എന്താണ് സംഭവിച്ചതെന്ന് മനസിലാവാതെ കിടന്ന പീലിയുടെ മുൻപിലേക്ക് ഇരുട്ടിൽ നിന്നൊരു രൂപം വെളിച്ചത്തിലേക്ക് വന്നു
“”ദാസൻ…!!
അവനെ കണ്ടതും അയാളുടെ ചുണ്ടുകൾ പറഞ്ഞു…
“പീലിച്ചേട്ടാ ഇതൊക്കെ എന്താ…എന്താ ഇവിടെ നടക്കുന്നെ…”
പൊട്ടിയ നെറ്റിയിലെ ചോര തുടച്ചു കൊണ്ട് ദാസൻ ചോദിച്ചു…
“ദാസാ ഞാൻ പറയാം…ഇപ്പൊ സമയമില്ല നീ ഭാനുവിനെയും കൂട്ടി രക്ഷപെടാൻ നോക്ക്…ആഹ്ഹ…””
വയറിൽ കിട്ടിയ മുത്തിന്റെ വേദന അസഹനീയമായി തോന്നിയ പീലി പറഞ്ഞു.. അയാളാകെ തളർന്നിരുന്നു
“പീലിച്ചേട്ടാ നിങ്ങള്…”
അയാളുടെ വായിൽ നിന്ന് ഒഴുകി ഇറങ്ങുന്ന ചോര കണ്ട ദാസൻ വിറക്കുന്നു സ്വരത്തോടെ ചോദിച്ചു…
“നിക്കണ്ട ദാസാ…ചെല്ല്…എന്റെ മോളേ നീ നോക്കുമോ…?
നിലത്തേക്ക് തളർന്നു കിടന്നുപോയ പീലി ദാസനു നേരെ രക്തം പുരണ്ട ഇടതു കൈ നീട്ടി….
എന്തുകൊണ്ടോ അയാളുടെ ആ അവസ്ഥ കണ്ട ദാസന്റെ കണ്ണുകൾ നിറഞ്ഞൊഴുകി
“”ചാച്ചാ….!!
അവശനായി തുടങ്ങിയ പീലിയുടെ അടുത്തേക്ക് അപ്പോളാണ് ഭാനു കരഞ്ഞു വിളിച്ചുകൊണ്ടു ഓടി എത്തിയത്…
“ചാച്ച…ചാച്ച…ഞാൻ എനിക്ക്…എനിക്ക് പേടി ആവുന്നു ചാച്ച..!!!
കരയുന്നതിനിടയിൽ എന്ത് പറയണമെന്ന് അറിയാതെ വാക്കുകൾ കൊണ്ട് വിങ്ങി പൊട്ടുന്ന ഭാനുവിനെ കണ്ട പീലിയുടെ കണ്ണുകൾ സന്തോഷം കൊണ്ടോ അതോ മറ്റെന്തെങ്കിലും കാരണങ്ങൾ കൊണ്ടാണോ എന്നറിയില്ല ഒന്ന് തിളങ്ങി…
“നോക്ക് ദാസാ…പൊട്ടി പെണ്ണാ… ഞാൻ പോയാ ഇവൾക്ക് ആരും ഉണ്ടാവില്ലേടാ…എനിക്ക് എന്റെ മോളെ ഏല്പിച്ചു പോകാനും ആരുമില്ല…അതുകൊണ്ടാ…അതുകൊണ്ടാ ഇവളെ നിന്നെ ഏല്പിക്കുന്നത്…പാവമാടാ…”
വേദനയിലും ചിരിച്ചുകൊണ്ടായാൾ ദാസനോട് പറഞ്ഞു…
“ചെല്ല്…പോകാൻ നോക്ക്…എന്റെ മുറിയിൽ ഒരു തുണിസഞ്ചി ഉണ്ട് അത് എടുക്കാൻ മറക്കരുത്…ഇനി ഒരിക്കലും നിങ്ങൾ ഇവിടേക്ക് തിരിച്ചു വരരുത്…എന്റെ പാവങ്ങളുടെ ഫലം ദൈവം ഇങ്ങെനെ യാവും വിധിച്ചേക്കുന്നത്…നിങ്ങൾ പോകാൻ നോക്ക്…ചെല്ല് ദാസാ….!!!!!
അവസാനമായപോളെക്കും അയാളുടെ സ്വരം പഴയതിലും കാഠിന്യമുള്ളതായി മാറി…അത് കേട്ട് പേടിച്ച ദാസൻ വേഗം നിലത്തു നിന്ന് എണീറ്റ് അവന്റെ തുണി സഞ്ചി എടുക്കാൻ വേണ്ടി ഓടി…
“ചാച്ച…”
എന്ത് ചെയ്യണമെന്ന് അറിയാതെ നിന്ന ഭാനു അയാളെ വിളിച്ചു…
“മോളെ…അവൻ പാവമാ…ഒരു സാധു…ഇവിടെ നിന്നാൽ നിങ്ങള് രണ്ടു പേരുടെ ജീവനും ആപത്ത് ആണ്…അഹ്…എനിക്കിനി അധിക സമയമില്ല.. എവിടേലും പോയി രക്ഷപെട് നിങ്ങള്…. നീ എനിക്കൊരു വാക്ക് താ ഭാനു…അവനെ ഒറ്റക്ക് ആക്കരുത്…നിന്നെക്കൊണ്ട് ഒറ്റക്ക് ജീവിക്കാൻ ആവില്ല മോളെ…സമയമാവുമ്പോ നിനക്ക് അവകാശപ്പെട്ടത് എല്ലാം വാങ്ങി എടുക്കണം…എന്റെ സ്വപ്നം ആണത്…എന്റെ ലക്ഷ്മിയുടെ ആഗ്രഹമാ അത്…””””
അയാളുടെ ചോര പുരണ്ട കൈ നെഞ്ചോട് ചേർത്തു വെച്ച് ഭാനു അലമുറയിട്ട് കരയാൻ തുടങ്ങി….
“ഭാനു…ഭാനു…വാ…. നേരമില്ല…. സഞ്ചിയും ബാഗും എടുത്തുകൊണ്ടു ഓടി വന്ന ദാസൻ അവളെ പിടിച്ചു എണീപ്പിച്ചു…
“ദാസാ…!!!
പുറകു വശത്തേക്ക് ഓടാൻ നിന്ന ദാസൻ പെട്ടെന്നുള്ള പീലിയുടെ വിളിയിൽ നിന്നുപോയി
എന്താണ് എന്നൊരു ഭാവത്തിൽ ദാസൻ അയാളെ നോക്കി…
“എന്റെ ഭാനുവിന് ചേർന്ന പയ്യൻ നീ തന്നെ ആണെന്ന് എനിക്ക് തോന്നുവാടാ…നീ…നീ ആളൊരു ശുദ്ധനാ… എന്റെ കുഞ്ഞിനെ നോക്കിയേക്കണേ…”””’
അയാളുടെ ആ പറച്ചിലിൽ കണ്ണ് നിറഞ്ഞു പോയ ദാസൻ മറുതൊന്നും പറയാതെ പീലിയെ നോക്കി ഒന്ന് ചിരിച്ചു…പിന്നെ അവളുടെ കയ്യിൽ വലിച്ചു ഇരുട്ടിലേക്ക് മറഞ്ഞു…..
“”””””കഴിഞ്ഞൊ പീലി….????
അത്രയും നേരം മണ്ണിൽ മലർന്നു കിടന്ന സക്കീർ തല ചെരിച്ചു പീലിയെ നോക്കി…
“””കാലനും മരണഭയമോ…തുഫ്ഫ്….!!!
ദാസന്റെ ചവുട്ടിൽ വായിൽ കുമിഞ്ഞു കൂടിയ കട്ടചോര നിലത്തേക്ക് തുപ്പിക്കൊണ്ട് സക്കീർ ചോദിച്ചു…