💖അവളും ഞാനും തമ്മിൽ💖

Avalum Njaanum Thammil | Author : Dathathreyan

ഒരു പരീക്ഷണം ആണ് തെറ്റുകളും കുറ്റങ്ങളും ഉണ്ടെങ്കിൽ സദയം ക്ഷമിക്കുക.

ചാച്ചാ……ഛാ…..
Shop ലേക്ക് പോകാൻ റെഡി ആയിക്കൊണ്ടിരുന്ന ഞാൻ മണിക്കുട്ടിയുടെ വിളി കേട്ട് കട്ടിലിൽ കിടന്ന അവൾക്കരികിലേക്ക്ചെന്നു.
ആഹാ അച്ഛന്റെ മണിക്കുട്ടി എഴുനേറ്റോടീ
ചാച്ചാ ചിച്ചി മുള്ളണം………
വാടി ചക്കരെ …….
ഞാൻ മണിക്കുട്ടിയും എടുത്തു ബാത്റൂമിൽ കൊണ്ടുപോയ ശേഷം ഹോളിലേക്ക് ചെന്നു.

ആഹാ ഇന്നെന്തു പറ്റി അച്ഛമ്മയുടെ ചുന്തരി നേരത്തെ എഴുനേറ്റല്ലോ. എന്നും പറഞ്ഞ് അമ്മ വന്നു എന്റെ കൈയ്യിൽ നിന്നും മണിക്കുട്ടിയെ വാങ്ങി അവളുടെ രണ്ടു കവിളിലും മാറി ഉമ്മ കൊടുത്തു.മണിക്കുട്ടിയും അത് പോലെ തിരികെ അമ്മക്കും ഉമ്മ കൊടുത്തു.

‘നീ ഇറങ്ങുവാണോ അഭി’. അമ്മ

അമ്മ ഗായത്രീ ദേവി, കേളേജ് അദ്ധ്യാപിക ആയിരുന്നു. 4 വർഷം മുൻപ് VRS എടുത്തു ജോലി ഉപേക്ഷിച്ചു എന്റെ മണിക്കുട്ടിയെ നോക്കാൻ വേണ്ടി.

‘ അതേ അമ്മേ’
‘നിക്കടാ കഴിച്ചിട്ട് പോകാം ‘
‘വേണ്ട അമ്മേ ഞാനും കണ്ണനും കൂടി പുറത്തൂന്ന് കഴിച്ചോളാം ‘
മ്മ്… അമ്മ ഒന്നു മൂളി

ഞാൻ ബാഗും കാറിന്റെ താക്കോലും എടുത്ത് പുറത്തേക്ക് നടന്നു. മണിക്കുട്ടിയേം കൊണ്ട് അമ്മയും കൂടെ വന്നു

‘ ഇന്നു നേരത്തേ പോവാണോടാ’

Sitout ൽ പത്രം വായിച്ചു കൊണ്ടിരുന്ന അച്ഛൻ എന്നെ കണ്ട് തിരക്കി. അച്ഛൻ ദേവനാരായണൻ , Retired villege officer ആണ്. ഇപ്പൊ വിശ്രമ ജീവിതം.
അതെ അച്ഛാ ഇന്ന് ഒരു മീറ്റിങ് ഉണ്ട്

മ്മ്.

മണിക്കുട്ടി അച്ഛൻ പോയിട്ട് വരാമേ ഉമ്മ, മണികുട്ടിയുടെ കവിളിൽ ഒരു ഉമ്മയും കൊടുത്തു ഞാൻ ഇറങ്ങി

അഭി…….
അച്ഛൻ പിറകിൽ നിന്നും വിളിച്ചു
എന്താ അച്ഛാ
വൈകിട്ട് നീ കുറച്ചു നേരത്തെ വരണം, തോമസ് വിളിച്ചിരുന്നു. അവർക്ക് കുഞ്ഞിനേയും നിന്നെയും ഒക്കെ ഒന്ന് കാണണം എന്ന്, ഇത്ര അടുത് ഉണ്ടായിട്ടും നീ അങ്ങോട്ട് ഒന്ന് തിരിഞ്ഞു പോലും നോക്കുന്നില്ല എന്ന് പറഞ്ഞു അവനും മേരിയും ഒക്കെ വലിയ വിഷമത്തിലാ.

ശെരി അച്ഛാ, ഞാൻ നേരത്തെ വന്നിട്ട് മണിക്കുട്ടിയേം കൊണ്ട് അങ്ങോട്ട് പൊക്കോളാം അച്ഛാ.
ശെരി എന്നാ മോൻ പോയിട്ട് വാ.
മ്മ്,
അതും പറഞ്ഞു ഞാൻ വണ്ടിയിലേക്ക് കയറി ഷോപ്പിലേക്ക് പുറപ്പെട്ടു.
Construction equipments ഉം materials ഉം manufacturing rowmeterials ഉം ഒക്കെ whole sale ആയും retail ആയും സെയിൽ നടത്തുന്ന ഒരു വലിയ ഷോപ് ആണ് എന്റേത്. ഞാനും എന്റെ ഉറ്റ സുഹൃത് കണ്ണൻ എന്നു വിളിക്കുന്ന കാർത്തിക് ഉം ചേർന്ന് ആണ് ഷോപ് നടത്തുന്നത്. കോളേജിൽ നിന്നും ഇറങ്ങി വേറെ ജോലിക്ക് ഒന്നും പോകാതെ സ്വന്തം ആയി എന്തെങ്കിലും തുടങ്ങണം എന്നായിരുന്നു എന്റെ ആഗ്രഹം, വീട്ടുകാരും കൂട്ടുകാരും ഒക്കെ കൂടെ ഉണ്ടായിരുന്നത് കൊണ്ട് അത് സാധിക്കുകയും ചെയ്‌തു. ആദ്യം ചെറിയ രീതിയിൽ ആണ് തുടങ്ങിയതെങ്കിലും വളരെ പെട്ടെന്ന് തന്നെ business പച്ചപിടിച്ചു. കൂടാതെ എനിക്ക് ബിസിനെസ്സിൽ ഉള്ള താൽപ്പര്യവും കണ്ണന്റെ കുറെ ബന്ധങ്ങളും വെച്ച് വലിയ വലിയ ഓർഡർകൾ ഒക്കെ പിടിക്കാനും എല്ലാം തന്നെ ക്വാളിറ്റി സാധനങ്ങൾ എത്തിച്ചു കൊടുക്കാൻ കഴിയുകയും ചെയ്തതോടെ ഞങ്ങളുടെ സ്ഥാപനം വളർന്നു തുടങ്ങി. ഇപ്പൊ നല്ല നിലയിൽ തന്നെ എത്തി എന്ന് പറയാം. വീട്ടിൽ നിന്നും അര മണിക്കൂർ drive ഉണ്ട് ഷോപ്പിലേക്ക്. രാവിലെ വലിയ ട്രാഫിക് ഒന്നും ഇല്ലാത്തതു കൊണ്ട് കൃത്യ സമയത്തു തന്നെ എത്തി. ഞാൻ ചെന്നപ്പോൾ കണ്ണൻ പുറത്തു നിന്ന് ആരോടോ ഫോണിൽ സംസാരിക്കുന്നു. അവന്റെ നിൽപ്പും മുഖഭാവവും ഒക്കെ കണ്ടപ്പോഴേ മനസിലായി രാവിലെ സൊള്ളൽ ആണെന്ന്, ഒരു പണി കൊടുക്കാം എന്ന് വിചാരിച്ചു കാർ ഞാൻ സ്പീഡിൽ കൊണ്ട് പോയി അവന്റെ തൊട്ടുപുറകിൽ എത്തി ഇടിച്ചു ഇടിച്ചില്ല എന്നും പറഞ്ഞു ചവിട്ടി നിർത്തി നീട്ടി ഒരു ഹോൺ അടിച്ചു. പാവം നിന്നിടത്തു നിന്ന് ചാടി അവിടെ ഇരുന്ന ചെടിച്ചട്ടിയും തട്ടി മറിച്ചിട്ട് താഴെ വീണു.