അങ്ങിനെ വൈകുന്നേരം ഞാനും കാവ്യയും നിമിഷയെയും അനീനയെയും സ്വാതിയെയും പിക്ക് ചെയ്ത് ഫ്ലാറ്റിലേക്ക് പോയി…..
ഞാൻ ഒന്ന് ഫ്രഷായി വന്നപ്പോളേക്കും ഫോണിൽ നിമിഷയുടെ കാൾ
ചേട്ടാ……
എന്താടാ
അച്ഛന് ചേട്ടനെ ഒന്ന് കാണണമെന്ന്…..
ഞാൻ മുകളിലേക്ക് വരാം…..
ഹാ…..
ഫോൺ കട്ട് ചെയ്ത് ഞാൻ നേരെ നിമിഷയുടെ ഫ്ലാറ്റിലേക്ക് ചെന്നു…… അവിടെ എന്നെയും നോക്കി നിമിഷയുടെ അച്ഛൻ ഇരിപ്പുണ്ടായിരുന്നു,,,,, എന്നെ കണ്ടപാടെ അച്ഛൻ എഴുന്നേറ്റു
നമുക്കൊന്ന് നടന്നിട്ട് വരാം….. അച്ഛൻ പറഞ്ഞു
എന്തോ സീരിയസ് കാര്യം അദ്ദേഹത്തിന് പറയാനുണ്ടെന്ന് അതിൽനിന്നും എനിക്ക് മനസിലായി……
വാ അച്ഛാ……
അങ്ങിനെ ഞങ്ങൾ ലിഫ്റ്റിൽ താഴേക്ക് ഇറങ്ങി റോഡിലൂടെ കുറച്ചു ദൂരം നടന്നു…..
മോനേ…. നിമിഷയുടെയും വിപിന്റെയും ഡിവോഴ്സിന്റെ കാര്യങ്ങൾ ശരിയാക്കണം…… അച്ഛൻ ഒറ്റവാക്കിൽ പറഞ്ഞു
അത് കേട്ട് ഞാൻ അച്ഛനെ ഒന്ന് നോക്കി
ഞങ്ങൾ അവളൊരു കുറച്ചു ദിവസം ലീവ് എടുത്തു ഞങ്ങളുടെ കൂടെ നാട്ടിലേക്ക് വരാൻ പറഞ്ഞത് അതിനാണ്….. ഇനിയും ഇത് ഇങ്ങനെ നീട്ടികൊണ്ട് പോയിട്ട് കാര്യമില്ലലോ……. അച്ഛൻ വീണ്ടും പറഞ്ഞു
ഞാൻ എന്താ അച്ഛാ അതിന് ചെയ്യേണ്ടത് ?
മോൻ വിപിനോട് ഒന്ന് സംസാരിക്കണം….. നിങ്ങൾ കൂട്ടുകാരല്ലേ….. ഒരു മ്യൂച്ചൽ ഡിവോഴ്‌സ് പെറ്റീഷൻ ആണെങ്കിൽ എല്ലാം എളുപ്പം നടക്കും……
ഞാൻ പറഞ്ഞിട്ട് വലിയ കാര്യമുണ്ടെന്ന് തോന്നുന്നില്ല അച്ഛാ….. കാരണം ഞങ്ങൾ ഇപ്പൊ അത്ര നല്ല രസത്തിലല്ല…..
ആണോ….. അത് പ്രശ്‌നമില്ല…. നമുക്ക് അതല്ലാത്ത രീതിയിൽ നോക്കാം….. അച്ഛൻ കൂളായി പറഞ്ഞു
ഇതിനിപ്പോ നാട്ടിൽ പോകേണ്ട കാര്യമുണ്ടോ ? നമുക്ക് ഇവിടെ തന്നെ ഒരു വക്കീലിനെ നോക്കിയാൽ പോരേ…. ഞാൻ ചോദിച്ചു
അത് വേണ്ട…… കാര്യങ്ങളൊക്കെ നാട്ടിൽ കുറച്ചു പേര് അറിയണം…. അവൾക്ക് അധികം പ്രായമൊന്നും ആയിട്ടില്ലലോ….. ഇനിയും എന്തെങ്കിലും കല്യാണ കാര്യം എന്തെങ്കിലും വരണമെങ്കിൽ ഇതൊക്കെ കുറച്ചുപേർ അറിഞ്ഞിരിക്കണം…… അച്ഛൻ പറഞ്ഞു
നിമിഷയ്ക്ക് കല്യാണം നോക്കുന്നു എന്നത് പറഞ്ഞത് കേട്ട് ഞാൻ ഒന്ന് നടുങ്ങി…..
നിമിഷയോട് പറഞ്ഞോ അച്ഛൻ ഇത് ? ഞാൻ ചോദിച്ചു
ഇല്ലാ….. ഡിവോഴ്സിന്റെ കാര്യവും പറഞ്ഞിട്ടില്ല കല്യാണത്തിന്റെ കാര്യവും പറഞ്ഞിട്ടില്ല….. നാട്ടിൽ ചെന്നിട്ട് പറയാമെന്ന് വിചാരിച്ചു ഇരിക്കുകയാ….. ഇല്ലെങ്കിൽ അവൾ വന്നില്ലെങ്കിലോ ?
അച്ഛാ……. ഞാൻ നീട്ടി വിളിച്ചു ഇങ്ങനെ റോഡിൽ വച്ച്‌ പറയേണ്ട ഒരു കാര്യമല്ല എന്നാലും ഈ ഒരു സദർഭത്തിൽ പറയാതിരിക്കാൻ പറ്റില്ല
എന്താ മോനേ ?
എനിക്കും നിമിഷയ്ക്കും തമ്മിൽ കല്യാണം കഴിച്ചാൽ കൊള്ളാമെന്നുണ്ട്……. ഞങ്ങൾ ഈ കാര്യം പതിയെ അച്ഛനോടും അമ്മയോടും പറയാൻ ഇരിക്കുകയായിരുന്നു…..
അത് കേട്ട് അച്ഛൻ ഒരു ഞെട്ടലോടെ എന്നെ നോക്കി……
കുറച്ചു നേരം മൗനമായി ഇരുന്നതിനു ശേഷം അച്ഛൻ എന്റെ കയ്യിൽ പിടിച്ചു….
അവളുടെ ഇഷ്ടം എന്താണോ അതാണ് ഞങ്ങളുടെയും ഇഷ്ടം……… പിന്നെ ഒരു പ്രാവിശ്യം അവളുടെ ഇഷ്ടത്തിന് കൂട്ട് നിന്നതാണ് ഇപ്പോൾ ഇങ്ങനെ ആയിരിക്കുന്നത്…… അത് പോലെ ആകില്ലല്ലോ അല്ലേ……
എല്ലാവരും ഒരേപോലെ ആകില്ലലോ അച്ഛാ……. പിന്നെ ചില തെറ്റിൽ നിന്ന് അല്ലേ കാര്യങ്ങളൊക്കെ പഠിക്കുന്നത്…….
അപ്പൊ ഡിവോഴ്സിന്റെ കാര്യങ്ങൾ മാത്രം നോക്കിയാൽ മതി അല്ലേ….. പുഞ്ചിരിയോടെ അച്ഛൻ ചോദിച്ചു
അതിന് മറുപടിയായി ഞാനും ഒന്ന് ചിരിച്ചു
ഡിവോഴ്സിന്റെ കാര്യങ്ങളെല്ലാം കഴിഞ്ഞ് വീട്ടുകാരെയും കൂട്ടി വാ….. ബാക്കിയൊക്കെ ഇനി ഞങ്ങൾ സംസാരിക്കാം…… അച്ഛൻ പറഞ്ഞു
കാര്യങ്ങൾക്ക് പെട്ടെന്ന് തീരുമാനമായതിന്റെ സന്തോഷത്തിൽ….. ഞാൻ നിമിഷയുടെ അച്ഛനുമായി തിരിച്ച് ഫ്ലാറ്റിലേക്ക് നടന്നു….. അച്ഛനെ ഫ്ലാറ്റിലാക്കി നിമിഷായേയും വിളിച്ച് ഞാൻ താഴെ എന്റെ ഫ്ലാറ്റിലേക്ക് ഓടി
എന്താ ചേട്ടാ…… എന്റെ സന്തോഷം കണ്ട് നിമിഷ ചോദിച്ചു
ഫ്ലാറ്റിൽ കയറി വാതിലടച്ചതും നിമിഷയെ പൊക്കിയെടുത്ത് അവളുടെ ചുണ്ടുകളിൽ ഉമ്മകൾ കൊണ്ട് മൂടി…..
വട്ടായോ ചേട്ടന് ? ഒന്ന് കുതറി മാറികൊണ്ട് നിമിഷ ചോദിച്ചു
തന്റെ അച്ഛൻ സമ്മതിച്ചടോ ?
എന്ത് ?
നമ്മുടെ കല്യാണത്തിന്………….
കാര്യം പറയ് ചേട്ടാ…..
അതേടാ…….. നിമിഷയോട് ഞാൻ അച്ഛനുമായി സംസാരിച്ച കാര്യങ്ങളൊക്കെ പറഞ്ഞു…… അത് കേട്ടുകൊണ്ട് കാവ്യയും സ്വാതിയും അനീനയും റൂമിൽ നിന്നും ഇറങ്ങി വന്നു…….
എല്ലാം കേട്ടുകഴിഞ്ഞതും നിമിഷ എന്നെ കെട്ടിപിടിച്ചു…….
ചേട്ടാ പാർട്ടി വേണം…… അനീന വിളിച്ചു പറഞ്ഞു
എന്ത് വേണമെങ്കിലും തരാം……. ഞാൻ സന്തോഷത്തോടെ പറഞ്ഞു
എന്നാൽ ഞാൻ ദിഷ ചേച്ചിയെ വിളിക്കട്ടെ…… അനീന വീണ്ടും പറഞ്ഞു
ഇന്നോ? പാർട്ടി പിന്നെ ഒരു ദിവസം മതി….. നിമിഷ പറഞ്ഞു
ഇത്ര ഹാപ്പി ന്യൂസ് കേട്ടിട്ട് അതിന്റെ പാർട്ടി പിന്നേക്ക് എങ്ങിനെയാ മാറ്റി വെക്കുന്നത് ? അനീന ചോദിച്ചു
അതേ…… ഇന്ന് വെക്ക്…… സ്വാതിയും പറഞ്ഞു
നിമിഷയുടെ സമ്മതത്തിനായി ഞാൻ അവളെ നോക്കി
അവൾ കണ്ണുകൾ അടച്ച് സമ്മതം അറിയിച്ചു……
എന്നാൽ ദിഷയെ വിളിക്ക്………. ഞാൻ പറഞ്ഞു
അങ്ങിനെ നിമിഷ തന്നെ ദിഷയെ വിളിച്ചു കാര്യം പറഞ്ഞു….. കുറെ നാളുകൾക്ക് ശേഷമാണ് പാർട്ടി കൂടുന്നത് അതുകൊണ്ട് തന്നെ ദിഷയും വരാമെന്നേറ്റു……….
ഞങ്ങളുടെ സന്തോഷം കണ്ട് കാവ്യ അത്ഭുതത്തോടെ നോക്കി നിൽക്കുകയാണ്…… ഇവർക്കിടയിൽ ഇത്രക്ക് അറ്റാച്ച്മെന്റ് ഉണ്ടാകാൻ കാരണമെന്തെന്നാകും അവൾ ആലോചിക്കുന്നത്…..
അങ്ങിനെ പാർട്ടിക്ക് വേണ്ട സാധനങ്ങളെല്ലാം സെറ്റാക്കി ഞങ്ങൾ ദിഷയ്ക്ക് വേണ്ടി വെയിറ്റ് ചെയ്ത് അവിടെയിരുന്നു……
തുടരും……
