ഇത്ര പെട്ടെന്ന് മടുത്തോ ?
ഹേയ് അങ്ങിനെയല്ല…. രാവിലെ മുതൽ റൂമിൽ ഒറ്റക്ക് ഇരിക്കുമ്പോൾ ബോറടിക്കില്ലേ…. അവിടെ ആണെങ്കിൽ ടിവി പോലുമില്ല….. എത്ര നേരമെന്ന് വച്ചാ മൊബൈലിൽ നോക്കി ഇരിക്കുക….. എവിടെന്നോ കാവ്യക്ക് 100 വാട്ട്സ് കറന്റ് അടിച്ചത് പോലെ എനർജിയിൽ അവൾ പറഞ്ഞു….
വിചാരിച്ചതു പോലെ മിണ്ടാപ്പൂച്ച ഒന്നുമല്ല അവൾ എന്ന് ഒറ്റ സംസാരത്തിൽ മനസിലായി
കുറച്ചു നേരം കൂടെ ഞങ്ങൾ മൂന്ന് പേരും കൂടെ സംസാരിച്ചു ഇരുന്നു….
ഡാ ഞാൻ ഇറങ്ങിക്കോട്ടെ…. ഉച്ചയ്ക്ക് മുൻപ് എന്തായാലും സൈറ്റിൽ എത്തണം…. അവൻ പറഞ്ഞു
അതും പറഞ്ഞു കൊണ്ട് അവൻ ഇറങ്ങി…. കാവ്യ അവിടെ തന്നെ ഇരുന്നു….
കുറച്ചു നേരം ഞങ്ങൾ ഒന്നും മിണ്ടാതെ ഇരുന്നു അത് കഴിഞ്ഞു അവൾ സംസാരിച്ചു തുടങ്ങി
അതേ….. ഞാൻ കാർത്തി നെ സാർ എന്ന് വിളിക്കണോ ? എനിക്ക് തന്നെ കണ്ടിട്ട് അങ്ങിനെ വിളിക്കാൻ തോന്നുന്നില്ല…..
അവൾ ഒറ്റ വാക്കിൽ പറഞ്ഞു നിർത്തി…
പെട്ടെന്നുള്ള അവളുടെ ആ ചോദ്യത്തിന് എന്ത് പറയണമെന്ന് ഒരു ഐഡിയയും ഉണ്ടായില്ല
കാവ്യ എന്നെ പേര് തന്നെ വിളിച്ചോ…. സർ നു ഉള്ള വിളിയോട് എനിക്കും താല്പര്യമില്ല
അല്ല ശമ്പളം തരുന്ന ആളെ അങ്ങനെയാണല്ലോ വിളിക്കേണ്ടത്…. അവൾ ചിരിച്ചുകൊണ്ട് വീണ്ടും പറഞ്ഞു
അങ്ങിനെ നിർബന്ധം ഒന്നും ഇല്ല…. നമുക്ക് ഒരു പേര് ഇട്ടിരിക്കുന്നത് അത് വിളിക്കാൻ വേണ്ടിയല്ലേ…. ഞാൻ പറഞ്ഞു
പക്ഷെ അതും ഞാൻ ആലോചിച്ചു… കാർത്തി കാർത്തി എന്ന് വിളിക്കാനും എന്തോ പോലെ…..
ഇവളാള് കൊള്ളാമല്ലോ….
താൻ വിപിൻ എന്താ വിളിക്കുന്നത്….
എടാ എന്ന്…
എന്നാൽ പിന്നെ എന്നെയും അങ്ങിനെ തന്നെ വിളിചോ….
ശരിക്കും…. അവൾ അത്ഭുതത്തോടെ ചോദിച്ചു
ആടോ… അങ്ങിനെയെങ്കിലും നമ്മൾ തമ്മിലുള്ള ഈ ഗാപ് ഒന്ന് കുറയുമല്ലോ
അത് കേട്ട് അവൾ ചിരിച്ചു…
എടാ ഇവിടെ എന്താ എന്റെ പണി ? അവൾ ചോദിച്ചു
എടാ എന്നുള്ള ആ വിളിക്ക് ഒരു ശക്തി കൊടുത്ത് ആക്കി കൊണ്ടാണ് അവൾ വിളിച്ചത്
താനിപ്പോ പണി ഒന്നും എടുക്കേണ്ട….. ഇന്ന് വന്നല്ലേ ഉള്ളു അതിനാകുമ്പോൾ ഞാൻ പറയാം
അതേ ഞാൻ ഒരു കാര്യം ചോദിക്കട്ടെ…. അവൾ പറഞ്ഞു
ഹാ
ശരിക്കും എന്താ ഈ ഓഫീസിന്റെ പണി….
ബെസ്ററ്…… അതുപോലും അറിയാതെയാണോ താൻ ഇവിടെ ജോലിക്ക് വന്നത്….
എന്നോട് ആരും പറഞ്ഞില്ല…. പിന്നെ ഞാൻ എങ്ങിനെ അറിയും
നമ്മുടെ കമ്പനി ഇന്റീരിയർ വർക്സ് ചെയ്യുന്ന ഒരു കമ്പനി ആണ്…. അതായത് ഇപ്പൊ ഈ ഓഫിസ് സെറ്റപ്പ് ആകിയിട്ടില്ലേ അതുപോലെ ഒകെ ചെയ്ത് കൊടുക്കുന്ന ഒരു കമ്പനി
ഓ…. അവൾ തലയാട്ടി
അല്ല അപ്പൊ എന്റെ പണി എന്താ ഇവിടെ ? അവൾ അതിശയത്തോടെ ചോദിച്ചു
താനാണ് ഈ ഫ്രെയിംസ് ഒക്കെ കട്ട് ചെയ്ത് ജോയിന്റ് ചെയ്യേണ്ടത്…. ഞാൻ തമാശയായി പറഞ്ഞു
അയ്യോ എനിക്ക് അതൊന്നും അറിയില്ല…..
ഇത്രയ്ക്ക് മന്ദബുദ്ധിയെ ആണോ ദൈവമേ ഞാൻ 20000 രൂപ സാലറി കൊടുത്തു ഇവിടെ നിർത്തിയിരിക്കുന്നത്…. ഞാൻ പതിയെ പറഞ്ഞു
എന്താ ? അവൾ അത് കേൾക്കാത്ത കൊണ്ട് ചോദിച്ചു
പറഞ്ഞു തരുന്നതിലും നല്ലത് കാണിച്ചു തരുന്നത് അല്ലേ…. നമുക്ക് ഒന്ന് പുറത്തു പോയിട്ട് വന്നാലോ…..
എവിടെയാ…. നമ്മുടെ വർക്ക് നടക്കുന്ന സ്ഥലത്ത്….
എനിക്ക് ഒന്നും അറിയില്ലാട്ടോ…. അവൾ വീണ്ടും പറഞ്ഞു…
താൻ വാടോ,….
ഈ ഒരു സംസാരത്തോടെ ഞങ്ങൾ തമ്മിലുള്ള അകലം ഒന്ന് കുറഞ്ഞു മാത്രമല്ല അവൾ വിചാരിച്ചിരുന്ന പോലെ അല്ല…. സംസാരിക്കാൻ ഒക്കെ താല്പര്യം ഉള്ള ആളാണ്….
ഓഫീസിൽ ലോക്ക് ചെയ്ത് കാർ എടുത്ത് അടുത്തുള്ള ഒരു സൈറ്റിലേക്ക് പോയി…
എന്റെ കൂടെ ഒരു സുന്ദരിയെ കണ്ടതും പണിക്കാരെല്ലാം സൂക്ഷിച്ചു നോക്കുകയാണ്….
അവിടെ നടന്ന് കാണുന്നതിന് ഇടയ്ക്ക് എന്താണ് നമ്മുടെ കമ്പനി ചെയ്യുന്നതെന്നും എന്താണ് കമ്പനിയുടെ വർക്ക് എന്നും അവളോട് പറഞ്ഞു….
അങ്ങിനെ നടക്കുന്നതിനു ഇടയ്ക്ക് ഒരു ബംഗാളി ജോലിക്കാരൻ വന്ന് എന്നോട് ചോദിച്ചു
സാബ്….. യെ ആപ് കാ ബീവി ഹേ
യെ ഹമാരാ നയാ അക്കൗണ്ടന്റ് ഹേ….
അയാളെന്താ ചോദിച്ചത്…. അവൾ ചോദിച്ചു….. അവളെ കുറിച്ചെന്തോ ആണ് അയാൾ ചോതിച്ചതെന്ന് അവൾക്ക് മനസിലായി