ഒരു പെണ്ണിന് വീട്ടിൽ ഇത്രമാത്രം പണിയുണ്ടാകുമെന്ന് അവൻ സ്വപ്നേപി ചിന്തിച്ചിരുന്നതല്ല…
അഞ്ജുവിന് പൂർണ്ണ വിശ്രമമായിരുന്നു…
നാലു കൂട്ടം കറികളൊക്കെ ഒന്നോ രണ്ടോ ആയി ചുരുങ്ങി…
ചോറാണെങ്കിൽ ഒന്നുകിൽ വെന്തു കുഴയും.., അല്ലെങ്കിൽ വേവില്ല.
അതിനിടയിലുള്ള വേവ് എന്താണെന്ന് സ്റ്റൗവിനു
ചുവട്ടിൽ നിന്നു നോക്കി മനസ്സിലാക്കാൻ ശ്രമിച്ചെങ്കിലും അപ്രാപ്യമായിരുന്നു…
തുണികളലക്കാൻ ദേവി ചേച്ചിയെ ഏല്പിച്ച് അടുക്കളക്കാര്യം ഏറ്റെടുത്തതായിരുന്നു സഞ്ജു..
ഒരു വേള തുണിയലക്കിയാൽ മതിയായിരുന്നുവെന്ന് അവൻ ചിന്തിച്ചു…
സ്റ്റൗ ഓഫാക്കി അടുക്കളയിൽ നിന്ന് ഹാളിലേക്ക് സഞ്ജു വരുമ്പോൾ ടി.വിയിൽ പഞ്ചാബി ഹൗസ് സിനിമയിലെ രംഗമായിരുന്നു…
രമണന്റെ തുണിയലക്ക്………!
അതു കണ്ടതും അവനറിയാതെ ചിരി പൊട്ടി…
അതേ സമയം തന്നെയായിരുന്നു മുറിയിൽ നിന്ന് അഞ്ജുവിന്റെ വിളിയും…
“ചഞ്ചൂ……..”
അവൻ മുറിയിലേക്ക് കയറിച്ചെന്നു…
അവൾ കട്ടിലിൽ എഴുന്നേറ്റിരിക്കുകയായിരുന്നു…
“നല്ല സ്മെൽ…….”
അഞ്ജു മൂക്കു ചുളിച്ചു കൊണ്ട് തുടർന്നു…
“ ഷീറ്റും കവറുമൊക്കെയൊന്നു മാറ്റണം… എനിക്കൊന്നു കുളിക്കുകയും വേണം……”
വന്നതിൽ പിന്നെ അവൾ വസ്ത്രം മാറുക മാത്രമേ ചെയ്തിരുന്നുള്ളൂ…
“ നാറ്റം കുറച്ചു ദിവസമായിട്ടുണ്ട്… നിന്റെ മൂക്ക് ഇന്നാ തുറന്നത് , അതുകൊണ്ടറിഞ്ഞു……”
സഞ്ജു ചിരിച്ചു…
“ അത്രയ്ക്ക് ബാഡ് സ്മെൽ ആണോ ചഞ്ചൂ എന്റെ…?”
ചോദ്യത്തോടൊപ്പം അവൾ കഴുത്തു ചെരിച്ച് തന്റെ കക്ഷവും ചുമലും മണപ്പിച്ചു നോക്കി…
“ ബ്ളാ……..”
അവൾ ഓക്കാനമിട്ടു…
“ എന്തൊരു നാറ്റം…. “
“എന്നാൽ കുളിക്കാൻ നോക്ക് പെണ്ണേ… “
“ പച്ചവെള്ളത്തിലോ…….?”
അഞ്ജു അതിശയം ഭാവിച്ചു…
“എനിക്കു ചൂടുവെള്ളം മതി…….”
അവൾ മുഖം താഴ്ത്തി, പതിയെ പറഞ്ഞു…
പത്മാവതി പോലും പച്ചവെള്ളത്തിൽ കുളിക്കുന്നതിനാൽ ബാത്റൂമിൽ ഒന്നും ഹീറ്റർ സൗകര്യമില്ലായിരുന്നു…
സഞ്ജു അവളുടെ അടുത്തേക്ക് ചെന്ന് ചെവിയിൽ പിടിച്ച് കളിയായി ഞെരടി…
“ മുതലെടുക്കുവാണല്ലേ സജീ…….”
“അതൊന്നുമല്ല… പച്ചവെള്ളത്തിൽ കുളിച്ച് മേലു വേദന കൂടണ്ടാന്നു കരുതിയാ……”
അവൾ ചുണ്ടുകൾ കൂർപ്പിച്ചു പരിഭവം പോലെ പറഞ്ഞു…
സഞ്ജു പിന്നെ തർക്കിക്കാൻ നിന്നില്ല…
പത്തു മിനിറ്റിനുള്ളിൽ, വലിയ ചരുവത്തിൽ ചൂടു വെള്ളവുമായി അവൻ വന്നു…
അഞ്ജു, നീളമുള്ള ടർക്കി , മാറിനു കുറുകെ കെട്ടി, മുടി ഉച്ചിയിൽ കെട്ടിവെച്ച് കുളിക്കുവാൻ തയ്യാറായി നിൽക്കുകയായിരുന്നു…
“ എന്നെ പുഴുങ്ങാനാണോ……..?”
ചരുവത്തിൽ നിന്ന് ആവി ഉയരുന്നതു കണ്ട് അവൾ ചോദിച്ചു…
“പനി പിടിച്ചത്, ഒരു കാരണമാക്കി നീയെന്നെ മിസ് യൂസ് ചെയ്യുന്നുണ്ടോ എന്നൊരു സംശയം… …. അതിന്റെ കേടങ്ങു തീർത്തേക്കാം…”
അവൻ ചരുവമെടുത്ത്
ബാത്റൂമിലേക്ക് വച്ചു…
അങ്ങനെ പറഞ്ഞെങ്കിലും, സഞ്ജു വെള്ളത്തിൽ തൊട്ടു നോക്കിയ ശേഷം പച്ചവെള്ളമൊഴിച്ച് ചൂട് നേർപ്പിച്ചു…
അഞ്ജു ബാത്റൂമിലേക്കു കയറി..
“ പോകണ്ട. എന്റെ പുറമൊന്ന് തേക്കണം… അഞ്ചാറു ദിവസം കൂടിയുള്ള കുളിയാ…… “
അവൾ ബാത്റൂമിൽ നിന്ന് വിളിച്ചു പറഞ്ഞു……
“തന്നെയങ്ങുരച്ചോണ്ടാൽ മതി…….”
അവൻ പുറത്തു നിന്ന് പറഞ്ഞു…
“പ്ലീസ് ചഞ്ചൂ…………..”
സംസാരത്തിനിടയിലും അകത്തു വെള്ളം വീഴുന്ന ശബ്ദം കേട്ടു…
“പ്ലീസെന്ന്…….”
“ഇല്ലെന്ന്…………..”
അവളോട് ഇഷ്ടക്കുറവില്ലെങ്കിലും , സഹോദരിയാണെങ്കിലും, മറ്റൊന്നും തോന്നില്ലെങ്കിലും എന്തോ ഒരു ജാള്യത അവനെ പിന്നോട്ടു പിടിച്ചു വലിക്കുന്നുണ്ടായിരുന്നു…
അവൾക്കത് പ്രശ്നമല്ല…
അവളങ്ങനെയാണ്…
അങ്ങനെയായിരുന്നു…
വയസ്സറിയിച്ച ശേഷം, തന്റെ കൂടെ കിടക്കാതിരിക്കാൻ അവസാനം അമ്മ കട്ടിലിനു ചുറ്റും അവളെയിട്ടോടിച്ചത് അവന് ഓർമ്മ വന്നു… ….
“ചഞ്ചുവേ…………..”
വീണ്ടും വിളി… ….
അവൻ മിണ്ടാതെ നിന്നു…
“ നാളെ മുതൽ നീ ചോറും കറിയും തന്നെ വെച്ചോ… നീ തന്നെ തുണിയും അലക്കിക്കോ…….”
അകത്തു നിന്ന് പിറുപിറുക്കൽ കേട്ടതും അവനു ചിരി വന്നു…
നീ എന്ന സംബോധന വന്നാൽ ശ്രദ്ധിക്കണം…