അമ്മയാണ് എന്റെ പ്രകടനം എല്ലാം കണ്ട് കണ്ണുമിഴിച്ചു നിന്നതല്ലാതെ ഒന്നും മിണ്ടില്ല ഇപ്പോളാണ് ഒന്ന് വായ തുറക്കുന്നെ
” അവനെ.. അവൻ എന്റെ ഭാര്യയുടെ കൈക്കാ കേറിപ്പിടിച്ചേ, അതും നോക്കി നില്ക്കാൻ മാത്രം ഞാൻ വെറും പൊട്ടനല്ല .”
അവളെ ചേർത്ത് പിടിച്ചു ഞാൻ അവിടെ തന്നെ നിന്ന്പറഞ്ഞതും ഒരു ചിരിയും സമ്മാനിച്ചു അവരകത്തേക്ക് പോയി
” എന്തിനാ തല്ലുണ്ടാക്കിയെ.. ”
എന്നൊരു ചോദ്യം എന്റെ വലതു ഭാഗത്തു നിന്ന് വന്നപ്പോ ഞാൻ തലച്ചേരിച്ചു നോക്കി…
” അതിന് തല്ലു കൊടുത്തതല്ലേ തിരിച്ചു കിട്ടില്ലലോ പിന്നെങ്ങനാ തല്ലുണ്ടാക്കുന്നെ.. ”
എന്നൊരു മറുചോദിയം ഇട്ടപോ പെണ്ണ് മുഖവും വീർപ്പിച്ചു തോളിലൂടെ ഇട്ട എന്റെ കൈ തട്ടിമാറ്റി തിരിഞ്ഞു നിന്ന്..
” അല്ല ഏട്ടനെങ്ങനെ അറിയാം അയാളെ… ”
അമ്മയും അച്ഛനും അകത്തേക്ക് പോയതും അഞ്ചു മുറ്റത്തേക്ക് ഇറങ്ങി ഞങ്ങളുടെ അടുത്തേക്കായി വന്നു
” അതോ അത് പണ്ട് ഞാൻ കോളേജിൽ പഠിക്കണ സമയത്ത് ഇവനും ഇവന്റെ കുറച്ച് ഫ്രണ്ട്സും വന്ന് കോളേജിൽ കേറി അലമ്പാക്കി. എന്റെ ജൂനിയറായി പഠിക്കണ ഒരു പാവം കൊച്ചിന്റെ കൈയിൽ കേറി പിടിച്ചു ഷോ.ഇത് കണ്ടോണ്ട ഞാൻ വന്നേ.”
” ഇടിച്ചോ ഏട്ടൻ… ”
അമിയായിരുന്നു അത്. പുള്ളി കഥയെല്ലാം ശ്രദ്ധയോടെ കെട്ടിരിക്കുവാണ്
” ഇടിച്ചൊന്നോ, അത്രേം ആളുകളുടെ നടുക്കിട്ട് അവന്റെ കൈയും മൂക്കിന്റെ പാലത്തിനും ഒരു തീരുമാനമാക്കി. ”
പറഞ്ഞൂ നിർത്തിയതും ആമി വീണ്ടും അമ്പരന്ന് എന്നെ തന്നെ നോക്കി നില്കുന്നുണ്ട്
” എന്നിട്ട്..? ”
” എന്നിട്ടെന്താ പോലീസ് പിടിച്ചു… രണ്ടുദിവസം ജയിലിലും കിടന്നു . ”
“അയ്യോ എന്നിട്ട്…അവര് അവര് തല്ലിയോ..”
എന്റെ പാമ്പ്രന്നോത്തിയാണ് . ഇല്ല ഒരുത്തന്റെ മുക്കിടിച്ചു സർവ്വേ കല്ലുപോലെയാക്കിയ എന്നെ അവര് വിളിച്ച് ഇരുത്തി ക്യാബ്ര കാണിച്ചുതരും
” ഏയ്യ്..ഒന്നുല്ല രണ്ടുദിവസം കഴിഞ്ഞപ്പോ വിട്ടു. ”
അവിടെ നടന്ന സംഭവം വിവരിച്ചാൽ ഇവിടുള്ള ഇമേജിനു കോട്ടം വരും എന്നായപ്പോ വിഷയം മാറ്റാൻ ഞാൻ തീരുമാനിച്ചു.
” അമ്മോ….. ”
ഞാൻ അവളുടെ തോളിലൂടെ കൈയിട്ട് അകത്തേക്ക് നീട്ടി വിളിച്ചു..കുറച്ച് കഴിഞ്ഞു അമ്മ അടുക്കളയിൽ നിന്നും സാരിതലപ്പിൽ കൈയും തൂത്ത് ഇറങ്ങി വന്നു..
” അതെ ഞങ്ങള് ഒന്ന് നടന്നിട്ട് വരവേ… “.
എന്നും പറഞ്ഞു ഞാൻ അവളേം കൊണ്ട് മുന്നോട്ട് നീങ്ങി. ഞാൻ തിരിഞ്ഞു അഞ്ചുനേ നോക്കി
” നിന്നോട് ഇനി പ്രതേകിച്ചു പറയണോ വരാൻ.. ഇറങ്ങിവടി കുറുമ്പി.. ”
കേൾക്കണ്ട താമസം പെണ്ണ് ഒറ്റചാട്ടത്തിന് ആമിയെ തള്ളി മാറ്റി ഞങ്ങളുടെ ഇടയിൽ സ്ഥാനം പിടിച്ചു
“ഹാ… അങ്ങോട്ട് മാറി നിലക്ക് പെണ്ണെ ”
അവളെ എന്നിൽ നിന്നും പിടിച്ചു മാറ്റിയത് ഇഷ്ടപ്പെട്ടില്ല അവൾക് എന്നാൽ അതൊന്നും മൈൻഡ് ആകാതെ അവൾ എനോടൊപ്പം വെളിയിലേക്ക് നടന്നു. അമ്മ ഇതെല്ലാം ഒരു ചിരിയോടെ നോക്കി ഉമ്മറപ്പടിയിൽ നിറകണ്ണുകളാൽ നിൽക്കുന്നതും കണ്ടാണ് ഞാൻ രണ്ടിനേം കൊണ്ട് അവിടുന്ന് ഇറങ്ങുന്നത്
” ഏട്ടാ ഒരു നൂറു രൂപ തരുവോ.. ”
കുറെ ദൂരം നടന്നു ഒരു കവലയിൽ എത്തിയതും ആമി എന്നോട് ചോദിച്ച ചോദ്യത്തിന് ഞാൻ മറുപടി ഒന്നും പറയാതെ പേഴ്സ് ആമിയുടെ കൈയിൽ കൊടുത്ത് അവൾ അതും ആയി ദൂരെ ആൽമരച്ചോട്ടിൽന്റ ഭാഗത്തേക്ക് പോകുന്നത് കണ്ടപ്പോ അറിയാതെ മനസൊന്നു കുളിർന്നു ആ മരച്ചോട്ടിൽ ഒരു പാവം ഭിഷകരൻ ഇരിപ്പുണ്ട് ആ പാവത്തിന് കൊടുക്കാൻ ആണ് എന്റെ പെണ്ണ്… ഇതിനൊക്കെയാണ് നന്മ്മ ഉള്ള ലോകമേ.. Bgm ഇടണ്ടേ…
” കണ്ടോടി എന്റെ ഭാര്യയുടെ മനസ്സ് ആ പാവത്തിന് കൊടുക്കാൻ ഹോ…. ”
ഞാൻ സ്വയം കുളിര്കൊണ്ടു
” അതെ… അത് എന്റെ ചേച്ചിയാ, അതിനെ എനിക്ക് നന്നയിയറിയാം.. ഏട്ടൻ ഒന്നങ്ങിട് സൂക്ഷിച്ചു നോക്കിയേ.. “
ഞാൻ അങ്ങോട്ട് നോക്കി അഹ് ഇവൾ ഇതെവിടെ പോവാ.. പുള്ളി അവിടെയല്ലേ ഇരിക്കുന്നെ ഇവൾ അങ്ങോട്ട് എന്തിനാ.. ഓ ചിലപ്പോ ഫുഡ് വല്ലോം വാങ്ങികൊടുക്കാൻ ആകും
” എന്ത് നോക്കാൻ…..
അവൾ അയാൾക് വല്ല ഫുഡ് വാങ്ങാൻ പോകുവായിരിക്കും ”