സഞ്ജു അവളെ അംഗീകരിക്കുന്ന മട്ടിൽ പറഞ്ഞു…
“നമ്മുടെ സാധനങ്ങൾ മാത്രം മതി… അവളുടേതൊക്കെ പുറത്തിട്ടിട്ടു, അമ്മാവനെ വിളിച്ചു പറഞ്ഞാൽ മതി…”
അഞ്ജു കർശനസ്വരത്തിലാണത് പറഞ്ഞത്…
സഞ്ജു തലയാട്ടി…
സവാളയരിഞ്ഞ ശേഷം കൈ കഴുകി തുടച്ചുകൊണ്ട് അഞ്ജു അവനരികിലേക്ക് വന്നു…
“അല്ലെങ്കിൽ ആർക്കെങ്കിലും വിറ്റൊഴിവാക്കുവാൻ പറ്റ്വോന്ന് നോക്ക് ചഞ്ചൂ……. “
ഇത്തവണ അവളുടെ സ്വരം സൗമ്യമായിരുന്നു…
അവനതിനും തലയാട്ടി….
🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️
വീട് ഏൽപ്പിച്ചു തന്ന ബ്രോക്കറെ തന്നെ സഞ്ജു ചെന്ന് കണ്ടിരുന്നു…
“ അലമാരയും മറ്റു സാധനങ്ങളും എങ്ങനെയെങ്കിലും വിറ്റു തരാം സാറേ… പാത്രങ്ങളൊക്കെ ആരെടുക്കാനാ…….?”
ബ്രോക്കർ അറിയിച്ചു…
സഞ്ജു മിണ്ടാതെ നിന്നു…
“അല്ലെങ്കിൽ പിന്നെ വല്ല ബംഗാളികളുടെയും മുറി കേറിയിറങ്ങണം.. അത് ചടങ്ങാ..”
ബ്രോക്കർ തല ചൊറിഞ്ഞു…
“ അവരൊക്കെ പത്തും പതിനഞ്ചും പേര് കാണും… അവർക്കിത്ര ചെറിയ ചട്ടീംപാത്രവും ഒന്നും പോരാ…”
സഞ്ജുവിനെ ഒന്നു നോക്കിയ ശേഷം അയാൾ ഒന്നുകൂടി തല ചൊറിഞ്ഞു…
“സാറൊരു ന്യായവില പറ… ഞാനതങ്ങ് എടുത്തോളാം… ചുമ്മാ ആർക്കെങ്കിലും കൊടുക്കുന്നതിനേക്കാളും നല്ലതല്ലേ… വണ്ടിക്കൂലിയും ലാഭം…….”
സഞ്ജു അഞ്ജുവിനെ വിളിച്ച് ചോദിച്ചപ്പോൾ രണ്ടാമതൊന്ന് ആലോചിക്കാതെ കൊടുത്തേക്കാൻ മറുപടി പറഞ്ഞു…
അങ്ങനെ ആ കാര്യത്തിലും തീരുമാനമായി…
ഗ്യാസും അടുപ്പും ഒരു ഇലക്ട്രിക് ഓവനും കുറച്ചു തുണികളും മാത്രമേ പിന്നെ ബാക്കി വന്നിരുന്നുള്ളൂ..
കുറ്റിയും അടുപ്പും അഞ്ജുവിന്റെ നിർദ്ദേശപ്രകാരം പിന്നിലെ ചെറിയ ഷെഡ്ഡിലേക്കു മാറ്റി…
തുണികളൊക്കെ കൂടി അവൾ പറമ്പിന്റെ അതിരിലിട്ടു കത്തിച്ചു കളയുന്നത് സഞ്ജു കണ്ടു…
“അങ്ങനെ വാടക ലാഭം…….”
സിറ്റൗട്ടിലെ പടിയിൽ അവനരികിൽ വന്നിരുന്നു കൊണ്ട് അവൾ ആത്മഗതം പോലെ പറഞ്ഞു…
“അമ്മ വല്ലതും ചോദിച്ചോ….?”
സഞ്ജു ആരാഞ്ഞു…
“ദേവി ചേച്ചിക്ക് ഞാനൊരു സൂചന
കൊടുത്തിട്ടുണ്ട്. അമ്മയോട് അവളുടെ കാര്യം മിണ്ടിയേക്കരുതെന്ന് തമാശയായിട്ടും കാര്യമായിട്ടും പറഞ്ഞു…”
അഞ്ജു ചിരിച്ചു…
എത്ര ലാഘവത്തോടെയാണ് അവൾ ഓരോ വിഷയവും കൈകാര്യം ചെയുന്നതെന്ന് സഞ്ജു ഓർത്തു…
പണ്ട് ഒരു നിസ്സാര കാര്യം കൂട്ടിച്ചോദിച്ച് വഷളാക്കിയ അനുപമ എവിടെ കിടക്കുന്നു… ?
അഞ്ജു എവിടെ നിൽക്കുന്നു… ?
ഒരാളുമായുള്ള അനുപമയുടെ അഫയർ അറിഞ്ഞതു കൊണ്ട് ബന്ധം ഒഴിവാക്കാൻ തീരുമാനിച്ചു എന്നാണ് സഞ്ജു അഞ്ജുവിനോട് പറഞ്ഞിരുന്നത്…
അതിനു പിന്നിലെ മറ്റു കാരണങ്ങളൊന്നും അവൻ അവളെ അറിയിച്ചിരുന്നില്ല…
അല്ലെങ്കിലും ഒരു സഹോദരിയോട് പറയാൻ പറ്റുന്ന കാര്യമായിരുന്നില്ലല്ലോ അത്…
അന്ന് വൈകുന്നേരം മുതൽ അഞ്ജുവിന് ജലദോഷം തുടങ്ങി…
കുളി കഴിഞ്ഞ് അവൾ തുടർച്ചയായ തുമ്മലോടെ മുറിയിലേക്കു പോകുന്നത് സഞ്ജു കണ്ടു…
അമ്മയുടെ മുറിയിലാണ് പലവിധത്തിലുള്ള നാട്ടുമരുന്നുകളും ലൊട്ടുലൊടുക്കു മരുന്നുകളും…
അതിൽ നിന്ന് രാസ്നാദിയും യൂക്കാലിത്തെലവുമായി സഞ്ജു അവളുടെ മുറിയിലേക്കു ചെന്നു…
അഞ്ജു വസ്ത്രം മാറുകയായിരുന്നു…
അടിപ്പാവാട ധരിക്കുവാനുള്ള മടികൊണ്ട് , ചുരിദാർ പാന്റും അതിനു മുകളിൽ ഇറക്കം കുറച്ചടുപ്പിച്ച നൈറ്റിയുമായിരുന്നു സാധാരണ അവളുടെ വീട്ടിലെ വേഷം…
അവൾ നൈറ്റി തല വഴി ധരിക്കുകയായിരുന്നു…
നൈറ്റി ധരിച്ച ശേഷം അവൾ മുടിയെടുത്ത് മുന്നിലേക്കിട്ടു…
“എന്നതാ കയ്യിൽ…….?”
“ നീ വെറുതെ തുമ്മുകയല്ലേ… ഇതു തേച്ചിട്ടു തുമ്മി നോക്ക്…….”
സഞ്ജു ബലമായി അവളുടെ മൂർദ്ധാവിൽ രാസ്നാദി പുരട്ടി തിരുമ്മി…
“ ന്റെ തല വേദനിക്കുന്നുണ്ട്ട്ടോ…….”
“അതൊക്കെ ഇപ്പോൾ മാറില്ലേ പൊന്നാവേ…….”
ശേഷം അവൻ യൂക്കാലിയുടെ ചെറിയ കുപ്പിയെടുത്ത് അവളുടെ മൂക്കിനോടടുപ്പിച്ചു…
“നന്നായിട്ട് വലിക്ക്….”
രണ്ടു മൂക്കിലും അവളെക്കൊണ്ട് വലിപ്പിച്ച ശേഷം സഞ്ജു ടവ്വൽ എടുത്ത് അവളുടെ മുടിയിൽ പൊതിഞ്ഞു…
“മഴ കൊണ്ടിട്ടായിരിക്കും….”
“ അതിന് മഴ കൊണ്ടിട്ട് രണ്ടു ദിവസമായില്ലേ…….”