പാപശൽഭം – 22 2അടിപൊളി  

തൊട്ടുമുന്നിലെ കസേരയിലിരുന്ന് ജസ്‌നയുടെ ഓരോ ചലനവും കഴുകൻ കണ്ണുകളോടെ വീക്ഷിച്ചുകൊണ്ടിരുന്ന നബീസുമ്മയുടെ കണ്ണുകൾ ഒറ്റനിമിഷം കൊണ്ട് ആ രണ്ട് കാഴ്ചകളിലും കണ്ണു തറഞ്ഞുനിന്നു!

ഒന്ന്—ജസ്‌നയുടെ വെളുത്ത വലതുകാലിലെ തള്ളവിരലിന് തൊട്ടടുത്ത വിരലിൽ വെട്ടിത്തിളങ്ങുന്ന ആ സ്വർണ്ണ മിഞ്ചി!

രണ്ട്—അവളുടെ പിൻകഴുത്തിൽ, മഹർ മാലയുടെ കൊളുത്തിനോട് ചേർന്ന് മുടിയിഴകൾക്കിടയിലൂടെ മിന്നിയ ആ ചെറിയ പൂജിച്ച സ്വർണ്ണത്തകിട് !

ഉമ്മയുടെ പുരികങ്ങൾ ചുളിഞ്ഞു; മുഖം കറുത്തു. ആമിനത്താത്തയും സുബൈദത്താത്തയും ഇരിക്കുന്നുണ്ടെന്നതുപോലും നോക്കാതെ നബീസുമ്മ കനത്ത ശബ്ദത്തിൽ ചോദിച്ചു:

“അല്ല ജസ്‌നാ… അവിടെ നിന്നെ! ഇതെന്താ നിന്റെ വലതുകാലിന്റെ വിരലിൽ കിടക്കുന്നതെന്ന് ഞാൻ രണ്ടുദിവസമായി ശ്രദ്ധിക്കുന്നു? ഒരു സ്വർണ്ണമോതിരമാണല്ലോ ഇത്! നമ്മുടെ

മുസ്ലിം കുടുംബങ്ങളിലൊന്നും ആരും ഇങ്ങനെ അന്യമതക്കാരെപ്പോലെ കാൽവിരലിൽ മിഞ്ചി ഇടാറില്ലല്ലോ! പിന്നെ… നിന്റെ ആ മഹർ മാലയുടെ പിൻവശത്തെ കൊളുത്തിൽ കിടക്കുന്ന ആ പുതിയ സ്വർണ്ണത്തകിട് എന്താ?! എൻ്റെ മോൻ കെട്ടിയ മാലയിൽ അങ്ങനെയൊരു സാധനം ഉണ്ടായിരുന്നില്ലല്ലോ!”

ആ ചോദ്യം കേട്ടതും സ്വീകരണമുറിയിൽ പെട്ടെന്നൊരു നിശ്ശബ്ദത പടർന്നു! ചായ കുടിച്ചുകൊണ്ടിരുന്ന ആമിനത്താത്തയും സുബൈദത്താത്തയും കൗതുകത്തോടെ ജസ്‌നയുടെ കാലിലേക്കും കഴുത്തിലേക്കും നോക്കി.

ജസ്‌നയുടെ നെഞ്ചിനുള്ളിലൂടെ ഒരു മിന്നൽ പാഞ്ഞുപോയി!

നന്ദി ഹിൽസിലെ കൽക്ഷേത്രത്തിൽ വെച്ച് രോഹിത് കുമാർ തന്റെ കാൽക്കൽ മുട്ടുകുത്തിയിരുന്ന് അണിയിച്ച മിഞ്ചിയും, അയാൾ കെട്ടിയ താലിയുമാണ് ഉമ്മ കണ്ടുപിടിച്ചിരിക്കുന്നത്!

എന്നാൽ അന്ന് മെയ്ബാക്ക് കാറിനുള്ളിലിരുന്ന് താനും രോഹിത് ഏട്ടനും ചേർന്ന് നെയ്തെടുത്ത ആ പഴുതില്ലാത്ത കവചം കൈയിലുള്ളതുകൊണ്ട് ജസ്‌ന ഒരിറ്റുപോലും പതറിയില്ല. അവൾ വളരെ ശാന്തമായി നിവർന്നുനിന്നു. മുഖത്ത് അങ്ങേയറ്റം ഭക്തിയും ബഹുമാനവും വരുത്തി അവൾ നബീസുമ്മയെ നോക്കി.

“ഉമ്മാ… കാലിലെ ഇത് മിഞ്ചിയല്ല ഉമ്മാ,” ജസ്‌ന വളരെ വിനയത്തോടെ പറഞ്ഞു. “ബാംഗ്ലൂരിലെ കനേഡിയൻ മെഡിക്കൽ സെന്ററിൽ വെച്ച് എന്നെക്കൊണ്ട് ട്രെഡ്മില്ലിൽ ഓടിച്ച് ടെസ്റ്റ് നടത്തിയപ്പോൾ എനിക്ക് കഠിനമായ മൈഗ്രേനും കാൽ കഴപ്പും വന്നിരുന്നു. അപ്പോൾ അവിടുത്തെ കനേഡിയൻ പാനൽ ഡോക്ടർ എന്റെ ഞരമ്പുകളുടെ പ്രഷർ ബാലൻസ് ചെയ്യാൻ വേണ്ടി കാലിലെ പ്രധാന നാഡിയിൽ ഇട്ടുതന്ന സ്പെഷ്യൽ ‘മെഡിക്കേറ്റഡ് ഗോൾഡ്-അലോയ് റിംഗ്’ ആണിത്! കാനഡയിലെ മൈനസ് ഡിഗ്രി തണുപ്പിൽ ചെല്ലുമ്പോൾ തലവേദന വരാതിരിക്കാൻ വേണ്ടി ഡോക്ടർ തന്നതാ… ഇക്കയോട് ഞാൻ അന്നുതന്നെ പറഞ്ഞിരുന്നല്ലോ ഉമ്മാ.”

കാനഡയിലെ ഡോക്ടർ ചികിത്സയുടെ ഭാഗമായി ഇട്ടുകൊടുത്തതാണെന്ന് കേട്ടതും നബീസുമ്മയുടെ മുഖത്തെ

ആക്രമണഭാവം പകുതി ചോർന്നുപോയി! “ആഹാ… ഇംഗ്ലീഷ് ഡോക്ടർമാർക്ക് ഇങ്ങനെയുമുണ്ടോ ചികിത്സ? അപ്പൊ മഹർ മാലയുടെ പിന്നിലെ ആ തകിടോ?” ഉമ്മ വിടാതെ ചോദിച്ചു.

ജസ്‌ന തന്റെ വലതുകൈ പിൻകഴുത്തിലേക്ക് കൊണ്ടുപോയി, മഹർ മാലയുടെ കൊളുത്തിലിരുന്ന രോഹിത് കുമാറിന്റെ ആ പവിത്രമായ താലിയിൽ വിരൽത്തുമ്പുകൊണ്ട് പതിയെ തൊട്ടു.

“ഇത്… ബാംഗ്ലൂരിൽ നിന്ന് ഫ്ലൈറ്റ് കയറുന്നതിന് മുൻപ് റാഹില മാഡം എന്നെ അവിടുത്തെ വലിയൊരു പുരാതന ദർഗ്ഗയിലേക്ക് കൊണ്ടുപോയിരുന്നു ഉമ്മാ, പേരിപ്പോ എനിക്ക് ശരിക്ക് ഓർമയില്ല,” ജസ്‌നയുടെ ശബ്ദം ഭക്തികൊണ്ട് ആർദ്രമായി. “അവിടെ വെച്ച് നമ്മുടെ ഇക്കയ്ക്ക് കാനഡയിലെ ജോലിയിൽ വലിയ ഉയർച്ചയുണ്ടാകാനും, ജീവിതത്തിൽ പുരോഗതി ഉണ്ടാവും, ഉമ്മയുടെ അസുഖങ്ങളൊക്കെ മാറി ആയുരാരോഗ്യത്തോടെ ഇരിക്കാനും വേണ്ടി ഞാൻ മനസ്സുരുകി ഒരു നേർച്ച നേർന്നിരുന്നു! അവിടുത്തെ വലിയ ഉസ്താദ് മന്ത്രിച്ചുതന്ന സ്വർണ്ണത്തിലുള്ള നേർച്ചപ്പതക്കമാണ് ഇത്.

മഹർ മാലയിൽ തന്നെ ഇത് കെട്ടിയിടണമെന്നും ഒരിക്കലും അഴിക്കരുതെന്നും പ്രത്യേകം പറഞ്ഞിട്ടുണ്ട്! ഇനി ഇത് ഇട്ടില്ലെങ്കിൽ എന്തെങ്കിലും സംഭവിച്ചാലോ പേടിച്ചു ആണ് ഞാൻ ഇത് എൻ്റെ മഹർ മാലയിൽ തന്നെ ചേർത്തു വെച്ചത്.. ഊരണോ ഉമ്മാ?”

Leave a Reply

Your email address will not be published. Required fields are marked *