ഫരി പറഞ്ഞു നിർത്തി. എന്റെ മുഖത്തു നിരാശയുടെയും വേദനയുടേയും ദേഷ്യത്തിന്റെയും ഭാവങ്ങൾ മിന്നിമാഞ്ഞു.
. അതേ സമയം ഗൽബിയുടെ കൈയും പിടിച്ചു സന്തോഷത്തോടെ ആതു നടന്നു. അവളുടെ കൂട്ടുകാർ കുറച്ചു ദൂരെയായി നടക്കുന്നത് അവൾ കണ്ടു.
അവൾ ചോദിച്ചു.
“ചേച്ചി എന്താ മുകളിൽ പോയിട്ട് വരാൻ താമസിച്ചത്…?”
“ഓഹ്! അത് ഒന്നും ഇല്ല. സാറും അമ്മിയും തിരിച്ചു പോകുന്ന കാര്യം സംസാരിക്കുകയായിരുന്നു. അതാ ഞാൻ അവിടെ നിന്ന് പോയത്. ”
ഗൽബി പെട്ടന്ന് വായിൽ വന്ന ഒരു കള്ളം പറഞ്ഞു. അത് കേട്ട് ആതുവിന് എന്തോപോലെ ആയി. അവൾക്ക് സങ്കടം വന്നു. എന്നിട്ട് അവൾ ചോദിച്ചു.
“എന്നിട്ട് നിങ്ങൾ എല്ലാവരും തിരിച്ചു പോകുകയാ..? ഞങ്ങൾ അവിടെ താമസിക്കുന്നത് കൊണ്ടാണോ തിരിച്ചു പോകുന്നത്..? കിച്ചു ഏട്ടൻ വന്നത് അമ്മയ്ക്ക് എത്ര സന്തോഷം ആയെന്നോ.. വല്യമ്മ ഉണ്ടായിരുന്നെങ്കിൽ വല്യമ്മയും ഒരുപാട് സന്തോഷിച്ചേനെ… ചേച്ചിക്ക് എങ്കിലും ഇവിടെ നിന്നൂടെ. എനിക്ക് ചേച്ചിയെ ഒരുപാട് ഇഷ്ട്ടമായി. ”
ഗൽബി എന്ത് പറയണം എന്ന് അറിയാതെ കുറച്ചു സമയം അവിടെ നിന്ന് പോയി. ആതു വീണ്ടും ചോദിച്ചു.
“എന്നിട്ട് തിരിച്ചു പോകാൻ തന്നെ തീരുമാനിച്ചോ..? ”
“ഏയ്. ഇല്ല. ഇനി ആതുവിന്റെ പിറന്നാളും ഓണവും എല്ലാം ആഘോഷിച്ചിട്ടേ ഞങ്ങൾ മടങ്ങി പോകൂ. എനിക്കും ഈ ആതുനെ ഒരുപാട് ഇഷ്ടം ആയി. കൂടെ ഇന്ദു ചേച്ചിയേയും.” ഗൽബി പറഞ്ഞു.
“സത്യം . എന്നിട്ടേ മടങ്ങി പോകൂ…?.” വിശ്വാസം ആകാതെ ആതു ചോദിച്ചു.
“. ഉം. സത്യം. പോരെ. ഇപ്പോൾ സന്തോഷം ആയോ..?” ഗൽബി പറഞ്ഞു.
അത് കേട്ടപ്പോൾ ആതുന് സന്തോഷം ആയി. എന്നിട്ട് പറഞ്ഞു.
“പിന്നെ! ഒരുപാട് സന്തോഷം ആയി. ഞാൻ കരുതി ഞാനും അമ്മയും മാത്രം ആയി ഈ വർഷം ഓണവും എന്റെ പിറന്നാളും ആഘോഷിക്കേണ്ടിവരും എന്ന്. ”
അങ്ങനെ പറഞ്ഞ ശേഷം ആതു പിന്നേയും ചോദിച്ചു.
“ഈ കിച്ചു ഏട്ടൻ എപ്പോഴും ഇങ്ങനെ ആണോ..? എപ്പോഴും ദേഷ്യം പിടിച്ചു.. ”
“ഏയ്. അല്ല. സാർ പാവമാ. വെറും പാവം. ഞാൻ കണ്ടതിൽ വെച്ച് ഏറ്റവും നല്ലയാൾ. അല്ലെങ്കിൽ ഒരേഒരു നല്ല ആൾ. സാറിന് സ്നേഹിക്കാൻ മാത്രമേ അറിയൂ. ആരേയും വെറുക്കാനോ ആരോടെങ്കിലും ദേഷ്യം കാണിക്കാനോ അറിയില്ല. പാവമാ എന്റെ സാർ. വെറും പാവം. ” ഗൽബി വളരെ സന്തോഷത്തോടെ പറഞ്ഞു.
“എന്നിട്ടും കിച്ചു ഏട്ടൻ, എന്റെ അമ്മയോടും വല്യമ്മയോടും. ഞങ്ങൾ എല്ലാവരോടും ഇങ്ങനെ കാണിക്കുന്നത് എന്ത് കൊണ്ടാ..? എന്നോടുപോലും കിച്ചു ഏട്ടൻ എന്തിനാ ഇങ്ങനെ പെരുമാറുന്നത്. ഞാൻ കിച്ചു ഏട്ടനോട് എന്ത് ചെയ്തിട്ടാ.. കിച്ചു ഏട്ടൻ എന്നോട് ഇങ്ങനെ പെരുമാറുന്നത്…?” ആതു നിരാശയോടെ ചോദിച്ചു.
“അത് എനിക്ക് അറിയില്ല ആതു.. ഒരു പക്ഷെ അതിന് എന്തെങ്കിലും കാരണം ഉണ്ടാകും. അങ്ങനെ പെരുമാറാൻ മാത്രം ഉള്ള എന്തെങ്കിലും വിഷമം സാറിന്റെ ഉള്ളിൽ ഉണ്ടാകും. . അല്ലെങ്കിൽ സ്നേഹകൂടുതൽ കൊണ്ടാകും. അല്ലാതെ ഞാൻ എന്ത് പറയാനാ ആതു. എനിക്ക് ഒന്നേ അറിയൂ. എന്റെ സാർ വെറും പാവമാ. ആരുടേയും കണ്ണീര് കണ്ട് നിൽക്കാൻ എന്റെ സാറിന് ആവില്ല. അത്രയും പാവമാണ് എന്റെ സാറ്. അതുമാത്രം എനിക്ക് ഉറപ്പാണ്. ” ഗൽബി പറഞ്ഞു.
അപ്പോഴേക്കും അവർ നടന്നു കുന്നിൻ ചെരുവിൽ എത്തി. അവിടെ ഒരുപാട് പൂക്കൾ ഉണ്ടായിരുന്നു.
തുമ്പയും, ചെക്കിയും, ചെമ്പരത്തിയും, തെച്ചിയും, കാക്കപ്പൂവും., കോളാമ്പി പൂ അങ്ങനെ പലവിധം പൂക്കൾ. ആതുവിന്റെ കൂട്ടുകാർ എല്ലാവരും പൂക്കൾ പറിക്കാൻ തുടങ്ങിയിരുന്നു.
ആതുവിന്റെ കൂടെ മറ്റൊരാളെ കണ്ടപ്പോൾ കൂട്ടുകാർ ചോദിച്ചു.
“ആതു. ഇതാരാ കൂടെ ഉള്ളത്.?”
“ഇത് എന്റെ ചേച്ചിയാ. ” ആതു പറഞ്ഞു.
“ങ്ങേ!! നിന്റെ ചേച്ചിയോ. നിനക്ക് ഏതാ ഇങ്ങനെ ഒരു ചേച്ചി. കണ്ടിട്ട് ഏതോ ഹിന്ദി സിനിമാ നടിയെ പോലെ ഉണ്ടല്ലോ..” ഒരു കൂട്ട് കാരി. പറഞ്ഞു.