💖അവളും ഞാനും തമ്മിൽ💖 7അടിപൊളി  

നിനക്ക് അറിയാമോ അഭി പ്ലസ്ടു വിനു നീ പഠിച്ച സ്കൂളിൽ ഞാൻ നിന്റെ ജൂനിയർ ആയി വന്നത്, അന്ന് മുതൽ ആരും അറിയാതെ നിന്നെ മനസ്സിൽ ഇട്ടോണ്ട് നടന്നതാടാ ഞാൻ. ആദ്യം ഒക്കെ പ്രായത്തിൻ്റെ ആണെന്ന് വിചാരിച്ചു തള്ളിക്കളയാൻ നോക്കി പക്ഷെ എന്നെകൊണ്ട് സാധിച്ചിരുന്നില്ല. പിന്നെ കോളേജിൽ വന്നു തുടങ്ങിയതിൽ പിന്നെ നിന്നെ കാണാതെ ഒരു ദിവസം പോലും തള്ളി നിക്കാൻ പറ്റാണ്ടായി എനിക്ക്, നിന്നോടൊപ്പം ഉണ്ടായിരുന്ന ഓരോ സന്ദർഭത്തിലും ഞാൻ ഏത്ര മാത്രം സന്തോഷവതി ആയിരുന്നു എന്നറിയുവോ നിനക്ക്. എന്നും രാവിലെ കോളേജിൽ പോകുമ്പോ കണ്ണനും ഉണ്ടായിരുന്നല്ലോ നമ്മുടെ കൂടെ എന്നെങ്കിലും ഒരു ദിവസം നിന്റെ കൂടെ അല്ലാതെ അവന്റെ ഒപ്പം ഞാൻ പോയിട്ടുണ്ടോ. ഇല്ലല്ലോ. ഞാൻ എൻ്റെ ഇഷ്ട്ടം നിന്നെ അറിയിക്കാൻ ഒരുപാടു ശ്രെമിച്ചതാ പക്ഷെ ………… പക്ഷെ…… എന്നെക്കൊണ്ട് പറ്റിയില്ല. ഒരിക്കൽ നമ്മുടെ യാത്രയിൽ നിൻ്റെ മനസ്സറിയാൻ വേണ്ടി നിന്നോട് മറ്റൊരു രീതിയിൽ അത് അവതരിപ്പിച്ചപ്പോൾ നിനക്ക് അതൊന്നും ഇഷ്ട്ടം അല്ല എന്ന് പറഞ്ഞപ്പോ ഞാൻ ഒരുപാടു വിഷമിച്ചു. പിന്നെ നിന്നോട് എന്റെ ഇഷ്ട്ടം തുറന്നു പറയാൻ എനിക്ക് മനസ് വന്നില്ല, നിന്നെ നഷ്ട്ടം ആകും എന്ന സങ്കടം എൻ്റെ മനസിനെ കീഴടക്കാൻ തുടങ്ങിയപ്പോഴാ ഞാൻ ഡാൻസിലേക്ക് കൂടുതൽ കൂടുതൽ ഫോക്കസ് ചെയ്തത്. എല്ലാം എന്റെ മനസ്സിൽ തന്നെ ഒതുക്കിവെച്ചു കഴിയുമ്പോഴാണ് അന്ന് നീ വീട്ടിൽ വന്നത്, കുറെ നാളുകൾക്ക് ശേശം നിന്നെ കണ്ടപ്പോ എന്റെ സന്തോഷത്തിന് അതിരുകൾ ഇല്ലായിരുന്നു. നീ അടുത്ത് വരുമ്പോഴൊക്കെ ഞാൻ മറ്റൊരു ലോകത് അകപ്പെടുന്നത് പോലെയാ എനിക്ക് അനുഭവപ്പെട്ടിരുന്നത്. എൻ്റെ മനസ്സിന് പറഞ്ഞറിയിക്കാൻ പറ്റാത്ത അത്രയും സന്തോഷം ആണ് നിന്നോടൊപ്പം ചിലവഴിച്ചിട്ടുള്ള ഓരോ നിമിഷങ്ങളും. അത്രത്തോളം എൻ്റെ ജീവനേക്കാൾ ഏറെ ഞാൻ സ്നേഹിക്കുന്ന നീ എന്നെ തൊട്ടപ്പോ എങ്ങനാടാ ഞാൻ എതിർക്കുന്നെ, നിനക്ക് വഴങ്ങി തരുകയല്ലാതെ മറ്റൊന്നും അപ്പോൾ എനിക്ക് ചെയ്യാൻ കഴിയുമായിരുന്നില്ല. ഞാനും ഒരുപാട് ആഗ്രഹിച്ചിരുന്നത് തന്നെയാ എൻ്റെ എല്ലാം നിനക്ക് സമർപ്പിച്ചു നിൻ്റെ പെണ്ണായി ജീവിക്കാൻ. അന്നത്തെ സംഭവത്തിന് ശേഷം ഞാൻ ശെരിക്കും ഹാപ്പി ആയിരുന്നു അഭി, രാവും പകലും എല്ലാം നിന്നെ കുറിച്ച് മാത്രം ആയിരുന്നു എൻ്റെ ചിന്ത, പക്ഷെ നീ അന്ന് പോയത് ഒരു കുരുന്നു ജീവനെ എൻ്റെ ഉദരത്തിൽ സമ്മാനിച്ചിട്ട് ആണെന്ന് ഞാൻ തിരിച്ചറിഞ്ഞപ്പോൾ ഞാൻ ശെരിക്കും ഭയന്ന് പോയി അഭി. എല്ലാരും അറിഞ്ഞാൽ ഉണ്ടാകാൻ പോകുന്ന ഭവിഷ്യത്തുകൾ ഓർത്തു പേടിച്ചുപോയി. ആ സാഹചര്യത്തിൽ എന്തുചെയ്യണം എന്നറിയാതെ പകച്ചുനിന്നപ്പോഴാ നിങ്ങൾ എല്ലാം കൂടി എന്നെ പെണ്ണ് ചോദിച്ചു വരുന്നത്, വേറെ ഒരു നിവർത്തിയും ഇല്ലാതെ നിൻ്റെ അമ്മയോട് ഞാൻ തുറന്നു പറഞ്ഞു. ‘അമ്മ തന്ന ധൈര്യത്തിലാ അന്ന് എല്ലാരുടെയും മുന്നിൽ വെച്ചു ഞാൻ തുറന്നു പറഞ്ഞത്. അതിലൂടെ നിന്റെ ഭാര്യ ആയി ഈ വീട്ടിലേക്ക് കയറാൻ ദൈവം തന്നെ എനിക്ക് അവസരം ഉണ്ടാക്കി തന്നത് പോലെ തോന്നി , എന്നിട്ടും എനിക്ക് നിന്നോട് മാത്രം അടുക്കാൻ സാധിച്ചില്ല എല്ലായിപ്പോഴും നീ എന്നിൽ നിന്നും ഒഴിഞ്ഞുമാറി നടന്നു അത് എന്നെ കുറച്ചൊന്നും അല്ല സങ്കടപ്പെടുത്തിയത്, പക്ഷെ ഒന്നും ഞാൻ പുറത്തുകാണിച്ചില്ല എന്ന് മാത്രം.

ഇത്രയും പറഞ്ഞശേഷം നെഞ്ചിൽ നിന്നും മുഖം പൊക്കി അവൾ കലങ്ങിയ കണ്ണുകളോടെ എന്നെ നോക്കി , ഞാൻ അവളുടെ നെറ്റിത്തടത്തിൽ ഒരു മുത്തം കൊടുത്തിട്ട് വീണ്ടും അവളെ കെട്ടിവരിഞ്ഞു,

ഒന്നും… ഒന്നും എനിക്ക് അറിയില്ലായിരുന്നു മോളെ, എന്നോട് ക്ഷമിക്കടാ, നിന്നെ ഫേസ് ചെയ്യാൻ എനിക്ക് പറ്റിയിരുന്നില്ല മോളെ, നീ പറഞ്ഞതിന്റെ അത്രക്കൊന്നും ഇല്ലങ്കിലും എപ്പോഴൊക്കെയോ എൻ്റെ മനസ് നിന്നെ ആഗ്രഹിച്ചിരുന്നു, അതുകൊണ്ടായിരിക്കാം അന്ന് എന്റെ മനസിന്റെ കടിഞ്ഞാൺ നഷ്ട്ടമായിപ്പോയത്, പക്ഷെ നിന്നെ താലികെട്ടി കൊണ്ടുവന്നതിനു ശേഷം എപ്പോഴും ഊണിലും ഉറക്കത്തിലും ഒക്കെ എൻ്റെ മനസ്സിൽ നീ മാത്രമേ ഉണ്ടായിരുന്നുള്ളു. അപ്പോഴായിരുന്നു ഞാൻ പ്രണയം എന്ന വികാരത്തെ അറിയാൻ തുടങ്ങിയത്. അതിൻറെ കൂടെ കുറ്റബോധവും എൻ്റെ മനസിനെ അലട്ടിക്കൊണ്ടിരുന്നു. ഞാൻ നിന്നെ എത്രത്തോളം സ്നേഹിക്കുന്നു എന്ന് എനിക്ക് സ്വയം മനസിലാക്കാൻ കഴിഞ്ഞത് അന്ന് ഡെലിവറി സമയത് ഹോസ്‌പിറ്റലിൽ വെച്ചായിരുന്ന്, അന്ന് ഞാൻ അനുഭവിച്ചതൊന്നും ഇന്നോളം എനിക്ക് മറക്കാൻ സാധിച്ചിട്ടില്ല. അന്ന് ഞാൻ തിരിച്ചറിയുക ആയിരുന്നു നീ എൻ്റെ പ്രാണനായി മാറിയിരുന്നു എന്ന്. അത്രമേൽ ഞാൻ നിന്നെ സ്നേഹിക്കുന്നുണ്ടായിരുന്നു.