ശേഷം വാതിൽക്കലേയ്ക്കു കാത്കൂർപ്പിയ്ക്കുമ്പോൾ
ജോക്കുട്ടന്റെ അന്വേഷണം;
“”…അവരു രണ്ടുന്തമ്മിലടിയാന്നാണോ നീയീപറഞ്ഞുവരുന്നേ..??”””
“”…ആന്നേ… രണ്ടുന്തമ്മി മുട്ടനടിയാ… നമ്മളിതൊന്നുമറിഞ്ഞില്ലാന്നേയുള്ളൂ… സത്യമ്പറഞ്ഞാ അങ്കിള് പറഞ്ഞപോലൊന്നുമല്ലാന്നേ കാര്യം… അവരുതമ്മില് പ്രേമോന്നുമായ്രുന്നില്ല… പരസ്പരം പണികൊടുക്കാൻനോക്കി പെട്ടുപോയതാ…
അതിന്റെദേഷ്യാ രണ്ടിനും…
പരസ്പരം ചതിച്ചുകെട്ടീതാന്നാ ഇപ്പഴുമ്പറയുന്നേ..!!”””_ എന്നുമ്പറഞ്ഞ് ഞങ്ങള് പറഞ്ഞതുമൊത്തം അവരവനോടങ്ങു വിളമ്പി…
“”…എന്നിട്ട്..?? അപ്പൊ അവരീ കാണിയ്ക്കുന്നതൊക്കെയോ..??”””_ എല്ലാം കേട്ടശേഷം അവൻ ആകാംഷയോടെ ചേച്ചിയെനോക്കി…
“”…അതൊക്കെ വെറും അഭിനയവാന്നേ… നമ്മളെ പറ്റിയ്ക്കാൻ… പക്ഷേ രണ്ടിനും ഇപ്പഴുമറീത്തില്ല അവർക്കുപരസ്പരം എന്തിഷ്ടവാന്നുള്ളത്… പറയുമ്പോ രണ്ടും കീരീംപാമ്പുംപോലെ ആണേലും സത്യത്തിൽരണ്ടും ടോമുംജെറീമാ… ടോമില്ലാതെ ജെറിയ്ക്കും ജെറിയില്ലാതെ ടോമിനും പറ്റോ..??”””_ ചേച്ചിയുടെ ചോദ്യത്തിനുമുന്നിൽ ഒന്നുപതറിയ ഞാൻ മീനാക്ഷിയെ നോക്കുമ്പോൾ അവളുമെല്ലാം കേട്ടിട്ട് നിൽക്കുവാണ്…
മറുപടിയില്ലെന്നുമാത്രം…
“”…എന്നിട്ട് നീയെന്തോ പറഞ്ഞു..??”””_ അവന്റെചോദ്യം…
“”…ഞാൻ
പിടിച്ചുനിർത്തി കുറച്ചുപദേശിച്ചു… നന്നായാമതിയായിരുന്നു..!!”””
“”…നീയോ..?? നീയെന്തുപദേശിച്ചു..??”””
“”…ഞാനുള്ള കാര്യമങ്ങുപറഞ്ഞു… രണ്ടിന്റേം മെയ്ൻപ്രശ്നം തമ്മിൽ ചതിച്ചൂന്നുള്ളതല്ലേ… ?? അതിലിപ്പോ ചതിയൊന്നുമില്ല, പെട്ടുപോയതായി കൂട്ടിയാ മതീന്നുപറഞ്ഞു..!!”””
“”…ആ.! പസ്റ്റ്… എന്നിട്ടെന്തായി..?? ഉപദേശിച്ചുപദേശിച്ച് രണ്ടിനേം തമ്മിത്തല്ലിച്ചു രണ്ടു വഴിയ്ക്കാക്കിയോ..??”””
“”…പോടാവിടുന്ന്… രണ്ടിനും പരസ്പരംചതിച്ചൂന്നുള്ളതാ പ്രശ്നംന്ന്കണ്ടപ്പോ ഞാനും നിന്നെപറ്റിച്ചാ കെട്ടിയേന്നുള്ളകാര്യം തുറന്നങ്ങുപറഞ്ഞു… എന്തൊക്കെപ്പറഞ്ഞാലും
അത്രേന്നുംവരില്ലല്ലോ അവരുടെകാര്യം..!!”””_
ചേച്ചിയുടെമറുപടി…
കേട്ടതും എന്റെമുന്നിലായിനിന്ന മീനാക്ഷി തിരിഞ്ഞെന്നെയൊരു നോട്ടം…
“”…മ്മ്മ്.! എന്നിട്ടവരെന്തു
പറഞ്ഞു..??”””_ ജോക്കുട്ടൻതിരക്കി…
“”…അവർക്കെന്തോ ഞാമ്പറഞ്ഞതൊന്നുമത്ര വിശ്വാസമായില്ലെന്നു തോന്നുന്നു… രണ്ടും ഒത്തിരിയെന്നോടെ തർക്കിച്ചു..!!”””
“”…സ്വാഭാവികം.! ബുദ്ധിയുള്ള ആരും വിശ്വസിയ്ക്കൂല്ല..!!”””_ ന്നുപറഞ്ഞ അവൻ തുടർന്നു;
“”…അല്ല… നീയെന്തിനാ അതൊക്കെ അവരോടെ പറയാൻപോയെ..?? അതിന്റേന്നും ആവശ്യമില്ലായ്രുന്നു… അതുങ്ങളിനി എന്തൊക്കെയാ നിന്നെക്കുറിച്ച് കരുതുക..?? ഇതൊക്കെ ആരോടേലും പറഞ്ഞാലുമായി… എന്തിനാ വെറുതേ..!!”””_ അവൻ വാക്കുകൾമുറിച്ചതും മീനാക്ഷി വീണ്ടുംതിരിഞ്ഞു;
“”…എടാ… ആ പെണ്ണുമ്പിള്ള പറഞ്ഞതൊക്കെ
സത്യായ്രുന്നെടാ… അപ്പവരാ പറഞ്ഞതൊക്കെ കാര്യായ്ട്ടുതന്നായ്രുന്നു… കോപ്പ്..!!”””_ അവൾപറഞ്ഞതിനു മറുപടിയായി ഞാനൊന്നു മൂളുമ്പോൾതന്നെ ചേച്ചിയുടെ വാക്കുകളുംകേട്ടു;
“”…അതോണ്ടല്ലടാ… അതുങ്ങള് ഡിവോസ്ചെയ്യാനൊക്കെ തീരുമാനിച്ചിരിയ്ക്കുവായ്രുന്നു… അതാ ഞാൻ..!!”””
“”…മ്മ്മ്.! എങ്കിലും സ്വന്തം ജീവിതംകളഞ്ഞ് അവരെ സഹായിയ്ക്കേണ്ട കാര്യമൊന്നും നിനക്കില്ല… അവരുടെ ലൈഫ്… അതിലെന്തു തീരുമാനമോ അവരെടുക്കട്ടേ… ഇണങ്ങുവോ പിണങ്ങുവോ പിരികയോ എന്തോചെയ്യട്ടേ… അതിനു നെനക്കെന്താ..?? രണ്ടൂടെ തെറ്റിപ്പോയാൽ അതവരുടെവിധി..!!”””_ അതായിരുന്നു അതിനുള്ള അവന്റെമറുപടി…
അതിനു ചേച്ചിയുടെ ഭാഗത്തുനിന്ന് പ്രതികരണമൊന്നും കേൾക്കാതെവന്നപ്പോൾ ചിലതൊക്കെ മനസ്സിലുറപ്പിച്ചുകൊണ്ട് ഞാൻ തിരിഞ്ഞു നടക്കുവായിരുന്നു…
“”…എടാ… നീയിതെവിടെ പോകുവാ..??”””_ പിന്നാലെ ഓടിയെത്തിയ മീനാക്ഷി എന്നെ തടഞ്ഞുനിർത്തിയതും,
“”…ആ തള്ളേന്തന്തേം
പറമ്പിലെവിടോ കാണണം…
വാ… എല്ലാമിപ്പൊ തീർത്തുകൊടുക്കാം..!!”””_ ഒന്നുമാലോചിയ്ക്കാതെ ഞാൻ തീർത്തങ്ങുപറഞ്ഞു…