അപ്പോ ഒരിക്കലും എനിക്ക് നിന്നെ കിട്ടില്ലെന്നാണോ…
അല്ല.. ഞാനായിട്ട് തരുന്ന വരെ ചേട്ടായി എനിക്ക് വേണ്ടി കാത്തിരിക്കൂ…. എനിക്ക് കുറച്ചു സമയം വേണം… എല്ലാത്തിനോടും പൊരുത്തപ്പെടാൻ…. അത്രേ ഉള്ളൂ….
ശെരി… ഞാൻ കാത്തിരിക്കാം…പക്ഷേ നിന്നെ തൊടരുത് നോക്കരുത് എന്നൊന്നും പറയരുത്… കേട്ടല്ലോ..
ചേട്ടായിക്ക് തോന്നുന്നോ അതൊന്നും ഞാൻ ഇഷ്ടപ്പെടുന്നില്ലെന്ന്…. ഒരു പെണ്ണ് മനസ്സ് കൊണ്ട് അതൊന്നും ആസ്വദിക്കാതെ വീണ്ടും വീണ്ടും അങ്ങനെ നിന്നു തരില്ല…
എനിക്കറിയാം… നിന്റെ കണ്ണുകൾ അത് പറയുന്നുണ്ട്…
. ചേട്ടായി എന്റെ കൈ രണ്ടും കൂട്ടിപിടിച്ചു ഉമ്മ തന്നു..
ഞാൻ ആ മുഖത്തു നോക്കി ചിരിച്ചു…
അതെ.. എന്നെ എന്തും പറഞ്ഞാ ഇങ്ങോട്ട് കൊണ്ട് വന്നേ…. എന്നിട്ടിപ്പോ എന്താ ചെയ്യുന്നേ ….
ശെരിയാണല്ലോ… ഞാൻ മറന്നു… നീ വാ… താഴേക്ക് പോവാം….
ചേട്ടായി എഴുന്നേറ്റു പുറത്തേക്ക് നടക്കാൻ തുടങ്ങി.
ചേട്ടായീ.. ഞാൻ പറഞ്ഞത് സങ്കടായോ..
ഇല്ലല്ലോ… നീ കാര്യമല്ലേ പറഞ്ഞെ… ഞാനാ എടുത്തു ചാടിയെ…
സോറി… ഞാൻ ഇങ്ങനെ ആയി പോയി…
ചേട്ടായി എന്റെ അടുത്തേക്ക് വന്നു… എന്റെ ചുമലിൽ കൈ വെച്ചു…
പോട്ടെടോ…. എനിക്ക് സങ്കടമൊന്നുമില്ല…
ഞാനാ നെഞ്ചിലേക്ക് ചാഞ്ഞു… എന്റെ കണ്ണുകൾ നിറഞ്ഞൊഴുകുണ്ടായിരുന്നു.
എത്ര നേരം അങ്ങനെ നിന്നു എന്നറിയില്ല…. ഓഫീസിലെ ഫോൺ ബെല്ലടിച്ചപ്പോഴാണ് ഞാൻ അടർന്നു മാറിയത്.. താഴെ സെക്ഷനിൽ നിന്നായിരുന്നു..
സർ, ഓഫീസിലേക്ക് ചായയൊ മറ്റോ കൊണ്ട് വരണോ..
വേണ്ട സനീഷ്… ഞങ്ങൾ താഴേക്ക് വരുവാ…
റീനാ വാ താഴേക്ക് പോവാം…. ചേട്ടായി എനിക്കായി വാതിൽ തുറന്നു തന്നു…. കരഞ്ഞു കലങ്ങിയ കണ്ണും തുടച്ചു കൊണ്ട് ഞാൻ താഴേക്ക് പോയി…
അപ്പോഴേക്കും തിരക്കിന് കുറവുണ്ടായിരുന്നു…
നേരെ ബില്ലിങ്ങിൽ ചെന്നു….
അമ്പിളി ഒന്നിങ്ങു വന്നേ…
എന്താണ് സർ..
മാഡത്തിന് കുറച്ചു ഡ്രസ്സ് ഒക്കെ കാണിച്ചു കൊടുത്തേ…. എല്ലാം നമ്മുടെ പുതിയ കളക്ഷൻസിൽ നിന്നു മതി….
ശെരി സർ…
റീന ചെല്ലെടോ… വേണ്ടതൊക്കെ വാങ്ങിക്കോ….
ചേട്ടായീ ഒന്നെന്റെ കൂടെ വന്നൂടെ…
ഏയ്യ്… അമ്പിളി ഉണ്ടല്ലോ… പോയി വാ നീ ഞാൻ ഇവിടെ ഉണ്ടാവും.
ഞാൻ അത് കേട്ട് അമ്പിളിക്കൊപ്പം കളക്ഷൻസിലേക്ക് നടന്നു.
ആൽബി സർ… ആരാ ഇത്.. പുതിയ കസ്റ്റമർ ആണോ..
കസ്റ്റമർ അല്ല സനീഷേ…. പക്ഷേ പുതിയ ആളാ…പക്ഷേ നിങ്ങളുടെ പുതിയ ബോസ്സ് ആണെന്ന് മാത്രം…
അയ്യോ സാറേ…
ഇങ്ങനെ പേടിക്കാതെടാ… ഞാൻ കെട്ടാൻ പോകുന്ന ആളാ…. എങ്ങനെയുണ്ട് എനിക്ക് ചേരുവോ…
പൊളിയല്ലേ സാറേ… നന്നായിട്ട് ചേരും…
ശെരി ശെരി…. നോക്കീം കണ്ടുമൊക്കെ നിന്നാൽ നിങ്ങൾക്ക് കൊള്ളാം… എന്നെ പോലെയൊന്നുമല്ല… നല്ല ദേഷ്യ കക്ഷിക്ക് കേട്ടോ…
അപ്പോ അമ്പിളിയ്ക്ക് പണിയാകുവോ…
ഏയ്…. അതൊക്കെ അമ്പിളി ഡീൽ ചെയ്തോളും….. നീയാ കഴിഞ്ഞ ആഴ്ചത്തെ സെയിൽസ് റിപ്പോർട്ടിങ്ങെടുത്തെ…
ദാ ഇതിലുണ്ട് സർ..
പോളേട്ടൻ എങ്ങനെയുണ്ട് സനീഷേ….
അയ്യോ സാറേ… പോളേട്ടൻ പാവം… സീത മാഡത്തിന് നല്ല സഹായാ…..നാളേയ്ങ്ങു വരത്തില്ലേ..
വരും….ഞാൻ അവരെ പുതിയതായി തുടങ്ങുന്ന ഷോപ്പിലേക്ക് മാറ്റിയാലോ എന്നാലോചിക്കുവാ.
അപ്പോ ആരാ ഈ ഷോപ്പിൽ….
അതെന്താ സനീഷേ… അങ്ങനെയൊരു ചോദ്യം…. പിന്നെ നീയും വിപിനുമൊക്കെ ഇവിടെയുണ്ടല്ലോ….
അയ്യോ സാറേ ഞങ്ങൾ….
അതെന്താ നിങ്ങൾക്ക് പറ്റില്ലേ കുറച്ചൂടെ കൂടിയ ശമ്പളത്തിൽ ജോലി ചെയ്യാൻ…
അത് പറ്റും… എന്നാലും…
ചെയ്ത് പടിക്കെടാ…. കുറച്ചു കഴിയുമ്പോ റീനയും ഞാനുമൊക്കെ വന്നു കണക്ക് നോക്കിക്കോളാം…. അത് വരെ നിങ്ങൾ രണ്ടും വേണം ഇതൊക്കെയൊന്നു നോക്കി നടത്താൻ…. വിപിൻ എവിടെ…
അവൻ താഴെ ഗോഡൗണിൽ ഉണ്ട്… നാളത്തേക്കുള്ള സ്റ്റോക്ക് വയ്ക്കാൻ ഏരിയ ക്ലിയർ ചെയ്യുവാ…
ശെരി ശെരി…അവനോട് ഒന്ന് പറഞ്ഞേക്ക് കേട്ടോ.
അപ്പോഴേക്കും റീന ഡ്രെസ്സുമായി എത്തിയിരുന്നു…
റീന ഇത്രയും മതിയോ നിനക്ക്…
മതി ചേട്ടായീ….
സനീഷേ ആ ഡിസ്കൗണ്ട് ചേർത്ത് ബില്ല് ഒന്ന് അടിച്ചേക്കണേ അമ്പിളി സനീഷിനോട് പറഞ്ഞു…ഞാൻ സനീഷിന്റെ മുഖത്തു നോക്കിയൊന്നു ചിരിച്ചു… എന്നിട്ട് റീനയുടെ കയ്യിലിരുന്ന കവർ വാങ്ങി പിടിച്ചു..
റീനേ എന്നാൽ നമുക്ക് ഇറങ്ങിയാലോ
ശെരി ചേട്ടായീ വാ…. അവൾ അമ്പിളിയെ നോക്കി…
താങ്ക്സ് കേട്ടോ അമ്പിളി…
….. ഞങ്ങൾ യാത്ര പറഞ്ഞു പുറത്തേക്ക് ഇറങ്ങാൻ നേരം അമ്പിളി സനീഷിനോട് ചോദിക്കുന്നത് കേട്ടു… ഞാൻ ആരാണെന്ന്….
**
റീനാ…. നീയെന്താ മിണ്ടാത്തെ…
ഞാൻ എന്ത് മിണ്ടാനാ ചേട്ടായീ…
എങ്ങനെയുണ്ട്… ഷോപ്പ് ഇഷ്ടായോ നിനക്ക്…
കൊള്ളാം… നല്ല കളക്ഷനുണ്ട്
എന്നിട്ടാണോ നീ ഇത്രയും കുറച്ചു ഡ്രസ്സ് എടുത്തത്….
എനിക്കിത് മതി… പിന്നെ മോനുള്ളത് രണ്ട് മൂന്നു ജോഡി എടുത്തു കേട്ടോ… കുഴപ്പമില്ലലോ…
ഡീ അത് എന്റെ മോനല്ലേ… അപ്പോ അവന് ഡ്രസ്സ് വാങ്ങി കൊടുക്കേണ്ടത് എന്റെ ചുമതലയാ… അപ്പോ എങ്ങനാ എനിക്ക് കുഴപ്പം വരുന്നേ….
ഞാൻ മിണ്ടാതിരുന്നു…
കുറച്ചു കഴിഞ്ഞ് വണ്ടി വേറെ ഒരു വെഡിങ് സെന്ററിന്റെ മുന്നിൽ നിർത്തി….
ഇവിടെയെന്താ ചേട്ടായീ…
ഇതാണ് പുതിയ നമ്മുടെ വെഡിങ് സെന്റർ… അടുത്ത മാസം ഓപ്പൺ ചെയ്യണം എന്നാണ് ആഗ്രഹം …
ആഹാ കൊള്ളാലോ…. മറ്റേതിലും വലുതാണോ..
ആഹ് കുറച്ചു…. നിനക്ക് ഇറങ്ങണോ…
വേണ്ട… വാ പോവാം…
എന്നാൽ ശെരി…. വണ്ടി വീണ്ടും മുന്നോട്ട് തന്നെ…
റീനേ വിശക്കുന്നു എനിക്ക്.. എന്തേലും കഴിച്ചാലോ…
അപ്പോ ഞാൻ വീട്ടിൽ ഉണ്ടാക്കി വെച്ചിരിക്കുന്നത് ആര് കഴിക്കും…
അയ്യേ.. അത് ചോറല്ലേ…
അതെ ചോറാണ്… പക്ഷേ അതുണ്ടാക്കിയത് ഞാനല്ലേ… ഞാൻ ഉണ്ടാക്കുന്നത് കൊള്ളില്ലേ…
കൊള്ളാം… എന്നാലും…
ചേട്ടായി നേരെ വീട്ടിലേക്ക് വിട്ടേ… അവിടെ ചെന്നിട്ട് ഒരുമിച്ചു കഴിക്കാം…. ഇനി മുതൽ കുറച്ചു പുതിയ ശീലങ്ങളൊക്കെ വേണം…
അതെന്ത് ശീലം…
അതൊക്കെയുണ്ട്… അതിൽ ആദ്യത്തേത് പുറത്തു നിന്നുള്ള ആഹാരം കുറക്കണം എന്നതാണ്….
ഡീ നീയെന്നെ പൂട്ടി ഇടുവല്ലോ ഇങ്ങനാണേൽ…
അത്യാവശ്യം വന്നാൽ അതും ചെയ്യും..
പിന്നെ ഞാൻ എന്ത് കഴിക്കും…
ഞാൻ എന്തുണ്ടാകുന്നോ അത് കഴിച്ചോണം…