” ഒരു മുറിവ് കൂടെയോ ” എന്നും പറഞ്ഞ് അവൾ ആലോചിക്കാൻ തുടങ്ങി.
” അയ്യെ…..പോടാ പട്ടി ” അതും പറഞ്ഞ് അവൾ ഡോർ അടച്ചു. എന്റെ ചുണ്ടിൽ ഒരു ചിരി വിടർന്നു. ഞാൻ ഡോർ അടച്ച് കട്ടിലിൽ കേറി കിടന്നു. കണ്ണ് അടക്കുമ്പോൾ ഗായത്രിയുടെ ഓരോ പ്രവർത്തികൾ ആണ് മനസ്സിലേക്ക് വരുന്നത്. അതൊക്കെ കാണുമ്പോൾ പിന്നെയും ചിരി വരും. എപ്പഴോ ഉറങ്ങി പോയി.
” ഡാ ഡാ അച്ചു എഴുന്നേൽക്ക് ……..! ”
” മ്മ്…… മ്മ്മ് ” ഉറക്കപിച്ചയിൽ മൂളി. പെട്ടെന്ന് എന്റെ മുഖത്ത് വെള്ള തുള്ളികൾ വീഴുന്നത് ഞാൻ അറിഞ്ഞു.
” വെല്ലാ കാര്യം ഉണ്ടാർന്നോ ” ടർക്കിയിൽ നിന്നും മുടി അഴിച്ചു കൊണ്ട് ഗായത്രി എന്നോട് പറഞ്ഞു.
” ഓഹോ…. ” ഞാൻ അവളോട് ചോദിച്ചു.
” എഴുന്നേൽക്ക് അച്ചു ” ഗായത്രി എന്നോട് പറഞ്ഞു.
” മ്മ്മ് ” ഞാൻ ഒന്ന് മൂളിക്കൊണ്ട് എഴുന്നേറ്റ് ബാത്‌റൂമിൽ പോയി കുളിച്ച് ഇറങ്ങി . ഡ്രസ്സ്‌ എടുക്കാൻ പോകുമ്പോൾ ആണ് എന്റെ ഒരു പച്ചക്കളർ ഷർട്ടും ഒരു മുണ്ടും ഇരിക്കുന്നത് കണ്ടത്. അവൾ വെച്ചതാകും എന്ന് മനസിലായി ഞാൻ അതൊക്കെ ഇട്ട് പുറത്തേക്ക് ഇറങ്ങി. ഗായത്രിനെക്കാത്ത്. ബാൽക്കണിയിൽ ഇരുന്നു. പെട്ടെന്ന് ഡോർ തുറന്ന് ഗായത്രി പുറത്തേക്ക് ഇറങ്ങി. എന്റെ കണ്ണിനെ എനിക്ക് വിശ്വസിക്കാൻ തന്നെ പറ്റില കാരണം അത്രക്ക് ഭംഗി ആയിരുന്നു അവളെ കാണാൻ. പച്ച കളർ ബ്ലൗസും പച്ചയും നീലയും ഇടകലർതിയുള്ള പാവാട കൂടെ ആയപ്പോൾ അവളുടെ അഴക് പതിവിലും അധികം ആയിരുന്നു. കഴുത്തിൽ ഒരു നീലനിറത്തോട് കൂടിയ മാല കാതിൽ അതെ നിറത്തോട് കൂടിയ കമ്മൽ….. ഞാൻ ഗായത്രിയുടെ സൗന്ദര്യത്തിൽ മതിമറന്നു നിൽക്കുകയാണ്.
” ന്താ അച്ചു ഇങ്ങനെ നോക്കണെ ”
” എന്താ എനിക്ക് നിന്നെ നോക്കിക്കൂടെ……? നോക്കാൻ പാടില്ലേ ”
” അങ്ങനെ ഞാൻ പറഞ്ഞോ നോക്കാൻ പറ്റില്ല എന്ന് ” ഗായത്രി എന്നോട് ചോദിച്ചു.
” സത്യം പറഞ്ഞാൽ എനിക്ക് നിന്നെ നോക്കാതെ ഇരിക്കാൻ തോന്നുന്നില്ല അതാ ” ഞാൻ അവളോട് പറഞ്ഞു. ഞാൻ അത് പറഞ്ഞപ്പോൾ അവൾ നാണം കൊണ്ട് തല താഴ്ത്തി. ഞാൻ അവളുടെ അടുത്തേക്ക് നടന്നു കൈ ഉയർത്തി അവളുടെ മുഖത്തോട് ചേർത്ത് എന്റെ മുഖത്തേക്ക് ഉയർത്തി. എന്റെ മുഖം അവളുടെ മുഖത്തേക്ക് അടുപ്പിച്ചു. എന്റെ പ്രവർത്തി മനസിലാക്കിയത് പോലെ അവൾ കണ്ണുകൾ അടച്ചു. അത് കണ്ടപ്പോൾ എനിക്ക് ഒരു കുസൃതി തോന്നി. എന്റെ മുഖം അവളുടെ കവിളുകളിൽ ഉരുമ്മി അവളുടെ കാതുകളിൽ പറഞ്ഞു.
” അമ്പലത്തിൽ പോകണ്ടേ ” അത് കേട്ടപ്പോൾ പെട്ടെന്ന് കണ്ണുകൾ തുറന്ന് എന്നെ അതിശയ ഭാവത്തിൽ നോക്കി. എന്നിട്ട് അതെ എന്ന് മറുപടി പോലെ തല കുലുക്കി.
” ന്നാ വാ പോകാം ” ഞാൻ അവളിൽ നിന്നും അകന്ന് മാറി താഴേക്ക് നടന്നു. ആന്റിയുടെ അടുത്തേക്ക് പോയി അമ്പലത്തിൽ പോകുവാ എന്ന് പറഞ്ഞു പുറത്തേക്ക് ഇറങ്ങി ബൈക്ക് സ്റ്റാർട്ട്‌ ചെയ്ത് അവളെ കാത്തിരുന്നു. എന്റെ പുറത്ത് മൃദുലമായ കൈവിരലുകൾ പതിഞ്ഞു ഞാൻ തല തിരിച്ച് ഗായത്രിനെ നോക്കി.
” പോകാം ” ബൈക്കിൽ കേറിയതിനു ശേഷം ഗായത്രി എന്നോട് പറഞ്ഞു. ഞാൻ ബൈക്ക് മുൻപോട്ട് എടുത്തു. ഗേറ്റ് കടക്കുന്നതിന് മുൻപ് ഗായത്രി എന്നെ വിളിച്ചു.
” അച്ചു നമ്മക്ക് ഇന്ന് വേറെ ഒരു അമ്പലത്തിൽ പോകാം ” ഗായത്രി എന്നോട് പറഞ്ഞു.
” ഹാ വഴി പറഞ്ഞു തന്നാൽ മതി ” ഞാൻ അവളോട് പറഞ്ഞു. അവൾ എന്നോട് ഓരോ വഴികളിലൂടെ പോകാൻ പറഞ്ഞു. അവസാനം ചെന്ന് നിന്നത് ഒരു കുന്നിന്റെ മുകളിൽ ആണ്. ഞാൻ ബൈക്ക് നിർത്തി അവൾ ഇറങ്ങി കൂടെ ഞാനും. കൊറച്ച് ദൂരം നടക്കാൻ ഉണ്ട് താഴേക്ക് ഇറങ്ങണം ഞങ്ങൾ രണ്ടും താഴേക്ക് നടന്നു ഗായത്രി താഴേക്ക് ഇറങ്ങുന്നതിന്റെ കൂടെ എന്റെ കൈയിൽ കോർത്ത് പിടിച്ചു. ഞങ്ങൾ നടന്ന് താഴെ എത്തി. ശ്രീകോവിലിന്റെ അടുത്തേക്ക് നടക്കാൻ തുടങ്ങിയപ്പോൾ അവൾ എന്നെ പിടിച്ച് നിർത്തി അവൾ പൂജ കൗണ്ടറിലേക്ക് പോയി. രസിത് എടുത്ത് വന്നു. ശ്രീകോവിൽ രണ്ട് അരുവികളുടെ നടുക്കായിട്ട് ആണ്. അവൾ ഒരു കൈയിൽ രസിതും ഒരു കൈകൊണ്ട് പാവാട പൊക്കി പിടിച്ച് വെള്ളത്തിലേക്ക് ഇറങ്ങി കാലുകൾ നനച്ചു. ഞാനും വെള്ളിത്തിലേക്ക് കാൽ മുക്കി ശ്രീ കോവിലിന്റെ അടുത്തക്ക് പോയി അധികം തിരക്ക് ഒന്നും ഉണ്ടായിരുന്നില്ല. പ്രതിഷ്ഠകണ്ടപ്പോൾ ഞാൻ ഒന്ന് ഞെട്ടി കാരണം അതു പോലെ ഒരു പ്രതിഷ്ഠ ഞാൻ അതിന് മുൻപ് കണ്ടിട്ടില്ല. ഒഴുകി വരുന്ന അരുവിയിൽ നിന്നും വെള്ളം ഏത് നേരവും ശിവലിംഗത്തിലേക്ക് ഒഴുകി എത്തുന്നു. ഞാൻ കണ്ണുകൾ അടച്ച് പ്രാർത്ഥിക്കാൻ തുടങ്ങി . കണ്ണുകൾ തുറന്ന് ഗായത്രിനെ നോക്കി അവൾ അതെ നിൽപ്പിൽ തന്നെ ആണ്. കാര്യമായിട്ട് എന്തോ പറയുകയാണ് ഞാൻ അവളെ വിളിക്കാതെ കാവിലേക്ക് നടന്നു .
കാവ് ഒരു കുറച്ച് ഉള്ളിലേക്ക് ആയിട്ടാണ് നടക്കുമ്പോൾ കുരങ്ങുകൾ മരത്തിൽ ഇരിക്കുന്നുന്നത് കണ്ടു. കാവിൽ പോയി തൊഴുത് ശ്രീകോവിലിന്റെ അടുത്തേക്ക് വന്ന് പ്രസാദം വാങ്ങി. എന്നിട്ട് തിരികെ നടന്നു . ഗായത്രി അർച്ചന നടത്തിയ പ്രസാദം വാങ്ങി വരുന്നുണ്ടായിരുന്നു. എന്നെ കണ്ടപ്പോൾ എന്റെ അടുത്തേക്ക് വന്നു .
” എന്താ എന്നെ നോക്കി നിൽക്കാതെ വന്നേ ” എന്നെ കണ്ടപ്പോൾ എന്നോട് ചോദിച്ചു.
” നീ തൊഴുവല്ലായിരുന്നോ അതാ വിളിക്കാതെ ഇരുന്നേ ” ഞാൻ അവളോട് പറഞ്ഞു.
ഗായത്രി എന്റെ അടുത്തേക്ക് നടന്ന് വന്നു എന്നിട്ട് കൈയിൽ ഇരുന്ന അർച്ചന നടത്തിയ പ്രസാദം എന്റെ നെറ്റിയിൽ തൊട്ടു . എന്നിട്ട് ഞങ്ങൾ രണ്ടും മുകളിലേക്ക് നടന്നു. കാണുന്നത് പോലെയേ അല്ലായിരുന്നു കേറ്റം കുറച്ച് പാട് ആയിരുന്നു കേറാൻ. ഗായത്രി നല്ല പോലെ കഷ്ടപ്പെടുന്നതായി എനിക്ക് തോന്നി. ഞാൻ അവളെ എന്റെ അടുത്തേക്ക് ചേർത്ത് നിർത്തി അവളുടെ അരക്കെട്ടിനോട് കോർത്ത് പിടിച്ചു. ആാാ ഒരു പിടുത്തത്തോട് കൂടി അവൾ എന്നിലേക്ക് കുറച്ചധികം ചേർന്നു. ഞാൻ അവളേം കൊണ്ട് വേഗം മുകളിൽ എത്തി. ബൈക്ക് എടുത്ത് വീട്ടിലേക്ക് പോയി. വേഗം തന്നെ വീട്ടിൽ എത്തി.
ഡ്രസ്സ്‌ ഒക്കെ മാറി താഴേക്ക് ഇറങ്ങിയപ്പോൾ ആന്റി കഴിക്കാൻ എടുത്ത് വെച്ചിരുന്നു. വേഗം തന്നെ അത് കഴിക്കാൻ തുടങ്ങി അപ്പഴാണ് പോക്കറ്റിൽ കിടന്ന് എന്റെ ഫോൺ അടിക്കാൻ തുടങ്ങി. ഫോൺ എടുത്ത് നോക്കിയപ്പോൾ അഭി ആണ് വേഗം കഴിപ്പ് നിർത്തി പുറത്തേക്ക് ഇറങ്ങി ഫോൺ എടുത്തു .
‘ ന്താടാ നാറി ചത്തോന്ന് അറിയാൻ വിളിച്ചതാണോ ‘ ഫോൺ എടുത്ത പാടെ ഞാൻ അഭിനോട് പറഞ്ഞു.
‘ അത് പിന്നെ ……..? അല്ല ഇന്നലെ ന്തായി ‘ അഭി എന്നോട് ചോദിച്ചു.
‘ എന്ത്‌ ആകാൻ ‘ ഞാൻ താല്പര്യം ഇല്ലത്തെ പോലെ പറഞ്ഞു.
‘ അതെന്താടാ അങ്ങനെ ഒരു സംസാരം ‘ അഭി എന്നോട് ചോദിച്ചു.
‘ എടാ നാറി നീ ഇന്നലെ എന്നോട് പോയി സംസാരിക്കാൻ പറഞ്ഞില്ലേ ‘
