വണ്ടി നേരെ ഞാൻ തറവാട്ടിലേക്കാണ് വിട്ടത്, കുറച്ച് നേരം സംസാരിക്കാ അത്രേ വേണ്ടു, വണ്ടി മുറ്റത് നിർത്തി നേരെ കുളക്കടവിലേക്ക് നടന്നു.
അവളെ അവിടിരുത്തി ഞാനാ മടിയിലേക്ക് ചാഞ്ഞു, ആ വിരലുകൾ കയ്യിൽ കോർത്തു ഓരോ കുശലം പറഞ്ഞിരുന്നു.
“” തറവാട്ടിലുള്ളവരെയൊക്കെ ഇഷ്ടയോ നിനക്ക്..?? “”
“” ആഹ്ഹ് ല്ലോ… ല്ലാരേം ഇഷ്ട്ടായി… പ്രതേകിച്ചു രമണിയമ്മേ… ആള് കുറച്ച് കുറുമ്പിയാട്ടോ…!””
അതിന് ഞാൻ വെറുതെയൊന്ന് ചിരിച്ചതെയുള്ളൂ.
പിന്നെ കുറച്ചു നേരം അവളൊന്നും മിണ്ടിയില്ല.
“” നീയെന്താ ന്റെ പെണ്ണെ ഈ ആലോചിച്ചു ക്കുട്ടണേ…””
അവളുടെ ആ ഇരുത്തം കണ്ട് ഞനൊന്ന് ചോദിച്ചു,
“” അതുപിന്നെ അമ്മേം കൊച്ചിനേമോന്ന് കാണണമെന്നുണ്ട് വാവേ…ഒന്നുല്ലേലും ന്റെ കല്യാണം അല്ലെ വരണേ… അവരില്ലെങ്കിൽ….
നമ്മക് നാളെ അവിടെവരെയൊന്ന് പോയാലോ… നിനക്ക് വിഷമാവോ…!!””
അവളെന്റെ മുടിയിൽ തഴുകി നിന്നു,
“” അതൊഴിച്ചു ബാക്കി ന്ത് വേണേലും പറഞ്ഞോ ഞാൻ നടത്തി തരാം..
ഇനിയാ വീട്ടിലേക്ക് ഞാനില്ല. “”
എടുത്തടിച്ചപോലെ ഞാനത് പറഞ്ഞതും, അവള് കുറച്ച് നേരം അനങ്ങിയില്ല, അത് കണ്ട് ഞാനവളെ നോക്കുമ്പോ കണ്ണ് തുടക്കുന്നത് കണ്ടു, പിന്നെ ഒന്നും മിണ്ടാതെ വീണ്ടും അതെ ഇരുപ്പ്.
കുറച്ച് നേരം കൂടെ അവിടിരുന്നെങ്കിലും ഞങ്ങളു പരസ്പരം ഒന്നും സംസാരിച്ചില്ല. പതിയെ വീട്ടിലേക്ക് പോകാൻ തീരുമാനിച്ചു,
✨✨✨✨✨✨✨✨✨✨✨✨✨✨✨✨✨✨
നേരെ അകത്തേക്ക് കയറിയതും അവളെരോടും ഒന്നും മിണ്ടാതെ വല്യമ്മയുടെ മുറിയിലേക്ക് പോയ്, അവളവിടെയാണ് കിടക്കുന്നത് ഇപ്പൊ,
“” ന്താടാ… ന്തിനാ അവള് വിഷമിച്ചു അകത്തേക്ക് പോയേ…. “”
വണ്ടിയുടെ ശബ്ദം കേട്ട് വെളിയിലേക്ക് വന്ന വല്യമ്മ ചോദിച്ചതും ഞാൻ ഒന്നുമില്ല ന്ന് പറഞ്ഞു കാര്യം ഒതുക്കി,
✨✨✨✨✨✨✨✨✨✨✨✨✨✨✨✨✨✨
അങ്ങനെ കല്യാണത്തിന്റെ നാല് നാൾ മുന്നേ
“” സ്റ്റെഫി…… “” ഞാൻ വീടിന്റെ ഉള്ളിലേക്ക് നീട്ടി വിളിച്ചു, കല്യാണം ആയത് കൊണ്ട് ഒട്ടുമിക്കെ എല്ലാരും വന്നിട്ടുണ്ട്, അക്ഷരചേച്ചി ഇന്ന് രാവിലെ എത്തി, അഭി പിന്നെ ഇവിടെ കാര്യങ്ങൾ ഒക്കെ നോക്കി അങ്ങനെ ഉണ്ട്, നാളെ ആൻഡ്രസ്സയും അപർണ്ണ യും എത്തും, പൂജ പിന്നെ ഒരാഴ്ച നേരത്തെ ലീവും എടുത്തിങ്ങ് പോന്നു, അങ്ങനെ മൊത്തത്തിൽ അവിടെ ഒരു ബഹളം തന്നെ ന്ന് പറയാം.. അപ്പോളാണ് പല്ലും കടിച്ചോണ്ട് അഭി വരുന്നത്,
“” പരട്ട കിളവന്റെ ഓരോ കോപ്പിലെ ചോദ്യം… നിക്കങ്ങോട്ട് പൊളിഞ്ഞു കേറിയതാ മറ്റേത്…, പിന്നെ നിന്റെ അമ്മായിയാപ്പനല്ലെന്നോർത്താ… മലര്..””
വന്ന പാടെ ന്റെ നേരെ ഒന്ന് ചാടിയവൻ, ആ തറയിലോട്ട് ആഞ്ഞൊരു ചവിട്ട്, നിക്ക് ചിരി വന്ന് പോയി,
“” നീ കിണിക്കണ്ട… നിന്റെ അമ്മായിയപ്പൻ ല്ലേ… നിനക്കിത്തന്നെ വരണം…
ഓഹ് ദാണ്ടേ വരണ്, ടാ ഞാമ്പോണ്… നീ ഇത് കഴിഞ്ഞു ആ കുളത്തിന്റെ അങ്ങോട്ട് പോര് ഞാനവിടെ കാണും… “”
അതും പറഞ്ഞവൻ തിരിഞ്ഞു നടന്നു,
ഞാൻ മുന്നിലേക്ക് നോക്കി, അവളുടെ അച്ഛനും, അമ്മയും അനിയത്തിയും അകത്തേക്ക് കയറിയിരുന്നു,
അവളുമായി വഴക്കിട്ടത്തിന്റെ പിറ്റേന്ന് തന്നെ ഞാൻ എല്ലാരേം കാണാൻ പോയിരുന്നു, ആദ്യം കുറെ കൊണ പറഞ്ഞെങ്കിലും പുള്ളിയെ പറഞ്ഞു മനസിലാക്കാൻ നിക്ക് പറ്റി.. അല്ല അഭി പറഞ്ഞു മനസിലാക്കിച്ചു,
“” നീ പോവാണോ…?? “” തിരിഞ്ഞു നടന്ന അഭിയെ കണ്ട് പുള്ളിയൊന്ന് നിന്നു.
“” ആഹ്ഹ് പോവാ.. ചെന്നിട്ട് എന്തൊക്കെയോ ചെയ്യാനുള്ളതാ… അങ്കിള് കയറിയിരി….
അമ്മേ… മോളെ…. പിന്നെ കാണാം… “”