പാമ്പും കോണിയും – 4 36അടിപൊളി 

ഇപ്പോഴാണ് ഹരിക്ക് കാര്യങ്ങളുടെ കിടപ്പ് മനസ്സിലായത്. ഹരി തല ചൊറിഞ്ഞു കൊണ്ട് പറഞ്ഞു : അയ്യോ…..സോറി മാം…..

 

സൈറ പല്ല് കടിച്ചു കൊണ്ട് : ദേ വീണ്ടും………

 

” ശോ….. ദേഷ്യം തീരുന്നില്ലല്ലോ “…. എന്ന് സ്വയം പറഞ്ഞു കൊണ്ട്, ഹരിയെ ഞെട്ടിച്ചു കൊണ്ട്, അവനെ സ്ഥബ്ദനാക്കി കൊണ്ട് അവൾ തന്റെ മുഖം വളരെ പെട്ടെന്ന് അവന്റെ മുഖത്തേക്ക് നീട്ടി വാ പൊളിച്ചു………..

 

” ആാാാ………. അമ്മേ…………………… ഹരി ചീറി…..

 

 

അവളുടെ വെളുത്ത വലിയ പല്ലുകൾ ഹരിയുടെ തുടുത്ത കവിളിൽ കുറച്ചു ശക്തിയിൽ തന്നേ കടിച്ചു പാട് ഉണ്ടാക്കി.

 

ഹരി മുഖത്ത് കൈ വച്ച് അമർത്തി കണ്ണ് തുറിച്ചു അവളെ നോക്കിയപ്പോൾ അവൾ പറഞ്ഞു : ഇപ്പോൾ ഓകെ….. വി ആർ ഡൺ…….

 

സൈറ ചിരിച്ചു കൊണ്ട് പതിയെ അവനോട് പറഞ്ഞു : രേവതി കടിക്കണത് കണ്ട മുതൽ എന്റെ മനസ്സിൽ കയറിയ ഒരു ആഗ്രഹം ആണ്….. അവൾ തരുന്ന പോലെ വേദന മാറാൻ വേണമെങ്കിൽ ഉമ്മയും തരാട്ടോ…..

 

 

ഹരി മുഖം പിന്നിലേക്ക് വലിച്ചു പറഞ്ഞു : അയ്യോ വേണ്ട……..

 

ഒരു ചിരിയോടെ അവൾ മുന്നോട്ട് ആഞ്ഞു കൊണ്ട് ഗ്ലാസിൽ രണ്ടു പേർക്കും ഉള്ളത് ഒഴിച്ചു, ഒന്ന് ഹരിക്ക് നേരെ നീട്ടി….

 

 

 

ഹരി ഗ്ലാസ്‌ കയ്യിൽ പിടിച്ചു ആലോചിച്ചു കൊണ്ട് പറഞ്ഞു : മാം….. സൂപ്പർ ആയിരുന്നു ട്ടോ… കോട്ടും സൂട്ടിലും…. പിന്നെ മാമിന്റെ ഇംഗ്ലീഷ്….. ബോഡി ലാംഗ്വേജ്…… സത്യം…. ഒരു രക്ഷയും ഉണ്ടായിരുന്നില്ല….

 

 

ഹരി ഒന്ന് നിർത്തി അവളുടെ കണ്ണുകളിലേക്ക് നോക്കി പറഞ്ഞു : നിങ്ങൾ… നിങ്ങൾ ആള് പോളിയാണ് മാം …. എനിക്ക് ഭയങ്കര ഇഷ്ടം ആണ് നിങ്ങളെ…. അത് വേറെ ഒരു അർത്ഥത്തിൽ അല്ല….. എന്താ പറയുക…… അഡ്മിറേഷൻ…..സത്യമായും…..

 

 

സൈറ ഒരു പുഞ്ചിരിയോടെ കേട്ടിരുന്നു…….

 

അവനും അവളെ നോക്കി ചിരിക്കാൻ ശ്രമിച്ചു…..

 

സൈറ : ഹരീ…. ലെറ്റസ്‌ ബി സീരിയസ്……….നിന്നെ ഇങ്ങോട്ട് കൊണ്ട് വന്നത് , എക്സ്പോഷറിന് വേണ്ടി മാത്രം അല്ല ഹരീ….. മറിച്ച് എന്നോട് രേവതി പറഞ്ഞിരുന്നു …. ഹരി ബാംഗ്ലൂരിലേക്ക് ഒന്നും വരില്ല… അവസാനം കാല് മാറും, ഹരിയുടെ അച്ഛന്റെ അതേ സ്വഭാവം ആണ്…. നാടും വീടും വിട്ട് നിനക്ക് പറ്റില്ല എന്നൊക്കെ……. ശരിയാണോ?..

 

 

” അവൾ ഇതും പറഞ്ഞോ”… ഹരി അറിയാതെ പറഞ്ഞു പോയി.

 

സൈറ ഒന്ന് നിർത്തി തുടർന്നു : കൂടെ വന്നാൽ…. ഐ പ്രോമിസ്….. എല്ലാം പഠിപ്പിച്ചു തരാം….. എന്റെ വാക്കാണ്…… നിനക്ക് പ്രാരാബ്ദങ്ങളിൽ നഷ്ടമായ കരിയർ …. അത് എനിക്ക് തിരിച്ച് തരാൻ പറ്റും…….. ഒപ്പം രേവതിക്ക് അവളുടെ ഡാൻസിങ് കരിയർ തുടരാൻ ഉള്ള അവസരവും.. ഐ മീൻ എ ഡാൻസ് സ്കൂൾ……..

 

ഹരി ഉടനടി ഒന്നും പറഞ്ഞില്ല… അവൻ മുഖം കുനിച്ചിരുന്നപ്പോൾ അവൾക്ക് മനസ്സിലായി അവൻ ചിന്തയിൽ ആണെന്ന്….. അവന് ചിന്തിക്കാൻ വേണ്ടി തന്നേ അവളും മിണ്ടാതിരുന്നു.

 

ഹരി : മാം…… ഒരു ഡൌട്ട്?……

 

സൈറ : വൈ യൂ?… അല്ലെങ്കിൽ നിന്നെക്കാൾ കഴിവുള്ളവരെ സുഖമായി എനിക്ക് കിട്ടും, അങ്ങിനെ ഉള്ളപ്പോൾ?… അതല്ലേ…

 

ഹരിയുടെ മനസ്സിലെ ചോദ്യം തന്നേ ആയിരുന്നു അത്…

 

സൈറ : ടു ബി ഫ്രാങ്ക്… രണ്ടു കാരണം ഉണ്ട്, ഒന്ന് ഐ ലൈക്‌ യൂ ടൂ….. നിന്റെ കാരക്റ്റർ ആണ് അതിന് കാരണം. നിന്നെ പോലുള്ളവർ വളരെ റെയർ ആണ്. അതായത്, തരുന്ന പണി, പെർഫെക്ട് അല്ലെങ്കിൽ കൂടെ, യൂ ട്രൈസ് ടു ഗിവ് 100 പേസെൻടേജ് വിതൗട് കഴ്സിംഗ് ഓർ കംപ്ലയിന്റ്സ്….

 

ഹരി ഒന്ന് ഞെളിഞ്ഞു ഇരിഞ്ഞുന്നു അത് കേട്ടിട്ട്….

 

സൈറ ചാരി ഇരുന്ന് കൊണ്ട് ആലോചിച്ച ശേഷം തുടർന്നു : രണ്ട്…. അത് നിങ്ങൾ ആണ്… നീയും രേവതിയും ആദിയും അടങ്ങിയ നിങ്ങളുടെ കുടുംബം………..

 

ഹരി സംശയത്തോടെ നോക്കിയപ്പോൾ, ചെറിയൊരു ഗ്യാപ് ഇട്ട് സൈറ തുടർന്നു : ഞാൻ പറഞ്ഞിട്ടുണ്ട്, 16ആം വയസ്സിൽ തനിച്ച് ആയതാണ് ഞാൻ.. ആരും ഉണ്ടായിരുന്നില്ല എനിക്ക് ……. ഒറ്റക്കായിരുന്നു ഞാൻ… ഇന്ന് എത്തിയ നിലയിൽ എത്താൻ ഉള്ള ഓട്ടത്തിൽ ആരെയും കൂടെ കൂട്ടാൻ തോന്നിയില്ല…