” അല്ല മോളെ നീ ഇങ്ങനെ ഇവിടെ വന്ന് കിടന്നത് ആന്റി അറിഞ്ഞാൽ നിന്റെയും എന്റെയും കൊലപാതകം നടക്കും ”
” അയ്യോ അത് ശെരിയാ ഞാൻ അത് ഓർത്തില്ല ” അതും പറഞ്ഞ് ഗായത്രി എന്റെ അടുത്ത് നിന്നും എഴുന്നേറ്റ് പോകാൻ തുനിഞ്ഞപ്പോൾ ഞാൻ അവളെ തടഞ്ഞു. അവൾ എന്താ എന്ന രീതിയിൽ എന്നെ നോക്കി.
” ഒരു ഉമ്മ താടി ” ഞാൻ അവളോട് പറഞ്ഞു.
” അയ്യടാ ഇപ്പം തരാം ” അതും പറഞ്ഞ് ഗായത്രി റൂമിൽ നിന്നും ഇറങ്ങി ഓടി.
എപ്പഴോ ഉറങ്ങി പോയി രാവിലെ ഗായത്രിയുടെ വിളിയിൽ ആണ് എഴുന്നേറ്റത്.
” എഴുന്നേൽക്ക് അച്ചു ” ഗായത്രി എന്നെ വിളിച്ചു.
” എനിക്ക് വയ്യാ ”
” അച്ചു അടി വാങ്ങൂട്ടോ ” അതും പറഞ്ഞ് ഗായത്രി എന്റെ ചന്തിക്ക് ഒരെണ്ണം തന്നു. അത് കിട്ടി കഴിഞ്ഞപ്പോൾ ഞാൻ അവളെ വലിച്ച് എന്റെ മേത്തേക്ക് ഇട്ടു.
” അച്ചു കളിക്കല്ലേ ”
” ഞാൻ ഇന്ന് പോണില്ല പെണ്ണെ ഡ്രസ്സ്‌ എടുക്കണം കോളേജിലെ പ്രോഗ്രാമിന് സോ ഇന്ന് പോണില്ല ”
” ന്നാ ഞാൻ പോട്ടെ ” അതും പറഞ്ഞ് ഗായത്രി എഴുന്നേറ്റു.
ഞാൻ വേഗം എഴുന്നേറ്റ് സെറ്റ് ആയി. അവളുടെ റൂമിന്റെ മുന്നിൽ എത്തി പതിയെ വാതിൽ തുറന്ന് അകത്തേക്ക് കേറി . ഗായത്രി റൂമിൽ നല്ല പണിയിൽ ആണ് ഓരോ സാധനങ്ങൾ എടുത്ത് മുഖത്ത് ഇടുന്നതിന്റെ തിരക്കിൽ ആണ്.
” നീ എന്തിനാ ഗായു ഇങ്ങനെ മേക്കപ്പ് ഇടുന്നെ ഇത്രേം ഇട്ട് ബോർ ആക്കല്ലേ ” അത് കേട്ട് ഗായത്രി തിരിഞ്ഞു നോക്കി.
” കൂടുതൽ ആണോ അച്ചു ” ഗായത്രി ചോദിച്ചു.
” ഓവർ ഒന്നും അല്ല കൂടുതൽ ആക്കണ്ട എന്ന് വെച്ച് പറഞ്ഞതാ ”
” പോടാ ” ഗായത്രി എന്നോട് പറഞ്ഞു.
” ഞാൻ പോകുവാ……. പിന്നെയെ നീ വരുന്നുണ്ടോ കോളേജിൽ ഇറക്കാം ”
” ഇല്ലാ അച്ചു നിമ്മി ഉണ്ട് ” ഗായത്രി പറഞ്ഞു. ഞാൻ താഴേക്ക് ഇറങ്ങി ആന്റി അവിടെ തന്നെ ഉണ്ടായിരുന്നു. വേഗം കഴിച്ച് കോളേജിലേക്ക് ഇറങ്ങി. ഞാൻ കോളേജിന്റെ അടുത്ത് ഉള്ള ബസ് സ്റ്റോപ്പിൽ ബൈക്ക് നിർത്തി ഇറങ്ങി അവർ മൂന്നും എത്തിട്ടില്ല. ഞാൻ ഫോൺ എടുത്ത് അഭിനെ വിളിച്ചു.
‘ഹലോ ‘
‘ ഏത് കാട്ടില ‘ ഞാൻ ചോദിച്ചു.
‘ ദേ എത്താൻ ആയി ‘
‘ ഹമ്മ് ‘ അതും പറഞ്ഞ് ഞാൻ ഫോൺ വെച്ചു. ഏകദേശം ഒരു പത്തിരുപതു മിനിറ്റ് കൊണ്ട് എല്ലാം വന്നു പിന്നെ എല്ലാരെയും കൂട്ടി ഡ്രസ്സ്‌ എടുക്കാൻ പോയി അഭി ഒരു വെല്ല്യ കടയുടെ മുന്നിൽ കൊണ്ട് പോയി നിർത്തി.
” ഇവിടുന്ന് ആണോ എടുക്കുന്നെ ” കട കണ്ടപ്പഴെ നിധിൻ ചോദിച്ചു.
” അതെ ” ആവണി പറഞ്ഞു.
” അല്ല ഞാൻ ഇത് പുറത്തൂന്ന് കണ്ടിട്ട് ഒള്ളു അകത്ത് ഒന്നും കേറീട്ടില്ല ”
ഞങ്ങൾ എല്ലാം അകത്തു കേറി ഡ്രസ്സ്‌ ഒക്കെ എടുത്തു അഭിയും ആവണിയും ആണ് ഫുൾ തപ്പലും പരതലും. ഞാനും നിധിനും ഒരു സൈഡിൽ ഒന്നും മിണ്ടാതെ ഇതൊക്കെ നോക്കി കാണുകയായിരുന്നു.
അവസാനം എനിക്ക് അവരുടെ കാണിക്കൽ കണ്ടപ്പോൾ ടെമ്പർ തെറ്റി പോയി ഒരെണ്ണം അങ്ങ് സെലക്ട് ചെയ്യതു രണ്ടും ഓക്കേ ആണെന്ന് പറഞ്ഞു ഞങ്ങൾക്ക് മൂന്നിനും ഷർട്ടും മുണ്ടും അവൾക്ക് അതെ കളറിൽ ഉള്ള സ്കർട്ടും ടോപ്പും എടുത്തു. ഞാനും അഭിയും ആണ് ബില്ല് കൊടുത്തത് കടയിൽ നിന്നും പുറത്ത് ഇറങ്ങിയപ്പോഴാണ് അഭിയും ആവണിയും ഞെട്ടിയത്.
” 2 മണിയൊക്കെ ആയോ ” വാച്ചിലേക്ക് നോക്കി കൊണ്ട് ആവണി ചോദിച്ചു.
” ഇല്ലടി സമയം ആകുന്നെ ഒള്ളു… ” ഞാൻ അത് പറഞ്ഞപ്പോൾ രണ്ടും ഒന്ന് ചിരിച്ചു.
” കിണിക്കല്ലേ . രണ്ടും കൂടെ ഒരു കടയിൽ കേറി അവിടെത്തെ തുണി മുഴവൻ വലിച്ച് താഴെ ഇട്ടു എന്നിട്ടും അടിയാണ് രണ്ടും കൂടെ ഏത് എടുക്കണം എന്ന് ” അത് പറഞ്ഞപ്പോൾ രണ്ടും ചിരി നിർത്തി.
” ഹമ്മ് വാ എന്തേലും കഴിക്കാം ” പിന്നെ ഞങ്ങൾ എല്ലാരും കൂടെ ഒരു ഹോട്ടലിൽ കേറി.
” എന്താടാ കഴിക്ക്യ ” ആവണി ചോദിച്ചു പെട്ടെന്ന് പോക്കെറ്റിൽ കിടന്ന് ഫോൺ അടിക്കാൻ തുടങ്ങി
” നിങ്ങൾ പറഞ്ഞോ ” ഞാൻ അതും പറഞ്ഞ് എഴുന്നേറ്റ് പോയി കാൾ എടുത്തു.
‘ അച്ചു ‘
‘ മ്മ് ‘
‘ എവിടെയാ ‘
‘ ഫുഡ്‌ കഴിക്കാൻ ഇരിക്കുവാ. നീ കഴിച്ചോ…? ‘
‘ ഹാ കഴിച്ചു ‘
‘ ഹാ ക്ലാസ്സ്‌ ഇല്ലേ ഇപ്പം ‘
‘ ഈ ഹവർ ഫ്രീ ആണ് ‘
‘ ന്നാ നീ കഴിച്ചോ….. പോകുമ്പോൾ ഞാനും ഉണ്ടേ ‘
‘ ഓക്കേ വരുബോൾ വിളിക്കാം ‘ അതും പറഞ്ഞ് കോൾ കട്ട്‌ ചെയ്ത അകത്തേക്ക് കേറിയപ്പോഴേക്കും അവർ ഓർഡർ ചെയ്ത ഫുഡ്‌ വന്നിരുന്നു.
വേഗം കഴിച്ച് ഒരു 3 മണി കഴിഞ്ഞപ്പോഴേക്കും കോളേജ് ജംഗ്ഷനിൽ എത്തി.
” അപ്പം മക്കളെ നാളെ നമ്മൾ പൊളിക്കും സെറ്റ് അല്ലെ ” അഭി പറഞ്ഞു .
” പിന്നല്ല സെറ്റ് ” ആവണി നല്ല ആവേശത്തിൽ ആയിരുന്നു. ബസ് വന്നപ്പം ആവണി കേറി പോയി നിധിനും പോയി പിന്നെ ഞാനും അഭിയും ബസ് സ്റ്റോപ്പിൽ ഇരുന്നു
” വല്ലാത്ത ഒരു രസം തന്നെ ആണല്ലോ ഈ കോളേജ് ലൈഫ് ” അഭി പറഞ്ഞു.
” നീ ഒന്ന് ആലോചിച്ച് നോക്ക് അച്ചു നമ്മൾ ഇങ്ങനെയൊക്കെ ആയിരുന്നോ എന്തേലും പ്രോഗ്രാം വെച്ചാൽ പോകുക കൂടെ ഇല്ലർന്നു അവിടേം ഇവിടേം തെണ്ടി നടക്കും തല്ലുംകൂടി ആൾക്കാരെ കൊണ്ട് പറയിപ്പിച്ചു ” അഭി പറഞ്ഞു
” നല്ല ഓർമ ഉണ്ടല്ലേ അതൊക്കെ ”
” മ്മ് ” അഭി ഒന്ന് മൂളി
” അഭി എനിക്ക് അതൊന്നും അല്ലടാ ഇപ്പോൾ മനസ്സിൽ അവൾ ആണ് ഗായത്രി എന്നെ ഒത്തിരി ഇഷ്ടം ആടാ അവൾക്ക്. നീ ഒന്ന് ആലോചിക്ക് ഞങൾടെ വീട്ടുകാർ ഇത് സമ്മതിക്കും എന്ന് നിനക്ക്‌ തോന്നുണ്ടോ ”
” എടാ അച്ചു അതൊക്കെ ശെരിയാണ് നിനക്ക്‌ അവൾടെ സ്നേഹം കണ്ടില്ലന്നു നടിക്കാൻ പറ്റുമോ. നീ എത്ര അവോയ്ഡ് ചെയ്യാൻ ശ്രെമിച്ചാലും നിന്റെ കൈ വിട്ട് പോകും അത് നിന്നെക്കൾ നന്നായി എനിക്ക് അറിയാം ” അഭി പറഞ്ഞു.
” അഭി ഞാൻ ഇനി അവളെ കൈവിടില്ലടാ എന്നെ എന്റെ അമ്മ കഴിഞ്ഞ് ഇപ്പോൾ ഏറ്റവും കൂടുതൽ സ്നേഹിക്കുന്നുണ്ടെന്ന് എനിക്ക് തോന്നിയത് അവളിൽ നിന്നും ആണ് . അതിനെ എങ്ങനെയാടാ ഞാൻ വേണ്ടന്ന് വെക്കുക “
” അച്ചു നിന്റെ കൂടെ എന്തിനും ഞാൻ ഇല്ലെടാ എന്തിനും ” ഞാൻ അവന്റെ മുഖത്തേക്ക് നോക്കി.
” ഡാ അച്ചു ഗായത്രി വരുന്നുണ്ട് ഞാൻ പോട്ടെ നാളെ കാണാം ” അതും പറഞ്ഞ് അഭി ബൈക്ക് എടുത്ത് പോയി.
” പൂവാം അച്ചു ” എന്റെ അടുത്തേക്ക് വന്ന ഗായത്രി പറഞ്ഞു .
” ഹാ പൂവാം ” ഞാൻ കേറി ബൈക്ക് എടുത്തു ബൈക്കിൽ ഇരുന്ന കവർ അവൾക്ക് കൊടുത്തു. വേഗം തന്നെ വീട് എത്തി . ഞാനും ഗായത്രിയും അകത്തേക്ക് കേറി ഇന്ന് പതിവിനു വിപരിതമായി ഒരാൾ അകത്ത് ഇരിക്കുന്നുണ്ടായിരുന്നു. ആളെ കണ്ടപ്പോൾ ഗായത്രി പപ്പാ എന്ന് വിളിച്ച് അകത്തേക്ക് ഓടി പോയി അങ്കിൾനെ കെട്ടി പിടിച്ചു.
” വാ അച്ചു നീ എന്താ എന്നെ കണ്ടിട്ട് അവിടെ തന്നെ നിന്നെ ” അങ്കിൾ എന്നോട് ചോദിച്ചു
” ഒന്നുല്ല അങ്കിളെ വല്ലാത്ത ഒരു സർപ്രൈസ് ആയിപോയല്ലോ ”
” പെട്ടെന്ന് വന്നതാടാ പിന്നെ ഓണം അല്ലെ. ഓണം കഴിഞ്ഞാൽ ഞാൻ പോകും അർജന്റ് ഒരു മീറ്റിംഗ് ഉണ്ട് അത് കൂടെ കഴിഞ്ഞാൽ പിന്നെ ഞാൻ ഫ്രീ ആ പിന്നെ കൊച്ചിയിൽ ഉള്ള ബ്രാഞ്ചിൽ മാനേജർ ആയിട്ട് ഇരുന്നാൽ മതി ഓടി നടപ്പ് പറ്റില്ല. അതും പറഞ്ഞ് അങ്കിൾ എഴുന്നേറ്റ് അവരുടെ റൂമിൽ പോയി പുറകെ ആന്റിയും ഞാനും ഗായത്രിയും കൂടെ മുകളിലേക്ക് പോയി.
