കൂടെ അടുത്തു നിന്നവളേ ഞാൻ കൈ കൊണ്ട് വിളിച്ചതും, അവളെന്റെ അരികിലേക്ക് ഓടിയെത്തി,
“” പെണ്പിള്ളേരോട് മോശമായിട്ട് പെരുമാറുന്നതേ….. നികിഷ്ടല്ല… അപ്പോപ്പിന്നെ ന്റെ പെങ്ങളോട് തന്നെ നിയിത് കാണിക്കുമ്പോ നിക്ക് ദേഷ്യം വരില്ലേ… ഹാ പറ വരില്ലേ….. “”
ന്തോ അവനെനിക്കുള്ള മറുപടി പെട്ടെന്ന് ഒരു തലയനക്കിലൂടെ തന്നതും, ഞനൊന്ന് ചിരിച്ചു,
“” ആഹ്ഹ്… അപ്പോ അത് കഴിഞ്ഞു… ഇനിയെന്താ…… ഹാ… “” ഞാനവളെ നോക്കിയൊന്ന് ആലോചിച്ചതും,
“” നിനക്കെന്താണോ കൊടുക്കാനുള്ളത് അതങ്ങ് കൊടുത്തേക്ക്… നമ്മക്കെന്തിനാ കണ്ടനാറികളുടെ കടമൊക്കെ.. അതോണ്ട് ന്താന്ന് വെച്ചാ അറിഞ്ഞങ്ങ് കൊടുത്തേക്ക്… അവൻ ഹാപ്പിയാകട്ടെന്ന്…. “”
പറഞ്ഞതും ഒന്നാലോചിച്ചവൾ മുന്നോട്ട് വന്നവളവന്റെ മുഖമടച്ചോന്നുകൊടുത്തു,
“” അതങ്ങോട്ട് ഏറ്റില്ലടാ… അവന്റെ മുഖം കണ്ടാ…. ഒന്നുടെ അങ്ങ് കൊടുത്തേക്ക് “”
നീട്ടി ഒരെണ്ണം കൂടെ കൊടുത്തതും അവൻ പിന്നിലേക്ക് വീഴാനൊരു പോക്ക്,
‘” ഓഹ് ഇനി ഞാൻ പിടിച്ചിട്ട് നീ വീഴാതെ ഇരിക്കണ്ട… ധൈര്യായിട്ട് വീണോ…!!””
പിടി വിട്ടതും അവൻ ചക്ക വെട്ടിയിട്ടപോലെ ഒറ്റ പോക്ക്.
✨✨✨✨✨✨✨✨✨✨✨✨✨✨✨✨✨✨
“” ഇത്രയൊക്കെ ഇടിക്കാനും മാത്രം ന്റെ മോനെന്താ ചെയ്തേ… ഏഹ്.. അല്ലേൽ തന്നെ ഇവനാരാ ന്റെ കൊച്ചിനെ തല്ലാൻ.. “”
സംഭവം എല്ലാം കഴിഞ്ഞതും ഉണ്ടായതെന്താണെന്ന് തിരക്കാൻ ഓഫീസിൽ നിന്നും ആള് വന്നു നോക്കി, വിളിക്കണ്ട താമസം ഞാനും അവളും അങ്ങോട്ടേക്ക് നടന്നു.
പിന്നെ ആ പയ്യമ്മാരുടെ മാതാപിതാക്കൾ വരുന്ന വരെ കുറച്ച് നേരം പോസ്റ്റ് ആകേണ്ട വന്നു, അങ്ങനെ വന്നൊരു തള്ള ചെക്കനെ കണ്ടപ്പോ മുതല് ന്നോട് ചാടി കേറാ… ന്നാ അവനെന്താ ചെയ്തിട്ടാ അടി കിട്ട്യേ ന്നല്ല… നല്ല മാതാവ്..
“” ഇവനെക്കെ ന്തിനാ ഇടികൊണ്ടെന്ന് എന്നെക്കാളും നന്നായിട്ട് ഇവനൊക്കെയറിയാം… അതോണ്ട് ഈ കൊടുത്തതൊക്കെ കുറഞ്ഞു പോയിന്നേ ഞാമ്പറയു… “”
“” കണ്ടോ സാറേ… ഇത്രയൊക്കെ ഉണ്ടാക്കിട്ടും അവന്റെ അഹങ്കാരം… പോലീസിനെ വിളിക്ക് സാറേ… അവര് വന്നിട്ട് തീരുമാനിക്കട്ടെ ബാക്കി…””
“” ഓഹ്.. നിങ്ങള് വിളി… പോലീസ് വരട്ടെ… ന്നിട്ട് തീരുമാനിക്കാം ബാക്കിയൊക്കെ…..
സാറ് വിളി സാറേ… അവര് വരട്ടെന്ന്.. “”
ഞാൻ അവിടുന്ന് എഴുന്നേറ്റു. പതിയെ അവളുടെ അടുത്തേക്ക് നടന്നു,. അപ്പോളേക്കും പ്രിൻസിപ്പൽ ന്നോട് കുറച്ച് റഷ് ആയി,
“” എസ്ക്യൂസ്മീ…മിസ്റ്റർ… ഇത്രേം പിള്ളേരുടെ മുന്നിലിട്ട് ഇവരെ തല്ലിയതും പോരാ താൻ ന്റടുത് വന്ന് ആളാകുന്നോ..?? ന്താ പൂർണിമയിത് ഗുണ്ടായിസൊ…!! “”
ഈ തലയിൽ മൂന്നു രോമം മാത്രം എഴുനേറ്റ് നിൽക്കുന്ന ഈ പുൽച്ചാടി മോനെ എനിക്ക് ആദ്യം കണ്ടപ്പോളെ പിടിച്ചിട്ടില്ല…
ഇവനെന്റെന്ന് തല്ല് മേടിക്കും..
“” ആടോ ഗുണ്ടായിസാ… തനിക്കെന്തെകിലും പറയാനുണ്ടോ…??
തന്നെപോലെ കുറെ എണ്ണം ഇങ്ങനെ ഞെളിഞ്ഞിരിക്കുന്നതോണ്ടാ നിക്കൊക്കെ ഇവിടെ വന്നിങ്ങനെയൊക്കെ ചെയ്യേണ്ടി വരുന്നത്… ന്നിട്ട് അയാള് കിടന്ന് ഷോ ഏറക്കുന്നു..
പിന്നെ…. ഇവനെയൊക്കെ ഞാൻ തല്ലിയതെ,,
ന്റെ കൊച്ചിനോട് മോശമായി സംസാരിച്ചതിനും അവളെ തല്ലിയതിനുമാ…
അങ്ങനെയുള്ളവമ്മാരെ ഞാൻ തല്ലല്ല… പൊതപ്പിക്കും,
ഒരുതവണ ഇവിടുന്ന് സസ്പെൻഷൻ കൊടുത്തിട്ടും ഇവനൊക്കെ എല്ലിന്റെ എടേൽ കേറുന്നുണ്ടകിൽ അത് നല്ല തല്ലിന്റെ കുറവ് തന്നാ…””
ഞാൻ നേരെ അവന്റെയൊക്കെ വീട്ടുകാരുടെ നേരെ തിരിഞ്ഞു,
“” മോനെ… ഒരുതവണ സസ്പെൻഷൻ കൊടുത്ത് വിട്ടത് ഇവിടെ ഭാരതനാട്യം കളിച്ചേനല്ല,””
നേരെ അവന്റെയൊക്കെ അടുത്തേക്ക് ചെന്നെല്ലാത്തിനെമോന്ന് നോക്കി, ന്നേ കണ്ടതും ല്ലാം തലകുനിച്ചു,