ഞാൻ ഒരു ഒഴുക്കൻ മട്ടിൽ പറഞ്ഞിട്ട് അവളെ അഞ്ചുനേ നോക്കി, അവിടെ കളിയാക്കി ഉള്ള ഒരു ചിരി
” അത് അയാൾക്ക് ഉള്ള ഫുഡ് അല്ല അത് ചേച്ചിക്ക് ഉള്ള ഫുഡാണ്.. സംശയം ഉണ്ടേൽ നോക്കിക്കോ… “.
എന്നും പറഞ്ഞു കൈയും കെട്ടി ആമിയെ നോക്കി, എന്നാൽ അവൾ ഞങ്ങളുടെ അരികിലായി എത്തിയിരുന്നു
” ചേച്ചി ഈ പഞ്ഞിമിട്ടായി എല്ലാം ആർക്ക് വേണ്ടിയാ വാങ്ങിയേ… “,
” നമ്മക്… ”
” എന്തോ. ”
അഞ്ചു ഒന്ന് നിർത്തിട്ട് അവളെ രൂക്ഷമായി ഒന്ന് നോക്കി
” എനിക്ക്.. ”
എന്നെ ഒന്ന് പാളിനോക്കി അവൾ എന്റെ കൈയിൽ പിടിച്ചു
” അതേട്ടാ. എന്താന്നറിയുവോ എനിക്ക് ഭയകര ഇഷ്ട ഇത് അതോണ്ടാ. ”
കൊച്ചുകുട്ടികൾ ചിണുങ്ങുന്ന പോലെ ചിണുങ്ങുന്ന അവളെ കണ്ടപ്പോ എനിക്ക് പിന്നേം എന്റെ പെണ്ണിനോട് സ്നേഹം കൂടി
” മോള് കഴിച്ചോടാ… ദേ ഈ പെണ്ണിനും കൊട് ഇല്ലേൽ കൊതികുത്തും.. ”
അങ്ങനെ പറഞ്ഞപ്പോ വലിയ താല്പര്യം ഇല്ലാത്ത പോലെ രണ്ടുകവർ അവൾക്കു നേരെ നീട്ടി,, പിന്നെ എന്നെ അവരുടെ നാട് കാണിക്കുന്ന തിരക്കിൽ ആയിരുന്നു ചേച്ചിയും അനിയത്തിയും, അവർ പഠിച്ച സ്കൂളും, കളിച്ചു നടന്ന സ്ഥലവും എല്ലാം..
” ഏട്ടാ… ഏട്ടന് പ്രേമം ഒന്നുമില്ലായിരുന്നോ.. ”
ഇടുങ്ങിയ മണ്ണിട്ട പച്ചപ്പ് നിറഞ്ഞ ആ വഴിയിലൂടെ നടക്കുന്നതിനിടക് അഞ്ചു എന്നോട് ചോദിച്ച ആ ചോദ്യം എന്നെ 5 വർഷം പിന്നിലേക്ക് കൊണ്ട് പോയി..
” ആതിര… ”
എന്റെ വായിൽ നിന്ന് ആ പേര് എങ്ങനെ വന്നെന്ന് എനിക്ക് ഇന്നും അറിയില്ല സുഹൃത്തുക്കളെ..
” ആതിരയോ… അതാരാ…??”
ഇയ്യോ.. ഇത് കടിക്കുവോ.കത്തി ജ്വലിച്ചു നിൽകുവാണ് അവൾ, ഇടക്ക് ഇടക്ക് ജ്വാലിക്കുണ്ടല്ലോ ഇനി ഇവള് വല്ല എയൺ മാനിയും ആണോ .
” അമ്മായി…!! അല്ലപിന്നെ. ഒന്ന് മിണ്ടാതെയിരിക്കുവോ യേച്ചി..ഏട്ടൻ ബാക്കി പറ ”
എന്തോന്ന് പറയാൻ ഒരു പേര് പറഞ്ഞപ്പോതന്നെ ഇങ്ങനെ. പിന്നെ അറിഞ്ഞോണ്ട് ആരേലും കൂർള എക്സ്പ്രസ്സിന് തലവയ്ക്കുവോ.. ഒന്നുപൊടി പെണ്ണെ . അവള് കഥകേൾക്കാൻ വന്നേക്കുന്നു
” എന്തോന്ന് പറയാൻ ഒന്നുല്ല… നടക്കങ്ങോട്ട്, ”
പിന്നെ അതുടെ പറഞ്ഞിട്ട് വേണം ഉള്ള റേഷൻ കൂടെ ഇല്ലാതാക്കാൻ.. ഇവിടെ അരിയും മൂഞ്ചി മണ്ണണ്ണയും മൂഞ്ചി. ഇനി മാസമാസം കിട്ടണ പഞ്ചസാരകുടെ മൊഞ്ചിക്കണോ..
” ശോ.. രണ്ടും കണക്കാ… ഹും.. ”
എന്നും പറഞ്ഞ് കെറുവിച്ചു അഞ്ചു മുന്നിൽ നടന്ന്,അതെനിനക്കൊരു മുതൽക്കൂട്ടായിരുന്നു.. ഞാൻ ആമിടെ തോളിലൂടെ കൈയിട്ട് ഉടനെ അവൾ കൈ തട്ടിമറ്റിയേകുന്നു.. എന്റെ സ്വന്തം കൈ തട്ടിമറ്റുമ്പോൾ എന്നോട് അനുവാദം ചോദിക്കണ്ടേ നിങ്ങള് തന്നെ പറ.. മര്യാദ എന്നൊരു സാധനം.. ങേ ഹേ..
” ഹാ നീ ഇങ്ങനെ പിള്ളേരെ പോലെ അകതെ.. ”
” എന്ത്.. കൈയെടുക്ക് പോ.. മാറിപ്പോ… വരണ്ട എന്റെടുക്കെ… ”
പുള്ളി നല്ല കലിപ്പാ… അഹ് ഹാ എനോടോ ബാല.
” എന്നാ പിന്നെ വേറെ ആരേലും കിട്ടോന്ന് നോക്കട്ടെ കൈയിട്ട് നടക്കാൻ.. ”
എന്നും പറഞ്ഞു ചുറ്റും നോക്കിയതേ എന്റെ തൊളിൽ പിടിച്ചു ഒറ്റ കറക്ക്
” അങ്ങനെ എന്തേലും ണ്ടായാൽ പിന്നെ നിങ്ങൾക് ഈ കൈയുണ്ടാവില്ല പറഞ്ഞേകാം.”
എന്ന് വളരെ കലിപ്പിൽ പറഞ്ഞതും ഞാൻ ഉടനെ
” അയ്യോ എനിക്ക് ചോറുണ്ണാൻ പറ്റൂല്ല കൈയില്ലേൽ.. ”
എന്ന് പറഞ്ഞ് ചിണുങ്ങിയതും.
” സരയില്ല ഞാൻ വാരി തന്നോളം… ”
മുഖത്ത് നോക്കാതെ ഉള്ള മറുപടിക്ക് ഞാൻ ഒന്ന് പതറിയെങ്കിലും പുറത്തു കാണിച്ചില്ല..
ഇനി ഇവളെങ്ങാനും വെട്ടുവോ.. ചിലപ്പോ ഇവൾക്കും എന്റെ തന്തക്കും ഒരേ സ്വഭാവവാ..
അപ്പോളേക്കും ഞങ്ങൾ വീടെത്തറായായിരുന്നു, കേറുന്നതിനു മുന്നെ ഫോൺ ബെല്ലടിച്ചു ആമിയുടെ കൈയിൽ ആയിരുന്നു ഫോൺ അതും വാങ്ങി കാൾ അറ്റൻഡ് ചെയ്ത്
” നിങ്ങൾ എവിടാടാ.. ”
” വീട്ടിൽ ഉണ്ട്… എന്നതാ പെണ്ണുമ്പുള്ളെ.. ”
എന്നൊരു മറുചോദിയം എന്നിൽ നിന്നും വീഴാൻ അതികം സമയം ഒന്നും വേണ്ടി വന്നില്ല.. അതിനിടക്ക് ആരാണ് എന്നൊക്കെ ഒരാള് കൈകൊണ്ട് കാണിക്കുണ്ട് അതിന് പറയാം എന്നൊരു ആംഗ്യം കാണിച്ചതെ ഉള്ളൂ
” എന്റെ ദൈവമേ നിങ്ങളിതുവരെ പുറപ്പെട്ടില്ലേ..”