“അതാ പെണ്ണ് ഒറ്റക്കായിരുന്നു… അവൾ ഒരു കമ്പനിക്ക് ഇരിക്കാൻ പറഞ്ഞു ”
” ആ… അപ്പൊ അതാണ്… ഞാൻ നാളെ ഒന്നവളെ കാണട്ടെ” , അവൾ ഒന്ന് തിരിഞ്ഞു എന്റെ വയറിൽ കുത്തി.
ഇവൾക്കിതൊരു ഹോബി ആയിട്ടുണ്ട്, വെറുതെ വയറിൽ കുത്തൽ.
” പിന്നേ…. ഞാൻ പെണ്ണുങ്ങളെ കണ്ടിട്ടില്ലല്ലോ… അത് പാവം, അവിടെ ഇരിക്കുന്നത് കണ്ടു. പിന്നെ അന്നൊന്നും ഇല്ല, ഓറിയെന്റേഷൻ ക്ലാസ് ആണെന്ന് പറഞ്ഞപ്പോ പോയില്ല….”
” എന്നാ പിന്നെ ഉച്ചക്ക് ഇറങ്ങുമ്പോ എന്നെ വിളിച്ചൂടാർന്നോ?? ഒന്നിച്ചു പോരായിരുന്നല്ലോ…. ബസിനു പറഞ്ഞു വിട്ടതിനു അമ്മ എന്നെ ചീത്ത പറഞ്ഞു. ”
” അതെന്താ ഞാൻ കൊച്ചുകുട്ടി ആണോ.. ഞാൻ ഇഷ്ടം പോലെ ബസിൽ പോയിട്ടുണ്ട്… പിന്നെ നിന്നെ വിളിക്കാൻ എന്റെ കയ്യിൽ നമ്പർ ഇല്ല… അതാ… ”
അവൾ അത്ഭുതത്തോടെ എന്നെ തിരിഞ്ഞൊന്നു നോക്കി…
” സത്യം?? ഞാൻ അച്ഛനോ അമ്മയോ നമ്പർ തന്നിട്ടുണ്ടാവും എന്ന് വിചാരിച്ചു. ഞാനും ആ ബഹളത്തിന്റെ ഇടയിൽ മറന്നു.. ”
” ആ.. നീ മറക്കും. അല്ല…അമ്മ ചീത്ത പറഞ്ഞത് കൊണ്ടാണോ ഇപ്പൊ എന്റടുത്തു ഇങ്ങനെ ക്ലോസ് ആയിട്ടൊക്കെ?? ”
” ഏയ്.. അതമ്മ പറഞ്ഞിട്ടല്ല.. ചേച്ചി പറഞ്ഞിട്ടാ…. ഞങ്ങൾ ഉള്ളത് കൊണ്ടാ ഇവിടെ നിക്കുന്നത്… പിന്നെ നമ്മൾ ചൈൽഡ്‌ഹുഡ് ഫ്രണ്ട്‌സ് ആണെന്നൊക്കെ… എനിക്കോർമ്മ ഇല്ല.. ചേച്ചിക്ക് ഓർമ ഉണ്ട്… അവൾ നൊസ്റ്റു അടിച്ചു എന്തൊക്കെയോ പറഞ്ഞു. ..”
” ഓ… അങ്ങനെ… ശെരി ശെരി… ഉറങ്ങാൻ നോക്ക് ”
അവൾ ഫോണിൽ എന്തോ ചെയ്തു.. എന്നിട്ട് എന്നെ നോക്കി പറഞ്ഞു, ” ഞാൻ എന്റെയും അഭിയുടെയും നമ്പർ ഇതിൽ സേവ് ചെയ്തിട്ട് ഉണ്ടേ… ”
എന്നിട്ട് ഫോണിലെ മ്യൂസിക് പ്ലേയർ തുറന്നു കുറച്ചു സെർച്ച് ചെയ്തു പാട്ടു വെച്ചു. ഞാൻ പതുക്കെ കൈ അവളുടെ കഴുത്തിന് പിറകിലൂടെ എടുത്ത് തോളത്തു തട്ടിക്കൊണ്ടിരുന്നു….
പതുക്കെ പാട്ടു പാടിത്തുടങ്ങി….
” മായാമഞ്ചലില്‍
ഇതുവഴിയെ പോകും തിങ്കളേ
കാണാത്തംബുരു
തഴുകുമൊരു തൂവല്‍‌ത്തെന്നലേ
ആരും പാടാത്ത പല്ലവി
കാതില്‍ വീഴുമീ വേളയില്‍
കിനാവുപോല്‍ വരൂ വരൂ ”
എനിക്കും ഭയങ്കര ഇഷ്ടം ഉള്ള പാട്ടാണിത്… പതുക്കെ ഞാനും കണ്ണടച്ച് ഉറക്കത്തിലേക്ക് വീണു.
* * * * * * * *
” ഹോ… എന്ത് കൂർക്കം വലിയാ രണ്ടും കൂടെ… പോത്തു പോലെ കിടന്നുറങ്ങാണ് “, അഭിയുടെ ശബ്ദം കേട്ടാണ് ഞാൻ ഉണർന്നത്…. നോക്കിയപ്പോ ശ്രീ കുറച്ചു മാറി കമിഴ്ന്നു കിടക്കുന്നുണ്ട്… കാല് എന്റെ കാലിന്റെ മുകളിൽ കേറ്റി വെച്ച് തല കട്ടിലിന്റെ അപ്പുറത്തെ സൈഡിലേക്ക് വെച്ചാണ്…. അവൾ ഒരു ചവിട്ട് ചവിട്ടിയാൽ ഇപ്പൊ താഴെപ്പോകും എന്ന മട്ടിൽ ഇപ്പുറത്തെ സൈഡിൽ മലർന്നു കിടക്കുകയാണ് ഞാൻ….
” ആ.. അത് ഉച്ചക്ക് വന്നപ്പോ ക്ഷീണം ആയി.. അങ്ങനെ കിടന്നതാ… ”
” അല്ല..ഇവളെന്താ ഇവിടെ, എന്റെ റൂമിൽ പോലും കിടന്നുറങ്ങാത്തവൾ ആണല്ലോ… ”
” അതാണ് മോളെ സ്നേഹം…” ഞാൻ അവളുടെ മുഖത്തേക്ക് നോക്കി പറഞ്ഞു. അവൾ കോട്ട് ഊരി കയ്യിൽ പിടിച്ചിരിക്കുന്നു.
” രണ്ടും എണീറ്റേ… ഇത്തിരി പണി ഉണ്ട്… ”
” എന്താടീ ഇത്.. പണി എടുക്കാനോ ?? ഞാനേ.. നിങ്ങൾടെ ഗസ്റ്റാ.. അതോർമ വേണം.. വേണേൽ ഇവളെ കൊണ്ട് പൊയ്‌ക്കോ… ” ഞാൻ ശ്രീയെ കയ്യെത്തിച്ചു പുറത്തു കുലുക്കി വിളിച്ചു… അവൾ ഒന്ന് മൂളിയിട്ട് പിന്നേം കിടന്നുറങ്ങി.
” ഓ.. ആയിക്കോട്ടെ… എന്നാ ഞാൻ പോയി ചായ വെക്കാം.. നിങ്ങൾ ഗസ്റ്റ് രണ്ടെണ്ണം കൂടെ താഴേക്ക് വാ…. ” പറഞ്ഞിട്ട് അവൾ പോയി.
ഞാൻ പതുക്കെ എണീറ്റ് ഫ്രഷ് ആയി താഴേക്ക് ചെന്ന്. അഭി അടുക്കളയിൽ ആണ്. പാത്രം കഴുകുന്നു. ചായ അടുപ്പത്തുണ്ട്… ഞങ്ങൾ ഓരോന്നൊക്കെ പറഞ്ഞു അവിടെ തന്നെ ഇരുന്നു ചായ കുടിച്ചു. അതിനിടയിൽ ഇന്നത്തെ കോളേജ് വിശേഷങ്ങൾ പറയാനും മറന്നില്ല. എല്ലാം കേട്ടു കഴിഞ്ഞപ്പോൾ ” ഈ പെണ്ണ് ഇതെന്തൊക്കെ പുകിൽ ഉണ്ടാക്കുമോ ” എന്നും പറഞ്ഞു അവൾ തലയിൽ കൈ വെച്ചു.
കുറച്ചു കഴിഞ്ഞപ്പോഴേക്കും ശ്രീ എണീറ്റ് കണ്ണും തിരുമ്മി അടുക്കളയിലേക്ക് വന്നു. അവളെ കണ്ടപാടെ അഭി അടുത്തേക്ക് ചെന്ന് അവളുടെ തലക്കിട്ടു ഒരു കിഴുക്ക് കൊടുത്തുകൊണ്ട് പറഞ്ഞു..
” ഈ ചെക്കൻ ഇവിടെ വന്നിട്ട് എത്ര ദിവസം ആയെന്നറിയോ ?? ഇന്നേ വരെ ആ ക്ലാസ്സിന്റെ ഉള്ളൊന്നു കാണാൻ പറ്റിയിട്ടില്ല… എങ്ങനെ ശെരി ആവാനാ… നിന്റെ കൂടല്ലേ നടപ്പ്…. ”
അവൾ കെറുവിച്ചുകൊണ്ട് അഭിയെ കൊഞ്ഞനം കുത്തി സ്ലാബിന്റെ മുകളിൽ എന്റടുത്തേക്ക് ചേർന്ന് ചാരി ഇരുന്നു എന്റെ കയ്യിൽ നിന്നും ചായക്കപ്പ് വാങ്ങി കുടിക്കാൻ തുടങ്ങി.
അഭി താടിക്ക് കയ്യും കൊടുത്തു ഞങ്ങളെ നോക്കി പറഞ്ഞു..
” ഇതെന്ത് മറിമായം ആണ് ? നീ വേറാളുടെ കപ്പിന്നൊക്കെ കുടിക്കുവോ?? ”
ശ്രീ ഒന്നും മിണ്ടാതെ അഭിയെ നോക്കി ഇളിച്ചു കാണിച്ചു.
” അതേയ്…” അഭി എന്റെ അടുത്തേക്ക് നീങ്ങിനിന്നുകൊണ്ട് ശ്രീയുടെ തോളിൽ കൈ വെച്ച് വിരൽ എടുത്ത് എണ്ണിക്കൊണ്ട് പറഞ്ഞു,
” സ്വന്തം പാത്രത്തിൽ നിന്നല്ലാതെ കഴിക്കില്ല… സ്വന്തം ഡ്രസ്സ് സ്വന്തായിട്ട് അലക്കും, വേറാരുടേം അലക്കുകേം ഇല്ല.. ഇസ്തിരിയും ഇടില്ല.. അങ്ങനെയുള്ള പെണ്ണാണ്… ”
” ആണോടീ ??? ” ഞാൻ ശ്രീയോട് ചോദിച്ചു.
” ആ.. ഇടക്ക്.. പക്ഷെ ഞാൻ കോളേജിൽ ഒക്കെ ഷെയർ ചെയ്യുംട്ടോ.. ഇവിടെ ഇവൾടെ കപ്പിന് ഒരുമാതിരി ഡെറ്റോളിന്റെ മണമാണ്.. അതാ ഞാൻ ഇവൾടെന്നു ഒന്നും എടുക്കാത്തെ… ” അവൾ മുഖം ഉയർത്താതെ പറഞ്ഞു..
” മ്.. ഇനി അത് പറഞ്ഞോ… ഏതായാലും നീ വന്നതുകൊണ്ട് കുറച്ചു മാറ്റങ്ങൾ ഒക്കെ ഉണ്ട്.. അമ്മയും പറയുന്നുണ്ട് ഇവിടെ കുറച്ചു ഒച്ചയും ബഹളവും ഒക്കെ ആയെന്നു… ” , അഭി എന്നെ നോക്കി പറഞ്ഞു .
” ആ.. ഞാൻ ഇവിടെ ആയോണ്ടാ.. വീട്ടിൽ ഫുൾ സൈലന്റാ…. അവിടെ വേറെ ആരും ഇല്ലല്ലോ മിണ്ടാൻ.. ഇവിടിപ്പോ നിങ്ങൾ ഉണ്ടല്ലോ… അതാ… ” ഞാൻ മറുപടി പറഞ്ഞു.
” ആ.. ചായ കുടിച്ചിട്ട് രണ്ടും മുറ്റത്തേക്ക് വാ… ആ ചെടിച്ചട്ടി ഒക്കെ മാറ്റണം… വന്നു സഹായിക്ക്….” പറഞ്ഞു കൊണ്ട് അഭി പുറത്തേക്കു പോയി…
അഭിയുടെ ഹോബി ആണ് പാചകം, ഗാർഡനിങ്, ഡാൻസിങ് ഒക്കെ… ശ്രീക്ക് പെയിന്റിംഗ്, വായന, പാട്ടു…. ഈ എനിക്കാണേൽ ഉറക്കം, ഫുഡ്, കറക്കം…
പറഞ്ഞ പോലെ ഞങ്ങൾ മുറ്റത്തു പോയി അഭിയെ ഹെല്പ് ചെയ്തു. അപ്പുറത്തെ വീട്ടിലെ ആരൊക്കെയോ അഭിയോട് ഞാൻ ആരാണെന്നു ചോദിക്കുന്നുണ്ട്… അവളും എന്തൊക്കെയോ പറഞ്ഞു.. ചിലർ എന്നോട് കൈവീശി കാണിച്ചു.. ഞാനും ചിരിച്ചുകൊണ്ട് ഹായ് പറഞ്ഞു…
രാത്രി പതിവ് പോലെ ആന്റി വന്നു, കൂടെ ഇരുന്നു തമാശ ഒക്കെ പറഞ്ഞു പോയികിടന്നു..
നാളെ ഒരു പണി വരുന്നുണ്ടെന്നറിയാതെ.. !!
അടുത്ത ദിവസം പതിവ് പോലെ ശ്രീയും ഞാനും ക്ലാസിനു പോവാൻ ഇറങ്ങി. ക്ലാസ് തുടങ്ങിയിട്ട് മൂന്നു ദിവസം ആയി. അതിൽ തന്നെ,
