മോമി : ഞങ്ങളും ഒന്ന് കറങ്ങി രാത്രിയാവുമ്പോയേക്കും എത്തുകയെ ഉള്ളൂ…
നിങ്ങളിപ്പോ പോണില്ലേൽ ഇത്താന്റെ ക്ലാസ്സ്‌ കഴിഞ്ഞാൽ അവളെയും കൂട്ടിക്കോ…
മുത്തിനേം കൂട്ടി ഇറങ്ങി ബീച്ച് റോഡിലേക്ക് കയറി
കാക്കൂ…
പറ…
ബീച്ചിൽ കയറിയിട്ട് പോവാം…
വണ്ടി ഒതുക്കി ഇറങ്ങി അവളെന്റെ കൈയിൽ തൂങ്ങി ബീച്ചിലേക്കിറങ്ങി നടന്നു അവൾ ഫോണെടുത്തു ഞങ്ങളുടെ സെൽഫി എടുത്തു
ഒന്ന് താഴ് കാക്കൂ എനിക്കെത്തുന്നില്ല
അല്പം താഴ്ന്നതും അവളെന്റെ കവിളിൽ ഉമ്മവെച്ചു കൊണ്ട് സെൽഫിയെടുത്തു
ഞെട്ടി തല പിൻവലിക്കുമ്പോയേക്കും
അവൾ സെൽഫി എടുത്തു കഴിഞ്ഞിരുന്നു
ഡി…
എന്തോ…
ഒന്നൂല്ല…
അവളെനെ കൂട്ടി ഉപ്പിലിട്ട സാധനങ്ങൾ വിൽക്കുന്നിടത്ത് പോയി അവളൊരു മാങ്ങവാങ്ങി തിന്നാൻ തുടങ്ങി അച്ചാറ് തേച്ച കക്കിരി ഒരു കടി കടിച്ചു ചവച്ചുകൊണ്ടിരിക്കെ അവളത്തിൽ നിന്നും ഒരു പീസ് കടിച്ചു ഞാനൊന്നും പറയാൻ പോയില്ല അല്ലേലും എന്ത് പറയാൻ അവളോട് ദേഷ്യപ്പെടാൻ എനിക്ക് തോന്നില്ല മാത്രമല്ല ഞാൻ എന്തേലും പറഞ്ഞു കണ്ണ് കലങ്ങിയാൽ അതെനിക്കും സങ്കടമാവും അതുകൊണ്ട് മിണ്ടാതിരിക്കുന്നതാണ് നല്ലത്
കാക്കൂ… ഐസ്‌ ഒരതിയത്…
മ്മ്… വാങ്ങിക്കോ…
വാങ്ങിത്താ…
അതും വാങ്ങികൊടുത്തു അത് കൂടെ കഴിഞ്ഞു ഞങ്ങളിറങ്ങി സിഗ്നലിൽനിന്നും ഹൈവേ ക്രോസ്സ് ചെയ്തു കുറ്റിയാടിറോഡിൽ കയറി ഉള്ളയേരി പമ്പ് കഴിഞ്ഞതും പോലീസിന്റെ വായിൽ ചാടികൊടുത്തു അങ്ങോട്ട് പോവുമ്പോ ഫുൾടൈം കൈയിൽ പിടിച്ചിരുന്നതിനാൽ ഹെൽമെറ്റ് അവൾ വണ്ടിയിൽ വെച്ചിരുന്നു
ഹെൽമെറ്റില്ലേ…
ഇല്ല
എവിടുന്നാ വരുന്നേ…
കോഴിക്കോട്
എങ്ങോട്ടാ പോവുന്നെ…
തലശ്ശേരി…
ലൈസൻസ് ഉണ്ടോ…
ഉണ്ട്…(പേഴ്സിൽ നിന്നും ലൈസൻസ് എടുത്തുകൊടുത്തു)
ശെരി നൂറുരൂപ ഫൈൻ അടച്ചിട്ടു പൊയ്ക്കോ…
ഫൈനും അടച്ച് വണ്ടിയെടുത്തു സാവിത്രി ചേച്ചിയുടെ വീട്ടിൽ ചെന്നു അവരോട് സംസാരിച്ചു കൊണ്ടിരിക്കെ
വാടക വീട് നോക്കുന്ന കാര്യമെന്തായി
ചേച്ചി : നോക്കുന്നുണ്ട് ഒന്നും ശെരിയായിട്ടില്ല…
നിങ്ങൾ അങ്ങോട്ട് പോരെ തലശ്ശേരിയിൽ
ചേച്ചി : അത് വേണോടാ… ചേട്ടന്മാര്…
നിങ്ങളങ്ങോട്ട് വന്നെന്നുകരുതി ആരും നിങ്ങളെ ഒന്നും ചെയ്യില്ല അത് ഞാനുറപ്പ് തരാം
ചേച്ചി : അതുമല്ല… ജോലി…
അതവിടെനിന്നും വരാലോ അല്ലെങ്കിൽ അവിടെ വേറെ ജോലി ശെരിയാക്കാം…
ചേച്ചി : എന്നാലും…
ഒരെന്നാലുമില്ല ഞാൻ ആദിയെ അയക്കാം തത്കാലം അവിടെ നിൽക്ക് പിനത്തെ കാര്യം നമുക്കാലോചിച്ചു ചെയ്യാം…
മ്മ്…
പിന്നെ ഇവളെ കല്യാണലോചന കാര്യം ഇവളെ അച്ഛൻ വീട്ടുകാരോടും പറഞ്ഞേക്ക്
അവരെ അടുത്ത് ഞാനിതുവരെ പോയില്ല… എനിക്കെന്തോ പോലെ…
ചേച്ചിയെന്തിനാ ഒളിച്ചിരിക്കുന്നെ… നാളെ കാലത്ത് തന്നെ ഇവളേം കൂട്ടി അവിടെ ചെന്ന് കാര്യം പറ…
എടാ അത്…ഞാനെങ്ങനെയാ…
(ഒന്ന് ആലോചിച്ചു)ഒറ്റയ്ക്ക് പോവാൻ മടിയുണ്ടെങ്കിൽ അഫിയെ വിടാം നിങ്ങള് കാലത്ത് ഒരുങ്ങിനിന്നാൽ മതി…
………
ഞങ്ങളാണുങ്ങൾ വന്നാൽ ചിലപ്പോ അവർക്കത്തിഷ്ടപ്പെട്ടില്ലെങ്കിലോ അതുകൊണ്ടാ ഇല്ലേൽ ഞാൻ തന്നെ വന്നേനെ…
മ്മ്…
ശെരി ചേച്ചീ ഞങ്ങളിറങ്ങുകയാ…
ശെരി…
മൂത്തിനെ വീട്ടിലിറക്കി ആദി വിളിച്ചു അവരെ കൂട്ടി റിയയുടെ വീട്ടിൽ എത്തിയ കാര്യം പറഞ്ഞു
റിയയുടെ വീട്ടിൽ ചെന്ന് ബെല്ലടിച്ചു ചേച്ചിവന്നു വാതിൽ തുറന്നു
നീയായിരുന്നോ… ഞാൻ നിന്നെ വിളിക്കാൻ നിൽക്കുകയായിരുന്നു
എന്തെ…
എടാ ഇത്ര വലിയ വീടൊന്നും വേണ്ടായിരുന്നു… ഇതിനൊക്കെ വലിയ വാടക ആവില്ലേ…
ആവും പക്ഷേ നിങ്ങള് വാടക കൊടുക്കേണ്ട പോരെ…
എടാ… എന്നാലും…
എന്നാലും കുന്നാലുമൊന്നുമില്ല രണ്ടാളും വന്നേ കുറച്ച് പരിപാടിയുണ്ട്…
അവരെ കൂട്ടി ടൗണിലെ ജ്വല്ലറിയിൽ ചെന്ന് അമയക്ക് ഒരു ചെറിയ മാലയും കൈചെയിനും പാതസരവും ചെറിയ ജിമിക്കി കമ്മലും ചേച്ചിക്ക് ഇത്തിരി വലിയ മാലയും വളയും കമ്മലും വാങ്ങി ചേച്ചി വേണ്ടെന്നൊക്കെ പറഞ്ഞെങ്കിലും ചേച്ചിക്ക് ഇനി തരാനുള്ള പൈസയിൽ നിന്നും കഴിച്ചോളാം എന്ന് പറഞ്ഞു രണ്ടാൾക്കും ഓരോ ജോഡി ഡ്രെസ്സും ചെരിപ്പും ഒരു മേക്കപ്പ് ബോക്സും കൂടെ വാങ്ങി അവരെ കൊണ്ടുവിട്ടു തിരികെ ഉമ്മാന്റെ വീട്ടിൽ ചെന്നു ഭക്ഷണം കഴിച്ചുകൊണ്ടിരിക്കെ ആദി ഫോൺ ചെയ്തു ഫോൺ എടുത്തു
പറയെടാ…
എല്ലാം സെറ്റാണ്…
ശെരി… ഞാൻ ഭക്ഷണം കഴികയാ
അമലും പണിക്കാരും ഹോട്ടലിലാണ് അവരങ്ങെത്തും…
ശെരി… ഞാൻ ഭക്ഷണം കഴിച്ചിട്ട് ഇവിടുന്നിറങ്ങും
ഫോൺ കട്ട് ചെയ്തു തിരികെ ചെന്നു
വലിയ മാമൻ : എന്താടാ…
പണിയുടെ കാര്യം പറയാൻ വിളിച്ചതാ
ഭക്ഷണം കഴിച്ച് ഇറങ്ങാൻ തുടങ്ങുമ്പോ അൻഷിയോട് വരുന്നോ എന്ന് ചോദിച്ചതിന് അൻഷിയും മോമിയും കൂടെ വന്നു വീടിന്റെ മുന്നിൽ വണ്ടി നിർത്തി ഓരോ സിഗരറ്റ് കത്തിച്ചുകൊണ്ട് ഇരിക്കെ
മോമി : എന്താടാ പരിപാടി…എവിടെക്കാ പോണേ…
ഇവിടെ ചെറിയൊരു പണിയുണ്ട്
ആദി വിളിച്ച് അവർ ബോർഡർ വിട്ട കാര്യം അറിയിച്ച പിറകെ അമലും ജോലിക്കാരും ജെസിബികളും ക്രൈനും മിക്സർ മെഷീനും ടൈലറുകളുമടക്കം വന്ന പരിവാരങ്ങളിൽ കുറച്ച് പറമ്പിലേക്ക് കയറി ബാക്കിയുള്ളവ റോഡരികിൽ നിർത്തി
പുലർച്ചെ സനാഹങ്ങളെല്ലാം തിരികെ പോവുമ്പോയേക്കും വലിപ്പം കൊണ്ട് നാട്ടുകാർ വലിയ പറമ്പെന്നു പേരിട്ടുവിളിച്ച ഏക്കറുകൾ പരന്നുകിടക്കുന്ന പറമ്പിനു ചുറ്റും ആറര അടി ഉയരത്തിൽ പത്തിഞ്ചു കനത്തിൽ കോൺക്രീറ്റ് മതിലും പറമ്പിൽ നിന്നും പുഴയിലേക്ക് ഇറങ്ങാനുള്ള വഴിയിൽ ഇരുപതെ പതിനാറിൽ പില്ലറുകളിലും മതിലിലും താങ്ങിക്കൊണ്ട് ബോട്ട് ജെട്ടി പോലെ പുഴയിലേക്ക് കിടക്കുന്ന സ്ലാബും വീടിനു മുന്നിലും പിന്നിൽ പുഴയിലേക്കിറങ്ങാനുമുള്ള ഗേറ്റുകളും നിർമിതമായിരിക്കുന്നു
കുളിയും കഴിഞ്ഞു ബാബുവേട്ടന്റെ കടയിൽ നിന്നും ചായയും കുടിച്ച് ഉമ്മാന്റെ വീട്ടിലേക്ക് ചെന്നു മാമി ഇഡലിയും തേങ്ങാ ചട്ണിയും കൊണ്ടുതന്നു അതും കഴിച്ച്
ഞാൻ പോട്ടെ ഒന്നുറങ്ങണം…
ഉമ്മ : ബിച്ചൂന് പെണ്ണ് കാണാൻ നീ വരുന്നില്ലേ അപ്പൊ…
ആ… അത് വൈകീട്ടല്ലേ…
മാമി : ഉറങ്ങാനെന്തിനാ അങ്ങ് പോവുന്നെ ഇവിടെ കിടക്കരുതോ…
അതല്ല മാമീ…
കുഞ്ഞ : എന്തെ നിനക്ക് ഞങ്ങളൊക്കെ അന്യരായോ…
ഉമ്മ : ചോദിക്ക് അവനിവിടെ ഒന്ന് താമസിച്ചിട്ട് എത്ര കാലമായി… എപ്പോ ചോദിച്ചാലും എന്തേലും പറഞ്ഞൊഴിയും…
എന്റമ്മോ… ഇനി എല്ലാരും കൂടെ അതിൽ പിടിച്ച് തൂങ്ങേണ്ട… ഞാനിവിടെങ്ങാനും കിടന്നോളാം…
സോഫക്ക് നേരെ നടക്കാൻ പോയതും
മാമി : ഇന്ന് ഞാറാഴ്ചയാ അവിടെ കിടന്നാൽ കുട്ടികളുറങ്ങാൻ വിടില്ല മുകളിൽ കിടന്നോ…
കുഞ്ഞ : വാ…
കയ്യിലൊരു ഷീറ്റ്റുമായി എന്നെ കൂട്ടി മുകളിലെ മുറിയിലെത്തിയ കുഞ്ഞ ഞാൻ ചെയ്തോളാമെന്നു പറഞ്ഞിട്ടും സമ്മതിക്കാതെ ബെഡിലെ ഷീറ്റെടുത്തു മാറ്റി വേറൊരു ഷീറ്റ് വിരിച്ചു ഫാനുമിട്ടുതന്നു വാതിൽ ചാരിപുറത്തെക്ക് പോയി ഷർട്ടഴിച്ചു കട്ടിലിന്റെ കാലിൽ കൊളുത്തി അരയിലെ ഫോണുകളും പേഴ്സും എടുത്തരികിൽ വെച്ചു കണ്ണടച്ചു കിടന്നു വാതിൽ തുറന്നകത്തേക്ക് വന്ന മാമി വെള്ളം കട്ടിലിനരികിൽ വെച്ച് ഉറങ്ങിക്കോ എന്നും പറഞ്ഞു പുറത്തിറങ്ങി വാതിലടച്ചു കുറച്ചുസമയം കൊണ്ട് പതിയെ ഉറങ്ങി