ശേഷം ഫുഡ് എടുത്തു വെക്കാൻ സ്ത്രീകളെല്ലാവരും പോയപ്പൊ കാര്ത്തികയും അവരുടെ കൂടെ കൂടി.
“അളിയോ, പ്രധാന പാര്ട്ടി കഴിഞ്ഞ് നമുക്കുള്ള പരിപാടി വേറെ ഉണ്ട്, കേട്ടോ.” ഗോപന് ഉത്സാഹത്തോടെ എന്നോട് പറഞ്ഞു.
“ഹോട്ട് അടിക്കുന്ന പരിപാടിയാണോ..?” നിരുത്സാഹത്തോടെ ഞാൻ ചോദിച്ചു.
“അന്ന് പിന്നെ ഹോട്ട് ഇല്ലാതെ എങ്ങനെയാ…, ആ ദിവസം നി ഒന്ന് അഡ്ജസ്റ്റ് ചെയ്യടാ മച്ചു… നമുക്ക് ശെരിക്കും അടിച്ചു പൊളിക്കണം.” ഗോപന് രണ്ട് പെരുവിരലും ഉയർത്തി കാണിച്ചു.
അവന്റെ ഉത്സാഹം കണ്ടു ഞാൻ ചിരിച്ചു. എന്നിട്ട് ആലോചനയുടെ ഞാൻ പറഞ്ഞു, “ഹോട്ട് എനിക്ക് വേണ്ട… കള്ള് കിട്ടുമോ എന്ന് ഞാൻ അന്വേഷിക്കാം.”
“ശെരി നി അന്വേഷിക്ക്.. പക്ഷേ അത് കിട്ടിയില്ലേൽ അല്പ്പം ഹോട്ട് എങ്കിലും അടിച്ച് നി ഞങ്ങൾക്ക് കമ്പനി തരണം.” നിര്ബന്ധപൂര്വ്വം അവന് പറഞ്ഞതും ചിരിച്ചുകൊണ്ട് ഞാൻ സമ്മതിച്ചു.
“മതി.. മതി. കള്ളും വിസ്കിയേയും പ്രേമിച്ചത് മതി. രണ്ടും വന്ന് കഴിക്കാൻ നോക്ക്.” അമ്മായി ചിരിച്ചുകൊണ്ട് ഡൈനിംഗ് റൂമിൽ നിന്നും വിളിച്ചു പറഞ്ഞു.
ഉടനെ ഞങ്ങൾ എഴുനേറ്റ് കഴിക്കാൻ ചെന്നിരുന്നു. കഴിക്കുന്ന സമയത്തും ഞങ്ങൾ എല്ലാവരും ജോളിയായി എന്തൊക്കെയോ പറഞ്ഞു ചിരിച്ചു കൊണ്ടാണ് കഴിച്ചത്. ഒടുവില് അത്താഴം കഴിഞ്ഞ് എല്ലാവരും എഴുന്നേറ്റു.
“പിന്നേ അളിയാ, എനിക്ക് നിന്റെ കാര് തരുമോ…?” ഗോപന് ആവശ്യപ്പെട്ടു. “ഈ മഴയത്ത് അകലെയുള്ള ബന്ധുക്കളെ ക്ഷണിക്കാനായി ബൈക്ക് ശരിയാവില്ല.”
“ഗോപേട്ടൻ എന്തിനാ അന്യരെ പോലെ ചോദിക്കുന്നേ..?” ജൂലി അവന്റെ കൈ പിടിച്ചു കൊണ്ട് കോപിച്ചു. “എപ്പോ വേണേലും ഗോപേട്ടൻ കാര് എടുത്തോളു… തോന്നുമ്പോ തിരികെ തന്നാല് മതി.”
“ചൂടാവല്ലെടി പൊന്നേ…” ഗോപന് ജൂലിയുടെ തലയില് പതിയെ ഒന്ന് കൊട്ടി. “ആവശ്യം വരുമ്പോ ചോദിക്കുന്നത് അല്ലേ മര്യാദ…!” അത്രയും പറഞ്ഞിട്ട് അവന് ജൂലിയുടെ തോളത്ത് കൈയിട്ട് പതിയെ ഒരു കൊട്ടും കൂടി അവള്ക്ക് കൊടുത്തു. ഉടനെ ജൂലി അവന്റെ ആ കൈയിൽ പതിയെ ഒരു കടി കൊടുത്തിട്ട് ചിരിച്ചു.
അവരുടെ കുസൃതി കണ്ട് ഞങ്ങളും ചിരിച്ചു. പലപ്പോഴും ജൂലിയും ഗോപനും ഇതുപോലെ തമാശക്ക് അടിപിടി കൂടാറുണ്ട്. അതൊക്കെ കണ്ടു ഞങ്ങൾ ചിരിക്കുകയും ചെയ്യും.
അന്നേരം സാന്ദ്ര ചെന്ന് കാറിന്റെ താക്കോലുമായി വന്നു.
“എന്റെ ബൈക്ക് ഇവിടെ തന്നെ ഇരുന്നോട്ടെ.” അതും പറഞ്ഞ് അവന് സാന്ദ്ര നീട്ടിയ താക്കോല് വാങ്ങി.
“എന്നാല് ഞങ്ങൾ ഇറങ്ങുന്നു, ആന്റി…” കാര്ത്തിക എന്റെ അമ്മായിയെ നോക്കി യാത്ര പറഞ്ഞു.
ശേഷം മറ്റുള്ളവരോടും യാത്ര പറഞ്ഞിട്ട് അവസാനമായി അവള് എന്നെ നോക്കി.
“പിന്നേ സാമേട്ട, സുമയും നെല്സേട്ടന്റെ വാര്ഷികത്തിന് കാണിച്ച പോലെ ഒന്നും ഞങ്ങളോട് കാണിക്കരുത്, കേട്ടോ..!!” അവള് എന്റെ കണ്ണില് തറപ്പിച്ച് നോക്കിയാണ് പറഞ്ഞത്. “ശെരി എന്നാ, ഞങ്ങൾ ഇറങ്ങുന്നു.”
“ശെരിടാ അളിയാ. പിന്നെ കാണാം. നാളെ ഞങ്ങൾ വിനിലയെ ചെന്ന് വിളിക്കാം.” ഗോപന് പറഞ്ഞു. എന്നിട്ട് അവർ രണ്ടുപേരും ഇറങ്ങി.
പുറത്ത് ചെന്ന് അവരെ യാത്രയാക്കിയ ശേഷം ഞാൻ അകത്ത് വന്ന് വാതിൽ കുറ്റിയിട്ടു. ഉടനെ അമ്മായി അവരുടെ റൂമിലേക്ക് പോയി. സാന്ദ്രയും സ്റ്റെപ്പ് കേറി മുകളില് ചെന്ന് മറഞ്ഞു.
എല്ലാവരും പോയ ശേഷം ജൂലി എന്റെ കൈ പിടിച്ചു വലിച്ചതും ഞങ്ങളും നടന്ന് ഞങ്ങടെ റൂമിൽ കേറി.
“നല്ല ക്ഷീണം തോന്നുന്നു, ചേട്ടാ. ഞാൻ കിടന്നോട്ടേ..?” ജൂലി ചോദിച്ചു.
“ശെരി, നി കിടന്നോ… ഞാൻ ഒന്ന് കുളിക്കട്ടെ.” പറഞ്ഞിട്ട് ഞാൻ തോര്ത്തും എടുത്ത് ബാത്റൂമിൽ കേറി.
കുളി കഴിഞ്ഞ് തിരികെ വന്നപ്പോ ജൂലി ഗാഢമായ നിദ്രയില് ആണ്ട് കഴിഞ്ഞിരുന്നു. നല്ല തണുപ്പ് കാരണം ബ്ലാങ്കറ്റും മൂടിയാണ് അവൾ ഉറങ്ങിയത്.
എന്റെ മൊബൈലും എടുത്തിട്ട് ഞാനും കിടന്നു.
അല്പ്പനേരം യാമിറ ചേച്ചിയോട് സംസാരിക്കാം എന്ന ചിന്തയില് ഞാൻ മെസേജ് ചെയ്തു. ഉടനെ മറുപടിയും വന്നു.