പോലെയാ.. “”
ചിരിയോടെ തന്നെ ആമി യവൾക്ക് മറുപടിയും കൊടുത്തു, അവളകത്തേക്ക് കയറുന്നത് നോക്കി നിൽകുമ്പോൾ
“” ന്തായിരുന്നു രണ്ടാൾക്കും ഇത്രേം നേരം പറയാൻ.. “”
ഒരു പുച്ഛത്തോടെയാണ് അവളത് ചോദിച്ചത്..
“” വേറെന്ത് നിന്നെ കുറിച്.. “”
“” ന്നെക്കുറിച്ചോ…?? ന്നെക്കുറിച്ചെന്ത്..?? “”
“” ഓഹ് നീ കോളേജിൽ കിടന്ന് കാണിക്കുന്ന മണ്ടത്തരങ്ങളും, തല്ലുകൊള്ളിത്തരവും ല്ലാം അവളെന്നോട് പറഞ്ഞു.. “”
“” അയ്യേ ആ പെണ്ണ് മൊത്തം പറഞ്ഞോ.. “”
ഞാൻ അതേയെന്ന് തലയനക്കി, പിന്നേം പെണ്ണ് ചമ്മി ന്റെ തോളിൽ തൂങ്ങി, തിരിച്ചവളുമായി അകത്തേക്ക് കയറിയതും അവര് കഴിക്കാൻ ഇരുന്നിരുന്നു, പിന്നെ അവർക്കെല്ലാം വിളമ്പി കൊടുത്ത് അവിടെ ചുറ്റി പറ്റി നിന്നു, കഴിച്ചു കഴിഞ്ഞേണിറ്റതും കുഞ്ഞിനെ അവർ വാങ്ങി,
കുറച്ചു നേരത്തെ സംസ്കാരത്തിന് ശേഷം അവർ ഇറങ്ങാനുള്ള തയാറെടുപ്പെടുത്തു.ഇന്നിനി പോകണ്ടാന്നു ഒരുപാട് പറഞ്ഞതാ ന്നാൽ അവർ എല്ലാം അതിനെ സ്നേഹപൂർവ്വം നിരസ്കരിച്ചു,.
************************************
അങ്ങനെ കുഞ്ഞിന്റെ ഇരുപത്തിയേട്ടുകേട്ടത്തി അതിന്റ ആഘോഷത്തിലാണ് എല്ലാരും, ഓഫീസിൽ നിന്ന് കോളിഗ്സ് എല്ലാരും വന്നിട്ടുണ്ട് ഒപ്പം ഗായത്രി യും, സൺഡേ ആയത്കൊണ്ട് എല്ലാരും ഇങ്ങ് പോണു,. പേരിടിൽ ചടങ്ങും കഴിഞ്ഞ് നിൽകുമ്പോൾ. അമ്മ പറഞ്ഞപ്പേരു തന്നെയാണ് കുഞ്ഞിന് ഇട്ടത്,മീനാക്ഷി .. കുഞ്ഞിനെ മടിയിൽ ഇരുത്തി പേര് ചോലുമ്പോൾ എനിക്കരികിൽ സെറ്റ് സാരിയിൽ സുന്ദരിയായി ന്റെ പെണ്ണും ഉണ്ടായിരുന്നു..
അങ്ങനെ ചടങ്ങേല്ലാം കഴിഞ്ഞു വെളിയിലേക്ക് ഇറങ്ങി അവരോട് സംസാരിച്ചു നിൽകുമ്പോളാണ് ഏട്ടത്തി അങ്ങോട്ടേക്ക് വരുന്നത്.,
“” ഹാ നിങ്ങള് കഴിച്ചായിരുന്നോ..? “”
ഏട്ടത്തിയും സെറ്റ് സാരിയിൽ ആണ്, അവരോട് ചോദിച്ചതിന് പിന്നെ ആകാം ന്നവർ മറുപടി പറഞ്ഞതും ഏട്ടത്തി അകത്തേക്ക് കയറാൻ നിൽകുമ്പോൾ ആമി കുഞ്ഞുമായി അങ്ങോട്ടേക്ക് എത്തി..
“” ഏട്ടത്തി ഇവളെയൊന്നെടുത്തെ പെണ്ണ് ആകെ വശം കെടുത്തി.. “”
മുന്നോട്ടേക് നടക്കാൻ നിന്ന ഏട്ടത്തിയുടെ കൈയിലേക്ക് കുഞ്ഞിനെ ചോദിക്ക പോലും ചെയ്യാതെ കൊടുത്തിട്ട് ആമി ചുളുങ്ങിയ സാരീ നേരെയാക്കി,.
“” ഇങ്ങോണ്ടാ ന്റെ കുഞ്ഞിനെ..! വല്യമ്മേടെ ചുന്ദരിക്കുട്ടി ഇങ്ങ് വാ.. ഹ്മ്മ് “”
ഏട്ടത്തി കുഞ്ഞിനേം വാങ്ങി കളിപ്പിച്ചോണ്ട് അകത്തേക്ക് കയറി ഏട്ടത്തിക്ക് അധിക മാസം ഒന്നുമായില്ല, പക്ഷെ പുള്ളിക്കാരി ഭയങ്കര ശ്രദ്ധയിലാണ് നടപ്പ്, ഇപ്പോ കോളേജിൽ ഏട്ടൻ കൊണ്ട് വിടാതെ പോകില്ല ന്നായി..
അത് വിട്…!
കുഞ്ഞിനേം കൈമാറി ന്റെ അടുത്തേക്ക് വന്ന ആമി എല്ലാരേം നോക്കി യൊന്ന് ചിരിച്ചു, ന്നിട്ട് പതിയെ ന്റെ ചെവിയിൽ
“” മാഗിയേച്ചിയെയും വിഷ്ണുവേട്ടനെയും കണ്ടില്ലലോയെട്ടാ.. “”