പാമ്പും കോണിയും – 4 36അടിപൊളി 

 

 

പറഞ്ഞത് മനസ്സിലാക്കിയ ഹരി പതിയെ മൂളി : മ്മ്മ്മ്………….

 

 

ഹരി സൈറ നിർദേശിച്ച പോലെ, സിപ് സിപ് ആയി അടിക്കാൻ പ്രയത്നിച്ചു കൊണ്ട്, ശ്രദ്ധ ടി വി യിൽ കളിയിലേക്ക് തിരിച്ചു …..

 

 

ഫുട്ബാളിനെ പറ്റി ചോദിച്ചു മനസ്സിലാക്കുകയായിരുന്നു ഹരിയിൽ നിന്നും സൈറ……

 

 

ഒന്നേ…. രണ്ടേ….. കിക്ക് കേറും തോറും ഹരി കൂടുതൽ കൂടുതൽ ആയി സംസാരിച്ചു തുടങ്ങി…. ഫുട്ബാളിൽ തുടങ്ങി, താൻ സ്കൂൾ സമയത്ത് ജൂനിയർ സീനിയർ ഡിസ്ട്രിക്റ്റ് ടീമിൽ കളിച്ചതും, കോളേജ് സമയത്ത് യൂണിവേഴ്സിറ്റി ടീമിൽ കളിച്ചതും എല്ലാം വഴിയേ വന്നു കൊണ്ടിരുന്നു…

 

 

” ചേച്ചി…. അധികം ആയാൽ ചെവി തിന്നും അവൻ “…. അതിന്റെ അർത്ഥം സൈറക്ക് മനസ്സിലായി….

 

പക്ഷെ…. ചെവി തിന്നാൽ ആയി തോന്നിയില്ല സൈറക്ക്…. ഒരു സിനിമാ കഥ കേൾക്കുന്ന സുഖം ആയിരുന്നു അവൾക്ക്… അത്ര മനോഹരമായി, കുത്തും കോമയും എല്ലാം ഇടേണ്ട സ്ഥലത്ത് ഇട്ട് കൈ കൊണ്ടും മുഖം കൊണ്ടും ആക്ഷൻസ് കാണിച്ച്……. ഹരിയുടെ നാടും, സ്കൂളും, ഗ്രൗണ്ടും… എല്ലാം സൈറ നേരിട്ട് കണ്ടിട്ടില്ലേൽ കൂടെ മനസ്സിൽ വരച്ചെടുത്തു………

 

 

 

ഫുട്ബാളിനെ പറ്റിയുള്ള സംസാരത്തിനോടുവിൽ സൈറ ചിരിച്ചു കൊണ്ടാണ് ചോദിച്ചത് : അല്ല ഹരീ…. നീ എന്റെ കൂടെ ചെന്നൈ മീറ്റിങ്ങിനു വരുന്നു എന്ന് പറഞ്ഞപ്പോൾ, ജെറിൻ ഒന്നും പറഞ്ഞില്ലേ?…

 

 

ഹരി: അച്ചായൻ എന്ത് പറയാൻ ആണ് മാം..

 

 

സൈറ ഗ്ലാസ്‌ കയ്യിൽ എടുത്ത് : ഓ… അത് ശരിയാണല്ലോ അല്ലെ…. ജെറിന് സന്തോഷമല്ലേ കാണൂ….. ഹരി കൂടെ ഉണ്ടെങ്കിൽ അല്ലേ വിവരങ്ങൾ ചോർത്തി കിട്ടൂ …….

 

 

ഹരി അത് കേട്ടതും ഞെട്ടി…. ഹരി വാക്കുകൾക്കായി പരതി. ഹരി : ങ്ങേ….മാം….ഞാൻ……

 

 

സൈറയുടെ മുഖത്തെ ചിരി മാഞ്ഞിരുന്നു. അത് വരെ ഹരി കണ്ട മുഖ ഭാവം ആയിരുന്നില്ല തന്റെ ബോസിന്. ദേഷ്യമാണോ അറിയില്ല, ഗൗരവം നിറഞ്ഞ ഭാവത്തിൽ : ഹരിയെന്താ വിചാരിച്ചത്, ഇതൊന്നും ഞാൻ അറിയില്ല എന്നോ……….

 

ഹരി : മാം…. അത്…………….

 

 

തന്റെ നീളമുള്ള മൂക്കുകൾ അവൾ ഒന്ന് ചൊറിഞ്ഞ ശേഷം സൈറ, ശബ്ദം കനപ്പിച്ചു പറഞ്ഞു പറഞ്ഞു : ഡൂ യൂ തിങ്ക്, ഐ ആം എ ഫൂൾ?…. ആണോ ഹരീ?…

 

 

ഹരി മിഴിച്ചിരുന്നതല്ലാതെ അവനൊന്നും പറയാൻ പറ്റുമായിരുന്നില്ല….

 

 

സൈറ തുടർന്നു : ജെറിന് നിന്നോടുള്ള താല്പര്യം എനിക്ക് ആദ്യമേ അറിയാവുന്നതാണ്…… പിന്നെ അവൻ നിനക്ക് വേണ്ടി ഓഫീസിൽ ചെയ്ത വിട്ടു വീഴ്ചകൾ, ഇടപെടലുകൾ എല്ലാം എനിക്ക് അറിയാം……..

എനിക്ക് ഡൌട്ട്സ് തോന്നിയത് കൊണ്ട് തന്നേ ആണ്, രേവതിയിൽ നിന്നും കാര്യം അറിയാൻ ശ്രമിച്ചതും ……..

 

 

സൈറ ഒരു ചിരിയോടെ രേവതിയെ ഓർത്തു പറഞ്ഞു : പാവം പെണ്ണ്, എന്നോട് എല്ലാം പറഞ്ഞു. ജെറിന് വേണ്ടി ഉള്ള നിന്റെ സ്പയ് വർക് അടക്കം……….

 

 

അതിന് ശേഷം വീണ്ടും സൈറയുടെ മുഖം ഗൗരവമായി…..ഉത്തരം മുട്ടി മുഖത്ത് നോക്കാൻ ബുദ്ധിമുട്ടി ഇരിക്കുന്ന ഹരിയോട്, സൈറ ചോദിച്ചു : എന്താ, ഹരിക്ക് ഒന്നും പറയാൻ ഇല്ലേ?….

 

 

” സോ…..ർ…….. സോറി മാം…. “… അത് മാത്രമേ അവന്റെ വായിൽ നിന്നും വന്നുള്ളൂ എങ്കിലും അവന്റെ ശബ്ദം ഇടറിയിരുന്നു…..

 

 

ഹരി മുഖം കുനിച്ചിരുന്നപ്പോൾ, സൈറ പറഞ്ഞു : എന്നോട് പറഞ്ഞതിന്റെ പേരിൽ, വീട്ടിൽ പോയി രേവതിയെ ചോദ്യം ചെയ്യാൻ പ്ലാൻ ഉണ്ടോ?…

 

 

ഹരി നിമിഷങ്ങൾക്ക് മുൻപ്, ഇത് തന്നേ ആണ് മനസ്സിൽ വിചാരിച്ചത്…. വീട്ടിൽ പോയിട്ട് വേണം രേവതിക്ക് ഉള്ളത് കൊടുക്കാൻ എന്ന്…

 

 

ഹരി ഉടനെ നുണ പറഞ്ഞു : എയ് ഇല്ല മാം….

 

 

സൈറ ഹരിയെ തുറിച്ചു നോക്കി ആണ് പറഞ്ഞത് : എന്നാൽ അങ്ങിനെ വല്ല ഉദ്ദേശവും ഉണ്ടെങ്കിൽ മാറ്റി വച്ചേക്ക്‌. എന്നോട് ഉള്ള വിശ്വാസത്തിന്റെ പുറത്താണ് അവൾ അത് പറഞ്ഞത്…… എന്നെ കൊണ്ട് സത്യം ഇടീപ്പിച്ചിട്ടുള്ളതാ, നീ ഇത് അറിയില്ല എന്നും……….. ഇനി അതല്ല വീട്ടിൽ പോയി അവളെ ചീത്ത വിളിക്കാനാണ് ഉദ്ദേശം എങ്കിൽ, ഐ ആം സോറി ടു സേ ……..യൂ വിൽ പേ ഹെവി പ്രൈസ്…..