💖അവളും ഞാനും തമ്മിൽ💖അടിപൊളി  

മ്മ് ഉവ്വ ഉവ്വ.

എന്നാ എല്ലാരും എഴുനേറ്റ് വാ പിറന്നാൾ സദ്യ കഴിക്കാം . എന്ന് പറഞ്ഞു മേരി അമ്മയും അമ്മയും കൂടി സദ്യ വിളമ്പാൻ ഉള്ള തയാറെടുപ്പുകൾക്ക് വേണ്ടി ആ രംഗം വിട്ടൊഴിഞ്ഞു. ഞാനും കണ്ണനും സാറയും ജാനകിയമ്മയും മണിക്കുട്ടിയും ഒഴിച് ബാക്കി എല്ലാരും അവർക്കൊപ്പം പോയി.

ജാനകിയമ്മ മണികുട്ടിയെ അടുത്ത് വിളിച് അവൾക്ക് പിറന്നാൾ സമ്മാനം ആയി കഴുത്തിൽ ഒരു മാല ഇട്ടു കൊടുത്തു. മണിക്കുട്ടി ജാനകിയമ്മയോടു താങ്ക്സ് പറഞ്ഞു, പിന്നെ ജാനകിയമ്മ അവളെ മടിയിൽ പിടിച്ചിരുത്തി കൊഞ്ചിക്കാന് തുടങ്ങി. ഇതെല്ലം കണ്ടുകൊണ്ട് ഞാനും കണ്ണനും മാറി നിൽപ്പുണ്ട്. സാറ അവർക്കരികിൽ തന്നെ കണ്ണുപറിക്കാതെ മണിക്കുട്ടിയെയും നോക്കി ഇരുപ്പുണ്ട്.
ജാനകിയമ്മ അവൾക്ക് പിറന്നാൾ സമ്മാനം കൊടുത്തത് മുതൽ മണിക്കുട്ടിയുടെ മുഖത്തു ഒരു മ്ലാന ഭാവം ഉണ്ട്, അത് കണ്ടുകൊണ്ട് ജാനകിയമ്മ അവളോട് ചോതിച്ചു .

എന്തുപറ്റി മണിക്കുട്ടി ഒരു വിഷമം.

ഇന്ന് മണികുട്ടിയുടെ പിറന്നാൾ ആയിട്ട് എല്ലാരും മണികുട്ടിക്ക് സമ്മാനം തന്നു, പക്ഷെ ഒത്തിരി നാൾ കഴിഞ്ഞിട്ടല്ലേ ‘അമ്മ മണികുട്ടിയെ കാണാൻ വരുന്നത്, എന്നിട്ട് മണികുട്ടിക്ക് സമ്മാനം ഒന്നും കൊണ്ടുതന്നില്ല.

അത് കേട്ട ഉടനെ തന്നെ സാറ എഴുനേറ്റ് ജാനകിയമ്മയുടെ മടിയിൽ ഇരുന്ന അവളുടെ മുൻപിൽ മുട്ടുകുത്തി ഇരുന്നിട്ട് മണിക്കുട്ടിയുടെ മുഖം രണ്ടു കൈ കൊണ്ടും കോരിയെടുത്തു.

അമ്മേടെ മുത്ത് പറയെടാ എന്റെ മോൾക്ക് എന്ത് സമ്മാനമാ വേണ്ടത്. മോൾ എന്ത് പറഞ്ഞാലും ‘അമ്മ തരും.
അപ്പോഴേക്കും സാറയുടെ കണ്ണുകൾ നനഞ്ഞിരുന്നു.

മണിക്കുട്ടി ഒരു നിമിഷം ഒന്ന് ആലോജിച്ചു.

എന്നാ മണിക്കുട്ടിക്ക് ഒരു കാര്യം കാണണം.

എന്താണേലും പറഞ്ഞോ ‘അമ്മ സാധിച്ചു തരും.

മണിക്കുട്ടിക് അമ്മേടെ ഡാൻസ് കാണണം.
അവളുടെ ആവശ്യം കേട്ട് സാറായുടെയും ജാനകിയമ്മയുടെയും മുഖത്തു ഒരുപോലെ പുഞ്ചിരി വിടർന്നു.

ഡാൻസും പാട്ടും ഒക്കെ ഇനി സാധ്യ കഴിച്ചിട്ട്, എല്ലാരും വന്നേ. ഞങ്ങളെ സാധ്യ കഴിക്കാൻ വേണ്ടി വിളിക്കാൻ വന്ന കാർത്തു പെട്ടെന്ന് ചാടിക്കേറി പറഞ്ഞു,

എന്നാ അമ്മേടെ ഡാൻസിന്റെ കൂടെ കാർത്തു മാമിയുടെ പാട്ടും വേണം. മണിക്കുട്ടി കർത്തുവിനെ നോക്കി പറഞ്ഞു.

അതിനെന്താ ഈ ചുന്ദരികുട്ടിക്ക് വേണ്ടി മാമി പാടിതരാല്ലോ.

ഹോ അങ്ങനെ എങ്കിലും നിന്റെ പാട്ടൊന്നു കേൾക്കാൻ പറ്റുമല്ലോ, നമ്മളൊക്കെ ഒരു പാട്ടു പാടി തരാൻ പറയുമ്പോ എന്താ ജാഡ.

മണിക്കുട്ടിയുടെ ആവശ്യം കാർത്തു അംഗീകരിച്ചത് കണ്ട് കണ്ണന്റെ വക കമന്റ്. അത് കേട്ട് കാർത്തു അവനെ നോക്കി ചിറി കോട്ടി. പിന്നെ എല്ലാരും എഴുനേറ്റ് കഴിക്കാൻ ആയി പോയി. നല്ല അസ്സൽ പാലട പ്രേതമനും കുട്ടി ഒരു ഗംഭീര സദ്യ തന്നെ ആയിരുന്നു അമ്മമാർ രണ്ടും കുടി ഒരുക്കിയത്. സദ്യ കഴിച്ചിട്ട് കുറെ നേരം എല്ലാരോടും വിശേഷങ്ങൾ ഒക്കെ പറഞ്ഞിരുന്നിട്ട് ജാനകിയമ്മ പോകാൻ ഇറങ്ങി. പോകുന്നതിനു മുൻപ് എന്നോട് ഒന്ന് തനിച് സംസാരിക്കുകയും ചെയ്തു.

അഭി നാല് വർഷങ്ങൾക്ക് മുൻപ് നീ എന്നെ ഏൽപ്പിച്ച നിന്റെ പകുതിയേ ഞാൻ തിരിച്ചു കൊണ്ട് തന്നിട്ടുണ്ട്. നിനക്ക് അറിയാത്ത കുറെ കാര്യങ്ങൾ കുടി ഉണ്ട് സാറയുടെ ജീവിതത്തിൽ, നീ കരുതിയിരുന്ന പോലെ നൃത്തം എന്ന കലയിലൂടെ ഒരുപാടു ഉയരങ്ങളിൽ എത്തിച്ചേരുക എന്നതല്ല അവളുടെ സ്വപ്നം. ഇപ്പൊ അവൾ നേടിയതിനൊക്കെ ഉപരിയായി കുറെ വലിയ ചെറിയ ആഗ്രഹങ്ങൾ ഉണ്ട് അവൾക്ക്.

അതെന്താ ജാനകിയമ്മേ , എന്താണേലും പറ, ഞാൻ നടത്തിക്കൊടുക്കും.

എന്റെ ചോദ്യത്തിന് ജാനകിയമ്മ ഒന്ന് ചിരിക്കുക മാത്രമാണ് ചെയ്തത്. ശേഷം ഒന്നും പറയാതെ കാറിൽ കേറി പോയി . ആ വണ്ടി കണ്മുന്നിൽ നിന്നും മായുന്നത് വരെ ഞാൻ അതും നോക്കി നിന്ന്, പിന്നെ അകത്തെക്ക് കയറി . അകത്തു കയറിയപ്പോൾ സാറയും, കർത്തുവും മണിക്കുട്ടിയുടെ ആഗ്രഹം സാധിച്ചുകൊടുക്കാൻ തുടങ്ങുകയായിരുന്നു. ബാക്കി എല്ലാരും കാഴ്ചക്കാർ ആയി ചുറ്റും കുടി ഇരിക്കുന്നു, കണ്ണൻ ഫോൺ ഹോം തിയറ്ററും ആയി കണക്ട് ചെയ്തു കാർത്തു പറഞ്ഞ പാട്ടിന്റെ കരോക്കെ പ്ലേയ് ചെയ്തു. അത് കേട്ട് തുടങ്ങിയപ്പോൾ കാർത്തു പാടുവാൻ തുടങ്ങി, ശെരിക്കും ഒരു കുയിൽ നാദം. പാട്ടിന്റെ ഈണങ്ങൾക്ക് അനുസരിച് സാറ ചിലങ്ക കെട്ടി ചുവടുകൾ വെച്ചു.

ഞാൻ അവളുടെ ഓരോ ചലനങ്ങളും കണ്ണെടുക്കാതെ നോക്കി നിന്നുപോയി. എനിക്ക് അനങ്ങാൻ കുടി കഴിഞ്ഞില്ല കുറച്ചു സമയത്തേക്ക്.
അപ്പോൾ എന്റെ മുന്നിൽ അവൾ മാത്രമേ ഉണ്ടായിരുന്നുള്ളു, ഒരുപാടു നാളുകൾക്ക് ശേഷം കണ്ടിട്ടും അവളിൽ വലിയ വ്യത്യാസം ഒന്നും എനിക്ക് തോന്നിയില്ല, എപ്പോഴും മനം നിറയെ അവൾ നിറഞ്ഞു നിൽക്കുന്നത് കൊണ്ടാകും. മറ്റൊന്നും ഞാൻ കണ്ടില്ല കേട്ടില്ല ,എന്തിനു വേണ്ടി എന്നറിയാതെ കണ്ണുകൾ നിറഞ്ഞിരുന്നു, സങ്കടം വന്നാൽ മാത്രമല്ല സന്തോഷത്തിലും കണ്ണുനനയുമല്ലോ, അനന്ത കണ്ണീർ ആയിരിക്കും. എൻ്റെ കാലുകൾ യാന്ത്രികമായി അവൾക്കരികിലേക്ക് ചലിച്ചു.

പെട്ടെന്ന് കണ്ണൻ എന്നെ പിടിച്ചു നിർത്തി.

നീ ദിവാ സ്വപ്നവും കണ്ടോണ്ട് എങ്ങോട്ടാടാ?
അവന്റെ ചോദ്യം ആണ് എന്നെ സ്വബോധത്തിലേക്ക് കൊണ്ടുവന്നത്. അവന്റെ ചോദ്യത്തിന് മറുപടിയായി നല്ലപോലെ ഒന്നു ഇളിച്ചുകാണിച്ചു.

അയ്യ എന്താ കിണി.
ചെറുതായി ഒന്നു ചമ്മി എങ്കിലും അവൻ്റെ അടുത്തയോണ്ട് കുഴപ്പം ഇല്ല.

ഡാൻസ് കഴിഞ്ഞതോടെ രണ്ടു കലാകാരി മാരെയും എല്ലാരും അഭിനന്ദിച്ചു. അവിടെ വെച്ചു ഞാൻ ഒന്നും പറയാൻ നിന്നില്ല. എല്ലാരും ഒന്ന് മാറിയപ്പോൾ കണ്ണനും കർത്തുവും ഒറ്റക്ക് മാറി നിന്നു കുറുകുന്നത് കണ്ടു ഞാൻ അവർക്കരികിലേക്ക് ചെന്ന് കർത്തുവിനെ ഞാൻ അഭിനന്ദിച്ചു.

കാർത്തു പാട്ട് ശെരിക്കും അടിപൊളി ആയിരുന്നു കേട്ടോ, ഒരു ജൂനിയൂർ ചിത്ര ചേച്ചിയാണ് കേട്ടോ. നീ പിന്നണി ഗാന രംഗത്തു തകർക്കും .

പോ അഭിച്ചേട്ടാ കളിയാക്കാതെ. പുകഴ്ത്തിയത് പെണ്ണിന് ഇഷ്ട്ടപെട്ടു എങ്കിലും അങ്ങനെ അങ്ങു സമ്മതിച്ചു തരാൻ വയ്യല്ലോ. ഞാൻ കർത്തുവിനെ അഭിനന്ദിക്കുന്ന സമയത് കണ്ണൻെ മുഖത്തു ഒരു വെടക്ക് ചിരി വിരിഞ്ഞു. ഇതുനു മുൻപ് ഈ ചിരി എന്നൊക്കെ ഞാൻ കണ്ടിട്ടുണ്ടോ അന്നെല്ലാം അവൻ എനിക്കിട്ട് നല്ല എട്ടിന്റെ പണി തന്നെ തന്നിട്ടുണ്ട്.

നീ എന്താടാ ഇവളെ മാത്രം പുകഴ്ത്തുന്നത് , നിൻ്റെ പൊണ്ടാട്ടിയുടെ ഡാൻസും ഉണ്ടായിരുന്നല്ലോ, അത് നിനക്ക് ഇഷ്ട്ടപെട്ടില്ലേ?
അവന്റെ ചോദ്യത്തിൽ എന്തോ ഒരു പന്തികേട് ഞാൻ മണത്തു അവനെ സംശയ ഭാവത്തിൽ ഒന്ന് നോക്കി.

അല്ല നീ അവളോട് ഒന്നും പറയുന്നത് കണ്ടില്ല അത്കൊണ്ട് ചോദിച്ചതാ.
മ്മ് , ഞാൻ ഒന്ന് മൂളിയിട്ടു കർത്തുവിനെ നോക്കിയിട്ട് കർത്തുവിനെ നോക്കിയപ്പോൾ അവളുടെ മുഖത്തും ഒരു കുസൃതി ചിരി, പുറകിൽ ആരുടെയോ സാന്നിധ്യം അറിഞ്ഞപ്പോൾ ഞാൻ ഒന്നു തിരിഞ്ഞു നോക്കി.
അപ്പൊ ദാ നിൽക്കുന്നു തൊട്ടു പിറകിൽ സാറ . എൻ്റെ നാവിറങ്ങി പോയി. ഞാൻ നിന്ന് പരുങ്ങി, അവൾ വന്നിട്ട് എത്രയും നേരം ആയിട്ടും ഞാൻ ഒരു വാക്കുപോലും അവളോട് സംസാരിച്ചില്ല ഒന്ന് നേരെ ചൊവ്വേ നോക്കിയതുപോലും ഇല്ല. അവളാണെങ്കിൽ എന്നെ ഇടക്ക് ഇടക്ക് നോക്കുന്നതും ഉണ്ട്. എങ്ങനെ എങ്കിലും ഇപ്പൊ ഇവിടെ നിന്നും ഒന്ന് രെക്ഷപെട്ടാ മതി എന്നും പറഞ്ഞു നിന്നപ്പോൾ ആണ് മണിക്കുട്ടി ഓടിവന്നു എന്റെ മേലേക്ക് ചാടിക്കയറിയത്.

+6

0