വരമ്പിലൂടെ നടന്ന് തെങ്ങിൻ പറമ്പിൽ എത്തിയാൽ അവിടുന്ന് വേഗം കവലയിൽ എത്തി ബസ് പിടിക്കാം
തലേന്നത്തെ മഴ കാരണം ആകെ ചളിയും നനവുമാണ്
തെന്നി വീഴാതെ ഞാൻ ശ്രെദ്ധിച്ചു നടന്നു
ആകാശം ഇപ്പോളും പൂർണമായും തെളിഞ്ഞിട്ടില്ല
കിളികൾ പോലും പണിമുടക്കിൽ ഏർപ്പെട്ട പോലെ
മൊത്തത്തിൽ ഒരു ശോകമൂകമായ അന്തരീക്ഷം
ആ ജീവസ്സറ്റ അന്തരീക്ഷത്തിന് പോലും തീ പിടിപ്പിക്കാൻ കഴിവുള്ള ഒരാൾ മദഗജം പോലെ മെല്ലെ എനിക്ക് നേരെ എതിർ ദിശയിൽ മുറുക്കാനും ചവച്ചു കൊണ്ട് നടന്നു വരുന്നത് ഞാൻ കണ്ടു
താര!
മന്ത്രവാദിനി താര!
അല്ല, വിശ്വമോഹിനിയായ താര എന്ന സുരസുന്ദരി!