സൗമ്യെടെ വീട്ടിൽ ആരൊക്കെ ഉണ്ട്…
അമ്മയും ഒരു ചേട്ടനും അച്ഛൻ ഗൾഫിലാ…
അവളെ വീടിനു മുന്നിൽ ഇറക്കേ ഞങ്ങളെ വീട്ടിലേക്ക് ക്ഷണിച്ചു ഞങ്ങളും അവൾക്കൊപ്പം ഇറങ്ങി ഇരുന്നില്ല ഉള്ള ഒരു സാധാരണ വീട് പോർച്ചിൽ ഒരു പൾസർ ബൈക്കും ഐ റ്റൊന്റി കാറും വെച്ചിരിക്കുന്നു “അമ്മേ… ” എന്ന് വിളിച്ചോണ്ട് അവൾ ഞങ്ങളെ കൂട്ടി അകത്തേക്ക് കയറി സോഫയിൽ ഇരുന്നു ടീവി കാണുന്ന മുപ്പത് വയസ് തോന്നിക്കുന്ന ചെറുപ്പക്കാരൻ ഞങ്ങളെ നോക്കി
എന്താടീ കിടന്നു കൂവുന്നേ… (ശബ്ദത്തിനു പുറകെ നൈറ്റി ധരിച്ചൊരു സ്ത്രീ പുറത്തേക്ക് വന്നു ഞങ്ങളെ നോക്കി)
സൗമ്യ ഞങ്ങളെ അവർക്കും അവരെ ഞങ്ങൾക്കും പരിചയപെടുത്തി അവിടുന്ന് വെള്ളം കുടിച്ച് ഞങ്ങളിറങ്ങി
കോളേജിൽ എന്തേലും ബുദ്ധിമുട്ടുണ്ടോ…
ഹേയ്… കുറച്ചധികം പഠിക്കാനുണ്ട്… പിന്നെ നോട്സും റെക്കോർഡും എഴുതാനും
നോട്സ് ഒക്കെ ആരുടെയെങ്കിലും വാങ്ങി പ്രിന്റെടുക്കാം…
മ്മ്… പക്ഷേ ഇത്രേം പഠിക്കാനുള്ളപ്പോ ജോലി കൂടെ…
രണ്ടും കൂടെ ബുദ്ധിമുട്ടാണോ…
അതല്ല… എല്ലാരും അവരുടെ ഹോസ്റ്റലിൽ നിൽക്കണമെന്നാ പറയുന്നേ ഞങ്ങൾ കുറച്ചുപേരെ വീട്ടിൽ പോയിവരുന്നതുള്ളൂ ഞങ്ങൾ തോറ്റാൽ അവരുത്തരവാദി അല്ലെന്നാ പറയുന്നേ…അപ്പൊ ശെരിക്കും ഇരുന്നു പഠിച്ചില്ലേൽ…
എങ്കി ജോലി നമുക്ക് ഒഴിവാക്കാം…
അവളെനെ നോക്കി
അവരോടെന്ത് പറയും…
അതൊന്നും സാരോല്ല അതൊക്കെ ഞങ്ങള് പറഞ്ഞോളാം കാക്കാന്റെ കുട്ടി പഠിക്കാൻ നോക്ക്
ഓഹ്… വലിയ ഇക്കാക്ക വന്നിക്ക്…
കുറ്റിയാടി വഴി വടകര കയറി വീട്ടിലേക്ക് വിട്ടു വീട്ടിലെത്തി മുൻപ് തീരുമാനിച്ചപോലെ ഉപ്പയും ഉമ്മയും കുട്ടികളും റാഷിയെ കൂട്ടി ഉമ്മാന്റെ വീട്ടിൽ പോയിരിക്കുന്നു ബാഗും ബുക്കുമൊക്കെ വെച്ച് അവൾ വരുമ്പോ ടാബിൽ കുത്തികൊണ്ടിരിക്കുന്ന എന്നെ നോക്കി
വാടാ പുഴയിൽ പോവാം…
(അവളെ ഒന്ന് നോക്കി)ഈ കോലത്തിലോ… ചുരിദാറിടുന്നോണ്ടാ നിനക്ക് നീന്താൻ പറ്റാതെ പോയി ഷോർട്സോ മറ്റൊ ഇട്ട് വാ…
ഷോർട്സോ ഒന്ന് പോയേ ചെക്കാ…
അതിനെന്താ…
അതിനൊന്നൂല്ല നിന്റെ അഫിയെ ഇടീച്ചോ
മര്യാദക്ക് നീന്തണേൽ മതി
അവളകത്തുപോയി അല്പസമയം കഴിഞ്ഞു മുണ്ടും ബനിയനും ബനിയന് പുറതൂടെ കോട്ട് പോലെ എന്റെ ഷർട്ടും ഇട്ട് തോർത്തുമെടുത്തു വന്നു ഞങ്ങൾ പുഴയിലേക്ക് നടന്നു മുണ്ടും ഷർട്ടും അഴിച്ചുവെച്ചു ഷോർട്സും ബനിയനും ഇട്ടവൾ പുഴയിലേക്കിറങ്ങിയ പിറകെ ഷോർട്സും ഇട്ട് ഞാൻ പുഴയിലേക്ക് ചാടി
അക്കരക്ക് നീന്തി ചെന്നു കഴിഞ്ഞ ദിവസത്തെ പോലെ അവൾ പാതിയിൽ തളർന്നില്ല എങ്കിലും കര തൊടുമ്പോയേക്കും അല്പം തളർന്നിരുന്നു കരയിൽ കയറി ഇരുന്നു
ഡാ…
മ്മ്…
ഞാനൊരു കാര്യം പറഞ്ഞാൽ നീ പ്രശ്നമൊന്നും ഉണ്ടാക്കരുത്
നീ കാര്യം പറ
ആ… ചെറുക്കനില്ലേ…
ഏത്…
ഇന്ന് നീ വരുമ്പോ ബസ് സ്റ്റോപ്പിൽ ഉണ്ടായിരുന്നത്
ആ…
അവൻ ഇത്തിരി ഓവറാണോ എന്നൊരു സംശയം
എന്തെ… നിന്നോടെന്തേലും മോശമായിട്ട് പറഞ്ഞോ…
അതൊന്നുമില്ല… പക്ഷേ അവന്റെ മണപ്പിച്ചോണ്ടുള്ള നടപ്പും… സംസാരോം ഒന്നും എനിക്കങ്ങു പിടിക്കുന്നില്ല…
മ്മ്… ഞാൻ സംസാരിക്കണോ…
അതൊന്നും വേണ്ട… അവൻ കാൾ ചെയ്യാൻ എന്നും പറഞ്ഞേന്റെ ഫോൺ വാങ്ങി അവന്റെ ഫോണിലേക്ക് മിസ്സടിച്ചു…അതെനിക്ക് തീരെ ഇഷ്ടമായില്ല…
എന്നിട്ട് നീ ഒന്നും പറഞ്ഞില്ലേ…
അവനോട് ഡിലീറ്റ് ആക്കാൻ പറഞ്ഞു… അപ്പൊ എന്തിനാ ഡിലീറ്റ് ആക്കുന്നെ നമ്മളൊക്കെ ഒരുമിച്ച് പഠിക്കുവല്ലേ അപ്പൊ നമ്പർ കയ്യിലുള്ളത് നല്ലതല്ലേ എന്ന്… എന്റെ നമ്പർ ഡിലീറ്റ് ആക്കിയേക്ക് അതാ നിനക്ക് നല്ലതെന്ന് പറഞ്ഞിട്ടുണ്ട്…
മ്മ്…
ശല്യമാവുന്നെങ്കിൽ പറ ഞാൻ സംസാരിക്കാം…
മ്മ്…
ഡി… പിന്നെ…അവളെ ഞാനിന്നലെ പൊക്കി…
ആരെ…
ജാഫറിനെ വെച്ചോണ്ടിരിക്കുന്ന ജാസ്മിനെ…
അവളെനെ നോക്കി
നീ ഉപേക്ഷിച്ചകാര്യമൊന്നും അവനറിയില്ലല്ലോ അതുകൊണ്ട് നമ്മളിപ്പോ നല്ല സെറ്റപ്പിൽ ആണെന്നും ഞാൻ നാട്ടിൽ ഉണ്ടെന്നും ഇപ്പൊ നിന്നെ കൊണ്ട് എന്റെകയ്യിൽ നിന്നും ബിസിനസ് തുടങ്ങാനെന്നും പറഞ്ഞ് പൈസ ചോദിപ്പിക്കാനും പറഞ്ഞു അവന് ഞാൻ അവളുടെനമ്പറിൽ നിന്നും മെസേജ് ഇട്ടിട്ടുണ്ട് അവൻ പെട്ടന്ന് വരും… വന്നാൽ എത്രയും പെട്ടന്ന് നിന്റെ മൊഴി അവന്റെ കൈയിൽ നിന്നും ഞാൻ വാങ്ങും