” ഏട്ടൻ എന്നാലും ഞങ്ങളെ കുറിച്ചൊന്നും ഏട്ടത്തിക്ക് പറഞ്ഞു കൊടുക്കാത്തത് മോശമായിപ്പോയി.. ”
പരിഭവം പറയുന്നത് പോലെ പറഞ്ഞപ്പോ എനിക്കും അങ്ങ് വല്ലാണ്ടായി.. സത്യത്തിൽ മറന്നു പോയതാ അല്ലാതെ..
“അഹ് അത് പോട്ടെ… എടാ എങ്ങനെ…,എന്റെ നാത്തൂൻ പാവമണോ.. ”
” കണ്ടിട്ടെന്തു തോന്നുന്നു നിനക്ക് ..? ”
” പാവമാന്നാ നിക്ക് തോന്നണേ..ആല്ലേൽ നിന്നെ സഹിക്കുവോ… അല്ലെ മാളു.. ”
അതിന് അവളും തല കുലുക്കി എണ്ണിറ്റ് എനിക്ക് ഒറ്റക്ക് വയ്യാ,ഒന്ന് പിടിക്കാമോ എന്ന് ചോദിച്ചപ്പോ ഒരു ഗ്ലാസ്സ് വെള്ളം കൊണ്ട് തന്നാൽ എണ്ണിപ്പികം എന്നൊരു ഡിമാന്റ്.. പിന്നെ കിടന്ന് പെടുക്കാൻ പോലും പറ്റാതെ കിടക്കണ എന്നോട്..
ആമി തിരിച്ചു വന്നത് നാരങ്ങ വെള്ളോമായിയാണ്, അതും വാങ്ങി കുടിച്ച് എന്നെ നോക്കുന്ന പെണ്ണിനോട് ഞാൻ
“സെൻസസ് എടുത്ത് കഴിഞ്ഞോ…., എന്തോന്ന് നോക്കി നിൽകുവടി എണ്ണിപ്പിക്ക്… വയ്യാ.. ”
എന്ന് പറഞ്ഞതും പെട്ടെന്ന് എന്റെ വയറിലൂടെ കൈയിട്ട് എന്നെ എണ്ണിപ്പിച്ചു.. ഞാൻ സോഫയിൽ ഇരുന്ന് അവളേം ഞങ്ങളുടെ കൂടെ ഇരുത്തി.. ഞാൻ കുടിച്ച ബാക്കി നാരങ്ങ വെള്ളം അവൾക് കൊടുത്തപ്പോ കണ്ണുകൊണ്ട് അവരെ കാണിച്ചു അതിന്
” ഓ ഞങ്ങളൊന്നും കാണുന്നില്ലേ… ”
എന്ന് മാളു ഒരു കമ്മറ്രി അടിച്ചതും പെണ്ണ് ഒന്ന് ചമ്മി ഞാൻ അത് കാര്യമാക്കണ്ട കുടിച്ചോ എന്ന് പറഞ്ഞപ്പോ എന്റെ ഷോൾഡറിന്റെ ബാക്കിലായി ഇരുന്നു അതിന്റെ ബാക്കി അവൾ സ്വന്തമാക്കി.. ഇതെല്ലാം അവര് രണ്ടാളും ഒരു ചിരിയോടെ നോക്കി കാണുന്നുണ്ടായിരുന്നു..
അങ്ങനെ ഞങ്ങൾ കുറച്ചധികം സംസാരിച്ചു.. ഒരു രണ്ടരയോടെ അമ്മയും അച്ഛനും ഏട്ടനും ഏട്ടത്തിയും എത്തി.. പിന്നെ പതിവുപോലെ ഓരോന്ന് പറഞ്ഞു ഇരുന്ന് അപ്പോളാണ് മാളു..
“ഇപ്പോ നമ്മടെ കുളത്തിൽ വെള്ളം ആയി കാണില്ലേ…!!
ഏട്ടാ പോയാലോ..”
ഒന്ന് സ്റ്റോപ്പ്‌ ഇട്ട് എല്ലാരേം നോക്കി അവസാനം എന്നോട് അനുവാദം ചോദിച്ചപ്പോ ഞാൻ ചാടി എണ്ണിറ്റ്.
വേറെയാർക്കും എതിരാഭിപ്രായം ഇല്ലാത്തതിനാൽ തോർത്തും ഷോർട്സും ഒക്കെ എടുത്ത് ഞാൻ റെഡിയായി.. അങ്ങനെ കുളത്തിനരികിലേക്ക് നടന്ന്
വീടിനു രണ്ടുവളവപ്പുറത്താണ് കുളം തറവാട്ടു വകയായതിനാലും അച്ഛന്റെ പേരിലായതിനാലും അതേപ്പോളും വൃത്തിയായിരിക്കും.. ഒരുപാടായി ഞാൻ ഇങ്ങോട്ടേക് വന്നിട്ട്.. മുന്നിൽ ഏട്ടത്തിയും ഏട്ടനും എന്തൊക്കെയോ പറഞ്ഞു നടക്കുന്നു അവരോടു കുശലം ചോദിച്ചു ലച്ചുവും മാളുവും, അതിന് പിന്നിലായി എന്റെ തൊളിൽ തലച്ചേർത്തു കൈയിൽ കൈയും ചേർത്ത് അങ്ങനെ ഞങ്ങൾ നടന്ന് ഇടക്ക് അവൾ ഓരോന്നൊക്കെ ചോദിക്കുമ്പോളും അതിന് ഉത്തരം കൊടുതു പോകുമ്പോ സമയം പോയതേ അറിഞ്ഞില്ല.
” നീ ചാടുന്നുണ്ടോ..?? ”
എന്നേട്ടത്തി ചോദിച്ചപ്പോ ഉടുത്തിരുന്ന കൈലി പറിച്ചു ഒരത്തേക്ക് എറിഞ്ഞു.. അത് കണ്ട് ആമി ഒന്ന് കിടുങ്ങിയോ…
” അഹ് തോമാച്ചായൻ മുണ്ട് പറിച്ചിട്ടുണ്ട് ഇനി വെള്ളം കലക്കാതെ സമാധാനം ഉണ്ടാവില്ല.. ”
എന്നും പറഞ്ഞു എല്ലാരും ചിരിക്കുമ്പോ ആമി ഒരാളിഞ്ഞ ചിരിയാൽ എന്നോട് ചേർന്ന് നിന്നിട്ട് പതിയെ..
” പെൺപിള്ളാര് നിൽകുമ്പോളാണോ മനുഷ്യ വൃത്തികേട് കാണിക്കുന്നേ…”
ഏഹ് ഇതിലിപ്പോ എന്ത് വൃത്തികേട്.. വൃത്തികേട് കാണാതെ ഇരിക്കാൻ അല്ലെ ഞാൻ ഷോർട്സ് ഇട്ടത്..
” എടി അതിനെന്തു വൃത്തികേട് കാണിച്ചുന്നാ നീ ഈ പറയണേ.. ഇത് ഞാൻ അവിടെ ഉള്ളപ്പോ വീട്ടിൽ ഇടുന്നതാ..”
എന്ന് പറഞ്ഞതും പെണ്ണ് കണ്ണ് മിഴിച്ചു..
” അപ്പൊ..അവിടെ ഇപ്പോളും ഇങ്ങനത്തെ ഡ്രെസ്സാണോ ഇടണേ..”
അതേയെന്ന് പറഞ്ഞുകൊണ്ട് ടി ഷർട്ട്‌ അഴിച്ചതും
” ഏട്ടൻ ചാടുന്നിലെ..?? ”
എന്ന് ഞാൻ ഏട്ടനോട് ചോദിച്ചപ്പോ പുള്ളി ചാടണോ എന്നൊരു മാറുചോദിയം അങ്ങനെ പുള്ളിയും ഉടുത്തിരുന്ന കൈലിയും മടക്കി റെഡിയായി..
” കണ്ട സിക്സ് പാക്ക് കണ്ട നിങ്ങടെ കെട്ടിയോനെ പോലെയാണോന്നു നോക്ക് തള്ളേ… “
ഏട്ടത്തിയുടെ മുന്നിൽ നിന്ന് ബോഡി ഷോ ഇറക്കുന്ന കുട്ടത്തിൽ ഏട്ടനിട്ടൊരു കോട്ടും കൊടുക്കാൻ ഞാൻ മറന്നില്ല. ഇങ്ങേരു ഇതെന്തോന്നാ കാണിക്കണേ എന്നാ മട്ടിൽ ആയിരുന്നു ആമി.
” ടാ കോപ്പേ നീ എന്തിനാ എന്നെ ഇതിലൊട്ട് ഇടുന്നെ..ചാടുന്നുണ്ടേൽ ചാട്… .. ”
പറഞ്ഞു മുഴുവിപിച്ചതും പുള്ളി ഒറ്റ ചാട്ടം.. പിന്നെ ഞാൻ അവളുമാരെ നോക്കി, അതിന് മുന്നെ
” അവന്റെ ഒരു സിസ്പാക്ക്…മോളെ ഇവനെ നീ ശ്രദ്ധിച്ചോ..”
അതിനാമി ഞാൻ നോക്കിക്കോളാമേട്ടത്തി നൊരു ഡയലോഗ് വിട്ട് എന്നെ തിരിച്ചൊരു നോട്ടം..ഏട്ടത്തിയും പിള്ളാരും ചിരി.. അതെനിക് തിരിച്ചടിച്ചതാണെന്ന് മനസിലായപ്പോ ഞാൻ ചാടി കേറി,
” എന്തോന്ന്… നീ ഇതൊന്നും കേൾക്കണ്ടെടി..വെറുതെ പറയാ.. ”
” വെറുതെയൊന്നും അല്ല കഴിഞ്ഞ വെക്കേക്ഷന് വന്നപ്പോ എന്റെ ഒരു ഫ്രണ്ടിനെ സെറ്റ് ആക്കികൊടുക്കാൻ എനിക്ക് മൊബൈൽ ഫോൺ ഓഫർ ചെയ്ത സാറാണ് ഇത്..”
സബാഷ്… ഖത്തം… ടാറ്റ ഗുഡ് ബൈ… സീ യു.. എന്റെ പെട്ടിയിലേക്കുള്ള അണിയായിരുന്നു അത്..ഒന്നാതെ എന്റെ സമയം ശെരിയല്ല അതിന്റെ കൂടെ ഓരോ വള്ളികേട്ടെ.,
അതിനവൾ നോക്കി ദഹിപ്പിക്കുന്ന കണ്ടപ്പോളെ എനിക്ക് മനസിലായി തീർന്ന് ഞാൻ തീർന്നെന്ന് അത് കണ്ടിട്ടെന്നോണം എല്ലാർക്കും മുഖത്ത് ഭയങ്കര സന്തോഷം.. ഒരുത്തന്റ മറ്റെടത്ത് കോലിട്ട് ഇളക്കിട്ട് എല്ലാം നിന്ന് ചിരിക്കുന്നു..
ഞാൻ പിന്നെ ഒട്ടും വൈകിപ്പിച്ചില്ല ഒറ്റ ചാട്ടം യെശോധേ…. ഇല്ലേൽ എന്നെ അവൾ എടുത്തുടുത്താലോ…
വൈകിട്ടായപ്പോളേക്കും പിള്ളാര്‌ രണ്ടും പോയി പിന്നെ ഞങ്ങൾ നാളത്തെ പൊക്കിനുള്ള ഒരുക്കങ്ങൾ തുടങ്ങി. ശെടാ നിങ്ങൾ അറിഞ്ഞില്ലായിരുന്നൊ ഞങ്ങൾ പോവാ നാളെ എന്റെ ഫ്ലാറ്റിലേക്ക്,നിങ്ങള് നല്ല ആൾക്കാരാ ഞങ്ങളുടെ കാര്യം മുഴുവൻ അറിയാവുന്നവർ അല്ലെന്ന് വെച്ച ഞങ്ങളു ചോദിക്കാഞ്ഞേ. ആഹ്ഹ് പോട്ടെ.. വിട്ട് കള,
പിറ്റേന്ന് രാവിലെ തന്നെ റെഡിയായി അവളുടെ ഒരു ബാഗ് മാത്രം എടുത്ത് എന്റെ ആവശ്യത്തിന് അവിടെ ഉണ്ടല്ലോ.. അങ്ങനെ എല്ലാരോടും യാത്രയും പറഞ്ഞു ഞങ്ങൾ ഇറങ്ങാൻ തയാറെടുത്തപ്പാക്കി..അമ്മക്കും ഏട്ടത്തിക്കും അച്ഛനും ഏട്ടനും ആർക്കും അവളെ വിടണെന്നില്ല പോവയ്യാതെ നിവർത്തിയില്ലലോ , കുറച്ചു നേരത്തെ സ്നേഹപ്രകടനത്തിനോടുവിൽ അവൾ വന്ന്
” നീ ഇറങ്ങിയോ.. ”
എന്ന് അച്ഛൻ ചോദിച്ചപ്പോ, ഇല്ല കുറച്ചൂടെ ഇറങ്ങാൻ ഉണ്ട് എന്തെ തിരിച്ചു കേറണോ..അര മുക്കാൽ മണിക്കൂർ ആയി ഞാൻ ഇവിടെ പട്ടിപോസ്റ്റ് അടിച്ചിരിക്കുന്നു. ഇപ്പോളെലും ചോദിച്ചല്ലോ..ഇങ്ങനെ ഒരാൾ ഉണ്ടെന് ഓർത്തോ..
ഞാൻ ഒരു ബ്ലാക്ക് ഹുഡ്‌ഡി യാണ് ഇട്ടിരിക്കുന്നെ അവള് ഒരു ഗ്രീൻ ചുരിദാർ..
അങ്ങനെ എല്ലാരോടും യാത്രയും പറഞ്ഞു മിക്കമണിക്കൂർ അങ്ങനെ പോയി.. ഇനി എറണാകുളം ചെല്ലുമ്പോ പത്താകുല്ലോ..
