“”…ഇതുവെച്ചോ..?? ഇതുവെച്ചെന്തോ പിടി..??”””
“”…എടാ പൊട്ടാ… അവനാ കാമുകീനെ ഇപ്പഴും ഓർക്കുന്നുണ്ടെന്നു തെളിയിച്ചാപ്പിന്നെ അവരെ പിരിയ്ക്കാൻ വേറെന്തെലും കാരണംവേണോ..??”””
“”…അടിപൊളി.! ഇനിയങ്ങനെ വല്ലതുമാണേൽ സിദ്ധൂന്റെ മറ്റൊരുമുഖമെല്ലാരും കാണും… നോക്കിയ്ക്കോ..!!”””_ വിരലീമ്പിക്കൊണ്ട് ഞാനതുപറഞ്ഞതും,
“”…ഉഹ്.! ഇതൊരെണ്ണംതന്നെ സഹിയ്ക്കാൻ പറ്റുന്നില്ല… അപ്പോഴാ മറ്റൊന്ന്..!!”””_ എന്നുമ്പറഞ്ഞ് അവളെന്നെനോക്കി ആക്കിയൊരുചിരി…
“”…നിന്റെതന്ത രാജീവ്പോട്ടേ, അയാൾടെതന്ത കാലുംകവച്ച് കുഴീക്കെടക്കുന്ന ആ മുതുവാണം വന്നടിച്ചിട്ട് ഈ കോമഡിയേറ്റിട്ടില്ല… പിന്നാ നീ..!!”””
“”…ദേ… അനാവശ്യംപറയരുത്… എന്റപ്പൂപ്പൻ മരിച്ചിട്ടൊന്നുവില്ല..!!”””
“”…ഏഹ്.! അപ്പൊപ്പിന്നെ ജീവനോടെ കുഴിച്ചിട്ടതാണോ..?? ആഹ്… നിന്റേം ആ രാജാവിന്റേംപോലുള്ള സ്വഭാവമാണേൽ നാട്ടുകാരുചേർന്ന് കുഴിച്ചിട്ടില്ലേലേയുള്ളൂ..!!”””_ ആ പറഞ്ഞതിന് എന്തോ മറുപടിപറയാനായവൾ തുടങ്ങീതും ഫോണുമെടുത്ത് ചേച്ചി തിരികെവന്നു…
…ഉഫ്.! വെളിച്ചപ്പാടിന്റേലും ഐഫോണോ..??
“”…എടാ… അത് ജോക്കുട്ടന്റെ സ്റ്റാറ്റസ് തന്നാണോടാ..??”””_ സ്വന്തംഫോൺ ചികയുന്നതിനൊപ്പം ചേച്ചിതിരക്കി…
“”…അല്ലാതെ എന്റച്ഛനിട്ട സ്റ്റാറ്റസ് നിങ്ങളെക്കാണിയ്ക്കേണ്ട കാര്യമെന്താ എനിയ്ക്ക്..??”””_ ന്ന് ഞാൻ തിരിച്ചുംചോദിച്ചു…
“”…മ്മ്മ്.! എന്നിട്ടവനെപ്പോഴാ ഇട്ടേക്കണേ..??”””
“”… പന്ത്രണ്ടുമണിയ്ക്ക്… എന്താചേച്ചീ..??”””_ ഫോണിലേയ്ക്കു നോക്കി മീനാക്ഷിയാണതിനു മറുപടിപറഞ്ഞതും പിന്നാലെ മറുചോദ്യമിട്ടതും…
അതിന്,
“”…ഏയ്.! എന്നിട്ടെനിയ്ക്കൊന്നും വന്നില്ലല്ലോ..!!”””_ ന്നുപറഞ്ഞ് പുള്ളിക്കാരി ഫോൺകാണിച്ചതും മീനാക്ഷി പിടിച്ചുമേടിച്ചുനോക്കി…
എന്നിട്ട്,
“”…ശെരിയാടാ… ചേച്ചീടേല് വന്നിട്ടില്ല..!!”””_ ന്നു പറഞ്ഞശേഷം,
“”…ഒരുമിനിറ്റ്, ഞാമ്പോയി എന്റെ ഫോണെടുത്തുനോക്കട്ടേ… അതേല് വന്നിട്ടുണ്ടോന്നു നോക്കണോലോ..!!”””_ ന്നും കൂട്ടിച്ചേർത്ത് കൈപോലും കഴുകാതെയവൾ മേലേയ്ക്കോടി…
…ഉഫ്.! കുടുംബം തകർക്കാനൊരവരസരം കിട്ടീപ്പോ എന്താ മീനാക്ഷീടൊക്കൊരു ഡെഡിക്കേഷൻ.!
…ഈശ്വരാ… ജോക്കുട്ടന്റെ സ്റ്റാറ്റസ് അവൾക്കൂടി കാണാമ്പറ്റിയാൽ മതിയായ്രുന്നു…
അങ്ങനെയാണേൽ അവനെവിളിച്ച് പോയവഴിയങ്ങു പൊയ്ക്കോളാൻ പറയായ്രുന്നു.!
…എന്നാലുമീ പാവംചേച്ചിയെ ഒറ്റയ്ക്കാക്കില്ല ഞാൻ…
ഒരു കുഞ്ഞാങ്ങളയെപ്പോലെ ഇവർക്കൊപ്പംനിന്ന് ഈ സ്വത്തുക്കളൊക്കെ നോക്കിനടത്തണം…
അല്ലേപ്പിന്നെ ഞാൻവെറും മനസ്സാക്ഷിയില്ലാത്തവനായി പോകില്ലേ..??!!
പാവംചേച്ചി.!
എന്നാലപ്പോഴും മീനാക്ഷിയുടെ വരവിനായി കാത്തുനിന്ന ചേച്ചി, മീനാക്ഷിയ്ക്കും സ്റ്റാറ്റസ് കാണാൻപറ്റല്ലേന്ന് മനസ്സുരുകി പ്രാർത്ഥിയ്ക്കുവാന്ന് അവരുടെ മുഖഭാവത്തിലൂടെ മനസ്സിലാക്കാമായ്രുന്നു…
സ്വന്തംഫോണിലേയ്ക്കും മീനാക്ഷിപോയ വഴിയ്ക്കുമെല്ലാം മാറിമാറി കണ്ണോടിയ്ക്കുന്നതിനിടയിൽ കക്ഷി വിരലൊക്കെ കടിച്ചുപറിച്ചു…
“”…എടാ സിത്തൂ… ദേഡാ…
ജോക്കുട്ടന്റെ സ്റ്റാറ്റസ്… എനിയ്ക്കും കാണാമ്പറ്റുന്നുണ്ട്..!!”””_ ഫോണുംപൊക്കിപ്പിടിച്ച് വിളിച്ചുകൂവിക്കൊണ്ട് മീനാക്ഷിയിറങ്ങിവന്നതേ ചേച്ചിയുടെ വെടിതീർന്നു;
“”…ആണോ..?? അപ്പൊപ്പിന്നെന്താ എനിയ്ക്കുമാത്രം കാണാമ്പറ്റാത്തേ..??”””_ ചേച്ചിയുടെ അലവലാതി… അല്ല, ആവലാതി…
“”…അതുപിന്നിത്ര ചിന്തിയ്ക്കാനെന്തിരിയ്ക്കുന്നു, ചേച്ചിയെ ഹൈഡ്ചെയ്തേക്കുവാ..!!”””_ ഞാനുടനെ സംശയംതീർത്തു…
അതുകേട്ടതും സങ്കടമാണോ ദേഷ്യമാണോന്ന് വേർതിരിച്ചറിയാത്തൊരു സമ്മിശ്രഭാവവും അവരുടെ മുഖത്തു തെളിയുന്നുണ്ടായി…
“”…മ്മ്മ്.! എങ്കിലും ജോക്കുട്ടനെന്തിനാവും ചേച്ചിയെ ഹൈഡ്ചെയ്ത് സ്റ്റാറ്റസിട്ടിട്ടുണ്ടാവ്ക..??”””_ ചേച്ചിയെപാളിനോക്കിയിട്ട് മീനാക്ഷിയൊന്നെറിഞ്ഞു…
വിടോ ഞാൻ..??
“”…ആ..?? എനിയ്ക്കെങ്ങനറിയാം..?? എന്തേലുമൊക്കെ ഉടായിപ്പുകാണുംന്നേ… അല്ലാതാരും സ്റ്റാറ്റസൊന്നും ഹൈഡ്ചെയ്യൂല… ഒന്നൂല്ലേലും സ്റ്റാറ്റസാക്കീത് ഒരു ഹാപ്പിബെഡ്ഡേയല്ലേ, അല്ലാണ്ട് മഹിഷ്മതികോട്ടയിലെ യുദ്ധതന്ത്രമൊന്നുമല്ലല്ലോ..!!”””_ ഞാനും തിരിച്ചുതൊടുത്തു…