“ഞാൻ… ഞാൻ നിന്നോട് കള്ളമൊന്നും പറഞ്ഞിട്ടില്ല പൊന്നൂ. അവൻ അത്രയേ പറഞ്ഞുള്ളൂ. പിന്നെ ഞാൻ പെട്ടെന്ന് ഫോൺ എടുത്തു മാറ്റിയപ്പോൾ…” ഷാഹിദ് മനഃപൂർവ്വം വാചകം മുഴുമിപ്പിക്കാതെ നിർത്തി.
“മാറ്റിയപ്പോൾ? എന്താ നിർത്തിയത്? ബാക്കി പറ!”
ജസ്നയുടെ ശബ്ദത്തിന് അന്നുവരെയില്ലാത്ത ഒരു കടുപ്പമുണ്ടായിരുന്നു. “നീ ഫോൺ എടുത്തു മാറ്റിയപ്പോൾ എന്തുണ്ടായി? നിന്റെ സ്വഭാവം എനിക്കറിയാം ഷാഹി, നീ എന്തോ എന്റെയടുത്ത് നിന്ന് മറയ്ക്കുന്നുണ്ട്.
മര്യാദയ്ക്ക് സത്യം പറഞ്ഞോ, ഇല്ലെങ്കിൽ ഈ ഫോൺ ഞാൻ ഇപ്പോൾ വെക്കും, പിന്നെ
നീ എന്നെ വിളിക്കുകയേ വേണ്ട!”
അവളുടെ ആ ഭീഷണിയിൽ ഷാഹിദ് ശരിക്കും വിറച്ചുപോയി. കഴിഞ്ഞ രണ്ടു ദിവസത്തെ അവളുടെ മൗനം അവനെ അത്രത്തോളം ഭയപ്പെടുത്തിയിരുന്നു. അവളുടെ മുന്നിൽ പൂർണ്ണമായും കീഴടങ്ങുകയല്ലാതെ അവന് വേറെ വഴിയുണ്ടായിരുന്നില്ല.
എങ്കിലും, നടന്ന കാര്യം പകുതി സത്യവും പകുതി അബദ്ധവുമായി കോർത്തിണക്കാൻ അവന്റെ ബുദ്ധി പെട്ടെന്ന് പ്രവർത്തിച്ചു.
“പൊന്നൂ, ചൂടാവല്ലേ പ്ലീസ്… ഞാൻ സത്യം പറയാം. നിനക്ക് വിഷമമാവണ്ട എന്ന് കരുതിയാണ് ഞാൻ മുഴുവൻ പറയാതിരുന്നത്,” ഷാഹിദ് വളരെ ദയനീയമായ സ്വരത്തിൽ പറഞ്ഞു.
“സത്യത്തിൽ അന്ന് വാൾപേപ്പറായിട്ട് വെച്ചിരുന്നത് നിന്റെ ആ പർപ്പിൾ ലിംഗറി ടോപ്പിട്ട ഫോട്ടോ ആയിരുന്നു. പക്ഷേ മീറ്റിംഗിന് കയറുന്നതിന് തൊട്ടുമുമ്പ് ഞാൻ നിന്നെ വല്ലാതെ മിസ്സ് ചെയ്തപ്പോൾ നമ്മുടെ സീക്രട്ട് ഫോൾഡർ തുറന്ന് നിന്റെ ഫോട്ടോസ് നോക്കിക്കൊണ്ടിരിക്കുകയായിരുന്നു.
പെട്ടെന്ന് ആൾക്കാർ വന്നപ്പോൾ ഞാൻ ഗാലറി ക്ലോസ് ചെയ്യാൻ മറന്ന് അതുപോലെ ഫോൺ ലോക്ക് ചെയ്തു വെച്ചു…”
മറുതലയ്ക്കൽ ജസ്നയുടെ ശ്വാസം ഒന്ന് നിന്നു. അവൾ ഫോണിൽ പിടിമുറുക്കി. “എന്നിട്ട്?!”
“എന്നിട്ട്… മാർക്ക് അടുത്ത് വന്ന് നിന്നപ്പോൾ വാട്ട്സ്ആപ്പ് മെസ്സേജ് വന്ന് സ്ക്രീൻ തെളിഞ്ഞു. അവൻ ആ വാൾപേപ്പർ കണ്ട് ഞെട്ടിയിട്ട് ‘ഇതാണോ നിന്റെ ഭാര്യ’ എന്ന് ചോദിച്ചപ്പോൾ, ഞാൻ വെപ്രാളത്തിൽ ഫോൺ എടുത്ത് വാൾപേപ്പർ മാറ്റാൻ വേണ്ടി അൺലോക്ക് ചെയ്തു.
പക്ഷേ അൺലോക്ക് ആയപ്പോൾ നേരെ തുറന്നുവന്നത് നേരത്തെ ഞാൻ കണ്ടുകൊണ്ടിരുന്ന ഗാലറിയാണ്… അതിൽ നിന്റെ ആ ചുവന്ന ഗൗണിട്ട ഫോട്ടോ ആയിരുന്നു ഉണ്ടായിരുന്നത്.
എന്റെ കയ്യിൽ നിന്ന് വെപ്രാളത്തിൽ വിരൽ തട്ടി അടുത്ത ഫോട്ടോയിലേക്കും പോയി…”
ജസ്നയ്ക്ക്
സ്വന്തം കാതുകളെ വിശ്വസിക്കാൻ കഴിഞ്ഞില്ല. അവളുടെ നെഞ്ചിടിപ്പ് കാതുകളിൽ മുഴങ്ങാൻ തുടങ്ങി. “അടുത്ത ഫോട്ടോയോ?! ഏത് ഫോട്ടോയാ ഡാ അതിലുണ്ടായിരുന്നത്?! സത്യം പറ ഷാഹി!”
അവളുടെ ശബ്ദത്തിൽ ദേഷ്യം കത്തിനിൽക്കുമ്പോഴും, അവളുടെ ഉള്ളിലെവിടെയോ ഒരു മിന്നൽ പിണർ പാഞ്ഞുപോയി. അയാൾ ആ ഒരൊറ്റ ഫോട്ടോ മാത്രമല്ല കണ്ടിരിക്കുന്നത്!
“അത്… നീ അന്ന് ആ കറുത്ത ലേസ് ടോപ്പും സ്കർട്ടും ഇട്ട ഫോട്ടോയില്ലേ… അതും, പിന്നെ ഞാൻ പെട്ടെന്ന് ഫോൺ തിരിക്കാൻ നോക്കിയപ്പോൾ ആ സിൽക്ക് റോബ് ഇട്ടു കട്ടിലിൽ കിടക്കുന്ന ഫോട്ടോയും…” ഷാഹിദ് ഒരു പിടിക്കപ്പെട്ട കുറ്റവാളിയെപ്പോലെ പറഞ്ഞു.
“പടച്ചോനേ…!” ജസ്ന കട്ടിലിൽ എഴുന്നേറ്റിരുന്നു. അവളുടെ തൊണ്ട വരളുന്നതുപോലെ തോന്നി. ആ സിൽക്ക് റോബ് ഇട്ട ഫോട്ടോയിൽ താൻ അടിവസ്ത്രം പോലും ഇട്ടിട്ടുണ്ടായിരുന്നില്ല എന്ന കാര്യം അവൾക്ക് ഓർമ്മ വന്നു.
“എന്നിട്ട്… എന്നിട്ട് ആ സായിപ്പ് അത് മുഴുവൻ കണ്ടോ ഡാ?! നീയെന്താ പൊട്ടനായിട്ട് അവിടെ മിണ്ടാതെ നിൽക്കുകയായിരുന്നോ?!”
“എന്റെ പൊന്നൂ, ആകെ അഞ്ചോ ആറോ സെക്കൻഡ് കൊണ്ടാണ് ഇതെല്ലാം നടന്നത്! അവൻ എന്റെ തൊട്ടടുത്ത് കുനിഞ്ഞു നിൽക്കുകയായിരുന്നതുകൊണ്ട് എനിക്ക് പെട്ടെന്ന് മറയ്ക്കാൻ പറ്റിയില്ല.
സത്യം ആയിട്ടും ഇതാണ് സംഭവിച്ചത്!” ഷാഹിദ് കൈ കൂപ്പാത്ത കുറവേ ഉണ്ടായിരുന്നുള്ളൂ.
ജസ്ന കുറച്ചുനേരം ഒന്നും മിണ്ടിയില്ല. മുറിയിലെ ഫാനിന്റെ ശബ്ദം മാത്രം. അവളുടെ മനസ്സിലൂടെ ആ കാഴ്ചകൾ ഓരോന്നായി മിന്നിമറയുകയായിരുന്നു. തന്റെ ഏറ്റവും സ്വകാര്യമായ, ഷാഹിദിനെ ഭ്രാന്ത് പിടിപ്പിക്കാൻ വേണ്ടി മാത്രം താൻ എടുത്ത അയച്ച ഒന്നിലധികം ചിത്രങ്ങൾ കാനഡയിലെ ഒരു സായിപ്പ് തൊട്ടടുത്ത് നിന്ന് കണ്ടിരിക്കുന്നു!