അച്ചായൻ പറഞ്ഞ കഥ അവളുടെ ലോകം എന്റെയും 4

Achayan Paranja Kadha Avalude Lokam enteyum Part 4 | Author : Ekan

[ Previous Part ] [ www.kambi.pw ]

---

 

ഇന്നാണ് ഞാൻ പുതിയ വീട്ടിലേക്ക് താമസം മാറിയത്… എല്ലാവരും വന്നു.. ചേച്ചിയും അച്ചായനും ഹരിയേട്ടനും ശാലുവും മക്കളും അതാണ് എന്റെ കുടുംബം എന്റെ ലോകം കുറച്ചു വർഷങ്ങൾ ആയി..

 

ചേച്ചി എന്നെ കെട്ടിപിടിച്ചു. കരഞ്ഞുകൊണ്ടാണ് തിരിച്ചു പോയത്.. അന്നമോളും നിത്യമോളും കുഞ്ഞൂസും.. പോകാൻ നേരം എന്നെ കെട്ടിപിടിച്ചു കരഞ്ഞു…

ശാലു കെട്ടിപിടിച്ചുകൊണ്ട് ചോദിച്ചു…

 

“വാടകയ്ക്കാണേലും സ്വന്തം വീടായി ഇനി ഒരു പെണ്ണ് വേണം.. പറ ഞങ്ങൾ നോക്കിക്കോട്ടെ നിന്റെ പെണ്ണിനെ? ”

 

ശാലുവും എന്റെ ബെസ്റ്റ് ഫ്രണ്ടോ! പെങ്ങളോ! അങ്ങനെ ആരൊക്കെയോ ആണ്. എല്ലാവരും ചേർന്നാണ് വീട്ടിൽ കട്ടിലും കിടക്കയും മേശയും കസേരയും അത്യാവശ്യം മറ്റു സാധനങ്ങളും വാങ്ങി കൊണ്ട് വെച്ചത്. അപ്പോഴും ആഴിച്ചയിൽ രണ്ടു ദിവസം എങ്കിലും വീട്ടിൽ താമസിക്കണം.. അത് ചേച്ചിയുടെ നിർബന്ധം ആണ്.

 

അച്ചായനും ഹരിയേട്ടനും എന്നോട് യാത്ര പറഞ്ഞു ഇറങ്ങി.

 

പുതിയ വീട്ടിൽ കഷ്ട്ടി ഒരു ബൈക്ക് വരും. വഴിയായി അത്രയേ ഉള്ളൂ… ആ വീട് രാമേട്ടന്റെ പഴയ വീടാണ്.. ആ വീടിന്റെ അടുത്ത് തന്നെയാണ് രാമേട്ടന്റെ പുതിയ വീടും.. രാമേട്ടൻ താമസിക്കുന്ന പുതിയ വീട്ടിൽ കാർ വരും. ആ വീടിന്റെ തെക്ക് പടിഞ്ഞാറു മൂലയിൽ ആയി കുറച്ചു ദൂരെ ഉയരത്തിൽ ആണ് പഴയ വീട്. എങ്കിലും രണ്ടു വീടുകളും പരസ്പരം നോക്കിയാൽ കാണും.. പഴയ വീട് നശിച്ചു പോകാതിരിക്കാൻ വാടകയ്ക്ക് തന്നതാണ്.. കുറച്ചു വർഷങ്ങൾ ആയി വെറുതെ പൂട്ടിയിട്ടിരിക്കുകയായിരുന്നു ആ വീട്.. .

 

രാത്രിയിൽ കിടന്നു ഉറങ്ങാൻ അല്ലാതെ എനിക്ക് അതിൽ കവിഞ്ഞു ആ വീട്ടിൽ വേറെ കാര്യം ഒന്നും ഇല്ല. സ്വസ്ഥമായി വല്ല പാട്ട് കേട്ടോ, ബുക്ക്‌ വായിച്ചോ ഉറങ്ങണം.. അത്ര മാത്രം.. രാവിലെ ഞാൻ ബൈക്ക് എടുത്തു കമ്പനിയിലേക്ക് പോകും. രാത്രിയിൽ തിരിച്ചെത്തും.

 

രാമേട്ടൻ അവിടെ ഒരു കട നടത്തുകയാണ് ചെറിയൊരു ചായ കട കൂടെ അത്യാവശ്യം പച്ചക്കറികളും മാറ്റ് സാധനങ്ങളും. ചെറിയൊരു മലയോര മേഖല ആയത് കൊണ്ട് വേറെ കടകളൊന്നും അവിടെ ഇല്ല.

 

രാത്രിയിൽ ഞാൻ തിരിച്ചു എത്തുമ്പോൾ ആയിരിക്കും രാമേട്ടൻ കട അടക്കുന്നത്.. പിന്നെ അവിടെ ഇരുന്നു കുറച്ചു വർത്തമാനം ഒക്കെ പറഞ്ഞാണ് രണ്ടുപേരും പിരിഞ്ഞു പോകുക.. എന്റെ നാടിനെ പറ്റിയും അവിടുത്തെ സ്ഥലങ്ങളെ പറ്റിയും അമ്പലങ്ങളെ പറ്റിയും ചോദിക്കും.. അവിടെയുള്ള അമ്പലത്തിൽ പോകണം എന്ന് എപ്പോഴും പറയും. രാമേട്ടൻ വലിയ വിശ്വാസിയാണ്.

 

രാമേട്ടന് എന്തോ സങ്കടം ഉള്ളതായി പലപ്പോഴും തോന്നിയിട്ടുണ്ടെങ്കിലും എന്താണെന്ന് രാമേട്ടൻ പറയാറും ഞാൻ ചോദിക്കാറും ഇല്ല. രാമേട്ടന് ഒരു മകനുണ്ട് അപ്പു.. അപ്പുവിന് എന്തെങ്കിലും ഒരു ജോലി ആയിട്ട് വേണം ഒന്ന് വിശ്രമിക്കാൻ എന്ന് രാമേട്ടൻ ഇടക്ക് പറയാറുണ്ട്.. അപ്പു ഇപ്പോൾ കോളേജിൽ പഠിക്കുകയാണ്.

 

ഒരിക്കൽ പോലും രാമേട്ടൻ,.. രാമേട്ടൻ താമസിക്കുന്ന വീട്ടിലേക്ക് എന്നെ ക്ഷണിച്ചിട്ടില്ല.. രാമേട്ടന്റെ വീടിന്റെ കിഴക്ക് ഭാഗത്തായി കുറച്ചു മാറി ഒരു അരുവി ഉണ്ട്.. ഇടയ്ക്ക് ഞാൻ ഒന്ന് രണ്ടു തവണ അവിടെ പോയി കുളിക്കുകയും നനക്കുകയും ചെയ്തിട്ടുണ്ട്. രാമേട്ടന്റെ വീടിന്റെ മുറ്റത്ത്‌ കൂടെ വേണം അവിടേക്ക് പോകാൻ.

 

ഒരിക്കൽ എന്റെ ബൈക്ക് കൊണ്ട് പോയി അപ്പു ഒന്ന് വീണു .. അന്ന് അപ്പുവിനെ കൊണ്ട് ചെന്നാക്കാൻ മാത്രമേ ഞാൻ ആ വീട്ടിൽ പോയിട്ടുള്ളൂ. .

ആദ്യ കുറേ മാസം ശനിയാഴ്ച വൈകുന്നേരം ഞാൻ നേരെ പോകുന്നത് അച്ചായന്റെ വീട്ടിലേക്കാണ്. പിന്നെ തിങ്കളാഴ്ച ജോലി കഴിഞ്ഞേ ഞാൻ എന്റെ വാടക വീട്ടിലേക്ക് പോകാറുള്ളൂ.

 

പിന്നെ അത് പല രീതിയിൽ ആയി മാറി.. ചിലപ്പോൾ ശനിയാഴ്ച അച്ചായന്റെ വീട്ടിൽ പോയിട്ട് ഞാറാഴ്ച്ച രാവിലെ എന്റെ വീട്ടിലേക്ക് പോകും. ഇപ്പോൾ പല ഞാറാഴ്ചയും രാമേട്ടന്റെ കടയിൽ ആണ് ഞാൻ പകൽ ഉണ്ടാകാറു.. ചുമ്മാ രാമേട്ടനെ സഹായിക്കാൻ നിൽക്കും. ഉച്ചയ്ക്ക് രാമേട്ടന്റെ ഭാര്യ സുശീലേച്ചി കൊണ്ട് വന്നു തരുന്ന ചോറും കഴിച്ചു നേരെ അച്ചയെന്റെ വീട്ടിലേക്ക് പോകും. അന്ന് അവിടെ നിന്ന് തിങ്കളാഴ്ച ജോലിക്ക് പോയി വൈകുന്നേരം വീട്ടിലേക്ക് വരും. അങ്ങനെ പോയാൽ ഞായറാഴ്ച്ച വൈകുന്നേരം ബീച്ചിലോ പാർക്കിലോ പോകും.. അന്നമോൾക്ക് അത് നിർബന്ധം ആണ്.