അഫി ഓരോ പിസ്റ്റളായി എടുത്ത് മാഗസിനിൽ ബുള്ളറ്റുണ്ടോന്ന് നോക്കി…
ആദി : ഒരു പ്രശ്നമുണ്ട് നിന്റെ കൂടെ ഒരു പെണ്ണുള്ള കാര്യവും വണ്ടിനമ്പറും അവളെ ഫോട്ടോയും അവളവർക്ക് സെന്റ് ചെയ്തിട്ടുണ്ട്…അപ്പൊ നിന്റെ കൂടെ പെണ്ണില്ലെങ്കിൽ അവർ ചിലപ്പോ പൊങ്ങില്ല…
മ്മ്… അത് കുഴപ്പമില്ല…
മുത്തേ നിന്റെ പർദ്ധയും തട്ടവും അഫിക്ക് കൊടുക്ക് നീ അഫിയുടെ തട്ടം വാങ്ങിച്ചോ….
ആദി : പണി വന്നത് പോത്തിന്റെ അനിയന്റെ വകയാ… ഒരാളെ തലക്ക് അൻപത് ലക്ഷം ആണ് ഓഫർ…
ആരാ…
ആദി : അവന്റനിയനും ടീമും ബാംഗ്ലൂരിന്ന് എത്തിയിട്ടുണ്ട്… കൂടെ പോത്തിന്റെ പഴയ ടീമും… എല്ലാം കൂടെ അറുപത്പേരോളമുണ്ട്… അവർക്കിപ്പോഴും നിനെപ്പറ്റി വലിയ ധാരണയില്ല എന്നാ തോന്നുന്നേ… അവർ കാര്യങ്ങൾ പ്ലാൻ ചെയ്തുകൊണ്ടിരിക്കുകയാ… അവരുടെ ചർച്ച എന്താണെന്ന് നോക്കുന്നുണ്ട്… അഫിയും ചേച്ചിയും റിയയും ഉള്ളകാര്യം അവർക്കറിയില്ല…
വണ്ടി എയർപോർട്ട് റോഡിൽ കയറിയതും വരിവരിയായി നീങ്ങാൻ തുടങ്ങി
ടിക്കറ്റ് എവിടെക്കാ…
ആദി : ഡൽഹി സ്പെഷ്യൽ ഫ്ലൈറ്റ് ആണ് എയർ പോർട്ടിൽ മൂന്നര മണിക്കൂർ ടൈം കിട്ടും…
എയർ പോർട്ടിലേക്ക് കയറും മുൻപ് ടോറസ് സൈഡാക്കി
അഫി എന്റെ കൂടെ വരട്ടെ നിങ്ങൾ മൂന്നാളും അകത്ത് ചെല്ല് ഞങ്ങൾ എത്തും മുൻപ് എന്ത് വന്നാലും ആരുവന്ന് എന്ത് പറഞ്ഞാലും ഒരു കാരണവശാലും എയർ പോർട്ട് വിട്ട് പുറത്തിറങ്ങരുത് നിങ്ങൾ പുറത്തിറങ്ങിയാൽ അത് ചിലപ്പോ നിങ്ങൾക്കും ഞങ്ങൾക്കും അപകടമാകും നാട്ടിൽ അറിയണ്ട (എടിഎം കാർഡ് അവർക്ക് നൽകി) ഇനി ഞങ്ങളെത്തും മുൻപ് ഫ്ലൈറ്റ് എടുക്കുകയാണേൽ കയറിക്കോ നിങ്ങളെ ഫ്ലൈറ്റ് ലാൻഡ് ആവും മുൻപ് അടുത്ത ടിക്കറ്റ് നിങ്ങളെ ഫോണിലെത്തും…ആദീ… ഇവരെ മൂന്ന് പേരുടെയും ലൊക്കേഷൻ ഫോളോപ്പ് ചെയ്യ്…
ലെച്ചുവിന്റെ ഫോൺ കൂടെ കോൺഫ്രൻസ് കാണക്റ്റ് ചെയ്ത് അഫിയുടെ ഫോൺ ലെച്ചുവിന് കൊടുത്തു അവർ മൂന്നുപേരും ഞങ്ങളെ കെട്ടിപിടിച്ചു കൂടെ ചെല്ലാൻ വിളിച്ചു മൂന്നുപേരും പേടിച്ച് കരയുന്നത് കണ്ട് അവരോട് പേടിക്കണ്ട ഞങ്ങളെത്തിക്കോളാം എന്ന് വാക്ക് കൊടുത്ത് അവരെ അകത്തേക്ക് കയറ്റിവിട്ടു
ആദീ ഞങ്ങളിറങ്ങുവാണ്…
ആദി : ലൊക്കേഷൻ സെന്റ് ചെയ്തിട്ടുണ്ട് ഗിരീ… നിന്റെ ടീമിനോട് അവിടെ കവർ ചെയ്യാൻ പറയണം…
ഗിരി : ആ കാര്യം ഞാനേറ്റു…
ആദി : വെട്ടാനാണ് പ്ലാൻ… അവളുടെ കഴുത്തിൽ കത്തിവെച്ചു നിന്നെ വെട്ടാൻ ആണ് പ്ലാൻ… അവരുടെ സംസാരം കേട്ടിട്ട് അവർക്ക് ഇപ്പോഴും നമ്മളെ പറ്റി ഒന്നും അറിയില്ല…
ഡാ അവള് വിളിക്കുന്നുണ്ട്…
ഹലോ…
ദിവ്യ : ആ… നീ എവിടെയാ…
ഞാൻ ചായകുടിക്കാൻ പുറത്തേക്കിറങ്ങിയതാ… എ ടി എമ്മിൽ കയറി പൈസയെടുത്തിട്ട് അങ്ങോട്ട് വരാം… എന്തെ തിരക്കുണ്ടോ…
ദിവ്യ : ഒരുപാട് വൈകുമോ…
ഇല്ല മാക്സിമം അര മണിക്കൂർ
ദിവ്യ : ശെരി…
അവളുടെ കാൾ കട്ട് ആയെന്നുറപ്പിച്ചു
ഗിരി നിങ്ങൾ ഒരു ഡിസ്റ്റൻസിൽ വന്നാൽ മതി പറയുംവരെ ഫാക്ട്ടറിക്ക് അകത്തേക്ക് വരണ്ട
ഗിരി : ശെരി…
ഹോസ്പിറ്റലിന്റെ മുന്നിലെ കടയിൽ കയറി ചായ വാങ്ങി
ആദി : നിന്റെ ഫോൺ ചാർജ് ആയില്ലേ…
ആ…നീ കോൺഫ്രൻസ് അതിലേക്ക് കണക്റ്റ് ചെയ്യ്…
മുത്ത് : കാക്കൂ… ഒന്നും വേണ്ട… ഞങ്ങക്ക് പേടിയാവുന്നു കാക്കൂ… നമുക്ക് തിരിച്ചുപോവാം…
മോളേ നിങ്ങളു പേടിക്കാതിരിക്ക് ഇതത്ര വലിയ പ്രശ്നമൊന്നുമല്ലിപ്പൊ… ഇപ്പൊ തീർത്തില്ലേലാണ് ഈ പ്രശ്നം വലുതാവാൻ പോകുന്നെ… നിങ്ങൾ ഒരു കോഫിയൊക്കെ കുടിച്ചിരിക്ക് ഇതുതീർത്തിട്ട് ഞങ്ങൾ അങ്ങെത്തിക്കൊള്ളാം… കാൾ മ്യൂട്ട് അടിച്ചു വെച്ചോ… അവിടെ എന്തേലും പ്രശ്നമുണ്ടെങ്കിൽ മാത്രം മ്യൂട്ട് ഒഴിവാക്കിയാൽ മതി…
ലെച്ചുവിന്റെ ഫോണിൽ നിന്നും കാൾ കട്ട് ചെയ്ത് ദിവ്യയെ വിളിച്ചു…
ആദി : ഇറങ്ങുന്ന കാര്യം അവർക്ക് മെസ്സേജ് ഇട്ടിട്ടുണ്ട്… നിനക്ക് പണി മണത്ത് നീ സ്കൂട്ടാവുമോന്ന് പേടിച്ച് ലൈവ് ലൊക്കേഷനും അവളെക്കൊണ്ട് അയപ്പിച്ചിട്ടുണ്ട്…
ഗിരി : ഇനി അവർ പ്ലാൻ മാറ്റി പോവും വഴി എന്തേലും ചെയ്യുമോ…