💖അവളും ഞാനും തമ്മിൽ💖 7അടിപൊളി  

പിന്നെ എന്തിനാ അഭി ഈ നാലുവർഷം എന്നെ അകറ്റി നിർത്തിയത്?

ഞാൻ അവളുടെ മുഖം കൈക്കുമ്പിളിൽ കോരിയെടുത്തു,
നിൻ്റെ ആഗ്രഹങ്ങളും നീ കണ്ട സ്വപ്നങ്ങളും ഒന്നും വെറുതെ ആകാതിരിക്കാൻ. നിന്റെ ലക്ഷ്യങ്ങൾ നീ നേടിയെടുക്കാൻ മാത്രം. അത്രയും മാത്രം പറഞ്ഞു ഞാൻ അവളുടെ കണ്ണുകളിലേക്ക് തന്നെ നോക്കി.

പെട്ടെന്ന് തന്നെ ഞാൻ ഇട്ടിരുന്ന ടീഷർട് അവൾ വലിച്ചൂരി എന്നെ സെറ്റിയിലേക്ക് തള്ളിയിട്ട് എൻ്റെ മുകളിൽ കയറി രോമം നിറഞ്ഞ എൻ്റെ നെഞ്ചിൽ മുഖം ചേർത്തുവെച്ചു കിടന്നു. പെട്ടെന്നുണ്ടായ ആ നീക്കത്തിൽ ഞാൻ ഒന്ന് അന്ധാളിച്ചു. പിന്നെ അവളെ തഴുകാൻ തുടങ്ങി.

ഈ ഒരു നിമിഷമാണ് അഭി എൻ്റെ ഏറ്റവും വലിയ ആഗ്രവും സ്വപ്നവും ഒക്കെ.

അത് പറയുമ്പോൾ ഉള്ള അവളുടെ ശബ്ദത്തിലെ ഇടർച്ച എനിക്ക് തിരിച്ചറിയാൻ സാധിച്ചിരുന്നു.
ഞാൻ കൂടുതൽ അവളെ എന്നിലേക്ക് ചേർത്തണച്ചു.

നീ എന്നെ ജനാകിയമ്മയുടെ അടുത്ത് ആക്കിയിട്ട് വന്നതിൽ പിന്നെ ഒരു ദിവസം പോലും ഞാൻ കാരയാതിരുന്നിട്ടില്ല, കണ്ണടക്കുമ്പോഴൊക്കെ നിന്റെയും നമ്മുടെ മോളുടെയും മുഖം മാത്രമായിരുന്നു മനസ്സിൽ. ഇനി എനിക്ക് വയ്യ അഭി, എന്നെ ഇനിയും ഇങ്ങനെ ശിക്ഷിക്കല്ലേ, എനിക്ക് നിന്നെ വേണം അഭി എന്നും എപ്പോഴും എന്റെ കൂടെത്തന്നെ , അത് മാത്രം മതി എനിക്ക് വേറെ ഒന്നും ഞാൻ ആഗ്രഹിക്കുന്നില്ല.

ഇത്രയും പറഞ്ഞു കഴിഞ്ഞപ്പോഴേക്കും പെണ്ണ് വീണ്ടും പൊട്ടിക്കരഞ്ഞുപോയി. ഉറവ പൊട്ടിയ കണക്കെ അവളുടെ കണ്ണുനീർ എന്റെ നെഞ്ച് മുഴുവൻ നനച്ചുകൊണ്ടിരുന്നു, കരഞ്ഞു തീരട്ടേ എന്ന് ഞാനും കരുതി. കുറെ കഴിഞ്ഞു അവളുടെ കരച്ചിലും തെങ്ങളുകളും അടഞ്ഞി ഞാൻ നോക്കിയപ്പോൾ കരഞ്ഞു തളർന്ന് എന്റെ നെഞ്ചിൽ മുഖം ചേർത്ത് വെച്ച് പെണ്ണ് ഉറങ്ങിയിരിക്കുന്നു. സമാധാനത്തോടെയും ശാന്തിയോടെയും ഉള്ള ഒരു നിദ്ര, ഞാൻ അവളെ ഒന്നുകൂടി എന്നിലേക്ക് ചേർത്ത് പിടിച്ചു ആ മുർധാവിൽ ഒരു ചുംബനം അർപ്പിച്ചു, പൗർണമി തിങ്കൾ വിരിയുംപോലെ ഒരു പുഞ്ചിരി ആ മുഖത്തു വിരിയുന്നത് ഞാൻ നിറഞ്ഞ മനസോടെ നോക്കി കിടന്നു. എന്റെ മനസിൽ ഇപ്പോൾ കുറ്റബോധമോ സങ്കടമോ ഒന്നും ഇല്ല, അവളോടുള്ള പ്രണയം മാത്രം നിറഞ്ഞു തുളുമ്പി നിൽക്കുന്നു. ഒരുപാട് സന്തോഷം തോന്നുന്നു, ഒറ്റ ദിവസം കൊണ്ട് ജീവിതം വീണ്ടും മാറിയിരിക്കുന്നു.
കണ്ണെടുക്കാതെ ആ മുഖം നോക്കി കിടന്നതല്ലാതെ എനിക്ക് ഉറങ്ങാൻ സാധിച്ചില്ല, ഈ രാത്രി അവസാനിക്കരുതെ എന്ന് ഞാൻ അതിയായി ആഗ്രഹിച്ചു, എന്നാൽ അതിനു വിപരീതമായി രാത്രിയുടെ ദൈർഖ്യം കുറഞ്ഞിരുന്നു, സമയം നോക്കിയപ്പോൾ 4.30 കഴിഞ്ഞു, ഞാൻ മെല്ലെ ചിഞ്ചുവിനെയും കൊണ്ട് എഴുനേറ്റു, സുഖ നിദ്രക്ക് ഇളക്കം തട്ടിയതോടെ പെണ്ണ് വീണ്ടും കുറുകിക്കൊണ്ട് എന്റെ കഴുത്തിൽ കൈ ചുറ്റി മുഖം ചേർത്തുവെച്ചു കിടന്നു അപ്പോഴും അവൾ കണ്ണുകൾ തുറന്നില്ല. ഞാൻ നിലത്തു കിടന്ന എന്റെ ടി ഷർട്ട് എടുത്ത് അവൾക്ക് മുകളിലൂടെ വലിച്ചു കേറ്റി ഇട്ടു. ഇപ്പൊ അതിനുള്ളിൽ എന്നോട് ഒട്ടി കിടക്കുവാണ് പെണ്ണ്, ഞാൻ നോക്കിയപ്പോ ആ മുഖത് ഒരു കള്ള ചിരി കണ്ടു, അപ്പൊ തന്നെ കഴുത്തു ചരിച്ചു അവളുടെ കവിളിൽ ഒരു അമർത്തി ഒരു ഉമ്മ കൊടുത്തു, അത് കിട്ടിയപ്പോ പെണ്ണ് വീണ്ടും കുറുകിക്കൊണ്ട് എന്റെ കഴുത്തിലോട്ടു മുഖം ഒളിപ്പിച്ചു.
ഞാൻ അവളെയും കൈയിൽ കോരി എടുത്ത് കുറച്ചു കഷ്ടപ്പെട്ട് വീടിന്റെ വാതിൽ തുറന്നു വെളിയിൽ ഇറങ്ങി, പുറത്തു നല്ല തണുപ്പ് ഉണ്ട്, ഞാൻ നേരെ എന്റെ വണ്ടിയുടെ അരികിലേക്ക് നടന്നു.

വണ്ടിയുടെ അടുത്ത് ചെന്ന് അവളെ അങ്ങനെ എന്റെ കൈയിൽ വെച്ചുകൊണ്ട് തന്നെ ഡോർ തുറന്നു ഞാൻ ഡ്രൈവിംഗ് സീറ്റിൽ കയറി ഇരുന്നു, അപ്പോൾ അവൾ ഒരു വശം ചരിഞ്ഞു ഇരുന്നു, അപ്പോഴും അവളുടെ കൈയും മുഖംവും എന്റെ കഴുത്തിൽ നിന്നും എടുത്തിട്ടും ഇല്ല അവൾ കണ്ണ് തുറന്നിട്ടും ഇല്ല, ഞാൻ അവൾക്ക് കാതിന്റെ വശത്തായി ചുണ്ട് ചേർത്ത് ഒരു മുത്തം കൊടുത്തു, പെണ്ണ് എന്നെ ഇറുക്കി പിടിച്ചു കഴുത്തിൽ ചുംബിച്ചു,
ഹോ. എന്റെ സകല രോമവും എഴുനേറ്റു നിന്നു.