…ഷോപ്പ് പൂട്ടാനോ..?? അയ്യോ.! അതെങ്ങനെ ശെരിയാവും..?? അപ്പൊ ഞാൻകണ്ട സ്വപ്നങ്ങൾ..??
ആനേരം ദേഷ്യമാണോ സങ്കടമാണോ വന്നതെന്ന് കൃത്യമായി അറിയില്ലേലും നന്നായി പൊളിഞ്ഞായ്രുന്നെനിയ്ക്ക്…
“”…ഓ.! പിന്നെ അതുംപൂട്ടിയേച്ച് എല്ലാർക്കും മരംപിടിച്ചു കുലുക്കി കാശുണ്ടാക്കാം… എന്തേ..??”””
“”…അങ്ങനെയായാലും സാരമില്ല..!!”””_ ചേച്ചിയുടെയാ കലിപ്പിലുള്ള മറുപടികേട്ടപ്പോഴും ഏതുമരം കുലുക്കിയാണ് കാശുണ്ടാക്കേണ്ടതെന്ന് എനിയ്ക്കു കത്തീല…
എന്തായാലും ഞാനുദ്ദേശിച്ചതാവൂല…
“”…നീയൊന്നുപോയേ… നിനക്കങ്ങനെന്തേലും
പറഞ്ഞാമതി… ആൾക്കാരോട് മറുപടിപറയേണ്ടത് ഞാനാ… അതുകൊണ്ടൊന്നും പറയാനില്ലേൽ ഞാൻപോകുവാ..!!”””_ ന്നും പറഞ്ഞവൻ തിരിഞ്ഞതും,
“”…ഇന്ന് പോകുന്നില്ലാന്നാ പറഞ്ഞത്..!!”””_ എന്നൊരു ഡയലോഗ് പിന്നിൽനിന്നുംവന്നു…
“”…ഇങ്ങനിട്ട് ലാഗാക്കാതെ പറയാനുള്ളത് ഇവർക്കങ്ങട് പറഞ്ഞൂടേ..?? നിന്നുനിന്ന് കാല്കഴയ്ക്കുന്നു..!!”””_ മീനാക്ഷി എന്നെ ചുരണ്ടി…
“”…നീയെന്നാ അവിടെന്നൊരു കസേരയെടുത്തിട്ടുവാ… കൂട്ടത്തിൽ ചിപ്സോ കപ്പലണ്ടിയോ കൂടെടുത്തോ… അടിയുംകാണാം കൊറിയ്ക്കുവേംചെയ്യാം… എന്താ..??”””_ അവളെനോക്കി കണ്ണുതുറിപ്പിച്ചതും ഊക്കിയതാന്നു മനസ്സിലായ മീനാക്ഷി ചുണ്ടിനുള്ളിലിട്ട് എന്തൊക്കെയോ പിറുപിറുത്തു…
എങ്കിലും ഞാനതു കാര്യമാക്കീല…
അല്ലേൽപിന്നെ അവിടെ നടക്കാൻപോണേലും വൻഅടി ഇവടെനടക്കും…
പിന്നെ അവരുവന്ന് പിടിച്ചുമാറ്റുവേംകൂടി ചെയ്താൽ ഇതീപ്പരം നാണക്കേട് വേറുണ്ടോ..??
ശേഷം, വീണ്ടുമവരെ നോക്കുമ്പോൾ ജോക്കുട്ടൻ ചേച്ചിയ്ക്കടുത്തേയ്ക്ക് ചെല്ലുന്നതാണ് കാണുന്നത്…
എന്നിട്ട്;
“”…പറ… എന്താന്റെ ചേച്ചിക്കുട്ടീടെ പ്രശ്നം..?? കേൾക്കട്ടേ..!!”””_ ന്നുംപറഞ്ഞ് അവനവരോട് ചേർന്നു…
ഉടനെ ഞാനും മീനാക്ഷിയും പരസ്പരമൊന്നു നോക്കി;
…ചേച്ചിക്കുട്ടിയോ..?? അടിപൊളി.! വന്നുവന്ന് കാര്യങ്കാണാനായിവൻ പെണ്ണുമ്പിള്ളേനെവരെ ചേച്ചീന്നു വിളിയ്ക്കുവാവോ..?? നാണങ്കെട്ടവൻ.!
“”…പറ… ന്റെ ചേച്ചിക്കുട്ടിയെന്നോട് പിണങ്ങിനിൽക്കുവാണോന്ന്..??”””_ അവരുടെ തോളിൽകൈയിട്ടവൻ പഞ്ചാരയടിയ്ക്കാൻ നോക്കുമ്പോഴും ചേച്ചിയ്ക്കൊരു കുലുക്കവുമുണ്ടായില്ല…
തോളിലേയ്ക്കിട്ട കൈ തട്ടിമാറ്റാനായി ശ്രെമിച്ചുകൊണ്ടവർ ചോദിച്ചു;
“”…നമ്മടെ വെഡ്ഡിംഗ് ആനിവേഴ്സറി എന്നാ..??”””
“”…അത് ജൂണിലല്ലേ..?? അതിനിപ്പെന്താ പ്രശ്നം..?? ഡേറ്റ് മാറ്റണോ..??”””
“”… അപ്പൊയെന്റെ ബെർത്ത്ഡേയോ..??””
“”…നീ ജെനിച്ചതിന്റന്ന്..!!”””_ ഒരാക്കിയ ചിരിയോടവൻ പറയുമ്പോഴും പുള്ളി ബോർഡ്പോലുംനോക്കാതെ കയറിയവണ്ടി എങ്ങോട്ടേയ്ക്കാ പോകുന്നേന്നുള്ള തിരിച്ചറിവാ പാവത്തിനില്ലായ്രുന്നു…
“”…ഞാൻ കാര്യായ്ട്ടാ ചോദിച്ചേ… എന്നായെന്റെ പിറന്നാള്..??”””_ ചേച്ചിയുടെ ശബ്ദമൊന്നു കടുത്തു…
അതുകേട്ടതും മീനാക്ഷിയെന്നെനോക്കി സംഗതിയേറ്റൂന്ന് കണ്ണുകാട്ടി…
“”…മാർച്ച് ഏഴിന്.! അതൊക്കെ ഞാൻ മറക്കോ മുത്തേ..!!”””_ ഒരു വെടക്കുചിരിയുംചിരിച്ച് അവൻ ചേച്ചിയുടെ കവിളിലൊന്നുപിടിച്ചു…
ഉടനെ വെട്ടിത്തിരിഞ്ഞയാ പെണ്ണുമ്പിള്ള അവനെ രൂക്ഷമായിനോക്കി;
“”…എന്റെ ബെർത്ത്ഡെയ്ക്ക് നീ സ്റ്റാറ്റസിട്ടായ്രുന്നോ..??”””_ എടുത്തടിച്ചതുപോലുള്ള ആ ചോദ്യത്തിൽ അവനൊന്നുഞെട്ടി…
അതുകണ്ടപ്പോൾ ഞങ്ങൾക്കു ചിരിയുംവന്നു…
“”…ഇട്ടല്ലോ..!!”””
“”…എപ്പൊ..??”””
“”…അത്… അതുപിന്നെ..!!”””
“”…കൂടുതലാലോചിയ്ക്കണ്ട, പത്തേ ഇരുപത്തിനാലിന്… അതും ഇവിടെന്ന് കടേൽചെന്നശേഷം… അല്ലേ..??”””_ ഒരു നിമിഷമാലോചിയ്ക്കാതെ ചേച്ചിയതുപറഞ്ഞപ്പോൾ അവിഹിതംകയ്യോടെ പൊക്കിയ ഭർത്താവിന്റെകൂട്ട് അവനൊന്നും മിണ്ടാതെ പതറിനിന്നതേയുള്ളൂ…
“”…എന്റെ ബെർത്ത്ഡെയ്ക്ക് നട്ടുച്ചയ്ക്ക് സ്റ്റാറ്റസിട്ട നീ, ആ അലവലാതീടെ ബെർത്ത്ഡെയ്ക്ക് പാതിരാത്രി പന്ത്രണ്ടുമണിയ്ക്ക് സ്റ്റാറ്റസിട്ടല്ലേടാ പട്ടീ..??”””_ ആ ചോദ്യം കേട്ടപ്പോഴായ്രിയ്ക്കും ഓടിപ്പാഞ്ഞുവന്ന് തലയിട്ടത് പുലിമടയിലായിരുന്നെന്നാ മണ്ടന് മനസ്സിലായത്…