പാമ്പും കോണിയും – 4 36അടിപൊളി 

പാർട്ടിയിൽ അന്ന് കണ്ട, ഹരി പരിചയപ്പെടുത്തി കൊടുത്ത മുഖങ്ങളിൽ ഒന്നായിരുന്നു ഡോക്ടർ ആൻസിയുടേതും)

 

വേണമെന്ന് വച്ചിട്ട് അല്ലെങ്കിൽ കൂടെ സൈറ അറിയാതെ തന്നേ പറഞ്ഞു : ആൻസി…. ഡോക്ടർ ആൻസി……

 

” പറ ചേച്ചി… എനിക്കൊന്ന് പറഞ്ഞു താ ചേച്ചി…. ഇതൊക്കെ എന്താ…. ഇതെന്റെ ഹരി തന്നേ ആണോ…….. രേവതിയുടെ ഉറക്കെ ഉള്ള ശബ്ദം അവളുടെ കാതിലേക്ക് തുളച്ചു കയറി….

 

സൈറ പതിയെ രേവതിയുടെ അടുത്തേക്ക് ഇരുന്നു, അവൾക്കും കാല് വഴി മുകളിലേക്ക് തരിച്ചു കയറുന്നുണ്ടായിരുന്നു. ശരീരത്തിന് വിറയൽ അനുഭവപ്പെടുന്നുണ്ടായിരുന്നു.

 

അവൾ രേവതിയെ വലതു കൈ കൊണ്ട് ഇടുപ്പിലൂടെ ചുറ്റി പിടിച്ചു, അവളെ അശ്വസിപ്പിക്കാനോ, അതോ, സ്വയം ഒരു ബലത്തിന് വേണ്ടിയോ എന്നറിയാതെ…

 

മഞ്ഞ എൻവലപ്പിൽ കറുത്ത സ്കെച്ച് പേന കൊണ്ട് വലുതായി എഴുതിയിരുന്നത് അവൾ വായിച്ചു…..

“TO: MRS REVATHI HARI……….

TRUE FACE OF YOUR HUSBAND……

 

മുന്നിലെ ചിത്രങ്ങളിൽ അവൾ കണ്ണോടിച്ചു നോക്കിക്കൊണ്ടിരുന്നു. എങ്ങി എങ്ങി കരഞ്ഞു കൊണ്ടിരിക്കുന്ന രേവതിയെ അൽപം എങ്കിലും സമാധാനിപ്പിക്കാൻ എന്തെങ്കിലും ഒക്കെ കിട്ടും എന്ന ചിന്തയിൽ…..

 

പക്ഷെ, ഇത്രയും ക്ലാരിറ്റിയിൽ അവന്റെ മുഖം വ്യക്തമാക്കുന്ന ചിത്രങ്ങൾ, അവന്റെ മാനറിസം, അവന്റെ ഇളം നീല നിറത്തിൽ ഉള്ള ഫോർമൽ ഷർട്ട്‌……..ഫേക്ക് അല്ലെങ്കിൽ, ഹരി അല്ല അത് എന്ന് ധൈവം തമ്പുരാന് പോലും സ്വബോധത്തിൽ പറയാൻ സാധിക്കില്ല ………..

 

 

സൈറ എത്ര ആലോചിച്ചിടട്ടും ഒരു എത്തും പിടിയും കിട്ടിയില്ല…… അവൾ ഫോട്ടോയിലേക്കുള്ള നോട്ടം അവസാനിപ്പിച്ചു കൊണ്ട് രേവതിക്ക് നേരെ തിരിഞ്ഞു കൊണ്ട് അവളെ തന്റെ നെഞ്ചിലേക്ക് ചേർത്തു കെട്ടിപിടിച്ചു….

 

ടേബിൾ തിരിക്കുക, അല്ലെങ്കിൽ, താൻ ഒന്നുമറിയാത്തതായി ഭാവിക്കുക………..” അത് ഹരിയല്ല ” എന്ന് പറഞ്ഞു കാര്യമില്ല എന്ന് അവൾക്ക് മനസ്സിലായി കഴിഞ്ഞിരുന്നു…..അല്ലാതെ വേറെ വഴികളും ആ സമയം അവളുടെ മനസ്സിൽ തെളിഞ്ഞു വന്നില്ല……………….

 

ഒന്നും പറയാതെ രേവതിയുടെ പുറം ഉഴിഞ്ഞു കൊണ്ട്, ചെന്നൈയിൽ ഹരി തന്നേ സമാശ്വസിപ്പിച്ച പോലെ അവൾ രേവതിയുടെ പുറത്ത് തലോടി………

 

ഇന്ന് വരെ ചെയ്തിട്ടില്ല സൈറ ആരോടും..ചെയ്യേണ്ടി വന്നിട്ടില്ല അവൾക്ക്……. പക്ഷെ ഈ വട്ടം അവൾക്ക് വേറെ വഴി ഉണ്ടായിരുന്നില്ല…. അവരുടെ റിലേഷന് താൻ കാരണക്കാരി അല്ലെങ്കിലും, ഫോട്ടോയിലെ സ്ഥലം, സിറ്റുവേഷൻ… അതിന് താൻ കൂടെ ആണ് കാരണക്കാരി എന്ന് അവൾക്കറിയാം…………………..

 

സൈറയുടെ ഫോൺ റിങ് ചെയ്തു… റിങ് ആയിരുന്നില്ല……. ” ടിങ്…. ടിങ്.. ടിങ്….ഹരി കോളിങ്………ടിങ്….ടിങ്…. ടിങ്….ഹരി കോളിങ്……. ഹരി കോളിങ്…. “………

 

സൈറയും രേവതിയും ഒരേ സമയം ഞെട്ടി…. രേവതി സൈറയുടെ മാറിൽ നിന്നും മുഖം വലിച്ചു……..

 

കരഞ്ഞു കലങ്ങിയ രേവതിയുടെ കണ്ണുകളിൽ ഉണ്ടായിരുന്നത്, സൈറ ഇന്ന് വരെ കാണാത്ത ആളി കത്തുന്ന ദേഷ്യമായിരുന്നു….. ആരെയും ദഹിപ്പിക്കാൻ പോന്ന ദേഷ്യം……….

 

സൈറ ഫോൺ കയ്യിൽ എടുത്ത് അവന്റെ കാൾ കട്ട്‌ ചെയ്തു കൊണ്ട് രേവതിയുടെ കൈകൾ തന്റെ കയ്യിലായി പിടിച്ചു…………

 

സൈറ പതിയെ വിളിച്ചു : രേവതി….. ഇത് ഹരി തന്നാണോ… അതോ അവനോട് ദേഷ്യം ഉള്ള ആരെങ്കിലും ഉണ്ടാക്കിയ ഫേക്ക് ആണോ എന്നൊന്നും ഞാൻ പറയുന്നില്ല… ഫേക്ക് ആവണം എന്ന് ഞാൻ മനസ്സ് കൊണ്ട് നിന്നെ പോലെ തന്നേ ആഗ്രഹിക്കുന്നുണ്ട്…… ഒരുപക്ഷെ…ഇത് ഹരി ആണെങ്കിൽ?…. അങ്ങിനെ ഒരു റിലേഷൻ അവന് ഉണ്ടെങ്കിൽ………രേവതി….. നീയെന്താ ഇനി ചെയ്യാൻ ഉദ്ദേശിക്കുന്നത് ?….

 

രേവതിയുടെ കണ്ണുകളിലെ ദേഷ്യം പതിയെ വീണ്ടും സങ്കടമായി മാറി… അവളുടെ കണ്ണുകൾ നിറഞ്ഞൊഴുകി. അവൾ കരഞ്ഞു കൊണ്ട് പറഞ്ഞു : ചാകും ഞാൻ….. ചത്തു കളയും ഞാൻ…

 

സൈറ ഞെട്ടി കണ്ണ് മിഴിച്ചു…………

 

അവളുടെ കൈകളിൽ തലോടി അടുത്തത് എന്ത് പറയണം എന്ന് ആലോചനയിലേക്ക് അവൾ കടന്നു…