പാമ്പും കോണിയും – 4 36അടിപൊളി 

 

അതും കേട്ടു കൊണ്ടാണ് ആദിയെയും പിടിച്ചു കൊണ്ട് പാർവതി അങ്ങോട്ടേക്ക് തന്റെ റൂമിൽ നിന്നും വരുന്നത്….

 

അൽപം മുൻപ് വരെ, രാവിലെ കുളിക്കുക പോലും ചെയ്യാതെ ഇരുന്ന പെണ്ണ്, മുടിയൊക്കെ ചീന്തി, കുറച്ചു മേക്കപ്പ് ഒക്കെ ഇട്ട്, ഏറ്റവും നല്ല ചുരിദാർ ഇട്ട് വന്ന് നിന്നത് കണ്ട്, സുഷമയും, രേവതിയും മുഖത്തോട് മുഖം അതിശയത്തോടെ നോക്കി അന്തം വിട്ട് അവളെ നോക്കി…..

 

വീട്ടിലെ വായാടി ആയ, നാവിനു എല്ലില്ലാത്ത പാർവതി കുണുങ്ങി നിൽക്കുന്നത് കണ്ട് സൈറ ചിരിച്ചു പറഞ്ഞു : പാർവതി അല്ലെ… താൻ എന്താ നിൽക്കുന്നെ… ഇരിക്ക്…..

 

” വേണ്ട… ഞാൻ ഇവിടെ നിന്നോണ്ട് “… എന്നുള്ള പാർവതിയുടെ നാണത്തോടെ ഉള്ള, മുഖം കുനിച്ചുള്ള മറുപടി, രേവതിയും സുഷമയും വാ പൊളിച്ചു അന്തം വിട്ട് അവളെ നോക്കി..

 

അത് കണ്ട സൈറ ഉറക്കെ പറഞ്ഞു : വാട്ട്‌?… എന്താ… എന്താ സംഭവം രേവതി?..

 

രേവതി : ആാാ… എനിക്ക് അറിയില്ല ചേച്ചി…. ഇവൾക്ക് ഇത് എന്താ പറ്റിയത് എന്ന്…. ഇത് എന്റെ അനിയത്തി ഒന്നും അല്ല…

 

രേവതി സുഷമയോട് : അമ്മേ.. വല്ല ഭൂതവും കയറിയോ?…

 

മുഖത്ത് കൈ വച്ച് തന്റെ ചെറിയ സന്താനത്തിനെ നോക്കി സുഷമ പറഞ്ഞു : ആാാ…..

 

” ഇരിക്കെന്റെ പാർവതി “… സൈറ ഇത്തിരി കനത്തോടെ പറഞ്ഞപ്പോൾ, പാർവതി തന്റെ അമ്മയെയും ചേച്ചിയെയും കണ്ണ് തുറിച്ചു നോക്കി പതിയെ ഇരുന്നു…

 

പാർവതിയെ ഞെട്ടിച്ചു കൊണ്ട്, സൈറ എഴുന്നേറ്റ് ഉടനെ അവളുടെ അടുത്തേക്ക് ഇരുന്ന് അവളെ ചേർത്തു പിടിച്ചു പറഞ്ഞു : എന്ത് പറ്റി… പാർവതി നന്നായി സംസാരിക്കുന്ന കുട്ടി ആണ് എന്നാണ് ഹരിയും രേവതിയും പറഞ്ഞിട്ടുള്ളത്…

 

കേട്ട വഴി പാർവതി ചോദിച്ചു : ഹരിയേട്ടനും അങ്ങിനെ പറഞ്ഞോ?..

 

സൈറ ഒന്ന് സൂക്ഷിച്ചു നോക്കി : മ്മ്മ്മ്… അപ്പോൾ അതാണ്……..ഹരി എന്നെ കുറിച്ചു എന്തൊക്കെയോ പറഞ്ഞു പേടിപ്പിച്ചിട്ടുണ്ട് എന്ന് തോന്നുന്നു?.. അല്ലെ..

 

പാർവതി പെട്ടെന്ന് : അയ്യോ… ആര് ഹരിയേട്ടനോ… എയ് അങ്ങിനെ ഒന്നും പറഞ്ഞിട്ടില്ലാട്ടോ….

 

സൈറ : പിന്നെന്താ പറഞ്ഞത്?..

 

പാർവതി : മാമിനെ പറ്റി നല്ലത് മാത്രമേ ഹരിയേട്ടൻ പറയാറുള്ളൂ………

 

 

” മാം….?”…. അതിശയത്തോടെ സൈറ പറഞ്ഞ സ്വയം പറഞ്ഞ ശേഷം അവൾ പതിയെ പാർവതിയുടെ കവിളിൽ നുള്ളി ചിരിച്ചു കൊണ്ട് പറഞ്ഞു : ആന്റി എന്ന് വിളിക്കാനുള്ള പ്രായം എനിക്ക് ആവാത്തത് കൊണ്ട്, രേവതിയെ പോലെ ചേച്ചി എന്ന് വിളിച്ചാൽ മതിട്ടോ…..

 

പാർവതിയുടെ മുഖത്ത് ചിരി വിടർന്നു വന്നു…. സൈറയും പുഞ്ചിരിച്ചു അത് കണ്ടിട്ട്….

 

സൈറ : ഹരിയെന്താ പറഞ്ഞത് എന്നെ പറ്റി…. പറയടോ?..

 

പാർവതി : നല്ലത് അല്ലാതെ ഒന്നും ഹരിയേട്ടൻ പറഞ്ഞിട്ടില്ല.. ഒരുപാട് പറഞ്ഞിട്ടുണ്ട്, നല്ലത് മാത്രം. മാമിന്റെ….

 

പാർവതി ഒന്ന് നിർത്തി തുടർന്നു :…..അല്ല…….. ചേച്ചിയെ പറ്റി, ചേച്ചിയുടെ നോലെഡ്ജ്…….. സ്റ്റൈൽ…….ഇംഗ്ലീഷ് ഫ്ലുൻസി…… പഠിച്ചു വലുതായി ചേച്ചിയെ പോലെ ആവണം എന്നാ എന്നോട് പറഞ്ഞിട്ടുള്ളത്……..

 

സൈറയുടെ നെഞ്ചിൽ തറച്ച വാക്കുകൾ ആയിരുന്നു അത്. അവൾ സന്തോഷത്തോടെ രേവതിയെ നോക്കിയപ്പോൾ, അവളും പുഞ്ചിരിയോടെ സൈറയെ നോക്കി….

 

സൈറയുടെ മനസ്സിൽ ഹരിയുടെ മുഖം തെളിഞ്ഞു… അവന്റെ ചിരിച്ച ” മാം… യെസ് മാം.. ഓകെ മാം ” എന്നുള്ള പറച്ചിൽ അവളുടെ കാതുകളിൽ മുഴങ്ങി കേട്ടു…….

 

അവൾ ചിരിച്ചു കൊണ്ട് പാർവതിയുടെ മുഖം കയ്യിലെടുത്ത്, കവിളിൽ പതിയെ മുത്തം വച്ചു ചോദിച്ചു : ഹരി എന്നോട് പറഞ്ഞിട്ടുണ്ട്, നന്നായി പഠിക്കും പാർവതി എന്ന് , സോ അത് പോലെ അങ്ങ് പോണം ട്ടോ… ജോലി ഒന്നും ആലോചിച്ചു ടെൻഷൻ അടിക്കണ്ട… അതൊക്കെ നമുക്ക് ശരിയാക്കാം…… പഠിച്ചാൽ മാത്രം മതി പാറൂട്ടി………

 

 

ഹരിയേട്ടൻ തന്നേ വിളിക്കുന്ന പേര് ” പാറൂട്ടി “…. അത് ഹരിയേട്ടൻ പറഞ്ഞു പറഞ്, നേരിട്ട് കണ്ടിട്ടില്ലെങ്കിൽ കൂടെ, തന്റെ ആരാധന കഥാപാത്രം ആയി മാറിയ ആളുടെ വായിൽ നിന്നും കേട്ടപ്പോൾ അവൾക്ക് സന്തോഷം അടക്കാനായില്ല.