അമയ ഓരോരുത്തർക്കായി ചായ നീട്ടി ബിച്ചുവിനരികിൽ എത്തി
സുഹൈൽ : അതാ ചെക്കൻ ശെരിക്കും കണ്ടോ പിന്നെ കണ്ടില്ലെന്നു പറയരുത്…
എല്ലാരും ചിരിച്ചു…
എല്ലാർക്കും ചായ കൊടുത്ത് ഡൈനിങ്ങിനും ലിവിങ്ങിനും ഇടയിലുള്ള പാസേജിൽ രണ്ടു വഷ്ത്തുനിന്നും കാണുന്ന തരത്തിൽ അമയ നിൽക്കുമ്പോ കൂടെ വന്നവളെ കൂടെ അവളവിടെ പിടിച്ചു നിർത്തിയിരിക്കുന്നു ബാക്കിയുള്ള പെൺപിള്ളേരും കൂടെ അവളോട് എന്തൊക്കെയോ പറഞ്ഞു ചിരിക്കുന്നുണ്ട് ലക്ഷ്മി ചെന്ന് അവളോട് സംസാരിക്കുന്നതിനിടെ എന്നെ നോക്കുമ്പോ അവളുടെ കണ്ണിൽ സന്തോഷമുണ്ട് ബിച്ചുവിന്റെ മുഖം കണ്ടിട്ട് ആവനും ഇഷ്ടമായെന്നു തോന്നുന്നു
എല്ലാരും വേറെ ഓരോ കാര്യം സംസാരിച്ചിരിക്കുകയാണ്
ആദി : അവർക്കെന്തേലും സംസാരിക്കാനുണ്ടെങ്കിൽ സംസാരിച്ചോട്ടെ അല്ലേ…
എല്ലാരും അതെ എന്നും പറഞ്ഞു വീണ്ടും സംസാരിക്കാൻ തുടങ്ങി ബിച്ചു എഴുനേറ്റു
കൂടെഉള്ളപെണ്ണ് : മുകളിലേക്ക് പൊയ്ക്കോ അതാവുമ്പോ ആരുടേം ശല്യമില്ലാതെ സംസാരിക്കാം
അവർ രണ്ടാളും മുകളിലേക്ക് പോയ പിറകെ എല്ലാരും സംസാരിച്ചിരുന്നു അല്പം കഴിഞ്ഞവർ തിരികെ വരുമ്പോ രണ്ടാളുടെയും മുഖത്തൊരു ചിരിയുണ്ട്
അപ്പൊ രണ്ടാൾക്കും ഇഷ്ടമായില്ലേ…
ഉപ്പ : അവന്റെ മുഖം കണ്ടിട്ട് പിനെയുമത് ചോദിക്കണോ…
അവളെ കാര്യം അറിയണ്ടേ…
അതിനൊരു ചിരി മാത്രം തന്നു മാറി നിൽക്കുന്ന അവളെ നോക്കി
അമൽ : ചിരിയൊന്നും പോരകേട്ടോ വാ തുറന്നു പറയണം
കൂടെ ഉള്ള പെണ്ണ് അവളെ തോണ്ടി പറയാൻ പറഞ്ഞതും അവളോട് എന്തോ പറഞ്ഞു
അവൾ : ഇവിടെ ഇഷ്ടമാണ്… അവിടുന്ന് മറുപടിയൊന്നും കിട്ടിയില്ലല്ലോ…(അവളുടെ സംസാരം കേട്ടപ്പോ അവളല്പം വായാടി ആണെന്ന് തോന്നി)
സുഹൈൽ ഞങ്ങളെ പെങ്ങന്മാരെ കൂട്ടി പുറത്തേക്ക് പോയി തിരികെ വരുമ്പോ അവരുടെ കൈയിൽ ചോക്ലേറ്റ് കൊട്ടകളും ഗിഫ്റ്റുകളും ഉണ്ട് ഓരോരുത്തരായി എല്ലാം അമയക്ക് കൊണ്ടുകൊടുത്തു
സജി : രണ്ടാൾക്കും ഇഷ്ടമായ സ്ഥിതിക്ക് തൊട്ടടുത്ത ദിവസം തന്നെ നിശ്ചയം നടത്താം…
ദാസൻ : ബാക്കി കാര്യങ്ങളൊക്കെ എങ്ങനെയാ…
ബാക്കി പിന്നെ കല്യാണമല്ലേ അത് തീരുമാനിക്കാനല്ലേ നമ്മളടുത്ത ദിവസം നിശ്ചയം വെക്കുന്നത്…
ദാസൻ : അതല്ലല്ലോ… പെണ്ണിനെന്ത് കൊടുക്കും എന്നത്…
(ഇയാള് വാ തുറന്നാൽ അടിച്ചു തലപൊളിക്കേണ്ട സൈസ് വാർത്താനെ പറയൂ എന്നോർത്തോണ്ട്) അതെ അവരെന്തേലും കൊടുത്താലും ഇല്ലേലും അത് കിട്ടുന്നത് എനിക്കും നിങ്ങൾക്കും അല്ലല്ലൊ ബിച്ചുവിനും അമ്മക്കുമല്ലേ… അവര് പറയട്ടെ അവർക്കെന്താ വേണ്ടേ എന്ന്… (ബിച്ചുവിനെ നോക്കി)
ബിച്ചു : എനിക്കും അമ്മയ്ക്കും ജീവിക്കാനുള്ളത് ഞാൻ പണിയെടുത്തുണ്ടാക്കുന്നുണ്ട് ഇവള് വന്നാൽ ഇവളെയും അമ്മയെയും കൂടെ നോക്കാൻ അത് മതിയാവും അതോണ്ട് എനിക്കൊന്നും വേണ്ട.
സജി : ലക്ഷ്മിക്കോ…
ലെച്ചു : എനിക്കവളെ ഇങ്ങനെ ഇങ്ങ് തന്നാൽമതി ഞാൻ വേണേൽ ഇപ്പൊ അങ്ങ് കൂട്ടികൊള്ളാം…
ആദി : അവർക്ക് രണ്ടാൾക്കും ഒന്നും വേണ്ട വേറാർക്കേലും എന്തേലും പറയാനുണ്ടോ…
എല്ലാരും പരസ്പരം നോക്കി
ഉപ്പ : സജീ… ഇനി ഉള്ള കാര്യങ്ങൾ എങ്ങനെയാന്നുവെച്ചാൽ ഇപ്പൊ അങ്ങ് പറഞ്ഞേക്ക് പിനെക്ക് വെക്കേണ്ട… (എല്ലാരേം നോക്കി) എന്താ…
തൊമ്മിച്ചായൻ(അമലിന്റെ അപ്പൻ) : അതാ നല്ലത് ആർക്കേലും വേറെ അഭിപ്രായമുണ്ടോ എന്താ മൊയ്‌ദിനെ(ആദീടെ ഉപ്പ)…
മൊയ്‌ധിൻക : അതെ… ഇപ്പൊ എല്ലാരും ഇവിടുണ്ടല്ലോ… ഇപ്പൊ എല്ലാമങ്ങ് തീരുമാനിച്ചാൽ പിന്നെ അന്ന് നമുക്ക് നിശ്ചയം നടത്തിയാൽ മതിയല്ലോ…
തൊമ്മിച്ചായൻ : നിങ്ങള് പെണ്ണിന്റെ സൈടുള്ളോർക്ക് ഒന്നും പറയാനില്ലേ…
രാമൻ (പെണ്ണിന്റെ അച്ചാച്ചൻ) : നിങ്ങള് പറയും പോലെ തന്നെ ആയിക്കോട്ടെ…
സജി : എന്നാ വരുന്ന ഞായറാഴ്ച നിശ്ചയമാക്കിയാലോ
ബിച്ചു : ഇവൻ ബുധനാഴ്ച പോകുവാ ഇവനില്ലാതെ ശെരിയാവില്ല… അതുമല്ല അതിന്റടുത്ത ഞായറാഴ്ച ആശാന്റെ വീട്ടിൽ കല്യാണവുമാണ്… അത് കഴിഞ്ഞിട്ട് നോക്ക്…
സജി : അപ്പൊ പിന്നെ എങ്ങനെയാ…
എന്തായാലും ആശാന്റെ വീട്ടിലെ കല്യാണം കഴിഞ്ഞോട്ടെ… അതുവരെ എല്ലാരും അതിന്റെ ഓട്ടത്തിലാവും…
സജി : നീ പോയിട്ടെപ്പോഴാ വരുന്നേ…
ഞാനെന്തായാലും കല്യാണത്തിനേക്ക് എത്തും…
സജി : എന്നാ അതുകഴിഞ്ഞുള്ള ഒരു ദിവസം ആക്കാം… (ദാസനെനോക്കി) എന്താഅളിയാ…
ദാസൻ : ആ…
തൊമ്മിച്ചായൻ : എല്ലാർക്കും പറ്റുന്നൊരു ദിവസം പറഞ്ഞാ നമുക്കതങ് തീരുമാനിക്കാം…
എല്ലാരും പരസ്പരം നോക്കിയതല്ലാതെ ആരും ഒരു ദിവസം പറയുന്നില്ല
ആദി : ആരും പറയാത്ത സ്ഥിതിക്ക് എന്റെ അഭിപ്രായം ഇന്നേക്ക് രണ്ടാമത്തെ ഞായറാഴ്ച്ച ജോലിക്ക് പോകുന്നോരെയും പിള്ളേരെ സ്കൂളിൽ വിടുന്നോരെയും സൗകര്യം നോക്കി പറഞ്ഞെന്നെ ഉള്ളൂ ആർക്കേലും എതിർപ്പുണ്ടേൽ പറയാം
തൊമ്മിച്ചായൻ : അതാവുമ്പോ ബന്തുക്കളെയൊക്കെ വിളിച്ചറിയിക്കാനും സമയം കിട്ടും എന്താ നിങ്ങളെ അഭിപ്രായം…
ശിവൻ (പെണ്ണിന്റെ അപ്പന്റെ മൂത്ത മാമൻ) : അങ്ങനെ ആവട്ടെ…
അവിടുന്നിറങ്ങി ഉപ്പയും ഉമ്മയുമൊക്കെ ഉപ്പാന്റെ പെങ്ങളെ വീട്ടിലേക്ക് പോയി അവരെ ലെച്ചുവിന്റെ വീട്ടിലിറക്കി ഞാൻ വീട്ടിലേക്ക് വന്നു കണക്കുകൾ നോക്കിയിരിക്കെ അഫിയും റിയയും അങ്ങോട്ട് വന്നു
ലെച്ചു എവിടെ…
ചേച്ചീടെ വീട്ടിലെ വിരുന്നുകാരൊന്നുമിന്ന് പോവുന്നില്ലെന്ന്
സജിയേട്ടനും വൈഫും മക്കളുമല്ലേ…
അവര് മാത്രമല്ല ഷൈജേച്ചിയും ദാസേട്ടനും…
മ്മ്…
അവരടുത്തെത്തിയതും ലാപ്പ് മാറ്റിവെച്ച് അവരെ ഇരുവശത്തുമായി ഇരുത്തി തോളിൽ കൈ ഇട്ടു ചേർത്തു പിടിച്ചു
റിയ : നന്നായി വിയർത്തിട്ടുണ്ട് സ്മെൽ വരും (അവളുടെ ബോഡി സ്മെൽ ഇഷ്ടപെടാതിരിക്കുമോ എന്ന ഭയത്തോടെ)
അവളെ ഒന്നൂടെ അമർത്തി പിടിച്ചുകൊണ്ട് കവിളിൽ ഉമ്മവെച്ചു കഴുത്തിൽ ചെറുതായി നക്കി
നല്ല രുചിയുണ്ട്…
അവൾ ചിരിയോടെ എന്നെ നോക്കി
അഫി : (ചുറ്റും കണ്ണോടിച്ചു) അവരെന്തായി
അസ്ഥിവാരം ഇളകിതുടങ്ങിയതറിയാതെ ബാംഗ്ലൂർക്ക് പോവുന്നു
അഫി ചിരിയോടെ എന്നെ നോക്കി റിയ അല്പം നീങ്ങി എന്റെ മടിയിൽ തല ചായ്ച്ചു
അന്ന് രാത്രി ഞങ്ങൾ എന്റെ വീട്ടിൽ താമസിച്ചു പിറ്റേന്ന് കാലത്ത് ഞാനും ബിച്ചുവും അമലും ഖലിദിനെയും സഹോദരികളെയും കൂട്ടാൻ എയർപോർട്ടിലേക്ക് ചെന്നു ഹോസ്പിറ്റലിൽ എത്തുമ്പോ റൂമിനു വെളിയിലും റൂമിലുമായി എന്റെ വീട്ടുകാരും കൂട്ടുകാരും അഫിയും മേഡവും തേൻമൊഴിയും ചന്ധിനിയും ദിവ്യയും എല്ലാമുണ്ട് ഖാലിദ് ബാബക്ക് സലാം ചൊല്ലിമുത്തിയ പിറകെ ഞാനും ബാബക്ക് സലാം ചൊല്ലി മുത്തി സലാം മടക്കി ബാബ ഞങ്ങളെ നോക്കി കാലിദിന്റെ സഹോദരിമാർ ബാബക്ക് സലാം ചൊല്ലി അവരും ബാബയെ മുത്തി സലാം മടക്കിയ ശേഷം ഞങ്ങളെ നോക്കി ചുറ്റും നോക്കി നൂറയെയും അടുത്തേക്ക് വിളിച്ചു അവരോട് എന്തോപറയാനാണെന്നു കരുതി പുറത്തേക്കിറങ്ങാൻ പോയ എന്നോട് നിൽക്കാൻ പറഞ്ഞുകൊണ്ട് ബാബ ഞങ്ങളെ നോക്കി