പാമ്പും കോണിയും – 4 36അടിപൊളി 

ലേയ്ത്തും, മരമില്ലും അടക്കം നല്ല ഭൂ സ്വത്ത്‌ ഉണ്ടായിരുന്ന സുലൈമാന്റെ അഞ്ചു മക്കളിൽ അഞ്ചാമത്തെ ആയിരുന്നു ഫാത്തിമ.

 

ആദ്യം ബഷീർ കണ്ണ് വച്ചത് ഫാത്തിമയുടെ ഇത്ത…..ഫർസാനയെ ആയിരുന്നു എങ്കിലും, അവൾ മൈൻഡ് പോലും ചെയ്തില്ല. പക്ഷെ, നിർഭാഗ്യ വശാൽ ഫാത്തിമ അവന്റെ കെണിയിൽ വീണു……………….

 

കെട്ടി കുറച്ചു കഴിഞ്ഞാൽ പ്രശ്നങ്ങൾ എല്ലാം തീരും, തറവാട്ടിലേക്ക് തന്നേ ക്ഷീണിക്കും എന്ന് ബഷീർ കണക്ക് കൂട്ടിയെങ്കിലും അതുണ്ടായില്ല……… കുട്ടി ആയാൽ ഉണ്ടാവും വിചാരിച്ചു…. അതും ഉണ്ടായില്ല……

 

അതിന് പുറമെ ആണ്, ആമിനക്ക് ഒന്നര വയസ്സ് ഉള്ളപ്പോൾ ബഷീർ നാട്ടിലെ പഴയ സുഹൃത്തുക്കളിൽ നിന്നും ആ വിവരം അറിയുന്നത്……… കേസുകളിൽ പെട്ട് ഫാത്തിമയുടെ ഉപ്പയുടെ സ്വത്തു വകകൾ കണ്ട് കെട്ടാൻ പോകുന്നു എന്ന് നാട്ടിൽ നിന്നും വിവരം.

 

അത് അയാളെ നിരാശനാക്കി എന്നല്ല പറയേണ്ടത്…. അയാളെ പ്രാന്തനാക്കി…. രണ്ടു വർഷം ഈ നരകത്തിൽ ജീവിച്ചു പോവാൻ പട്ടി പണി എടുക്കേണ്ടി വന്ന അയാൾക്ക് , സമനില തെറ്റാൻ തുടങ്ങി………..

 

 

ബഷീർ ആ പഴയ ബഷീർ ആവുകയായിരുന്നു. ഇടക്ക് കുടിച്ചിരുന്നിടത്ത്, സ്ഥിരം കുടിച്ചു വരാൻ തുടങ്ങി…..

 

അത് താളം തെറ്റിച്ചത് ഫാത്തിമയുടെ കുടുംബ ജീവിതത്തെ മാത്രം അല്ല. ആ വീട്ടിൽ അടുപ്പ് പുകയാതായി എന്ന് മാത്രം അല്ല, ആമിനക്ക് ഒരു മരുന്ന് വാങ്ങാൻ പോലും ഫാത്തിമക്ക് സുരഭിയെ ആശ്രയിക്കേണ്ടി വന്നു.

 

ഫാത്തിമ സുരഭിയെ കെട്ടിപിടിച്ചു കരഞ്ഞു….. ഒരുപാട് ഒരുപാട് കരഞ്ഞു………

 

ദിവസങ്ങൾ കടന്നു പോയി…….

 

കുടിച്ചിട്ടുങ്കിൽ കൂടെ , ബഹളം വക്കാതെ മര്യാദക്ക്, സൗമ്യമായി, തന്നെയും തന്റെ വീട്ടുകാരെയും കുറ്റപ്പെടുത്താതെ, പെരുമാറുന്ന തന്റെ ഭർത്താവ്….. ഫാത്തിമയുടെ മനസ്സിൽ വീണ്ടും ആശകൾ മോട്ടിട്ടു തുടങ്ങി……

 

” ലേയത് പൂട്ടാൻ പോകുകയാണ് എന്നാ പറയുന്നത് “…. എന്ന് ബഷീർ തുടങ്ങിയെങ്കിലും, കാലങ്ങൾക്ക് ശേഷം തന്റെ അടുത്ത് കിടക്കുന്ന, സ്നേഹത്തോടെ പെരുമാറുന്ന അവന്റെ നെഞ്ചിൽ അവൾ തല വച്ച് കിടന്നു.

 

” ഇക്കാ…. ഇവിടെ വിട്ട് നമുക്ക് നാട്ടിൽ പോയാലോ “…. ഫാത്തിമ ചോദിച്ചു….

 

ഒരു സ്നേഹനിധിയായ ഭർത്താവിനെ പോലെ അവൻ പറഞ്ഞു : നാട്ടിൽ പോയിട്ട് എന്ത് ചെയ്യാനാ ഫാത്തിമ… ഇവിടെ കിട്ടുന്നത് പോലും അവിടെ കിട്ടില്ല…. എനിക്ക് നീയും ആമിനയും അല്ലാതെ, സ്വന്തം എന്ന് പറയാൻ ആരും ഇല്ല… പിന്നെ നിന്റെ വീട്ടുകാർ, അവർ ആണേൽ കടം കയറി… പിന്നേ നമ്മളെ കണ്ടാൽ ചിലപ്പോൾ കൊല്ലാനും മടിക്കില്ല…..

 

ഫാത്തിമക്ക് കൂടുതൽ ഒന്നും പറയാൻ ഇല്ലാത്തത് കൊണ്ട് അവന്റെ മാറിൽ തല ചായ്ച്ചു കൊണ്ട് അവന്റെ നെഞ്ചിലെ രോമങ്ങളിൽ വിരൽ കൊണ്ട് തഴുകി കൊണ്ടിരുന്നു

 

” ഇനിയൊരു വഴിയേ ഉളളൂ ഫാത്തിമ… കടൽ കടക്കണം…. എന്നാലേ രക്ഷ ഉളളൂ “….. ബഷീർ പറഞ്ഞു.

 

” അയ്യോ… അപ്പോൾ ഞാനും മോളും, “… ഫാത്തിമ മുഖം ഉയർത്തി പേടിയോടെ ചോദിച്ചു….

 

” നിങ്ങൾക്ക് വേണ്ടി അല്ലെ ഫാത്തിമാ ഞാൻ പോവുന്നത് തന്നേ……. എന്നും ഈ നരകത്തിൽ ജീവിച്ചു തീർക്കാൻ ഉള്ളതാണോ നമ്മുടെ ജീവിതം… നമ്മുടെ മോള്, ഇവിടെ വളർന്നാൽ മതിയോ “…. ബഷീറിന്റെ ചോദ്യം ശരിയാണ് എന്ന് തോന്നി അവൾക്ക്…..

 

” ഇവടെ നിന്നാണെങ്കിൽ കടൽ കടക്കാൻ എളുപ്പം ആണ്… വേണ്ടത് പൈസ ആണ് ഫാത്തിമ. നല്ലൊരു സംഖ്യ വേണം “…. ബഷീർ കൂട്ടി പറഞ്ഞു…

 

ഫാത്തിമ നിഷ്കളങ്കമായി ചോദിച്ചു : അതിനിപ്പോൾ എന്താ ഇക്കാ ചെയ്യുക……..

 

 

” ഇന്നലെ രാത്രി കുറേ നേരം കരയുന്ന ശബ്ദം കേട്ടല്ലോ ഫാത്തി…… ഞാൻ ജനലിന്റെ അവടെ വന്ന് നോക്കി…. പക്ഷെ നിങ്ങൾ സംസാരിക്കുന്നത് ഒന്നും മനസ്സിലായില്ല “….. സുരഭിയുടെ ചോദ്യത്തിന് ഇന്നലെ രാത്രി മൊത്തം കരഞ് വീങ്ങിയ കണ്ണും മുഖവുമായി നിന്നതല്ലാതെ ഉത്തരം നൽകാൻ ഫാത്തിമ തയ്യാറായില്ല.

 

 

മൂന്ന് ദിവസത്തെ ശാന്തത അവസാനിപ്പിച്ചകൊണ്ട് ബഷീർ വീണ്ടും ഹറാം പറപ്പ് ആയ ബഷീർ ആയി…