💖അവളും ഞാനും തമ്മിൽ💖 6അടിപൊളി  

ഞാൻ അവളെയും എടുത്ത് നിങ്ങൾ സംസാരിക്ക് എന്നും പറഞ്ഞു മുങ്ങി. എൻ്റെ പോക്ക് കണ്ട ആ കണ്ണൻ തെണ്ടി അവിടെ കിടന്നു ചിരിക്കുന്നുണ്ടായിരുന്നു. എന്തായാലും തിരിഞ്ഞു നോക്കിയില്ല.
അങ്ങനെ ആഘോഷവും പരിപാടികളും വെടിവെട്ടം പറച്ചിലും ഒക്കെ കഴിഞ്ഞു സന്ധ്യ ആയപ്പോഴേക്കും എല്ലാരും സ്ഥലം കാലിയാക്കി. ഈ സമയങ്ങളിൽ ഒന്നും തന്നെ ഞാൻ സാറയുടെ മുന്നിൽ ചെന്നിട്ടില്ല, ഒളിച്ചു നടന്നു എന്ന് വേണമെങ്കിൽ പറയാം, പക്ഷെ നഷ്ടപ്പെട്ടുപോയ എന്തോ ഒന്ന് തിരികെ കിട്ടിയ സന്തോഷം ആയിരുന്നു എനിക്ക്. എല്ലാരും പോയി കഴിഞ്ഞു ഞാൻ കാറും എടുത്ത് ഒന്ന് പുറത്തു പോയി, എങ്ങോട്ട് ആണ് എന്നൊന്നും അറിയില്ല. കുറെ കാലത്തിനു ശേഷം നല്ല അടിപൊളി പാട്ടൊക്കെ കേട്ട് ഒരു ഈവിനിംഗ് ഡ്രൈവ് , പഴയ പടക്കുതിരയെ മാറ്റി പുതിയ ഒരു Toyota Fortuner ആറു മാസം മുൻപ് ഞാൻ വാങ്ങിയിരുന്നു പക്ഷെ ഇതുവരെ ഈ വണ്ടിയിൽ ഞാൻ ഒരു ഡ്രൈവും ആസ്വദിച്ചിരുന്നില്ല, ചുമ്മാ കയറി ഇരിക്കും ഓടിക്കും അത്രതന്നെ. പക്ഷെ ഒറ്റ ദിവസം കൊണ്ട് മൊത്തം മാറിയ പോലെ ഒരു ഫീലിംഗ്.

ഒരു എട്ടു മണി ആയപ്പോഴേക്കും ഞാൻ തിരികെ വീട്ടിൽ എത്തി വണ്ടി പാർക്ക് ചെയ്‌തു വീട്ടിലേക്ക് കയറി. ചെന്ന പാടെ അമ്മയുടെ ചോദ്യം,

നീ ഈ ഫോണും എടുക്കാതെ എവിടെ പോയതാടാ എത്ര വട്ടം വിളിച്ചു?
‘അമ്മ ചെറിയ കലിപ്പില , പക്ഷെ എന്റെ മുഖത്തെ സന്തോശം കണ്ടപ്പോൾ അതൊക്കെ മാറി.

ഞാൻ ചുമ്മാ ഒരു ഡ്രൈവ് നു പോയതാ അമ്മക്കുട്ടി, ചുടാവാതെ. ഞാൻ നിറ പുഞ്ചിരിയോടെ അമ്മക്ക് മറുപടി നൽകി.

അമ്മയും പുഞ്ചിരിച്ചു. നീ കഴിച്ചോ?

ഇല്ല.

എന്ന പോയി കുളിച്ചിട്ട് വാ ഞാൻ കഴിക്കാൻ എടുക്കാം.

മ്മ് , അച്ഛൻ എന്തിയെ.

അവരു മുന്നും കുടി അടുക്കളയിൽ ഉണ്ട്. അമ്മായിഅച്ഛനും മരുമകളും കൂടെ മണികുട്ടിക്ക് എന്തോ സ്പെഷ്യൽ ഉണ്ടാക്കുവാ. എന്താകുവോ എന്തോ?

‘അമ്മ കുടിയില്ലേ.

ഏയ് നിൻ്റെ അച്ഛൻ എന്നെ ആ ഭാഗത്തേക്ക് അടുപ്പിക്കുന്നില്ല.

മ്മ് , ഞാൻ കുളിച്ചിട്ട് വരാം.

നേരെ റൂമിൽ പോയി വിസ്തരിച്ചു ഒരു കുളിയും പാസ് ആക്കി കഴിക്കാൻ വന്നു. ഞാൻ വന്നപ്പോഴേക്കും അച്ഛനും അമ്മയും കഴിക്കാൻ ഇരുന്നു കഴിഞ്ഞിരുന്നു.ഞാനും അവർക്കൊപ്പം ഇരുന്നു. അപ്പോഴാണ് അടുക്കളയിൽ നിന്നും നമ്മുടെ കഥാനായിക കൈയിൽ ഒരു വലിയ പത്രവും ആയി രംഗ പ്രേവേശനം നടത്തുന്നത്. അവളുടെ സാരിത്തുമ്പിൽ തുങ്ങി മണിക്കുട്ടിയും ഉണ്ട്. ആദ്യത്തെ മടിയൊക്കെ മാറി മണിക്കുട്ടി അവളുടെ അമ്മയോട് അടുത്തിരുന്നു.

മണികുട്ടിയെ ഒരു കസേരയിൽ പിടിച്ചിരുത്തി സാറ തന്നെ എല്ലാര്ക്കും ചപ്പാത്തിയും വെജിറ്റബിൾ കറിയും വിളമ്പി , പിന്നെ മണികുട്ടിയുടെ അടുത്തിരുന്ന് അവൾക്ക് വാരിക്കൊടുത് സാറയും കഴിച്ചു. ഞാൻ ആ കാഴ്ചയും കണ്ണെടുക്കാതെ നോക്കിക്കണ്ടു, ഇടക്ക് സാറ നോക്കിയപ്പോൾ ഞാൻ എന്റെ നോട്ടം മാറ്റി.

കഴിച് എഴുനേറ്റ് കൈ കഴുകിയപ്പോഴേ മണികുട്ടിക്ക് ഉറക്കം വരുന്നു എന്നും പറഞ്ഞു പെണ്ണ് എന്റെ തോളിലേക്ക് വലിഞ്ഞു കയറി. അമ്മയ്ക്കും അച്ഛനും നല്ല ക്ഷീണം ഉണ്ടായിരുന്നത് കൊണ്ട് അടുക്കളയിലെ പണി ഒക്കെ വേഗം ഒതുക്കി അവരും ഉറങ്ങാൻ പോയി. ഞാൻ മണിക്കുട്ടിയേം തോളിൽ ഇട്ടു കുറെ നേരം വീടിനകത്തു അങ്ങോട്ടും ഇങ്ങോട്ടും നടന്നു. അവൾ ഉറങ്ങിയപ്പോ റൂമിൽ പോയി മോളെ നെഞ്ചിൽ കിടത്തി ഞാനും കിടന്നു. ബാത്‌റൂമിൽ നിന്നും വെള്ളം വീഴുന്ന ശബ്ദം കേട്ടപ്പോഴാണ് സാറ കുളിക്കുവാണെന്നു മനസിലായത്. കുറച്ചു സമയത്തിനുള്ളിൽ ബാത്‌റൂമിൽ നിന്നും ഇറങ്ങിവന്ന അവളെ കണ്ടു ഞാൻ ഞെട്ടിപ്പോയി, ഒരു ടവൽ മാത്രം ചുറ്റിയിരിക്കുന്നു അതും അരയുടെ താഴെ വരെ മാത്രം എത്തുന്ന ഒന്ന് , മുടിയിൽ നിന്നും വെള്ളം ഇറ്റു വീഴുന്നു, ഞാൻ മണികുട്ടിയെ ബെഡിൽ കിടത്തിയിട്ട് വായും പൊളിച് അവളെ നോക്കി ഇരുന്നു. ജീവിതത്തിൽ ആദ്യമായി കാണുന്ന കാഴ്ച അതും മനസ്സിൽ കൊണ്ട് നടക്കുന്ന സ്വന്തം ഭാര്യ തന്നെ, ഒരു വേള എന്റെ കണ്ട്രോൾ നഷ്ട്ടമാകും എന്ന് തോന്നിപ്പോയി. ഒരു വട്ടം കണ്ട്രോൾ പോയതിൻ്റെ കേട് ഇതുവരെ തീർന്നിട്ടില്ല, അപ്പോഴാ വീണ്ടും.
ഞാൻ വേഗം റൂമിൽ നിന്നും പുറത്തിറങ്ങി ഹാളിൽ വന്നു തലയ്ക്കു മുകളിൽ കറങ്ങുന്ന ഫാനും നോക്കി സെറ്റിയിൽ കിടന്നു.