💖അവളും ഞാനും തമ്മിൽ💖 6അടിപൊളി  

അതിനു ഞാൻ ഒന്ന് ചിരിക്കുക മാത്രമാണ് ചെയ്തത്. എങ്കിലും എന്തൊക്കെയോ സങ്കടങ്ങൾ മനസ്സിൽ ഉരുണ്ടുകൂടാൻ തുടങ്ങിയിരുന്നു. ഇനി ഇവിടെ നിന്നാൽ ശെരിയാകില്ല എന്ന് തോന്നി.

ഞാൻ അവരെ നോക്കി കൈകൾ കുപ്പി,

ഞാൻ ഇറങ്ങുകയാണ് എന്ന് പറഞ്ഞിട്ട് സാറയെ നോക്കി,
എനെറെ നോട്ടം കണ്ട് ജാനകിയമ്മ പറഞ്ഞു.

അഭിരാം പേടിക്കണ്ട സാറാ ഇവിടെ സുരക്ഷിത ആയിരിക്കും, അവകൂടെ ആഗ്രഹങ്ങൾ എല്ലാം അവൾ പൂർത്തിയാക്കും

മ്മ്

ഞാനും ജാനകിയമ്മയും അവിടെ നിന്നും ഞങ്ങളെ തന്നെ നോക്കി നിൽക്കുന്ന സാറയുടെ അരികിലേക്ക് നടന്നു. ആ നടത്തത്തിനിടയിൽ ഞാൻ അവരോടു പറഞ്ഞു,
അവളോട് ഞങ്ങൾ പറഞ്ഞിരുന്നില്ല ഇങ്ങോട്ടാണ് വരുന്നത് എന്ന്

അതെന്താ

മോളുടെ കാര്യം ഓർത്തു ചിലപ്പോൾ അവൾ സമ്മതിക്കാതെ ഇരിക്കുമോ എന്ന് എനിക്ക് ഒരു ഭയം ഉണ്ടായിരുന്നു അതുകൊണ്ടാ

മ്മ്

അവർ ഒന്ന് മൂളി . അപ്പോഴേക്കും ഞങ്ങൾ നടന്നു സാറയുടെ അരികിൽ എത്തിയിരുന്നു. അപ്പോൾ നിങ്ങൾ സംസാരിക്ക് ഞാൻ ഇപ്പോൾ വരാം എന്നും പറഞ്ഞു ജാനകിയമ്മ മനപ്പൂർവം ഞങ്ങൾക്ക് വേണ്ടി ഒഴുഞ്ഞു തന്നു. ശെരിക്കും ഈ സ്ത്രീയോട് എനിക്ക് ഒരുപാട് ആദരവും ബഹുമാനവും തോന്നി, എന്നേക്കാൾ ഒക്കെ എത്രയോ ഉയരെ നിൽക്കുന്നവരാണ് എന്നാൽ അതിന്റെ ഒന്നും ഒരു അഹംഭാവവും ആ പെരുമാറ്റത്തിൽ കാണാൻ ഇല്ല , ഒരുപാടു നാളത്തെ പരിചയം പോലെയാണ് അവരുടെ സംസാരം.

അവർ പോയതോടെ ഞാൻ സാറയെ നോക്കി അവൾ എന്നെ ശ്രെദ്ധിക്കാതെ താഴേക്ക് നോക്കി നിൽക്കുകയാണ് , കരയുകയല്ല പക്ഷെ അവളുടെ കണ്ണിൽ നിന്നും വെള്ളം വരുന്നുണ്ട്, ആ കാഴ്ച വീണ്ടും എന്റെ ചങ്ക് പിടപ്പിച്ചു.

വേഗം തന്നെ അവിടെ ഒരു കസേരയിൽ വെച്ചിരുന്ന അവളുടെ ബാഗിൽ നിന്നും ‘അമ്മ അവൾക്ക് സമ്മാനിച്ച ചിലങ്ക ഞാൻ എടുത്ത് അവളുടെ കൈകളിലേക്ക് വെച്ച് കൊടുത്തു.
എന്താണ് ഞാൻ ചെയുന്നത് എന്ന് മനസിലാകാതെ ചോദ്യ ഭാവത്തിൽ അവൾ എന്നെ തലയുയർത്തി നോക്കി .
അപ്പോൾ നിറഞ്ഞു നിൽക്കുന്ന ആ കണ്ണുകളിലേക്ക് നോക്കി ഞാൻ പറഞ്ഞു.
ഇനി ഈ ചിലങ്ക കാണുമ്പോൾ നിനക്ക് സന്തോശം മാത്രമേ വരൻ പാടുള്ളു, നഷ്ട്ടപെട്ടു എന്ന് നീ കരുതുന്നതെല്ലാം ഇപ്പോഴും നിന്റെ കൈയെത്തും ദൂരത്തുണ്ട് ഒന്ന് ശ്രെമിച്ചാൽ നിനക്ക് അവയൊക്കെ സ്വന്തം ആക്കം , ആരും അതിനൊരു തടസം ആകില്ല.
എന്റെ വാക്കുകൾ അവളുടെ മുഖത്തു പല ഭാവങ്ങളും മിന്നി മറയിച്ചു അത് നോക്കി ഞാൻ വീണ്ടും തുടർന്നു. നിന്റെ ജീവിതത്തിലെ ഏറ്റവും വലിയ ആഗ്രഹങ്ങളിൽ ഒന്നിനെ സഭലമാക്കാനുള്ള വഴി ഇപ്പോൾ നിന്റെ മുന്നിലുണ്ട്. ഇനി ഒരിക്കലും നിന്റെ സ്വപ്നങ്ങളെ ഓർത്തു നീ ദുഃഖിക്കരുത് , മറ്റൊന്നിനെ കുറിച്ചും ചിന്തിക്കേണ്ട, നിന്റെ ലക്ഷ്യങ്ങൾ നേടിയെടുക്കാൻ വേണ്ടി പരിശ്രമിക്കുക.
നമ്മുടെ മോൾക്ക് തണലായി ഞാൻ എന്നും ഉണ്ടാകും, അവളെ പൊന്നുപോലെ നോക്കിക്കോളാം.
ഞാൻ അത്രയും പറഞ്ഞു നിർത്തി അവൾ മറുപടിയായി യാതൊന്നും തന്നെ പറയാതെ എന്നെ തന്നെ നോക്കി നിന്നത് മാത്രമേ ഉള്ളു .

ഞാൻ പോകുന്നു സാറ, ഒരിക്കൽ ഞാൻ ചെയ്തതിനു ഒരു പ്രായശ്ചിത്തം ആണ് ഇപ്പോൾ ചെയ്യുന്നത്, അത്രയും പറഞ്ഞു ഞാൻ തിരിഞ്ഞു നടന്നു , രണ്ടു ചുവടു നടന്ന ശേഷം ഒന്ന് തിരിഞ്ഞു നോക്കി, അവൾ ഇപ്പോഴും അതെ നിൽപ്പ് തന്നെ നിൽക്കുന്നു, പോകുന്നതിനു മുൻപ് ഒരിക്കൽക്കൂടി ആ മുഖം കാണാൻ തോന്നിയത് കൊണ്ട് ഞാൻ വീണ്ടും അവളെ വിളിച്ചു, ചിഞ്ചു…….
പെട്ടെന്ന് അവൾ തിരിഞ്ഞു നോക്കി,

എത്ര കാലം കഴിഞ്ഞാലും നിന്റെ വരവും പ്രതീക്ഷിച് ഞാനും നമ്മുടെ മോളും ആ വീട്ടിൽ ഉണ്ടാകും.

അവളുടെ നോട്ടം കണ്ട് അറിയാതെ വായിൽ നിന്നും ഇത്രയും വീണുപോയി, ആ വാക്കുകൾ അവളുടെ മുഖത്തു ഒരു തെളിച്ചം സൃഷ്ട്ടിച്ചു പക്ഷെ ഞാൻ കരച്ചിലിന്റെ വക്കിൽ എത്തിയിരുന്നു. ഞാൻ വേഗം തിരിഞ്ഞു നടന്നു പുറത്തിറങ്ങി വണ്ടിയിൽ കയറി സ്റ്റാർട്ട് ആക്കി വണ്ടി പിന്നോട്ടെടുത്തു. എന്റെ കണ്ണ് നിറഞ്ഞിരുന്നു. എങ്കിലും ഞാൻ ആ കാഴ്ച വെക്തമായി തന്നെ കണ്ടു.
എന്റെ വണ്ടി നീങ്ങി തുടങ്ങിയപ്പോൾ ആ വരാന്തയിലൂടെ ഓടി വരുന്ന സാറയെ . അത് കണ്ടുകൊണ്ട് തന്നെ ഞാൻ വണ്ടി തിരിച്ചു മുന്നോട്ടെടുത്തു സൈഡ് മിററിലൂടെ അവളെ നോക്കി , അപ്പോൾ അവൾ വെളുത്ത സാരി ഉടുത്തു നിൽക്കുന്ന ജാനകിഅമ്മയെ കെട്ടിപിടിച്ചു നിക്കുകയായിരുന്നു , അവർ അവളുടെ പുറത്തു തലോടുന്നതും കണ്ടു, എന്റെ ആ കാഴ്ച എനിക്ക് വല്ലാത്ത ഒരു സമാധാനം നൽകി ,