💖അവളും ഞാനും തമ്മിൽ💖അടിപൊളി  

അകത്തു കയറി മോളെ നെഞ്ചില് കിടത്തിക്കൊണ്ട് ഞാനും കട്ടിലിൽ കിടന്നു അവളുടെ പുറത്ത് തലോടിക്കൊണ്ട് ഇരുന്നു. ജൂൺ മാസം ആയതുകൊണ്ട് പുറത്ത് നല്ല മഴയുണ്ട്. ഇതേപോലെ ഒരു മഴ ആയിരുന്നു ജീവിതം മാറ്റിമറിച്ചത്.
ഈ മുറിയിൽ ഓരോ തവണ കയറുമ്പോഴും എന്റെ നെഞ്ച് പിടക്കും, സാറയുടെ ശബ്ദം കാതുകളിൽ മുഴങ്ങും, അവളുടെ വിയർപ്പിന്റെയും അവൾ സ്ഥിരം ആയി ഉപയോഗിക്കുന്ന blue lady സ്പ്രേ യുടേയും കൂടിക്കലർന്ന അന്ന് എന്നെ ഞാൻ അല്ലാതെ ആക്കിയ സിരകളെ ത്രസിപ്പിക്കുന്ന ആ സുഗന്ധം എന്റെ നാസികയിലേക്ക്‌ ഇരച്ചു കയറും, കാലിൽ ചിലങ്ക കെട്ടി കർണ്ണാട്ടിക്ക് സംഗീതത്തത്തിനൊത്ത് ചുവടുവയ്ക്കുന്ന ചിഞ്ചുവിന്റെ രൂപം മുന്നിൽ തെളിഞ്ഞു വരും. എന്റെ ഓർമ്മകൾ 6 വർഷം പിന്നിലേക്ക് പോയി,
ഞാൻ അഭിരാം ദേവനാരായണൻ, അന്ന് എനിക്ക് വയസ് 22. സ്ഥലം കോട്ടയം. എന്റെ ഏറ്റവും അടുത്ത കൂട്ടുകാരൻ കുടെപ്പിറപ്പ്‌ എന്നൊക്കെ പറയാവുന്നവൻ ആണ് എന്റെ കണ്ണൻ അഥവാ കാർത്തിക്. മുട്ടിൽ ഇഴഞ്ഞു നടക്കുന്ന കാലം മുതൽ ഉള്ള കുട്ടാണ് അവനും ആയിട്ട്. സ്കൂളിലും കോളേജിലും ഒക്കെ ഒരുപാട് സുഹൂർത്തുക്കൾ ഉണ്ടെങ്കിലും അവനെ പോലെ ആരെയും എനിക്ക് കിട്ടിയിട്ടില്ല.
എന്റെ അച്ഛന്റെയും അമ്മയുടെയും കല്യാണം കഴിഞ്ഞു കുറെ കാലം കാത്തിരുന്നു കിട്ടിയ കുഞ്ഞയിരുന്നു ഞാൻ. അതുകൊണ്ട് തന്നെ ലാളിച്ചും കൊഞ്ചിച്ചും ഇത്തിരി വഷളായി തന്നെ ആയിരുന്നു ഞാൻ വളർന്നത്. എന്റെ ഒരു ഇഷ്ടത്തിനും അച്ഛനും അമ്മയും എതിർ നിന്നിട്ടില്ല, അവർ രണ്ടും എനിക്ക് പരിപൂർണ സ്വാതന്ത്ര്യം നൽകിയിരുന്നു. ഇതുപോലെ ഒക്കെ തന്നെ ആയിരുന്നു കണ്ണന്റെ കാര്യവും. ഞങൾ രണ്ടു പേരും തന്നെ സ്പോർട്സ് ൽ ഹൈപ്പർ ആക്ടീവ് ആിരുന്നു. പത്താം ക്ലാസ്സ് കഴിഞ്ഞു ഞങൾ രണ്ടും ഒരുമിച്ചായിരുന്നു +2 പഠനം, സ്കൂളിന് വേണ്ടി ഞാനും കണ്ണനും മറ്റു കുറച്ചു കുട്ടികളും കൂടി ജില്ലാ തലത്തിലും സംസ്ഥാന തലത്തിലും ഒക്കെ പോയി സമ്മാനങ്ങൾ വരിക്കുട്ടിയിട്ടുണ്ട്. അതുകൊണ്ട് തന്നെ എല്ലാർക്കും വലിയ കാര്യം ആയിരുന്നു. കായിക രംഗത്ത് മുൻപന്തിയിൽ ആയിരുന്നു ഞങൾ പഠനത്തിലും അങ്ങനെ തന്നെ ആയിരുന്നു. അങ്ങനെ +1 കഴിഞ്ഞു ഞങൾ +2 ക്ലാസ്സിലേക്ക് കയറി. സ്കൂളിൽ ഞങ്ങളുടെ ജൂനിയർ കുട്ടികൾ വന്നുതുടങ്ങി. ആ വന്ന കുട്ടികളുടെ കൂട്ടത്തിൽ അവളും ഉണ്ടായിരുന്നു, എന്റെ അച്ഛന്റെ സുഹൃത്തും സകപാടിയും ആയിരുന്നു തോമസ് uncle ന്റ മൂത്ത മകൾ സാറ തോമസ്. എനിക്ക് അതികം പെൺ സുഹുർത്ത് ക്കൾ ഒന്നും ഇല്ലായിരുന്നു, എന്നൽ കണ്ണൻ നല്ല ഒരു അസാൽ കോഴി ആയിരുന്നു. ഞങ്ങളുമായി നേരത്തെ ഉള്ള പരിചയത്തിന്റെ പേരിൽ സാറ ഞങ്ങളോട് അടുത്തു എന്നൽ അത് വെറും ഒരു ഫ്രണ്ട്ഷിപ്പ് മാത്രം ആയിരുന്നു. അവള് അഞ്ചാം ക്ലാസ്സ് വരെ നാട്ടിൽ തന്നെ ആയിരുന്നു, എൻ്റേയും കണ്ണൻ്റെയും കളിക്കുട്ടുകാരി, പിന്നെ ഉള്ള പഠനം ഒക്കെ അവളുടെ അമ്മയുടെ വീട്ടിൽ നിന്നും ആയിരുന്നു എന്നും അതോടൊപ്പം തന്നെ കുഞ്ഞുന്നാൾ മുതൽ തന്നെ അവൾക്ക് ഡാൻസ് നോട് വലിയ കമ്പം ആയതുകൊണ്ട് അതും ഉണ്ടെന്ന് ഒക്കെ ഞാൻ അറിഞ്ഞു. ഞങ്ങളെക്കാൾ ഒരു വയസിനു ഇളയത് ആയിരുന്നാലും എന്നെയും കണ്ണനെയും അഭി, കണ്ണാ എന്നായിരുന്നു അവള് വിളിച്ചിരുന്നത്. എന്നെയും കണ്ണനേയും മിക്ക ദിവസവും കണ്ണന്റെ അച്ഛൻ ആയിരുന്നു സ്കൂളിൽ കൊണ്ട് വിട്ടിരുന്നത്. സാറ ഞങ്ങളുടെ സ്കൂളിൽ ജോയിൻ ചെയ്തതോടെ അവളെയും പോകുന്ന വഴി വീട്ടിൽ നിന്നും കൂട്ടും. വീട്ടുകാർ തമ്മിൽ നല്ല അടുപ്പം ഉള്ളതുകൊണ്ട് ഞങ്ങൾക്ക് പരസ്പരം വീടുകളിൽ പൂർണ സ്വാതന്ത്ര്യം അനുവദിച്ചു കിട്ടിയിരുന്നു. സാറയുടെ അമ്മക്ക് ആൺ മക്കൾ ഇല്ലാത്തതിന്റെ വിഷമം എന്നെയും കണ്ണനേയും കാണുമ്പോൾ അവർ സ്നേഹിച്ചു തീർക്കും. സ്കൂളിൽ നിന്നും തിരികെ വരുമ്പോഴും അവധി ദിവസങ്ങളിൽ തേണ്ടൻ ഇറങ്ങുമ്പോഴും ഒക്കെ ഞങൾ മേരി അമ്മയെ കാണാൻ കയറുമയിരുന്ന്. ഞങ്ങൾക്കും അവരോട് വല്ലാത്ത ഒരു ഇഷ്ടം ഉണ്ടായിരുന്നു.
സ്കൂൾ വിട്ട് കഴിഞ്ഞു ഞാനും കണ്ണനും കുറെ നേരം ഗ്രൗണ്ടിൽ കളിയും കറക്കവും ഒക്കെ കഴിഞ്ഞു ഒരു സമയം ആയിട്ടെ വീട്ടിൽ കയറുള്ളയിരുന്നു. സാറ സ്കൂൾ കഴിഞ്ഞു അവിടെ അടുത്ത് തന്നെ ഉള്ള ഒരു ഡാൻസ് സ്കൂളിൽ പ്രാക്ടീസ് ന്‌ പോകുമായിരുന്നു, അത് കഴിഞ്ഞ് അവളുടെ അച്ചൻ കൂട്ടികൊണ്ട് പോകാൻ വരും.
അങ്ങനെ +2 ലൈഫ് കഴിഞ്ഞു. ഞാനും കണ്ണനും നല്ല മാർക്കോടെ തന്നെ പാസ്സ് ആയി കോട്ടയത്തെ ഒരു പ്രമുഖ കോളേജ് ഇൽ ഞങ്ങൾക്ക് അധമിഷനും കിട്ടി, അതോടെ സാറയും ആയുള്ള ചങ്ങാത്തവും കൂടിക്കാഴ്ച്ചയും ഒക്കെ നന്നേ കുറഞ്ഞു.
ഞാനും കണ്ണനും ഒരുമിച്ച് കോളേജ് ലൈഫ് എൻജോയ് ചെയ്തു തുടങ്ങിയിരുന്നു. റാഗിംഗ് ന് പേരുകേട്ട കോളേജ് ആണ് ഞങ്ങളുടേത്. എന്നാൽ എനിക്കും കണ്ണനും ആ പ്രശ്നം അഭിമുഖീകരിക്കേണ്ടി വന്നില്ല. കാരണം സംസ്ഥാന തലത്തിൽ തന്നെ സമ്മാനങ്ങൾ വരിക്കുട്ടിയ ഞങ്ങളെ മിക്ക ആൾക്കാരും ഒരു ആരാധനയോടെ ആയിരുന്നു കണ്ടിരുന്നത്, എല്ലാവരും നല്ല ഫ്രണ്ട്‌ലി ആയിരുന്നു. ടീച്ചേഴ്സ് ഉം കുട്ടികളും ഒക്കെ തന്നെ. കൂടാതെ കുറേ സീനിയേഴ്സ് ചേട്ടൻന്മാരും ആയിട്ട് ഞങ്ങൾ കമ്പനി ആയിരുന്നു.
സ്കൂളിൽ ചെയ്തത് പോലെ തന്നെ ആയിരുന്നു കോളേജ് ലും. ഞങൾ ജോയിൻ ചെയ്ത വർഷത്തിൽ തന്നെ ചരിത്രത്തിൽ ആദ്യം ആയി സംസ്ഥാന തല സ്പോർട് മീറ്റിൽ ഞങ്ങളുടെ കോളേജ് ചാമ്പ്യൻഷിപ് കരസ്ഥം ആക്കി. അതിനു ചുക്കാൻ പിടിച്ചത് ഞാനും കണ്ണനും ആയിരുന്നു, അതോടെ ഞങൾ കോളജിലെ സ്റ്റാർ ആയി മാറി. പക്ഷേ അങ്ങനെ ഒരു പര്യവേഷത്തിൽ ഞെളിഞ്ഞു നടക്കാൻ എനിക്കോ അവനോ താൽപര്യം ഇല്ലായിരുന്നു. ഞങൾ വീണ്ടും ഫ്രണ്ട്ഷിപ്പ് ഉം കളിയും തമാശയും ഒക്കെ ആയി കലാലയ ജീവിതത്തിന്റെ ഓരോ നിമിഷവും ആഘോഷിച്ച് കൊണ്ടിരുന്നു..
അങ്ങനെ ഞങൾ ഡിഗ്രീ രണ്ടാം വർഷത്തിലേക്ക് കയറി, കലാലയ ജീവിതത്തിന് കുറച്ചൂടെ നിറം വെച്ചപോലെ തോന്നി. അങ്ങനെ ഇരിക്കെ ഒരു ദിവസം മേരി അമ്മ ഞങ്ങളെ രണ്ടിനെയും കൂടി വീട്ടിലേക്ക് വിളിപ്പിച്ചു, കോളേജ് ഇൽ പോയി തുടങ്ങിയ പിന്നെ ഞാനോ അവനോ അങ്ങോട്ട് തിരിഞ്ഞു നോക്കിയിട്ടില്ല അതിന്റെ പരിഭവം പറയാൻ ആവും വിളിച്ചത് എന്നു വിചാരിച്ച് ചെന്ന ഞങ്ങളെ എതിരേറ്റത് മറ്റൊരു വാർത്ത ആയിരുന്നു.
സാറ അവൾക്ക് ഞങ്ങളുടെ കോളജിൽ അഡ്മിഷൻ കിട്ടി എന്നു പറയാൻ ആയിരുന്നു വിളിപ്പിച്ചത്. അവളുടെ വീട്ടിൽ ചെന്ന് ഈ വിവരം അറിഞ്ഞപ്പോൾ ഞങ്ങൾക്കും സന്തോഷം.
പക്ഷേ സാറക്ക് ഞങ്ങളുടെ കോളേജ് ലേക്ക് വരാൻ പേടി ആയിരുന്നു, കാരണം റാഗിംഗ് തന്നെ. മേരി അമ്മക്കും അതെ പേടി ഉണ്ടായിരുന്നു. അതിനു അവളെ ആശ്വസിപ്പിചത് കണ്ണൻ ആയിരുന്നു.
ആ കാര്യത്തിൽ ചിഞ്ചുവും മേരി അമ്മയും പേടിക്കണ്ട. നിന്നോട് ആരെങ്കിലും കൊമ്പ് കോർക്കൻ വന്നാ കാർത്തിക് ശേഖറിന്റേയും അഭിരാം ദേവനാരായണൻ ന്റെയും ചങ്ക്‌ ആണെന്ന് പറഞ്ഞ മതി ഒരുത്തനും നിന്റെ നിഴൽ വെട്ടത്ത് പോലും വരില്ല.
ചിഞ്ചു…ഓഹോ, അപ്പോ നിങ്ങള് കോളജിൽ അത്രക്ക് തല്ലിപ്പൊളി ആണോ
പോടീ അവിടുന്ന്, എനിക്കും കണ്ണനും അവിടെ നല്ല പേരാ, അതൊക്കെ അവിടെ വരുമ്പോ നീ വഴിയേ അറിയും.
Ok, ok നമുക്ക് നോക്കാം.
എന്ത് നോക്കാം എന്ന്
അല്ല അറിയുന്നതിക്കെ നല്ലതാണോ എന്ന്.
അവളുടെ പറച്ചിൽ കേട്ട് ഞാൻ കണ്ണനെ നോക്കി നിനക്ക് പണിയായി അളിയാ എന്ന അർത്ഥത്തിൽ തല ആട്ടി ചിരിച്ചു കാണിച്ചു. കാരണം അവൻ ഒരു കോഴി ആണെന്ന് പൊതുവെ ഒരു സംസാരം കോളജിൽ ഉണ്ട്.
അല്ല മക്കളെ നിങ്ങള് എങ്ങനെയാ പോവുകയും വരികയും ചെയ്യുന്നത്
ബൈക്കിൽ ആണ് മേരി അമ്മെ. രാവിലെ ഒരു 8 മണി ഒക്കെ ആകുമ്പോൾ ഇറങ്ങും വൈകിട്ട് വരുമ്പോൾ താമസിക്കും, എല്ലാ ദിവസവും പ്രാക്ടീസ് ഉണ്ട്.

+6

0