“” ഹാ നിക്ക് പെണ്ണെ… ദേ ഈ…കാശൂടെ കൊണ്ടോ…!!””
ഓടി ന്റെയോപ്പം വന്നവളോട് നീട്ടി വിളിച്ചു പറഞ്ഞതും മൊത്തത്തിൽ പൊട്ടി നിന്ന ഞാൻ അത് കടിച്ചു പിടിച്ചു മറുപടി കൊടുത്തു,
“” വേണ്ട വല്യമ്മേ… ഞാകൊടുത്തോളാം…””
മറുപടി ന്താണെന്ന് പോലും കേൾക്കാതെ ഞാൻ അവളുമായി നേരെ തിരിഞ്ഞു നടന്നു. മുത്തശ്ശിടേം അനുഗ്രഹം വാങ്ങി,
“” ന്റെ സ്റ്റെഫി… നീയിങ്ങനെ വിഷമിച്ചിരിക്കല്ലേ, നമ്മക് ന്തകിലും വഴി ഉണ്ടാക്കാം.. “”
ഉമ്മറപ്പടിയിൽ ന്നെയും കാത്തവളിരിപ്പുണ്ടിയുന്നു വേദന നിറഞ്ഞ മുഖവുമായി,
“” ന്താണ്…?? പൂർണിമ മാഡത്തിന് ന്നോട് ന്തോ പറയാനുണ്ടല്ലോ…?? “”
അവൾക്കൊപ്പമാ ഇടവഴിയേ റോഡിലേക്ക് ഇറങ്ങുമ്പോൾ പഴയെതെന്ന് തോന്നിക്കുന്ന ചിതൽ കയറി തുടങ്ങിയ മരത്തിന്റെ പോസ്റ്റിൽ നിന്നും വീഴുന്ന മഞ്ഞ വെളിച്വുമുണ്ടായിരുന്നു കൂട്ടിനായി വഴികാണിക്കാൻ.
“” ഏയ്… ഒന്നുല്ലേട്ടാ… ‘” അവളുടെ മുഖം കണ്ടാൽ അറിയാം ന്തോ ഉണ്ടെന്ന്, അതോടെ ഞാനവളെ അവിടെ പിടിച്ചു നിർത്തി, പറയാൻ വീണ്ടും നിർബന്ധിച്ചു.
“” അതുപ്പിന്നേട്ടാ…!! ന്റെ കോളേജിൽ ഒരുത്തൻ ന്റെ പുറകെ നടന്നു ശല്യം തുടങ്ങിട്ട് കുറെയായി…””
അവള് പറയാൻ തുടങ്ങിയതും ഞങ്ങളു പിന്നെയും മുന്നോട്ട് നടന്ന് തുടങ്ങി.
“” അതി പ്രായത്തിലൊക്കെ ഉള്ളതാ മോളെ.. നിയത് കാര്യമാക്കിയെടുക്കണ്ട…””
“” ഇതങ്ങനെയല്ലേട്ടാ… ന്റെ പുറകെ നടന്ന് ഓരോന്ന് പറയും.. ക്ലാസ്സിൽ കയറി ബഹളമുണ്ടാക്കും, ഒട്ടും സഹിക്കാതെ വന്നപ്പോ ഞാൻ പ്രിൻസിപ്പലിന് കംപ്ലേറ്റ് കൊടുത്ത്… അവന് സസ്പെൻഷനും കൊടുത്തതാ… “”
അവള് പറഞ്ഞു നിർത്തിയതും.സംഭവം ഒതുങ്ങിയല്ലോ ന്നായി നിക്ക്. പക്ഷെ..
“” അത് കഴിഞ്ഞവനിന്ന് കോളേജിൽ വന്നിരുന്നു.. ഫ്രണ്ട്സിനൊപ്പം സംസാരിച്ചോണ്ട് ഇരുന്ന ന്നേയവൻ അത്രേം ആളുകളുടെ മുന്നിലിട്ട് തല്ലി… അവസാനം എല്ലാരും കൂടെ കുടിയാ… അവനെ പിടിച്ചു മാറ്റിയെ… നാളെ… നാളെ ന്നോട് അവന്റെയൊപ്പം ചെല്ലണം… ചെല്ലാണോന്നാ പറഞ്ഞിരിക്കുന്നെ… നിക്ക്… നിക്ക് പേടിയാ… എനിക്ക് പേടിയാ യേട്ടാ…. “”
കരഞ്ഞു തുടങ്ങിയവളെ ഞാൻ ചേർത്തുപ്പിടിച്ചു.
“” അതിനെന്തിനാ ന്റെ കൊച്ച് പേടിക്കണെ…
ദേ നോക്കിയേ.. നാളെ തന്നെ നമ്മക് അവനെ കണ്ട്, എല്ലാം തീർപ്പാക്കാം.. പോരെ…. “”
ഞനവൾക്ക് സത്യം ചെയ്ത് കൊടുത്തതും അവളൊന്ന് ചിരിച്ചു തലയാട്ടി,
“” ന്നാ ബാ… നമ്മക് സാധനോം വാങ്ങി പെട്ടന്ന് വീട് പിടിക്കാം.. പിന്നെ…ഏട്ടനൊരു സിഗരറ്റ് വലിക്കും…
മോളത് അവളോട് പറയല്ലേ… കേട്ടാ.. “”
“” അയ്യേ….!
അപ്പോ ഏട്ടന് ഏടത്തിയെ പേടിയാല്ലേ. “”
“” പേടിയൊന്നുല്ല ന്നാലും ചെറിയൊരു ഭയം…. അതൊണ്ട് ന്റെ കൊച്ചവളോട് പറയല്ലേ… ചോക്ലേറ്റ് വാങ്ങി തരാം….’”
അതിന് ചിരിച്ചവൾ മുന്നിട്ടേക്ക് നടന്നു.
✨✨✨✨✨✨✨✨✨✨✨✨✨✨✨✨✨✨
“” ഏട്ടനെവിടെ ഏടത്തി….?? താഴെങ്ങും ഇല്ലാലോ…””
പൂർണ്ണിമ രാവിലെ മുറിയിൽ നിന്ന് മുടിയൊതുക്കുന്ന സ്റ്റെഫിയെ കണ്ട് ചോദിച്ചതും
“” ആഹ്ഹ്….അവൻ നേരത്തെ എവിടേക്കോ മറ്റോ പോയല്ലോ മോളെ…ന്താടാ….?? “”
“” ഏയ്യ് ഒന്നില്ലേട്ടത്തി… എവിടെക്കാ ന്ന് വല്ലതും പറഞ്ഞോയേട്ടൻ… “”
“”ഒരു ഫ്രണ്ടിനെ കാണാൻ പോണുന്ന് മാത്രം പറഞ്ഞു… ന്താ മോളെ വല്ല അത്യാവശ്യവുമുണ്ടോ…?? “”
സ്റ്റെഫി അങ്ങനെ ചോദിച്ചെങ്കിലും അവളൊന്നും പറഞ്ഞില്ല. മറിച്ചു തിരിച്ചു വെളിയിലേക്ക് നടന്നതെ ഉള്ളായിരുന്നു.
ഏട്ടൻ മറന്നിട്ടുണ്ടാവും ന്നും കരുതി പരിഭവവൊന്നും കൂടാതെ അവൾ കോളേജിലേക്ക് നടന്നു, അവളുടെ ഉള്ളിൽ വല്ലാത്ത വീർപ്പുമുട്ടലുണ്ടായിരുന്നു.. ഇനി അവനെ എങ്ങനെ ഫേസ് ചെയ്യും ന്നോർത്ത്..