” ആതു.. ”
“ഞാൻ ഞാൻ ഒന്നും ചെയ്തില്ല. .. ഞാൻ ചേച്ചിയെ തള്ളിയിട്ടില്ല… ഞാൻ ഒന്നും ചെയ്തില്ല. ഞാൻ തള്ളിയിട്ടില്ല. ഞാൻ കൊല്ലാൻ നോക്കിയില്ല. കിച്ചു ഏട്ടാ ഞാൻ കൊല്ലാൻ നോക്കിയില്ല.. ചേച്ചിയെ ഞാൻ കൊല്ലാൻ നോക്കിയില്ല അമ്മേ. ഞാൻ ഒരിക്കലും അങ്ങനെ ചെയ്യില്ല കിച്ചു ഏട്ടാ.”
ആതു പിച്ചും പെയും പറയും പോലെ ആരേയും നോക്കാതെ പറഞ്ഞു. അത് കണ്ടും കേട്ടും ഗൽബി ഭയന്ന് വിറച്ചു. അവൾ പതിയെ ആതുവിനെ തൊട്ടു. തൊട്ട മാത്രയിൽ ഗൽബി കൈ പിൻ വലിച്ചിട്ടു പറഞ്ഞു.
“അമ്മീ അമ്മീ .. ആതു.. ആതുവിന് നല്ല പനിയാണ്. തീ പോലെ പൊള്ളുന്നു.. ”
ഫരിയും വേഗം ആതുവിനെ തൊട്ട് നോക്കി. എന്നിട്ടു പറഞ്ഞു.
“അയ്യോ! മോളെ ! മോള് പോയി സാറിനെ വിളിക്ക്. സാറിനോട് ആതുവിനെ വേഗം ഹോസ്പിറ്റലിൽ കൊണ്ട് പോകാൻ പറ.”
” ഏയ്! അതൊന്നും വേണ്ട ചേച്ചി. അത് സാരമില്ല. അവൾ അവിടെ കിടന്നോളും. നിങ്ങൾ വാ വന്ന് വല്ലതും കഴിക്കാൻ നോക്ക്. ”
ഇന്ദു പറഞ്ഞു. അവളുടെ കണ്ണിൽ നിന്ന് കണ്ണീരാണോ അതോ ചോരയാണോ ഒഴുകുന്നത് എന്ന് അറിയില്ല. അവളുടെ ഉള്ളം ആളികത്തുക ആയിരിക്കും.
ഗൽബി വേദനയും സഹിച്ചു വേഗം പുറത്തേക്ക് ഓടി വന്നു .
“സാറേ സാറേ.. ആതു ആതു.” എന്ന് വിളിച്ചാണ് ഗൽബി ഓടി വന്നത്.
അവളുടെ വരവിൽ തന്നെ എന്തോ പന്തികേട് എനിക്ക് തോന്നി. ഇനി ആ പാവം പെണ്ണ് ആതു. വല്ല കടുംകൈയ്യും ചെയ്തു കാണുമോ..? ഞാൻ പേടിച്ചു.
“എന്താ.. എന്താ.. അവൾക്ക് എന്താ.? ” ഓടി വന്ന ഗൽബിയോട് ഞാൻ ചോദിച്ചു.
അവൾ ഒന്നും മിണ്ടാതെ എന്റെ കൈ പിടിച്ചു വലിച്ചു അടുക്കളയിലേക്ക് പോയി.
അവിടെ കണ്ട കാഴ്ചയിൽ എന്റെ ഉള്ള് ശരിക്കും തകർന്നു. ആതുവിനെ അങ്ങനെ കണ്ട ഞാൻ വേഗം അവളുടെ അടുത്തേക്ക് പോയി. അവളെ തൊടാൻ നോക്കിയപ്പോൾ.
“തൊട്ട് പോകരുത്. എന്റെ മോളെ തൊട്ട് പോകരുത്. ”
ഇന്ദുവിന്റെ ഉച്ചത്തിൽ ഉള്ള വാക്ക് കേട്ട് ഞാൻ ഞെട്ടി. അവളെ നോക്കി .
പിന്നെ മെല്ലെ അവളെ വിളിച്ചു.
“ഇന്ദൂ.. ”
“അതേ ഇന്ദു തന്നെയാ ഇന്ദു.. അത് എന്റെ മോളാ. എന്റെ മാത്രം മോള്. തൊട്ട് പോകരുത് അവളെ. ”
ഇന്ദു എന്റെ മുന്നിൽ വന്നു നിന്നിട്ട് പറഞ്ഞു. പിന്നെ വീണ്ടും തുടർന്നു.
“അവൾ, എന്റെ മോള് . അവൾ എന്ത് ചെയ്തിട്ടാ കിച്ചൂ.. അവളൊരു പാവമാ കിച്ചൂ. എന്റെ മോള് . കണ്ടില്ലേ നീ. ..? നീ ഇറങ്ങി പോയപ്പോൾ തൊട്ട് ഇവിടെ കിടന്നു കരയുകയായിരുന്നു. അവൾ ഒന്നും ചെയ്തിട്ടില്ല എന്ന് പറഞ്ഞിട്ട്. എനിക്ക് അറിയാം അവൾ ഒന്നും ചെയ്യില്ല എന്ന്. അവൾ ആരേയും വേദനിപ്പിക്കില്ല എന്ന്. എന്നിട്ട് ഞാനും എന്റെ മോളെ..”
അതും പറഞ്ഞു ഇന്ദു എന്റെ മാറിൽ കിടന്ന് കരഞ്ഞു. ഞാൻ അവളെ ചേർത്ത് പിടിച്ച ശേഷം ഫരിയെ നോക്കി. ഫരി ഇന്ദുവിനെ എന്നിൽ നിന്ന് അടർത്തി മാറ്റി. ഇന്ദുവിനെ കെട്ടിപിടിച്ചുകൊണ്ട് . ആശ്വസിപ്പിക്കാൻ ശ്രമിച്ചു. .
ഞാൻ ആതുവിന്റെ അടുത്ത് ഇരുന്നു. എന്നിട്ട് വിളിച്ചു.
“മോളെ ആതു.. ”
എന്റെ ശബ്ദം തിരിച്ചു അറിഞ്ഞിട്ടോ എന്തോ. അവൾ പറഞ്ഞു.
“ഞാൻ ഒന്നും ചെയ്തിട്ടില്ല കിച്ചു ഏട്ടാ. ഞാൻ ചേച്ചിയെ കൊല്ലാൻ നോക്കിയിട്ടില്ല. ഞാൻ തള്ളിയിട്ടിട്ടില്ല കിച്ചു ഏട്ടാ. എന്റെ ചേച്ചിയെ ഞാൻ ഒന്നും ചെയ്തിട്ടില്ല കിച്ചു ഏട്ടാ.”
അത് കേട്ട് എനിക്ക് കരച്ചിൽ വന്നു. എന്റെ കണ്ണ് നിറഞ്ഞു. എന്നാൽ എന്റെ ഗൽബി പൊട്ടി കരഞ്ഞു. ഫരിയും വിതുമ്പി.
ഞാൻ ആതുവിനെ കോരിയെടുത്തു പുറത്തേക്ക് ഓടി. ഓടുന്നതിനിടയിൽ വിളിച്ചു പറഞ്ഞു.
“ഗൽബി വാ..”
എന്റെ കൂടെ ഗൽബിയും ഓടി വന്നു. അവളുടെ പിറകെ ഫരിയും ഇന്ദുവും.
ഗൽബി വേഗം കാറിന്റെ പിന്നിലെ ഡോർ തുറന്ന് പിടിച്ചു. ഞാൻ ആതുവിനെ ആ സീറ്റിൽ കിടത്തി. ഗൽബി വേഗം സീറ്റിൽ കയറി ഇരുന്നു. എന്നിട്ട് ആതുവിന്റെ തല എടുത്തു മടിയിൽ വെച്ചു.