ഉടനെ ഞങ്ങൾ എഴുനേറ്റ് കഴിക്കാൻ ചെന്നിരുന്നു. കഴിക്കുന്ന സമയത്തും ഞങ്ങൾ എല്ലാവരും ജോളിയായി എന്തൊക്കെയോ പറഞ്ഞു ചിരിച്ചു കൊണ്ടാണ് കഴിച്ചത്. ഒടുവില് അത്താഴം കഴിഞ്ഞ് എല്ലാവരും എഴുന്നേറ്റു.
“പിന്നേ അളിയാ, എനിക്ക് നിന്റെ കാര് തരുമോ…?” ഗോപന് ആവശ്യപ്പെട്ടു. “ഈ മഴയത്ത് അകലെയുള്ള ബന്ധുക്കളെ ക്ഷണിക്കാനായി ബൈക്ക് ശരിയാവില്ല.”
“ഗോപേട്ടൻ എന്തിനാ അന്യരെ പോലെ ചോദിക്കുന്നേ..?” ജൂലി അവന്റെ കൈ പിടിച്ചു കൊണ്ട് കോപിച്ചു. “എപ്പോ വേണേലും ഗോപേട്ടൻ കാര് എടുത്തോളു… തോന്നുമ്പോ തിരികെ തന്നാല് മതി.”
“ചൂടാവല്ലെടി പൊന്നേ…” ഗോപന് ജൂലിയുടെ തലയില് പതിയെ ഒന്ന് കൊട്ടി. “ആവശ്യം വരുമ്പോ ചോദിക്കുന്നത് അല്ലേ മര്യാദ…!” അത്രയും പറഞ്ഞിട്ട് അവന് ജൂലിയുടെ തോളത്ത് കൈയിട്ട് പതിയെ ഒരു കൊട്ടും കൂടി അവള്ക്ക് കൊടുത്തു. ഉടനെ ജൂലി അവന്റെ ആ കൈയിൽ പതിയെ ഒരു കടി കൊടുത്തിട്ട് ചിരിച്ചു.
അവരുടെ കുസൃതി കണ്ട് ഞങ്ങളും ചിരിച്ചു. പലപ്പോഴും ജൂലിയും ഗോപനും ഇതുപോലെ തമാശക്ക് അടിപിടി കൂടാറുണ്ട്. അതൊക്കെ കണ്ടു ഞങ്ങൾ ചിരിക്കുകയും ചെയ്യും.
അന്നേരം സാന്ദ്ര ചെന്ന് കാറിന്റെ താക്കോലുമായി വന്നു.
“എന്റെ ബൈക്ക് ഇവിടെ തന്നെ ഇരുന്നോട്ടെ.” അതും പറഞ്ഞ് അവന് സാന്ദ്ര നീട്ടിയ താക്കോല് വാങ്ങി.
“എന്നാല് ഞങ്ങൾ ഇറങ്ങുന്നു, ആന്റി…” കാര്ത്തിക എന്റെ അമ്മായിയെ നോക്കി യാത്ര പറഞ്ഞു.
ശേഷം മറ്റുള്ളവരോടും യാത്ര പറഞ്ഞിട്ട് അവസാനമായി അവള് എന്നെ നോക്കി.
“പിന്നേ സാമേട്ട, സുമയും നെല്സേട്ടന്റെ വാര്ഷികത്തിന് കാണിച്ച പോലെ ഒന്നും ഞങ്ങളോട് കാണിക്കരുത്, കേട്ടോ..!!” അവള് എന്റെ കണ്ണില് തറപ്പിച്ച് നോക്കിയാണ് പറഞ്ഞത്. “ശെരി എന്നാ, ഞങ്ങൾ ഇറങ്ങുന്നു.”
“ശെരിടാ അളിയാ. പിന്നെ കാണാം. നാളെ ഞങ്ങൾ വിനിലയെ ചെന്ന് വിളിക്കാം.” ഗോപന് പറഞ്ഞു. എന്നിട്ട് അവർ രണ്ടുപേരും ഇറങ്ങി.
പുറത്ത് ചെന്ന് അവരെ യാത്രയാക്കിയ ശേഷം ഞാൻ അകത്ത് വന്ന് വാതിൽ കുറ്റിയിട്ടു. ഉടനെ അമ്മായി അവരുടെ റൂമിലേക്ക് പോയി. സാന്ദ്രയും സ്റ്റെപ്പ് കേറി മുകളില് ചെന്ന് മറഞ്ഞു.
എല്ലാവരും പോയ ശേഷം ജൂലി എന്റെ കൈ പിടിച്ചു വലിച്ചതും ഞങ്ങളും നടന്ന് ഞങ്ങടെ റൂമിൽ കേറി.
“നല്ല ക്ഷീണം തോന്നുന്നു, ചേട്ടാ. ഞാൻ കിടന്നോട്ടേ..?” ജൂലി ചോദിച്ചു.
“ശെരി, നി കിടന്നോ… ഞാൻ ഒന്ന് കുളിക്കട്ടെ.” പറഞ്ഞിട്ട് ഞാൻ തോര്ത്തും എടുത്ത് ബാത്റൂമിൽ കേറി.
കുളി കഴിഞ്ഞ് തിരികെ വന്നപ്പോ ജൂലി ഗാഢമായ നിദ്രയില് ആണ്ട് കഴിഞ്ഞിരുന്നു. നല്ല തണുപ്പ് കാരണം ബ്ലാങ്കറ്റും മൂടിയാണ് അവൾ ഉറങ്ങിയത്.
എന്റെ മൊബൈലും എടുത്തിട്ട് ഞാനും കിടന്നു.
അല്പ്പനേരം യാമിറ ചേച്ചിയോട് സംസാരിക്കാം എന്ന ചിന്തയില് ഞാൻ മെസേജ് ചെയ്തു. ഉടനെ മറുപടിയും വന്നു.
“ഇന്ന് മോൾട കൂടെ അവളുടെ റൂമിലാണ് കിടക്കുന്നത്. സംസാരിക്കാൻ കഴിയില്ല.” ചേച്ചി റിപ്ലൈ ചെയ്തു.
എനിക്ക് നിരാശ തോന്നി. പക്ഷെ പെട്ടന്ന് ഷസാന ഞങ്ങളുടെ കളി കണ്ടതിനെ ഓര്ത്തു പോയി. അവള്ക്ക് എന്നോട് വെറുപ്പ് തോന്നിയിട്ടുണ്ടാവും. അവള് ഇനി എന്നോട് സംസാരിക്കില്ല എന്നും സംശയിച്ചു.
ആ… എന്തെങ്കിലും ആവട്ടെ. അതിനെ കുറിച്ച് ചിന്തിച്ചിട്ട് കാര്യമില്ല. അതുകൊണ്ട് എല്ലാ ചിന്തകളും മാറ്റി വച്ചു കൊണ്ട് ഉറങ്ങാന് ശ്രമിച്ചു. സമയം കടന്നുപോയി എന്നല്ലാതെ ഉറങ്ങാൻ കഴിഞ്ഞില്ല. സമയം പത്തര കഴിഞ്ഞിരുന്നു.
ഞാൻ വെറുതെ ദേവിയുടെ ചാറ്റ് ഓപ്പണ് ചെയ്തു നോക്കി. രണ്ട് മണിക്കൂര് മുമ്പ് അവള് ഓണ്ലൈനിൽ ഉണ്ടായിരുന്നതായി കാണിച്ചു.
ഈ സമയം അവള്ക്ക് മെസേജ് അയച്ചാല് അവൾ തെറ്റിദ്ധരിക്കും എന്ന ചിന്ത ഉണ്ടായിരുന്നു. പക്ഷേ എന്നിട്ടും എന്റെ വിരലുകള് തനിയേ ചലിച്ചു.
“ഹയ്..” അവള്ക്ക് ഞാൻ മെസേജ് അയച്ചു. മനസ്സിൽ ഒരു പേടി ഉണ്ടായിരുന്നു, രാത്രി ഞാൻ അവളെ ശല്യം ചെയ്യുന്നുവെന്ന് അവള് ദേവാംഗന ആന്റിയോട് പറയുമെന്ന പേടി.
എന്റെ മെസേജ് ചെന്ന് വെറും നാലഞ്ച് സെക്കന്റില് തന്നെ ദേവി ഓൺലൈനിൽ വന്നു. എനിക്ക് ആശ്ചര്യം തോന്നി.
“ഹയ് ചേട്ടാ..!” അവളുടെ മറുപടി കണ്ട് എനിക്ക് പിന്നെയും ആശ്ചര്യമുണ്ടായി.
“കിടക്കാനായില്ലേ..?”
“കിടന്നു കഴിഞ്ഞു. പക്ഷേ ഇന്ന് എന്തോ ഉറക്കം വരുന്നില്ല. പിന്നെ ചേട്ടൻ എന്താ ഉറങ്ങാത്ത..?”
“എന്നും ലേറ്റ് ആയിട്ടാണ് ഞാൻ ഉറങ്ങാറുള്ളത്. പിന്നെ ഈ സമയം മെസേജ് ചെയ്തത് ശല്യമായോ…?”
“അയ്യോ, അങ്ങനെ ഒന്നുമില്ല, ട്ടോ.” അവള് തിടുക്കത്തിൽ പറഞ്ഞിട്ട് ചോദിച്ചു, “പിന്നെ ജൂലി ചേച്ചി ഇറങ്ങിയോ..? ഈ നേരം വല്ല പെണ്ണിനോട് ചാറ്റ് ചെയ്താൽ ചേച്ചി കോപിക്കില്ലേ..?”
അവൾ ജൂലിയുടെ പേര് പറഞ്ഞതും ഞാൻ അല്ഭുതപ്പെട്ടു. കാരണം എന്റെ വീട്ടിലുള്ളവരെ കുറിച്ച് ഞാൻ ദേവാംഗന ആന്റിയോട് പറഞ്ഞെങ്കിലും, എന്റെ അച്ഛൻ ഒഴികെയുള്ള ആരുടെ പേരും ഞാൻ പറഞ്ഞിരുന്നില്ല.
“ജൂലി ഉറങ്ങി. പിന്നെ ഒരുപാട് കാര്യങ്ങൾ ടൈപ്പ് ചെയ്യാൻ ഒരു ബുദ്ധിമുട്ട് പോലെ. ഞാൻ കോൾ ചെയ്യട്ടെ…?”
കുറച് സായം വരെ മറുപടി വന്നില്ല. ഒരു അഞ്ച് മിനിറ്റ് കൂടി കഴിഞ്ഞതും അവൾ തന്നെ കോൾ ചെയ്തു.
ഞാൻ എടുത്ത ഉടനെ എന്റെ മനസ്സിൽ ഉള്ള സംശയം ഞാൻ ചോദിച്ചു, “എന്റെ ഭാര്യയുടെ പേര് എങ്ങനെ അറിയാം…!?”
“അതുപിന്നെ…” അവളൊന്നു വിക്കി. എന്നിട്ട് പറഞ്ഞു, “വിനില ചേച്ചി ഒരുപാട് കാര്യങ്ങൾ എന്നോട് പറഞ്ഞിട്ടുണ്ട്. ജൂലി ചേച്ചിയേ കുറിച്ചും, ചേച്ചിയുടെ വാൽവിന്റെ പ്രശ്നം പറ്റിയും പറഞ്ഞിട്ടുണ്ട്.”
വേറെ എന്തൊക്കെയാണാവോ വിനില ദേവിയോട് പറഞ്ഞിട്ടുള്ളത്..!!
“പിന്നേ ജൂലി ചേച്ചിക്ക് ഏതു മരുന്ന് കഴിച്ചാലും മയങ്ങി പോകുമെന്നും വിനിലേച്ചി പറഞ്ഞു… അതെന്താ അങ്ങനെ…?”
കൂടുതൽ ആലോചിക്കാതെ ഞാൻ പറഞ്ഞു, “എത്ര ഡോസ് കുറഞ്ഞ മരുന്നാണേലും ജൂലിയുടെ ശരീരത്തിന് താങ്ങില്ല. അതുകൊണ്ട് എല്ലാ മരുന്നും ഉറക്ക ഗുളികയുടെ ഫലം ചെയ്യുന്നു എന്നാ ഡോക്റ്റര് പറഞ്ഞത്.”
“അയ്യോ, പാവം ചേച്ചി…” ദേവി വിഷമം പറഞ്ഞു.
“പിന്നേ, നി എന്താ ഉറങ്ങാത്തെ… എന്തെങ്കിലും ടെൻഷൻ ഉണ്ടോ..?” ഞാൻ ചോദിച്ചു.
“ടെൻഷൻ ഒണ്ട്..” അത്ര മാത്രം പറഞ്ഞിട്ട് അവള് മൗനം പാലിച്ചു.
“ഭർത്താവുമായി എന്തെങ്കിലും പ്രശ്നം ആണോ..?” ഞാൻ ചോദിച്ചു.
“യേയ്, ഇല്ല.”
“പിന്നേ ദേവാംഗന ആന്റി എന്തേലും പറഞ്ഞോ…?”
“അയ്യോ, എന്റെ അമ്മായി നല്ല മുന്കോപിയും ഭയങ്കര ഗൗരവക്കാരിയും ആണേലും ആള് പഞ്ച പാവമാ. സ്നേഹം പുറത്ത് കാണിക്കില്ല എങ്കിലും ഉള്ളില് എന്നോട് ഭയങ്കര സ്നേഹം ഉണ്ട്. പിന്നെ ചേട്ടൻ വന്നിട്ട് പോയതിനു ശേഷം അമ്മായിക്ക് ചില മാറ്റങ്ങൾ ഉണ്ട്..”