💖അവളും ഞാനും തമ്മിൽ💖അടിപൊളി  

ഞങൾ വെളിയിലേക്ക് ഇറങ്ങി.
കാറിനടുത്തേക്ക്‌ നീങ്ങിയ എന്നെ മണിക്കുട്ടി തടഞ്ഞു.
അച്ഛാ കാറിൽ പൊണ്ട.
പിന്നെ.

നമ്മക്ക് അച്ഛന്റെ ബുള്ളളറ്റിൽ പോയമതി.
ഞാൻ അവളെ നോക്കി ഒന്ന് ചിരിചിട്ട്‌ താഴെ നിർത്തി, എന്നിട്ട് പോർച്ചിൽ മൂടി ഇട്ടിരുന്നു എന്റെ Bullet 500 എടുത്ത് സ്റ്റാർട്ട് ആക്കി പുറത്തിറക്കി. വണ്ടിയുടെ കുടു കുടു സൗണ്ട് കേട്ടപ്പോഴേ പെണ്ണ് കൈ കൊട്ടി തുള്ളി ചാടി ചിരിക്കാൻ തുടങ്ങി. ഞാൻ അവളെ എടുത്ത് വണ്ടിയുടെ മുൻപിൽ ടാങ്ക് ന് മുകളിൽ ഇരുത്തി കൈ രണ്ടും എടുത്ത് ഹൻഡിലിൽ പിടിപ്പിച്ചു. എന്റെ കൂടെ ഇങ്ങനെ ബിക്കിൽ ഇരുന്നു പോകുന്നത് പുള്ളിക്കാരി ക്ക് ഭയങ്കര ഇഷ്ടം ഉള്ള കാര്യം ആണ്. അമ്മ ഇല്ലാതെ വളരുന്ന കുട്ടി ആയതു കൊണ്ട് അതിന്റെ കുറവ് അറിയിക്കാതെ ആണ് ഇത്രയും കാലം ഞാൻ എന്റെ മോളെ വളർത്തിയത്. അവളുടെ ഇന്ന് വരെ ഉള്ള എല്ലാ ആഗ്രഹങ്ങളും ഞാൻ സാധിച്ചു കൊടുത്തിട്ടുണ്ട്, ഒന്നോഴിച്ച്. അമ്മയെ കാണണം എന്നുള്ളത് ഒഴിച്ച്.
അച്ഛ പോകാം , മണിക്കുട്ടി എന്റെ കൈയിൽ കുലുക്കി വിളിച്ചപ്പോഴാണ് ഞാൻ സ്വബോധത്തിലേക്ക്‌ വന്നത്.
മ്മ്‌ പോകാം.

എന്റെ വീട്ടിൽ നിന്നും 7 കിലോമീറ്റർ മാത്രമേ ഉള്ളൂ സാറയുടെ വീട്ടിലേക്ക്.
അച്ഛാ സ്പീഡിൽ പോ,
പതുക്കെ വണ്ടി ഓടിച്ച് കൊണ്ടിരുന്ന എന്നോട് മണിക്കുട്ടി പറഞ്ഞു. അവളുടെ ആവശ്യ പ്രകാരം ഞാൻ ബുള്ളറ്റ് 60 നും 70 നു ഇടക്ക് സ്പീഡിൽ ഓടിച്ച്. പെണ്ണ് നല്ല കാറ്റടി ഒക്കെ കൊണ്ട് ride ശെരിക്കും enjoy ചെയ്യുന്നുണ്ട്. ഞാനും ഇതൊക്കെ ആസ്വതിച്ചിരുന്ന ഒരു കാലം ഉണ്ടായിരുന്നു, എന്നൽ 6 വർഷങ്ങൾക്ക് മുൻപ് എന്റെ മുൻപിൽ ഉണ്ടായിരുന്ന ആ വലിയ ലോകവും സന്തോഷങ്ങളും ഒക്കെ നഷ്ട്ടമായി. ജീവിതം തന്നെ വെറുത്തിരുന്നു, പിന്നെ പിന്നെ എന്റെ ലോകം മണിക്കുട്ടി മാത്രമായി മാറി, അവളുടെ സന്തോഷങ്ങൾ ആയി എന്റെയും സന്തോഷങ്ങൾ, കുറ്റബോധത്തിന്റെ ചൂടിൽ ഉരുകി ഒലിച്ചിരുന്ന ഞാൻ ജീവിതം തന്നെ വറുത്ത് ആത്മഹത്യ യെ കുറിച്ച് പോലും ആലോചിച്ചിട്ടുണ്ട്, എന്നൽ മണിക്കുട്ടിയുടെ മുഖത്തെ ചിരി ഓർത്ത് അവൾക്ക് ഞാൻ മാത്രമേ ഉള്ളൂ എന്ന് ഓർത്തു ജീവിക്കാൻ തുടങ്ങി. ഇപ്പൊ എന്റെ മോൾക്ക് വേണ്ടിയാണ് ഞാൻ ജീവിക്കുന്നത് തന്നെ.

അങ്ങനെ ഓരോന്നോക്കെ ആലോചിച്ച് സാറയുടെ വീട്ടിൽ എത്തി. ഞങ്ങളെ പ്രതീക്ഷിച്ച് എന്ന പോലെ അവളുടെ പപ്പയും മമ്മിയും അവിടെ മുറ്റത്ത് തന്നെ ഉണ്ടായിരുന്നു.

ഞാൻ വണ്ടി മുറ്റത്തേക്ക് ഓടിച്ചു കയറ്റി നിർത്തി മണിക്കുട്ടിയെ എടുത്ത് താഴെ ഇറക്കി. അപ്പാപ്പനേം അമ്മമ്മയേം കണ്ട സന്തോഷത്തിൽ പെണ്ണ് ഓടി അവരുടെ അടുത്തേക്ക് ചെന്നു.പിറകെ ഞാനും ബൈക്കിൽ നിന്നും ഇറങ്ങി ചെന്നു.
അപ്പോഴേക്കും അവർ രണ്ടും കുടു കൊച്ചുമകളുടെ എടുത്ത് കൊഞ്ചിക്കനും കളിപ്പിക്കനും ഒക്കെ തുടങ്ങിയിരുന്നു.
എന്നാലും മണിക്കുട്ടി ഞങ്ങളെ ഒക്കെ മറന്നല്ലോ, എത്ര നാൾ ആയടി ചുന്ദരി നീ ഇങ്ങോട്ടോക്കെ വന്നിട്ട്.

മേരിഅമ്മ എന്റെ അമ്മായിയമ്മ പരിഭവം പറഞ്ഞു.
അത് മണിക്കുട്ടി ഇപ്പൊ എന്നും ഡാൻസ് പഠിക്കാൻ പൊന്നുണ്ട് അമ്മമ്മെ, അതാ വരഞ്ഞെ.
ഓഹോ, എന്നിട്ട് അമ്മമ്മെടെ ചുന്തരി ഡാൻസ് ഒക്കെ പഠിച്ചോ.
മ്മ്‌, പഠിച്ചു
നല്ല കുട്ടി. ഉമ്മ
മേരി അമ്മ അവളെ കൊഞ്ചിച്ച് കൊണ്ട് ഉമ്മ വെച്ചു. ഞാൻ അത് നോക്കി നിന്നു.
മോനെ അഭി, എന്താടാ അവിടെ തന്നെ നിക്കുന്നത് അകത്തേക്ക് വാടാ.
തോമസ്, എന്റെ അമ്മയിയച്ചൻ എന്നെ അകത്തേക്ക് ക്ഷണിച്ചു. ഒന്ന് പുഞ്ചിരിച്ചു കൊണ്ട് ഞാൻ അവരുടെ കൂടെ അകത്ത് കയറി സോഫയിൽ ഇരുന്നു. എന്റെ കൂടെ അവരും ഇരുന്നു.
സുഖം അല്ലെ മോനെ നിനക്ക്.
അമ്മ ചൊതിച്ചു.
അതെ അമ്മെ, സുഖം. ഇവിടെ എല്ലാർക്കും സുഖം അല്ലെ, സഖ്യ എവിടെ?
ഇവിടെ എല്ലാവരും സുഖം ആയിട്ട് ഇരിക്കുന്നു മോനെ, സഖ്യ കോളജിൽ പൊയെക്കുവ വരാറായി.
സാറയുടെ അനിയത്തി സഖ്യ തോമസ്. ഇപ്പൊ post graduation പഠിക്കുന്നു.
അങ്ങനെ ഞങൾ ഓരോ വിശേഷങ്ങൾ ഒക്കെ പറഞ്ഞോണ്ട് ഇരുന്നപ്പോ സഖ്യ എത്തി. വന്നപാടെ ഓടി വന്നു മണിക്കുട്ടിയേ എടുത്ത് ഉമ്മാവെക്ക ലും സ്നേഹ പ്രകടനവും ഒക്കെ തുടങ്ങി, ചെറിയമ്മേ എന്ന് വിളിച്ചോണ്ട് അവളും തുടങ്ങി ഉമ്മ വെക്കാനും കെട്ടിപ്പിടിക്കനും ഒക്കെ. അതൊന്നു അടങ്ങിയപ്പോ സഖ്യ എന്റെ നേരെ തിരിഞ്ഞു.
ചേട്ടായി, എന്ന ഉണ്ട് വിശേഷം, എപ്പോ വന്നു നിങ്ങള്?
വിശേഷം ഒന്നുമില്ലടി പെണ്ണേ, ഞങൾ വന്നിട്ട് കുറച്ചു നേരം ആയി.
ഞാൻ ചായ എടുക്കാം. അമ്മ അതും പറഞ്ഞു അടുക്കളയിലേക്ക് പോയി.
പിന്നെ ഞാനും സഖ്യയും അച്ഛനും കൂടി ആയി സൊറ പറച്ചിൽ തുടർന്നു. അതിന്റെ ഇടക്ക് മോളെ കളിപ്പിക്കുകയും കൊഞ്ചിക്കുകയും ഒക്കെ ചെയ്യുന്നുണ്ട്. അവള് ആ താളത്തിനോക്കെ ഒത്തു തുള്ളുന്നും ഉണ്ട്.

കുറേ നേരം വർത്താനം പറഞ്ഞോണ്ട് ഇരുന്നപ്പോഴേക്കും മേരി അമ്മ ചായയും ആയി വന്നു, എല്ലാവരും ചയ കുടിച്ചു. സഖ്യ എഴുന്നേറ്റ് ഫ്രഷ് ആകൻ പോയി. അച്ഛൻ മോളെയും കൊണ്ട് പുറത്തേക്ക് ഇറങ്ങി. പിന്നെ ഞാനും അമ്മയും മാത്രം ആയി.
മോനെ അഭി.
എന്താ അമ്മെ
ചിഞ്ചു (സാറയെ എല്ലാവരും സ്നേഹത്തോടെ വിളിക്കുന്ന പേര്) വിനെ ഓർത്ത് ഇപ്പോഴും സങ്കടമാണോ നിനക്ക്
ഈ ചോദ്യം ഞാൻ പ്രതീക്ഷച്ചിരുന്നു. മനസ്സിൽ വലിയ ഒരു ദുഃഖ സാഗരം ഒതുക്കി വെച്ച് മുഖത്ത് ഒരു പുഞ്ചിരി വരുത്തി ഞാൻ പറഞ്ഞു.
ഇല്ലമ്മെ
മ്മ്‌, മോൻ വിഷമിക്കണ്ട എല്ലാം ശെരി ആകും
എനിക്ക് വിഷമം ഉണ്ട് അമ്മെ പക്ഷേ ഇത് ഞാൻ അനുഭവിക്കേണ്ട താണ്. ഞാൻ അല്ലേ എല്ലാത്തിനും കാരണക്കാരൻ, ചിഞ്ഞുവിന് ഒരിക്കലും എന്നെ അംഗീകരിക്കാൻ സാധിച്ചിരുന്നില്ല.
മോൻ അതൊന്നും ആലോചിച്ച് ഇപ്പോഴും ഇങ്ങനെ വിഷമിക്കല്ലെ,കാലം മായ്ക്കാത്ത മുറിവുകൾ ഇല്ല മോനെ. എല്ലാം നല്ലതിനാണെന്ന് വിശ്വസിക്ക്. ഓരോന്ന് ഓർത്ത് മനസും ജീവിതവും നശിപ്പിക്കരുത്. മണിക്കുട്ടി, അവൾ എന്നും നിൻ്റെ കൂടെത്തന്നെ ഉണ്ടാകും
മ്മ്‌.ഞാൻ ഒന്ന് മുളുക മാത്രം ചെയ്തു.
അമ്മയുടെ ആ വാക്കുകൾ എന്റെ മനസ്സിന് ഒരു ആശ്വാസം ആയിരുന്നു.
മേരി അമ്മ വീണ്ടും എഴുന്നേറ്റു പോയി, ഞാൻ ഒറ്റക്കായി, എന്നാലും അവിടെ തന്നെ ഇരുന്നു. എന്തൊക്കെയോ ആലോചിച്ച് സമയം പോയി.
പിന്നെ ഒരു 7 മണി ആയപ്പോ എല്ലാവരും വീണ്ടും ഒത്തുകൂടി രാത്രിയിലെ പ്രാർത്ഥനക്ക് ആയി. മണിക്കുട്ടി കർത്താവിന്റെ തിരു രൂപത്തിന്റെ മുൻപിൽ മുട്ടുകുത്തി ഇരുന്നു അവരോടൊപ്പം പ്രാർത്ഥിച്ചു. ഞാൻ ഏറ്റവും പിറകിൽ ആയും ഇരുന്നു.
എന്റെ പ്രാർത്ഥന മുഴുവൻ എന്റെ മണിക്കിട്ടിക്ക് വേണ്ടിയാണ്. ആ മുഖത്തെ ചിരി ഒരിക്കലും മായാൻ ഇടവരരുതേ എന്ന്
പ്രാർത്ഥന ഒക്കെ അവസാനിപ്പിച്ച് എല്ലാവരും കഴിക്കാൻ ഇരുന്നു. കഴിച്ചൊണ്ട് ഇരുന്നപ്പൊഴും ഞങൾ ഓരോ വിശേഷങ്ങൾ പറഞ്ഞുകൊണ്ടിരുന്നു, ഭക്ഷണത്തിന് ശേഷം ഞാൻ അമ്മായി അപ്പന്റെ കൂടെ ഇരുന്നു 2 എണ്ണം വീശി, പിന്നെ മണിക്കുട്ടി വന്നു ഉറക്കം വരുന്നു എന്ന് പറഞ്ഞപ്പോൾ അവളെയും എടുത്ത് തോളിൽ ഇട്ടു കുറച്ചു നേരം മുറ്റത്ത് ഒക്കെ നടന്നു. പെണ്ണ് ഉറക്കം തുടങ്ങിയപ്പോൾ ഞാൻ അവളെയും കൊണ്ട് ഇവിടെ വരുമ്പോൾ നിൽക്കാറുള്ള സാറ യുടെ റൂമിലേക്ക് പോയി.

+6

0