ഞാനവളുടെ നെറുകിലേക്ക് ചുണ്ടുകളാഴ്ത്തി.
“” ന്നാ പറഞ്ഞുടായിരുന്നോ ന്നോട്.. ഞാൻ വെറുതെ വിഷമിപ്പിച്ചില്ലേ ന്റെ കൊച്ചിനേ… “”
“” പറഞ്ഞാ അതിന്റെയൊരു ത്രിൽ പോവുല്ലേ പെണ്ണെ… ഇതാവുമ്പോ കണ്ടോ.. ന്റെ പെണ്ണിന്റെ മുഖത്തെ തെളിച്ചം… “” ഞനൊന്നൂടിയവളെ വലിഞ്ഞു മുറുക്കി,
പിന്നേം കുറെ സംസാരിച്ചു ഞാൻ നേരെ അവളെ വിട്ടു.
“” പിന്നെ… അധികം ഓവറാക്കാൻ നിക്കണ്ട… കേട്ടോ… “”
“”ഏയ്യ് അച്ഛനെ ഞാൻ നോക്കിക്കോളാം.. നീ ടെൻഷനാവണ്ട… “”
ഞാൻ ഒരു മുൻകരുതലെന്ന പോലെ പറഞ്ഞതും,
“” അച്ഛന്റെ കാര്യല്ല… ഞനെന്റെ കെട്ടിയോന്റെ കാര്യാ പറഞ്ഞെ… “”
“” അയ്യേ… ഞനോ… മദ്യപാനോ.???..
ശിവ…. ശിവ…. “”
ഞാൻ മുഖത്തടിച്ചു,
“”അഹ്.. ഓവറാക്കി ചളമാക്കണ്ട… ചെല്ല് ചെല്ല്…””
ഈ…. അവള് കണ്ട് പിടിച്ചു… ഞനൊരു ഉമ്മകൂടെ കാറ്റിൽ പറത്തി അവളിലേക്ക് വിട്ടു. അവളൊരു കൈ ഓങ്ങി അടിക്കാൻ ന്ന പോലെ വന്നതും ഞനോരൊറ്റ ഓട്ടം.
✨✨✨✨✨✨✨✨✨✨✨✨✨✨✨✨✨✨
“” അങ്ങനെ സിദ്ധുവിനും ലോക്ക് വീണു.. ല്ലെടാ…”‘
കുളക്കടവിലെ പടികളിൽ നിരത്തിയ ഗ്ലാസിലോരണം വായിലേക്ക് കമഴ്ത്തി അമലിന്റെ ചിരി,
“” അവന്റെ അമ്മായിടെ ചേച്ചിടെ മോള്…. ന്നെക്കൊണ്ടൊന്നും പറയിക്കല്ല്… “”
ന്നേ നോക്കിയൊന്ന് ചിരിച്ചവൻ അഭിക്ക് നേരെ പല്ല് കടിച്ചൊരു ഗ്ലാസുടി വായിലേക്ക് കമഴ്ത്തി.
“” അഭി…. വല്യച്ഛനൊക്ക സാധനം അറേജ് ചെയ്തായിരുന്നല്ലോ ല്ലേ… “”
കടവിലെ പടിയിൽ ഒഴിച്ചു വെച്ച ഗ്ലാസ്സൊറണം വായിലേക്ക് കമഴ്ത്തി ഞാൻ അവനോട് തിരക്കി.
കവറിലെ മീനച്ചാർ ഒരണ്ണം വായിലേക്ക് തേച്ചവൻ ന്നേ നോക്കിയൊരു തമ്പ്സപ്പ് കാട്ടി.
“” അതൊക്കെ എപ്പോളെ സെറ്റക്കിയാളിയാ.. സംശയമുണ്ടെങ്കിൽ നീ ദോ… ആ പിന്നാമ്പുറത്തോട്ട് പൊയ് നോക്ക്… ല്ലാം അടിച് കോണായി കിടപ്പുണ്ടായിരിക്കും..”””
അവനൊന്ന് ഇളിച്ചു കാണിച്ചു. കൂടെ ഒരണ്ണം കൂടെ വായിലേക്ക് കമഴ്ത്തി.
“” ന്റെ പൊന്ന് മലരേ വെള്ളം ചേർത്തടി.. ഇല്ലേ ചത്ത് പോവും… “”
വിശാല് അഭിയെ നോക്കി കണ്ണുരുട്ടി വേറൊരെണ്ണം വയ്യിലേക്ക് കമ്ഴ്ത്തി.
“” ഓഹ് താങ്കൾ പിന്നെ ഇളനീര് ചേർത്താണല്ലോ ഇപ്പൊ ഒരണ്ണം അകത്തേക്ക് പറഞ്ഞയച്ചത്… എഴിച്ചു പോടെ… “”
എല്ലാം കണ്ട് നിന്ന ഞാൻ ഒരു ചവിട്ട് രണ്ടിനും കൊടുത്ത് മൊബൈൽ കയ്യിലെടുത്തു.
പിന്നതൊരു മത്സരമായി.. ഒന്ന് രണ്ടായി…. രണ്ട് നാലായി… നാല് എട്ടായി….
“” ഇത് ആഘോഷത്തിന്റെ രാത്രിയാണ്… തലക്ക് വെളിവും…. കാലിനു….ബലവുമുള്ളോരാള് പോലും ഇന്നിവിടം വിട്ട് പോകരുത്…. കുടിക്കുമ്പോ… ബോധം മാറാവുവോളം കുടിക്കാ… ദാ ഇങ്ങനെ….! അല്ലെ അതിന് മുതിരരുത്… ദാറ്റസ് ഈസ് അമൽസ് ലോ…””
നെടുതൂളൻ ഡയലോഗിന്റെ പുറകെ..വല്യൊരു വാളോടു കൂടി അവനാ കടവിന്റെ തിട്ടിലേക്ക് ചാഞ്ഞു….
“”ആഹ്ഹ്….. ആ ജഗൻ നാഥാൻ ചാഞ്ഞെടാ… ഇനി നോക്കണ്ട….!””
അഭി അവന് നേരെ വിരൽ ചൂണ്ടി,
അഭി…അവനൊരു വാശിയോടെ വാരി കമഴ്ത്തുവായിരുന്നു, ഏതാണ്ട് ന്നോട് വെക്തി വൈരാഗ്യം ഉള്ളത് പോലെ…. ഇതിപ്പോ ഇത്രേം സാധനം ഇവൻ തന്നെ തീർക്കുല്ലോ..
ഞാൻ പിന്നെ രണ്ട് പെഗ്ഗുടി അടിച്ച് നിർത്തി, ന്നാൽ എല്ലാവരും വീണിട്ടും അഭിയുടെ ഒറ്റയാൾ പോരാട്ടമായിരുന്നു അവിടെ..
അവൻ അവസാനം പെഗ്ഗും വായിലേക്ക് കമഴ്ത്തി ഒന്ന് ഞെരിപിരി കൊണ്ടു.
“” കഴിഞ്ഞോ.. ഷേർഖാൻ… അതോരു നൂറു കുപ്പികുടി തീർക്കണോ ഞാൻ… “” ന്നൊരു പുച്ഛം അവന്റെ മുഖത്ത്…
“” ഞ… നിപ്പോ… ഇപ്പോ വരാ ഡാ…. “” തന്റെതല്ലാത്ത കാരണത്താൽ വഴിപിഴച്ചുണ്ടായ നാക്കിനെ കഷ്ടപ്പെട്ട് കൂട്ടി മുട്ടിച്ചു അവൻ അവിടെ നിന്ന് എഴുന്നേറ്റു.