💖അവളും ഞാനും തമ്മിൽ💖അടിപൊളി  

ഞാൻ മണിക്കുട്ടിയേം എടുത്ത് ടേബിളിൽ സെറ്റ് ചെയ്തു വച്ചിരുന്ന കേക്കിനരികിൽ എത്തി. എല്ലാവരും എന്റെയും മണിക്കുട്ടിയുടെയും ഇരു വശങ്ങളിലായി സ്ഥാനം ഉറപ്പിച്ചു. പിന്നെ മണിക്കുട്ടിക്കുവേണ്ടി എല്ലാരും പിറന്നാൾ ഗാനം ആലപിച്ചു. ഞാൻ കത്തി എടുത്ത് മണിക്കുട്ടിയുടെ കൈയിൽ പിടിപ്പിച്ചു കേക്ക് മുറിച്ചു. ആദ്യത്തെ ഒരു പീസ് ഞാൻ തന്നെ എടുത്ത് അവളുടെ വായിൽ വെച്ച് കൊടുത്തപ്പോൾ മണിക്കുട്ടിയും അതുപോലെ എനിക്കും തന്നു പിന്നെ അവളുടെ മുത്തശ്ശി മാർക്കും മുത്തശ്ശൻ മാർക്കും കണ്ണനും ഒക്കെ അവൾതന്നെ എടുത്ത് കൊടുത്തു.

കളിയും ചിരിയുമായി അങ്ങനെ കേക്കും നുണഞ്ഞു നിന്നപ്പോഴാണ് പുറത്തു ഒരു ജാഗ്ഗുവർഉം അതിനു പുറമെ ഒരു എസ് ക്ലാസ് ബെൻസ് കാറും വന്നു നിന്നത്, ആരെന്നു അറിയാൻ വേണ്ടി എല്ലാരും പുറത്തേക്ക് നോക്കി പുറകിലത്തെ വണ്ടിയുടെ പാസ്സന്ജർ സീറ്റിന്റെ ഡോർ തുറന്നിറങ്ങിയ അപ്രതീക്ഷിത അതിഥിയെ കണ്ട് എല്ലാരും ശെരിക്കും അത്ഭുതപ്പെട്ടു. ജാനകി സുബ്രമണ്യം. ജാനകിയമ്മ.

ഞാൻ പെട്ടെന്ന് തന്നെ അവരുടെ അടുത്തേക്ക് നിറപുഞ്ചിരിയോടെ ചെന്നു.

ജാനകിയമ്മ എന്താ ഒരു മുന്നറിയിപ്പും ഇല്ലാതെ, ശെരിക്കും ഒരു സർപ്രൈസ്‌ ആയിട്ടുണ്ട് കേട്ടോ.

ഉള്ളിലെ ആകാംഷ അടക്കിവെക്കാതെ തന്നെ ഞാൻ അവരോടു ചോതിച്ചു. അപ്പോഴേക്കും ആളാരാണെന്നു മനസിലായി അകത്തു ഉണ്ടായിരുന്ന എല്ലാരും ജാനകിയമ്മയെ സ്വീകരിക്കാൻ വേണ്ടി വെളിയിലേക്ക് വന്നു.

അതിനു അവർ ഒന്ന് ചിരിച്ചു, എന്നിട്ട് എന്റെ അടുത്തേക്ക് വന്നു നിന്ന മണിക്കുട്ടിയുടെ കവിളിൽ തഴുകി.

ഇന്ന് ഈ ചുന്ദരി കുട്ടിയുടെ പിറന്നാൾ അല്ലെ, ഇവൾക്ക് ഒരു സർപ്രൈസ് ഗിഫ്റ് കൊടുക്കാൻ വേണ്ടി വന്നതാ അഭി.

ജാനകിയമ്മ വന്നത് തന്നെ വലിയ സർപ്രൈസ് ആണ്. അതിന്റെ കൂടെ ഇനിയും ഉണ്ടോ സർപ്രൈസ്?

എന്റെ ചോദ്യം കേട്ട് ജാനകിയമ്മ ഒന്ന് പുഞ്ചിരിച്ചു. എന്നിട്ട് മുൻപിൽ കിടന്ന ആ കറുത്ത ജഗ്ഗുവാറിലേക്ക് നോക്കി അപ്പോൾ അതിന്റെ ഡ്രൈവർ സീറ്റ് ഡോർ തുറന്നു വെളിയിൽ ഇറങ്ങിയ ആളെ കണ്ട ഞാൻ ശെരിക്കും ഞെട്ടി,

ചിഞ്ചു,
അറിയാതെ എന്റെ ചുണ്ടുകൾ മന്ത്രിച്ചു. ഒരു ചുമപ്പും കറുപ്പും കലർന്ന സാരിയായിരുന്നു അവൾ ഉടുത്തിരുന്നത്, അതിൽ അവൾ കൂടുതൽ സുന്ദരിയുമായി തോന്നി എനിക്ക്. പക്ഷെ മുഖത്തു പണ്ടത്തെ ആ ഒരു തെളിച്ചം ഇല്ല.
അവളെ കണ്ട സന്തോഷത്തിൽ മേരിയമ്മ ഓടിപ്പോയി അവളെ കെട്ടിപ്പിച്ചു കരഞ്ഞു അവളും കരഞ്ഞു, സംതോഷത്തിന്റെ ആനത്ത കണ്ണുനീർ. മേരിയമ്മക്ക് പിറകെ ബാക്കിയുള്ളവരും സാറയുടെ അരികിലേക്ക് പോയി, വീട്ടിൽ കയറി വരുന്നവരെ വെളിയിൽ നിർത്തുന്നത് ശെരിയല്ലല്ലോ എന്ന് കരുതി ഞാൻ ജാനകിയമ്മയെയും കുട്ടി വീട്ടിനകത്തേക്ക് കയറി, അവർ ഹാളിലെ സെറ്റിയിലേക്ക് ഇരുന്നു, ഞാൻ അവർക്ക് അരികിലായി നിന്നു. പെട്ടെന്ന് രണ്ടു കുഞ്ഞി കൈകൾ എന്റെ കാലിനെ കെട്ടിപിടിച്ചു. താഴോട്ട് നോക്കിയപ്പോൾ മണിക്കുട്ടിയായിരുന്നു. അവളുടെ മുഖം കണ്ടിട്ട് പേടിച്ച പോലെ ഉണ്ട്. അവളുടെ പിറകെ സാറയും നിറഞ്ഞു തുളുംബിയ കണ്ണുകളോടെ വുന്നു നിന്നു. അവൾ മണിക്കുട്ടിക്ക് നേരെ രണ്ടു കൈയും നീട്ടുന്നുണ്ടായിരുന്നു, പക്ഷെ അവൾ പോകാൻ കൂട്ടാക്കിയില്ല, എന്നെ ഇരിക്കെ പിടിച്ചു.
ഞാൻ അവളുടെ കൈ വിടുവിച്ചു നിലത്തേക്ക് അവൾക്ക് നേരെ മുട്ടിൽ ഇരുന്നു.
ചാച്ചന്റെ മോൾക്കെന്തുപറ്റി. അവൾ ഒന്നും മിണ്ടിയില്ല പകരം സാറക്ക് നേരെ നോക്കി.
അവളുടെ നോട്ടത്തിന്റെ അർദ്ധം മനസിലായ ഞാൻ അവളോട് പറഞ്ഞു,
അത് മണിക്കുട്ടി അച്ഛനോട് എപ്പോഴും ചൊദിക്കില്ലാരുന്നോ അമ്മഎന്തിയെ എന്ന് ,
മണിക്കുട്ടി ശെരിയാണ് എന്ന അർഥത്തിൽ ഒന്ന് മൂളി.
മണികുട്ടിയുടെ അമ്മയാ ഇത് ,
അമ്മയുടെ അടുത്തേക്ക് ചെല്ല് എന്നും പറഞ്ഞു ഞാൻ അവളെ സാറയുടെ അരികിലേക്ക് പറഞ്ഞുവിട്ടു. ഒരു അൽപ്പം സങ്കോചത്തോടെ മടിച്ചു മടിച്ചാണ് അവൾ സാറാക്കരികിൽ എത്തിയത് . മണിക്കുട്ടി അടുത്ത് എത്തിയപ്പോഴേക്കും സാറ അവളെ വാരിപ്പുണർന്ന് നെറ്റിയിലും കവിളിലും ഒക്കെ നിർത്താതെ ചുംബിച്ചു, സാറ മണികുട്ടിയെ മാറോടു ചേർത്തു ഇറുക്കെ കെട്ടിപിടിച്ചു ശബ്ദം പുറത്തുവരാതെ കണ്ണുനീർ മാത്രം പുറത്തേക്ക് ഒഴുക്കിക്കൊണ്ട് കരയാതെ കരഞ്ഞു. ആ കാഴ്ച കണ്ടുകൊണ്ട് ഞാനും വീട്ടുകാരും ഒന്ന് വിതുമ്പിപ്പോയി. കുറച്ചു കഴിഞ്ഞു സാറ മണികുട്ടിയെ അടർത്തിമാറ്റി അവളുടെ മുന്നിൽ മുട്ടുകുത്തി ഇരുന്ന് മണികുട്ടിയുടെ രണ്ടു തോളിലും കൈവച്ചു. മണികുട്ടിയുടെ മുഖം അപ്പോഴും തെളിഞ്ഞിട്ടില്ല ,

മോൾക്ക് അമ്മെ പേടിയാണോ…..?

അല്ല.

പിന്നെന്താ അമ്മേടെ അടുത്ത് വരാഞ്ഞേ….?

മണിക്കുട്ടി അമ്മയോട് പിണക്കമ.

അതെന്താ…….?

‘അമ്മ ഇത്രയും നാൾ മണികുട്ടിയുടെ അടുത്ത് വന്നില്ലല്ലോ, അത്കൊണ്ട് മണിക്കുട്ടി അമ്മയോട് കൂട്ടില്ല.
മണികുട്ടിയുടെ നിഷ്കളങ്കമായ സംസാരവും മറുപടിയും.

മോൾക്ക് അമ്മയെ കാണാൻ വരായിരുന്നല്ലോ. മുത്തശ്ശിമാരുടെ ഒക്കെ കൂടെ . എന്താ വരാഞ്ഞേ?

ചാച്ചൻ ഇല്ലാതെ മണിക്കുട്ടി എങ്ങോട്ടും പോകില്ല. ഒരു ദിവസം അമ്മയെ കാണണം എന്ന് പറഞ്ഞു മണിക്കുട്ടി വാശി പിടിച്ചപ്പോൾ ചാച്ചൻ മണികുട്ടയെ കെട്ടിപിടിച്ചു കുറെ കുറെ കരഞ്ഞു , അത് കണ്ടപ്പോ മണികുട്ടിക്കും സങ്കടം വന്നു കരഞ്ഞു, ചാച്ചന് സങ്കടം ആകും എന്ന് കരുതി മണിക്കുട്ടി പിന്നെ അമ്മേനെ കാണണം എന്ന് പറഞ്ഞിട്ടും ഇല്ല. മുഖം വീർപ്പിച്ചു സങ്കടത്തോടെ എന്റെ മോൾ അത്രയും കേട്ടപ്പോൾ അവളെ എന്റെ നെഞ്ചോടു ചേർത്തുപിടിച്ചു ഒന്ന് പൊട്ടിക്കരയാൻ തോന്നി എനിക്ക്, എന്റെ മനസ്സറിഞ്ഞ പോലെ സാറ അത് ചെയ്തു.

സോറി മോളേ , മോൾ അമ്മയോട് ക്ഷമിക്ക്. ഇനി എന്റെ ചക്കര മുത്തിനെ വിട്ട് ‘അമ്മ എങ്ങും പോകില്ല കേട്ടോ, എപ്പോഴും മണികുട്ടിയുടെ കൂടെ തന്നെ കാണും, അത്രയും പറഞ്ഞു സാറ മണികുട്ടിയെ വാരിപ്പുണർന്നു വീണ്ടും ഉമ്മ വെക്കാൻ തുടങ്ങി, ഇപ്പൊ പെണ്ണിന്റെ മുഖത്തു ചെറിയ ഒരു തെളിച്ചം ഒക്കെ ഉണ്ട് .

മെതിയടി പെണ്ണുങ്ങളെ പിറന്നാൾ ദിവസം ആയിട്ട് ഇരുന്നു കെട്ടിപ്പിച്ചു കരഞ്ഞത്, എഴുനേറ്റു വാ സാധ്യ കഴിക്കാം. രംഗം ഒന്ന് മാറ്റുവാൻ വേണ്ടി മേരിയമ്മ എല്ലാരോടും ആയി പറഞ്ഞു.

ഓ കുറച്ചു മുൻപേ ഞങ്ങൾ എല്ലാവരും കണ്ടായിരുന്നു ആരാ കെട്ടിപിടിച്ചതെന്നും കരഞ്ഞതെന്നും…… മേരിയമ്മയുടെ സംസാരം കേട്ട് കണ്ണൻ ആ നിമിഷം തന്നെ മറുപടി പറഞ്ഞു. അത് കേട്ട് എല്ലാരുടെയും മുഖത്തു ഒരു പുഞ്ചിരി വിടർന്നു.

നീ പോടാ, നിനക്ക് ഇന്ന് ചോറ് തരില്ല, ചളിപ്പ് മാറ്റാൻ വേണ്ടി മേരിയമ്മയും തിരിച്ചടിച്ചു.

അയ്യോ ചതിക്കല്ലേ, ഞാൻ ഒരു തമാശ പറഞ്ഞതല്ലേ മേരിയമ്മേ , മേരിയമ്മയുടെ സ്പെഷ്യൽ ഐറ്റംസ് കഴിക്കാൻ വേണ്ടി രാവിലെ പോലും ഒന്നും കഴിക്കാതെയ ഞാൻ വന്നേക്കുന്നെ.

+6

0